ငစနေရဲ့ အပေအတေမှတ်တမ်းများ

၁၀ နှစ်ဆိုတဲ့အချိန်ဟာ ဘာမှမကြာလိုက်သလိုပါပဲ။ ကျွန်တော်သူ့ကို ပထမဆုံး စတွေ့ပြီး ချစ်ခွင့်ပန်ခဲ့တာ လွန်ခဲ့တဲ့ ၁၀ နှစ် ၁၉၉၈ မေ ၂၁ ရက်၊ အခုဆို ၁၀ နှစ်တောင် ပြည့်ခဲ့ပါပြီ။ တစ်ကယ်တမ်း သူ့ဆီက ကျွန်တော့်ကို ချစ်ပါတယ်လို့ အဖြေရခဲ့တာ ၃ နှစ်ကျော်ပဲ ရှိသေးပေမယ့် သူများတွေက ချစ်သူသက်တမ်း ဘယ်လောက်ရှိပြီလဲလို့ သူ့ကိုမေးရင် သူက ပထမဆုံး ချစ်ခွင့်ပန်ခဲ့တဲ့ အဲဒီနေ့ကနေပဲ စလို့ ရေတွက်တတ်တယ်။ ၁၀ နှစ်တာကာလတစ်လျှောက် ကျွန်တော့်ဘေးနားမှာ သူငယ်ချင်းကောင်းတစ်ယောက် အနေနဲ့ရော ချစ်သူတစ်ယောက် အနေနဲ့ပါ အားဖြည့်ပေးခဲ့တဲ့ သူ့ကို ကျေးဇူးတင်တယ်ဆိုတဲ့အကြောင်းလေး ကျွန်တော် လာပြောတာပါ။ နောင်အနာဂတ်များမှာလဲ သူငယ်ချင်းအနေနဲ့ရော ချစ်သူအနေနဲ့ရော၊ ချစ်ဇနီးမယားတစ်ယောက်အနေနဲ့ပါ ဆက်လက် အားဖြည့်ပေးနိုင်ပါစေချစ်သူရေ။