ငစနေရဲ့ အပေအတေမှတ်တမ်းများ

ဖျက်မရသောအတိတ် ၈ - မိုးထဲကနှင်း

2011-06-17T14:48:00.001+08:00

လွန်ခဲ့တဲ့ ၁၀ နှစ် ဒီအချိန် ဒီလိုသောကြာနေ့မျိုး ... ကျွန်တော် ကျောင်းရောက်တော့ စည်သူနှင့်အတူ လူစိမ်းတစ်ယောက်ကိုတွေ့သည်။ ဖိုးစနေတို့လို နောက်ဆုံးနှစ်ကျောင်းသားတွေအဖို့ တစ်ချက်ကြည့်ပြီး ကိုယ့်ကျောင်းကဟုတ်မဟုတ် ခွဲခြားရသည်မှ သိပ် ခက်လှသည်တော့မဟုတ်။ စည်သူက မိတ်ဆက်ပေးသည်။ သူ့သူငယ်ချင်း .. ကျောင်းကို အလည်ခေါ်လာတာဟုပြောသည်။ ဒီကောင့်ကို စမြင်တာနဲ့ ကြည့်လို့မရ၊ ခုလဲ မိတ်ဆက်ပေးတာနှင့် အာကျယ်အာကျယ် တန်းလုပ်သည်။

... အေးဗျာ ... ခင်ဗျားတို့ကျောင်းက စော်တစ်ပွေ နာမည်ကြီးတယ်ဆိုလို့ လာကြည့်တာ၊ ကျွန်တော်လိုက်သမျှ ကျွန်တော့်ကို ပြန်မကြိုက်တဲ့စော် မရှိသေးဘူး ... ခင်ဗျားရော အဲဒီကျောင်းသူကို သိလား ... မော်ဒယ်တွေဘာတွေလုပ်တယ်လေ ...

တော်တော်လေး နှာကစ်သွားသည်။ ... မသိပါဘူးဗျာ .. အားအားယားယား ... ။ မျက်နှာပြောင် ငကြောင်ကောင်ရှေ့မှာ ဆက်မနေချင်တာနဲ့ ထွက်လာခဲ့သည်။

ပထမအချိန်ပြီးပြီ။ ဒုတိယအချိန်ကို အတန်းလစ်ပြီးကန်တင်းအသွား ကျောင်းခန်းတစ်ခုရှေ့မှာ ပိုက်ဆံအိတ်လေးတစ်လုံးကျနေသည်။ မိန်းကလေးတွေ ကိုင်လေ့ရှိသော ပိုက်ဆံအိတ်မျိုးဖြစ်သဖြင့် ဖွင့်ပြီး ကျောင်းသားကတ်ကို ရှာကြည့်လိုက်သည်။ မကေခိုင်နှင်း၊ ဒုတိယနှစ် ...... သြော် နှင်းရဲ့ပိုက်ဆံအိတ်ပဲ၊ ဒီကောင်မလေး နမော်နမဲ့။ အတန်းထဲကို လှမ်းကြည့်လိုက်တော့ နှင်းမရှိ။ ပိုက်ဆံအိတ်လေးကို ဘောင်းဘီအိတ်ထဲအသာထည့်ပြီး ကန်တင်းသို့ဆင်းလာခဲ့သည်။ ကန်တင်းရောက်တော့ နှင်းတို့ သူငယ်ချင်းတသိုက် နှင့် စောစောက ငကြောင်၊ နှင်းဘေးမှာ အတင်းကပ်ထိုင်ပြီး မျက်နှာပြောင်တိုက်နေသည်။

ကန်တင်းထဲဝင်ပြီး နှင်းနောက်နားမှာ သွားရပ်လိုက်သည်။

... နှင်းလေး ... အတန်းလစ်နေတယ်ပေါ့လေ။ ...

... ဟယ် .. ကိုကို ... သူကျတော့ အတန်းမလစ်တာကျနေတာပဲ။ လာလာ ဒီမှာထိုင် ...

ချက်ချင်း နှင်းက ကျွန်တော့်လက်ကိုဆွဲပြီး သူနှင့် ဟိုငနာကောင်ကြားတွင် ဝင်ထိုင်ခိုင်းသည်။ နှင်းက ကျွန်တော့်သူငယ်ချင်းရဲ့ ညီမဝမ်းကွဲ၊ ၂ နှစ်ငယ်သည်။ ကျောင်းရောက်မှ သိကျွမ်းပြီး သိပ်မခင်ပါ။ နှုတ်ဆက်စကားလောက်ကလွဲလို့ ဘာမှသိပ်မပြောဖြစ်။ ဒါပေမယ့် စတွေ့ကတည်းက နှင်းက ကျွန်တော့်ကို သူ့အစ်ကိုကို ခေါ်သည့်အတိုင်း ကိုကို ဟုသာခေါ်သည်။ ကျွန်တော်ကလဲ သူ့ကို သူ့အစ်ကိုခေါ်သလို နှင်းလေး ဟုသာခေါ်ဖြစ်သည်။ ဒီလောက်မရင်းနှီးပေမယ့် လက်ဆွဲပြီး ဝင်ထိုင်ခိုင်းလိုက်ကတည်းက ကျွန်တော် အထာပေါက်သွားပြီ။ ဟိုကောင့်ကို ကစ်ပေတော့ ...

... နှင်းလေး ... ကိုကို နှင်းလေးကို လက်ဆောင်ပေးစရာရှိတယ်။ ကိုကို့ကို မုန့်ဝယ်ကျွေးမလား ...
... ဟယ်!!! တစ်ကယ်??? ဝယ်ကျွေးမှာပေါ့ .. ကိုကိုစားချင်တာပြော နှင်းဝယ်ကျွေးမယ်။ ... နှင်းမွေးနေ့လဲ မရောက်သေးပဲနဲ့ ဘာလက်ဆောင် ပေးမလို့လဲ ...
... မျက်စိမှိတ် လက်ဖြန့် ... ဖြန့်ထားသော နှင်းလက်လေးကို ဆွဲယူပြီး နှင်းပိုက်ဆံအိတ်လေးကို ထည့်ပေးလိုက်သည်။ ... ဖွင့်တော့ ရပြီ။ ...

... ဟယ်!! ပိုက်ဆံအိတ်လေး၊ နှင်းမှာလဲ ဒါမျိုးအိတ်လေးရှိတယ်၊ တပုံစံတည်းပဲ ...
... သေချာလဲ ဖွင့်ကြည့်ပါဦး ... နှင်း ပိုက်ဆံအိတ်လေးကို ဖွင့်ကြည့်သည်။ အထဲမှာ ကျောင်းသားကတ်၊ ပိုက်ဆံနှင့် နှင်းဓါတ်ပုံတွေ။
... အယ် ... ဒါနှင်းအိတ်ပဲ။ ကိုကို့ဆီ ဘယ်လိုရောက်နေတာလဲ ...
... အတန်းပေါက်ဝမှာ ကျနေတာတွေ့လို့ ကောက်လာတာ ...
... နှင်းပိုက်ဆံအိတ်မှန်း ကိုကိုက သိလို့လား ...
... အင်းပေါ့ သိလို့ကောက်လာတာပေါ့ ...
... thanks ကိုကို ...

ဝုန်း ... ဘေးကငကြောင် ရုတ်တရက် ထရပ်လိုက်သည်။ ... နှင်း .. ကိုယ်ပြန်တော့မယ်။ ...

... သြော် ကိုကျော်စွာ။ ပြန်တော့မလို့လား။ စောစောကပြောတော့ ကျောင်းဆင်းတဲ့ထိ နေမယ်ဆိုလားလို့ ...
... ဟုတ်တယ်နှင်း ... အစကတော့ ကျောင်းဆင်းတဲ့ထိနေပြီး အိမ်ထိ လိုက်ပို့မလို့ပဲ။ ခုတော့ မလိုအပ်တော့မှန်းသိသွားပြီ၊ ပြန်လိုက်ပါဦးမယ် ...
... ကောင်းပါပြီတဲ့ရှင် ... နောက်လဲ အားရင် လာလည်နော် ... ဟိဟိ ...
ဆောင့်ကြီးအောင့်ကြီးလှည့်ထွက်သွားသော ငကြောင်ကောင်ကိုကြည့်ရင်း ကျွန်တော်တို့တွေ ရီမိသည်။ နှင်းက ကျွန်တော့်လက်ကိုတော့ ပြန်မလွှတ်။ cut လို့အော်ပေးမည့် ဒါရိုက်တာဘယ်နားရောက်နေမှန်းမသိ။

နောက်တစ်ပတ်ကစပြီး ကျွန်တော် ကျောင်းမတက်တော့။ အတန်းတင်စာမေးပွဲနီးပြီမို့ private study ယူလိုက်သည်။ နှင်းနဲ့လဲ မတွေ့ဖြစ်တော့။

အဲဒီလိုနှင့် တစ်နှစ်ခန့်ကြာသွားသည်။ ဇွန်လ၏ မိုးတွေသည်းနေသော ရက်တရက်၊ ကောင်မလေးတစ်ယောက် ကျွန်တော့်ရှေ့မှာ လျှောက်လာသည်။ မိုးသည်းတွေထဲမှာ ထီးလဲမပါ၊ မိုးရေတွေ တစ်ကိုယ်လုံးရွှဲလို့။ နှင်း ... ကျွန်တော် သူ့ကို ထီးမိုးပေးလိုက်သည်။
... ကိုကို ... ကိုယ့်ဟာကိုယ်ပဲဆောင်းတော့။ နှင်းက စိုပြီးသား ကိုကို့ကိုပါ စိုကုန်မယ်။ ..
...မတွေ့တာကြာပြီနှင်း ... ဘာတွေလုပ်နေလဲ။ ...
... ဒီလိုပါပဲကိုကိုရယ်။ အိမ်နဲ့ သိပ်အဆင်မပြေလို့ ခု ဒီလမ်းထဲမှာ နှင်းတစ်ယောက်တည်း ငှားနေတယ်။ နောက် အားရင် လာလည်ပေါ့ ...
ပြောပြီး နှင်း လမ်းထဲကို ပြေးဝင်သွားသည်။ ကျွန်တော် လိုက်မဝင်သွားမိ။
နောက် သုံးလခန့်အကြာ နှင်းအစ်ကို ကျွန်တော့်သူငယ်ချင်းနှင့် ပြန်တွေ့ဖြစ်သည်။ စကားစပ်မိပြီး နှင်းနဲ့တွေ့ကြောင်း အိမ်မှာမနေဘူးလို့ပြောတယ်။ မင်းညီမ ဘာတွေဖြစ်နေတာလဲလို့ မေးမိသည်။

... နှင်းဆုံးသွားပြီကွ။ ပုဇွန်တောင် Trade Center ဗုံးပေါက်တုန်းက သူက အဲဒီရှေ့တည့်တည့် stage ပေါ်မှာ catwalk လျှောက်နေတာ။ ဗုံးပေါက်တဲ့နေရာနဲ့ သူနဲ့အနီးဆုံးပဲ။ ... ညီမလေးကို အစအနတောင် ပြန်မရလိုက်ဘူးကွာ ...

ပုဇွန်တောင် Trade Center ဗုံးပေါက်တာ မေလဖြစ်ပါသည်။ ကျွန်တော်နှင်းနဲ့ မိုးရေထဲမှာဆုံမိတာက ဇွန်လဖြစ်သည်။ အဲဒီအကြောင်း ကျွန်တော် သူ့ကို မပြောဖြစ်ပါ။

ဒီလိုနဲ့ နှစ်တွေကြာခဲ့သည်။ ဒီနေ့ ဘာမှ မတိုက်ဆိုင်ပါပဲ သတိရမိသည်။

testing from Android

2010-06-23T14:25:00.001+08:00

I'm testing blog from android application

Published with Blogger-droid v1.3.6

အိပ်မက်ဆိုး

2010-05-31T22:43:00.003+08:00

အိပ်မက်ဆိုးတွေမက်တယ်။ ... Zombie တွေကြားထဲ အသက်လုပြီးပြေးရတယ်။ နောက်ဆုံး လွတ်လမ်းမမြင် ... မိုးပျံတိုက်ခေါင်မိုးပေါ်မှာ ငါပိတ်မိသွားခဲ့တယ်။ ... အရှင်လတ်လတ်တော့ အစားမခံဘူး ... ငါ့ဘဝငါစီရင်မယ်... လက်နှစ်ဘက်ကိုဆန့်တန်း ပြုံးပြုံးလေးနောက်လှန်ချလိုက်တယ်။ ငါဟာလေထဲမှာပျံသန်းလို့။

တစ်ထပ်ပြီးတစ်ထပ်၊ ဆံနွယ်စတွေ လေမှာပျံဝဲ မြန်မြန်အောက်ရောက်မှာလဲ ကြောက်ရသေးတယ်။ အသည်းက အေးကနဲ နှလုံးက နွေးကနဲ ငါကြောက်နေတုန်း ... ဗြုန်းဆို အဲဒီဆာလောင်မွတ်သိပ်မှုသားကောင်တွေ ငါ့နောက်ကို လိုက်ခုန်ချလာကြတယ်။ အာ ... ဒီကောင်တွေ ... လေထဲမှာမိရင် လေထဲမှာစားပစ်မှာ။ အကြောက်အလန့်မရှိ ခံစားမှုမရှိ ... နာကျင်မှုကိုမသိ၊ အဲဒီလောက်တောင် ဆာလောင်နေသတဲ့လား။ တဖြည်းဖြည်းနီးလာတယ် သူတို့က ပိုမြန်တယ်။ ငါ ... အောက်ကိုရောက်မှာလဲကြောက်၊ အပေါ်ကကောင်တွေကိုလဲကြောက် ... နှလုံးသားဟာ ကြောက်လန့်မှုနဲ့ ဖြစ်ညှစ်ခံထားရတယ်။

ရောက်တော့မယ်၊ အောက်ကိုရောက်တော့မယ် .... ပျော်တာလား။ ကြောက်တာလား။ ရောက်ချင်တာလား၊ မရောက်ချင်တာလား။

၁၀ . ၉ . ၈ . ၇ . ၆ . ၅ .. အထပ်တွေ ငါရေတွက်နေတယ်။

၂ . ၁ . ... ဟာ .....

ဟာကနဲဖြစ်သွားတယ် ... တုံ့ကနဲ ... ဆိုင်းကြိုးတစ်ချောင်းနဲ့ဆွဲထားသလိုလို ... အောက်ကိုဆက်မကျ ... လေထဲမှာ တန်းလန်း ... ဟိုကောင်တွေကြည့်တော့လဲ ငါ့လိုပဲ ရောက်ရာနေရာမှာ ရပ်နေကြတယ်။ ... ငါအော်ရယ်ပစ်လိုက်တယ်။

မပြီးသေးသော ပန်းချီကားတစ်ချပ်

2009-12-18T14:18:00.002+08:00

ဖျက်မရသောအတိတ် ၈ - ကျွန်တော်နှင့် မကြည်ပြာ

2009-10-26T11:13:00.000+08:00

ကိုရဲဆုံးပြီလို့ အောင်ဘာလေက လာပြောသည်။ သိပ်တော့ မယုံချင်သေး။ သူက သတင်းအခိုင်အမာရလို့ပြောတာပါ လို့ ဆိုလာသည်။ ရင်တထိတ်ထိတ်နှင့် ဆက်စောင့်ရသည်။ သိပ်မကြာခင် နောက်တစ်ယောက်က link တစ်ခုလှမ်းပေးသည်။ အစ်မ မနော်ဟရီရဲ့ blog။ သတင်းသေချာသွားပြီပေါ့။

စိတ်မကောင်းခြင်းကြီးစွာနဲ့ပဲ လက်ခံလိုက်ရသည်။ ကိုရဲစာတွေ နောက်ထပ်ဖတ်ရဖို့မရှိတော့။ အစ်မမနော်ဟရီက သူ့ကိုဆူတော့ သူက ဟိုမှာသားကြီးရှိတယ်။ ရွှေဘုန်းရှိတယ် ကိုအောင်မင်းသိမ်းရှိတယ် ပျော်စရာကြီးလို့ ပြန်ပြောဖူးသည်။ ခုတော့လဲ သူတို့တွေနဲ့ပျော်ပျော်ရွှင်ရွှင် မကြည်ပြာဇာတ်လမ်းတွေများ ဆက်ရိုက်နေလေမလား။ (အတည်ပြောရင်းနဲ့ ကြောင်နှစ်ကောင်ကိုမျိုးနဲ့ ဒါရိုက်တာကိုမျိုး (မောင်မျိုးမင်း) တို့ပါအတူတူရှိရင် သူပိုပျော်မယ် လို့တွေးမိသည်။ ဆရာတွေတော့ ကြားရင် ဆဲနေတော့မှာပဲ)

အပေအတေမှတ်တမ်းများကို ဆက်မရေးဖြစ်ခဲ့တာတော်တော်ကြာပြီ။ ကိုယ့်ပေါင်ကိုယ်လှန်ထောင်းရမှာတွေ နည်းနည်းရှက်နေတာလဲပါသည်။ ခု ကိုရဲကိုခေါင်းထဲရောက်လာတော့ နီကိုရဲနဲ့ တွဲလျှက်ပါလာတာက မကြည်ပြာ။ အဲဒီလိုပဲ ကျွန်တော့်ကို ရဲဝင်း ဖြစ်အောင်လုပ်ခဲ့သော မကြည်ပြာတစ်ယောက် ရှိခဲ့ဖူးသည်။ ကိုရဲအမှတ်တရ ကျွန်တော့်မကြည်ပြာအကြောင်းကို အပေအတေမှတ်တမ်းများထဲမှ တစ်ခုအဖြစ် ဆက်ရေးရသော် ကောင်းမည်ဟုတွေးမိသဖြင့် ဆက်ရေးပါသည်။ ထိုမကြည်ပြာကြောင့် သူငယ်ချင်းများက ကျွန်တော့်ကို "ရဲဝင်း" လို့ခေါ်ကြပါသည်။ ရိုက်ကွင်းပေါ်မှအလွဲများ စာအုပ်ထဲမှာ ကိုရဲက မကြည်ပြာ ကို ကားကြီးအဖြစ် ရိုက်စဉ်က ရဲဝင်း လို့ တစ်ခါခေါ်သံကြားတိုင်း တစ်ခါ ဝမ်းသာလှိုက်မောရသည် ဟုပြောဖူးပါသည်။ ခု ကျွန်တော်လည်း ရဲဝင်း ဟု တစ်ခါခေါ်သံကြားတိုင်း ကျွန်တော့်မကြည်ပြာ၊ ကိုရဲ၏မကြည်ပြာ နှင့် ကိုရဲတို့ကို သတိရ ဝမ်းသာလှိုက်မောနေရတော့မည်။

ထိုနေ့က မိုးမရွာပါ။ လေတိုက်လားမတိုက်လား ကျွန်တော်မမှတ်မိတော့။ ၈ တန်းကျောင်းသားများ၏ ထုံးစံအတိုင်း ကျူရှင်ဆရာ မလာခင် ကျွန်တော်တို့ ဆော့နေကြသည်။ ဖိုးဇော်ယူလာသော ရာဘာမြွေရုပ်လေးနှင့်ဆော့နေခြင်းဖြစ်ကြောင်း ကျွန်တော်မှတ်မိပါသည်။ အချင်းချင်း စရင်းနောက်ရင်းဖြင့် တစ်ခါတွင် ထိုမြွေရုပ်မှာ ဘယ်သူပစ်လိုက်မှန်းမသိပဲ ကျွန်တော်တို့အုပ်စုတွင်းမှကျော်ပြီး အတန်းရှေ့ဘက်ရှိ မိန်းကလေးအုပ်စုအတွင်းသို့ ကျသွားပါသည်။ လန့်အော်သံများကြားရပြီး ဆူဆူညံညံဖြစ်ကုန်သည်။ ကောင်မလေးတစ်ယောက် မေ့လဲသွားသည်တဲ့။ ရုပ်ရှင်ထဲကလိုတော့မဟုတ်ပေမယ့် နောက်တော့အဲဒီကောင်မလေးနှင့်ကျွန်တော် အခင်ဆုံးသူငယ်ချင်းတွေဖြစ်သွားသည်။ ကျွန်တော်က သူ့ကို သူ့အိမ်ကခေါ်သလိုပင် မိငယ်ဟုခေါ်ပါသည်။ မိငယ်က ချောသည်။ ယဉ်သည်။ အမြဲတမ်း ရင်ဖုံးအင်္ကျီနှင့် လုံချည်နှင့် အပြင်ထွက်တတ်သည်။ သို့သော် ... ဟုတ်ကဲ့ ... သို့သော်သူသည် ထိုအချိန်ကတည်းက အတော်လေးရည်းစားများသူဖြစ်လေသည်။

သို့နှင့်ပဲ ရှစ်တန်းမှ ကိုးတန်းသို့ရောက်လာသည်။ သူ ရည်းစားတစ်ယောက်နှင့် ပြတ်ပြန်သည်။ အသည်းကွဲသည်ဟုပြောပြီး ကျွန်တော့်ရှေ့မှာ ထိုင်ငိုနေသည်။ ကျွန်တော်က ဆရာကြီးလုပ်ပြီးသူ့ကိုဆူသည်။ မိန်းကလေးဆိုတာ ကိုယ့်ကိုယ်ကို တန်ဖိုးထားရကြောင်း၊ ရည်းစားများတာမကောင်းကြောင်း။ လူမလေးစားကြောင်း။ ရည်းစား ခဏခဏ မပြောင်းသင့်ကြောင်း သူ့ကို ဆူနေမိသည်။

မိငယ်အငိုတိတ်ပြီး ကျွန်တော့်ကို တစ်ခွန်းပဲပြန်ပြောပါသည်။ "စနေ ... ငါနင့်နဲ့ဆိုရင် နောက်တစ်ယောက်မပြောင်းတော့ဘူးလေ ... နော်" တဲ့။ အဲဒီတုန်းက ကိုရီးယားကားတွေ အခုလိုခေတ်မစားသေးပါ။ တီဗီမှာ မင်းသားချောစွန်းဝူခုန်း အထူးပါဝင်သရုပ်ဆောင်တဲ့ အနောက်သို့ခရီးသွားခြင်း ဇာတ်လမ်းက နာမည်ကြီးနေသည်။ ဒါပေမယ့်လဲ ကျွန်တော်တို့တွေ သမီးရည်းစားဖြစ်ခဲ့ကြသည်။

ပျော်ခဲ့သောအကြောင်းများတော့ စာမဖွဲ့လိုတော့ပါ။ ဒါပေမယ့် ကျွန်တော်တို့ ပျော်ခဲ့ကြပါသည်။ ကလေးသဘာဝ ရည်းစားထားသည် ဆိုသည်မှာ အတူသွားအတူလာခြင်း၊ မုန့်အတူစားခြင်း၊ တစ်ယောက်ပါးကို တစ်ယောက်နမ်းခြင်း စသည်မျှသာဖြစ်သည်ဟု နားလည်ရင်း ပျော်ခဲ့ကြပါသည်။ ထိုစဉ်ကအချစ်သည် ယခုအချစ်နှင့်နှိုင်းယှဉ်သော ပကတိ ဖြူစင်သန့်ရှင်းသော မေတ္တာသက်သက်သာဖြစ်ကြောင်း နောင် နှစ်ပေါင်းများစွာကြာမှ ကျွန်တော်နားလည်ခဲ့ရသည်။

နင်နဲ့ဆိုရင် နောက်တစ်ယောက်မပြောင်းတော့ပါဘူး ဟုဆိုခဲ့သော မိငယ်သည် နောက် တစ်နှစ်ကျော်အကြာ၊ ဆယ်တန်းကျောင်းများ ပြန်ဖွင့်ပြီး တစ်လခန့်အကြာတွင် နောက်တစ်ယောက် ပြောင်းသွားခဲ့ပါသည်။ ဤနေရာတွင် ရက်ရက်စက်စက်ဟူသောစကားကို ကျွန်တော်မသုံးပါ။ အဘယ်ကြောင့်ဆိုသော် မိငယ်သည် မရက်စက်တတ်သောကြောင့်ဖြစ်သည်။ သူသည် ငြင်ငြင်သာသာလေးပင် နောက်တစ်ယောက်ဆီသို့ ပြောင်းသွားခဲ့ပါသည်။

မောင် ... နင်နဲ့ငါ သူငယ်ချင်းပဲပြန်လုပ်ရအောင်ဟာ။ နော်။ နော်လို့။

နင် ဘာဖြစ်လို့ အဲဒီလိုပြောရတာလဲငယ်ရယ်။ မပြောပါနဲ့ဟာ။ နော်။

နင်က ငါ့ကို ဂရုမှ မစိုက်တော့တာ။ ငယ်ပျင်းတာပေါ့။ မောင်ကကျောင်းလဲနေ့တိုင်းတက်တယ်။ ကျူရှင်လဲ ငယ်နဲ့ အတူမတက်တော့ဘူး။ ငယ့်ဆီကို တစ်ပတ်တစ်ခါတောင် မနည်းလာနေရတာမဟုတ်လား။ သူငယ်ချင်းပဲပြန်လုပ်ပါမောင်ရာ။ လိမ္မာပါတယ်ဟာ။ နော်။ ပြီးတော့ ....

ပြီးတော့ ဘာဖြစ်လဲငယ်။ နင့်ကို ငါ့ထက်ပိုဂရုစိုက်တဲ့သူ ရှိနေပြီမို့လို့လား။

ဟုတ်တယ်မောင်။ သူက ငယ်နဲ့ ကျူရှင်အတူတူတက်တာဆိုတော့ မောင့်ထက် အများကြီးပိုပြီး အချိန်ပေးနိုင်တယ်။ ငယ့်ကိုလဲ အရမ်းချစ်တယ်။ ငယ် သူ့ကို ပြန်ကြိုက်ချင်လို့။ အဲဒါ မောင် ငယ်နဲ့ သူငယ်ချင်းလုပ်ပေးကွာ။ နော်။

... အေးပါငယ်ရယ်။ ... အဲဒီလိုလုပ်မှ နင်ပျော်မယ်ဆိုရင် ငါနင့်သဘောအတိုင်း လုပ်ပေးဖို့အဆင်သင့်ပါ။

ဝေး ... ဒါမှမောင်ကွ (ရွှတ်) ဒါမို့လို့ မောင့်ကိုငယ်အရမ်းချစ်တာ။ လာ .. သူငယ်ချင်းပြန်ဖြစ်တဲ့ အထိမ်းအမှတ်နဲ့ မုန့်သွားစားမယ်။ လျှောက်လည်မယ်။

ငယ်သည် ဤသို့တတ်နိုင်သော ကောင်မလေးတစ်ယောက်ဖြစ်သည်။ သူ ငြင်ငြင်သာသာလေး ကျွန်တော့်ကိုထားခဲ့သလို ကျွန်တော်လည်း ငြင်ငြင်သာသာလေး အသည်းကွဲခဲ့ပါသည်။ ငယ်နှင့်ကျွန်တော် နှစ်တွေအများကြီး (အများကြီးဟုထင်ပါသည်) ကွဲကွာသွားခဲ့ပါသည်။

တစ်ရက်၊ ကျွန်တော်၊ ယုန်လေးနှင့် ပိပိ တို့ မြရိပ်ညိုရှိုးပွဲ သွားကြည့်ကြသည်။ ပြန်ထွက်အလာတွင် လူအုပ်ထဲမှ ခေါ်သံတစ်သံကြားလိုက်ပါသည်။

မောင် ... မောင်ရေ။ ငယ်ဒီမှာ။

၅ နှစ်ကြာခဲ့ပေမယ့် မနေ့တစ်နေ့ကပင် ခေါ်ခဲ့သေးသလိုမျိုး၊ အသံသည် စိမ်းမနေပဲ ရင်းနှီးနွေးထွေးနေသည်။

ငယ် .... ကျွန်တော် ကမန်းကတမ်း လိုက်ရှာမိသည်။ ဟော ... တွေ့ပါပြီ။ လူအုပ်ကြားထဲမှာ ငယ့်မျက်နှာလေးတွေ့ရသည်။ လွန်ခဲ့သော ၅ နှစ်ကလိုပင် လန်းဆန်းနုပျိုဆဲဟု စိတ်ထဲမှာထင်မိသည်။

ငယ် ... ဟယ် .. .နင် ဝလာလိုက်တာ ... အဲလေ ... ဟိုက် ....

ကျွန်တော် ဘာပြောရမှန်းမသိပဲ စကားတစ်ဝက်တစ်ပျက်မှာ ရပ်သွားပါသည်။

မောင်။ နင်ကတော့လုပ်ပြီ။ ဒါ ဝ တာဖြစ်မလား။ သေချာလဲကြည့်ပါဦး။

သေသေချာချာကြည့်စရာမလိုပဲ ကျွန်တော်သိလိုက်ပါသည်။ ငယ့်မှာ ကိုယ်ဝန်ကြီးနှင့်ဖြစ်လေသည်။ ကိုယ်ဝန်ကြီးမှ အတော်ကို နေ့စေ့လစေ့ဖြစ်နေသော ကိုယ်ဝန်ကြီးဖြစ်သည်။

နေဦး။ ငယ်မိတ်ဆက်ပေးဦးမယ်။ ဒါ ငယ့်အမျိုးသားလေ။ ကို ........... ပေါ့။

ကို .. ဒါ ငယ့်အချစ်ဆုံးသူငယ်ချင်းလေ။ .............. ပေါ့။

ဟုတ် ... တွေ့ရတာ ဝမ်းသာပါတယ်။ (လက်ဆွဲနှုတ်ဆက်လိုက်ကြသည်)

ငယ် စကားတွေပြောပါသည်။ သူငယ်ချင်းတွေအကြောင်းရော ဘာရော ... ကျွန်တော် မကြားတစ်ချက် ကြားတစ်ချက်။ အသံတို့သည် ဝေးသွားလိုက် နီးလာလိုက် ...

မောင် ... နင်ကလဲ စကားလေးဘာလေးပြောလေဟာ

အော် ... အေး။ နင် ဘယ်တော့မွေးမှာလဲ။ ultra-sound ရော ရိုက်ကြည့်ပြီးပြီလား။ ဘာလေးလဲ။

ဟွန်း .. ခုမှမေးဖော်ရ ... ယောက်ျားလေးပါတဲ့ရှင်။ ရိုက်ကြည့်ပြီးပြီ။ ရှေ့လထဲမွေးမှာ။ မောင် ... သားကို နင့်နာမည် ပေးလိုက်မယ်နော်။ မကောင်းဘူးလား။

ကျွန်တော့်မျက်နှာတွေ ပူထူသွားပါသည်။

အာ နင်ကလဲ။ မနောက်ပါနဲ့ဟာ။

နောက်တာမဟုတ်ဘူး မောင်ရဲ့။ အကောင်းပြောတာ။ သားကို နင့်နာမည်ပေးလိုက်မယ်။ နော်။ ခုတော့ သွားပြီ။ ငါ လမ်းလျှောက်ထွက်လာတာ။ ငါတို့အိမ်က ဒီရှေ့လမ်းထဲမှာပဲ။ သွားပြီနော် မောင်။ တာ့တာ။

ကျွန်တော် ကျန်ခဲ့ပြန်ပါသည်။ ငိုင်၍ ကျန်ခဲ့ခြင်းဖြစ်သည်။ နောက်လှည့်ကြည့်တော့ ပိပိက တခွိခွိရီနေပြီ။ အိမ်ပြန်ရောက်တော့ ပိပိက ယုန်လေးကို ဖုန်းဆက်ပြီး ဖွသည်။ ယုန်လေးက chat room ထဲမှာ ဖွထားနှင့်သည်။ နောက်နေ့ ကျွန်တော် chat-room ထဲရောက်တော့ အားလုံးက ဝိုင်းနုတ်ဆက်ကြသည်။ ...

ကိုရဲဝင်းလာပြီ။ ကိုရဲဝင်း ... မကြည်ပြာနဲ့တွေ့ခဲ့တယ်ဆို။ ဝါးဟားဟား ...

ထိုစဉ်က လွင်မိုးနှင့် ထွန်းအိန္ဒြာဗို သရုပ်ဆောင်ထားသော ကြည်ပြာရောင် နက္ကတစ်များ ဇာတ်ကား ရုံတင်နေသည်။ လွင်မိုးကို ၆၄ ပေါင်သာရှိသော ရဲဝင်းနှင့် အစားထိုးရသည်မှာ တော်တော် ဂွတီးဂွကျ နိုင်လှသည်။ ဘာပဲဖြစ်ဖြစ် ကျွန်တော့်မှာ နာမည်တစ်လုံးထပ်တိုးသွားသည်။

ယခုထိ ယနေ့ထိ ... ထိုကိစ္စကိုသိသော သူငယ်ချင်းများက ရဲဝင်းဟု ခေါ်ဆဲ။ ခေါ်ကြဆဲ။

````````````````````````````````````````````````````````````````````````````

ကိုရဲရေ ... ရဲဝင်း လို့ တစ်ခါခေါ်သံကြားတိုင်း ... ခင်ဗျားကိုရော၊ ခင်ဗျားရဲ့ မကြည်ပြာ (သို့မဟုတ် မသီတာ)၊ ကျွန်တော့်ရဲ့မကြည်ပြာ၊ အကုန်လုံးကို သတိရနေဦးမှာပါ။ တစ်ခါခေါ်သံကြားတိုင်း တစ်ခါ ရင်မှာ နွေးထွေးလှိုက်မောနေရဦးမှာပါ။

အဲဒီနေ့ဟာ မိုးမရွာ၊ ဖုန်ထူပြီး လေတိုက်တဲ့နေ့တစ်နေ့ ဖြစ်ကြောင်းကိုပါပေါ့။

ထူးအိမ်သင်

2009-08-16T23:11:00.004+08:00

ကိုငှက်ဆုံးတဲ့နှစ်ပါတ်လည်ဆိုတော့ ကိုငှက်သီချင်းတွေပဲ နားထောင်ဖြစ်နေတယ်။ တစ်ပုဒ်ကိုတစ်မျိုး မရိုးရအောင်ကို ကောင်းလွန်းတဲ့ ကိုငှက်သီချင်းတွေထဲမှာ အကြိုက်ဆုံးနဲ့ အထိရှဆုံးသီချင်းကတော့ အမေ့ရဲ့ ဒုက္ခအိုးလေး သီချင်းပဲ။ ဖိုးစနေ အမေ့ကိုချွဲချင်တိုင်း အိမ်မှာဖွင့်နေကျသီချင်းပေါ့။ Jazz ဂီတကိုလဲ နက်နက်နဲနဲ ခံစားတတ်စေခဲ့တဲ့ သီချင်းပေါ့။

Homesick

2009-08-12T16:25:00.003+08:00

ဖိုးစနေတစ်ယောက် Home sick ဖြစ်နေပါသည်။ ရယ်တော့လဲရယ်ချင်စရာ၊ ခြင်္သေ့ကျွန်းရောက်လို့ပဲ တစ်ယောက်တည်းနေလာတာ ၂ နှစ်ကျော် ၃ နှစ်နီးပါးရှိနေပြီ ရောက်တဲ့နေ့ကတည်းကစလို့ ခုထိအိမ်မလွမ်းဖူးတဲ့ကောင်က ခုမှ အိမ်လွမ်းသူဖြစ်နေသည်။

မတတ်နိုင်။ မတတ်နိုင်ခြေ။ အိမ်ကိုလဲ ခြင်္သေ့ကျွန်းကို မ ယူလို့မရ။ ဖိုးစနေလဲ အလုပ်တွေပိပြီး အိမ်မပြန်နိုင်သေး။ သတိရရုံ ဖုန်းဆက်ရုံမှတစ်ပါး မတတ်နိုင်တော့ခြေ။

Pics

2009-08-04T23:55:00.004+08:00

ဒါက West Coast ရောက်တုန်းက ရိုက်ထားတာပါ။

Quay Cranes

Into The Storm

Dark & Light

Sentosa Island ရောက်တုန်း အပျင်းပြေရိုက်လာတဲ့ပုံလေးတွေပါ။

Beach Hut

Beach Hotel

Beach Guards

Weekend Diary

2009-08-03T00:54:00.006+08:00

စနေတနင်္ဂနွေကတော့ ဘယ်လိုကုန်သွားမှန်းမသိလိုက်ပါဘူး။ သူငယ်ချင်းတစ်ယောက်အိမ်မှာ ကချင်မနဲ့ မွန်မ ၂ ယောက်ပေါင်းပြီး ရှမ်းခေါက်ဆွဲချက်ကြမယ်ဆိုတာနဲ့ သောကြာနေ့ ညကတည်းက ရုံးကပြန်ရောက်တာနဲ့ ဈေးဝယ်ထွက်ကြပါတယ်။ ပြီးတော့ မုန့်စားစကားပြောပြီး နောက်ဆုံးဘတ်စ်ကားနဲ့ အိမ်ပြန်အိပ်။ မနက်အိပ်ယာနိုးတာနဲ့ Peninsula မှာ ရှမ်းခေါက်ဆွဲနဲ့ ပဲငပိဝယ်ပြီးတော့ ချက်မယ့်သူငယ်ချင်းအိမ်ကို သွားပါတယ်။ ဟိုအိမ်ရောက်မှ ပဲငပိနဲ့ ငရုတ်ဆီနဲ့ မှားဆွဲလာမှန်းသိပါတယ်။ ရောက်ရောက်ချင်းပဲ SharePoint Portal က error alert mail တွေ ဖုန်းထဲကို တတိန်တိန်ဝင်နေတာနဲ့ အထုတ်တွေ ကမန်းကတန်းချ သူငယ်ချင်းတွေအော်နေတာ ဂရုမစိုက်နိုင်ပဲ ကွန်ပျူတာချက်ချင်းဖွင့်ပြီး server နဲ့ နပမ်းလုံးရပြန်ပါတယ်။ ပြီးမှ တစ်နေ့ကုန် စားလိုက်သောက်လိုက် စကားပြောလိုက်နဲ့ နေ၊ ညဘက်ကျမှ အိမ်အပြန် သူငယ်ချင်းတစ်ယောက်နဲ့ စကားများပါတယ်။ အပြန် ဘတ်စ်ကားပေါ်မှာအိပ်ပျော်သွားလို့ မှတ်တိုင်ကျော်သွား၊ အဲဒီကားကိုပဲ ပြန်ပတ်စီးလာတော့ နာရီဝက်ပိုကြာသွားပါတယ်။ အိမ်ရောက်တော့ အိပ်မပျော်၊ ဗော့ဒကာကို မုန်လာဥနီဖျော်ရည်နဲ့ ၃ ချိုး ၁ ချိုး ရော ရေခဲတုံး ၃ တုံးလောက်ထည့်ပြီး ကော်ဖီမတ်ခွက်နဲ့ ၂ ခွက်အပြည့်သောက်၊ မှောက်သွားပါတော့တယ်။

တနင်္ဂနွေမနက် အိပ်ယာထထချင်း ခေါင်းနည်းနည်းအုံနေပါတယ်။ အဲဒီကနေ ဗိုက်ဆာလို့ burger တစ်ခုနဲ့ ကော်ဖီတစ်ခွက်အသောက် အစာဝင်တာနဲ့ အန်ချင်သလိုဖြစ်လာပါတယ်။ ရေသောက်ချလိုက်တော့ အစာအိမ်နံရံကပ်နေတဲ့ alcochol အကျွင်းအကျန်လေးတွေ အူထဲပျော်ဆင်းပြီး ပြန်မူးပါတယ်။ မူးပြီးတော့ ခေါင်းပါ မခံမရပ်နိုင်အောင် ကိုက်လာပြန်ပါတယ်။ တစ်နေ့လုံး သံပုရာရည်သောက်လိုက် Panadol သောက်လိုက်နဲ့ အိပ်ယာထဲမှာခွေရင်း တနင်္ဂနွေနေ့လဲ အောင်မြင်စွာကုန်ဆုံးသွားပါတော့တယ်။

Schumacher in for Massa!

2009-07-30T09:56:00.004+08:00

Well well well,

F1 Race is getting more and more interesting one race after another this season. Earlier, it’s very boring with only Bawrn Mercedes cars dominating the circuit with their cut-through double diffusers. After some races, the red and blue colored Red Bull is surprisingly chasing white Bawrn cars. Vettle taking podiums and winnings as a youngest F1 racer are really challenges to Bawrn as well as the come-back Webber with his first win to the 130th F1 race.

Till then I though “Oh! Ok, rookies rocks”. Nothing more than that. But now!!! The Red and Silver McLaren Mercedes came back with the beloved KERS as well as the wicked red Ferrari devils. After Michael Schumacher retired in 2006, I’ve become the fan of “Nior” rookie who shook the F1 world, named “Lewis Hamilton”. This season, he’s faced with very tough events but this little English blackie never give up. Sloppy car at the start of the season, the “Lie-gate” scandal and unfortunate accidents all cannot hold him back for long time and last week, he came back to podium, not only to stand there but to grab the winning award. At the same time, our beloved “Red Devil” Massa was hit by a debris and warded in the ICU of a hospital. His come-back for next race has been ruled-out and also the rest of the season is not certain.

A lot of rumors came out of grapevines who’d replace to Massa’s seat and Michael Schumacher’s name was at the top of the list. But earlier, his spoke-person, and other people closed to him denied that he’s coming back highlighting the neck injury he’s got last April, as well as his age. Now, this morning, he announced that he’ll take that Ferrari seat again till Massa is fit enough to drive again. (That mean at least end of this season).

What can I say more. My favorite drivers, better cars, new teams, F1 is full of surprise and I can’t wait to see how Michael and Lewis race against each other. That’s a dream come true.

ဖျက်မရသောအတိတ် ၇ - အတိတ်ခါးခါး

2009-07-22T21:25:00.003+08:00

ငစနေတစ်ယောက် ဘလော့ဘက် ခြေဦးလက်ဦး ဘာဦးမှ မလှည့်ဖြစ်ခဲ့သည်မှာ ကြာချေပြီ။ ဟိုအကြောင်းပြ ဒီအကြောင်းပြ ပြချင်ရာပြလို့ရသော်လည်း တစ်ကယ့်အကြောင်းအစစ်မှန်က ပြန်မလှန်လိုသော အတိတ်တို့ကြောင့်ဖြစ်သည်။ သို့သော်လည်း အတိတ်ဆိုသည်မှာမဖျက်စကောင်း၊ ပေးထားသောခေါင်းစဉ်ကလဲ ဖျက်မရသောအတိတ် ဆိုတော့ မရေးချင်လဲ ရေးရတော့သည်။ သူများအတွက် အထူးအဆန်းတော့ ဟုတ်ချင်မှဟုတ်မည်။ ငစနေအတွက်တော့ အသေအမွှားသည်လဲ မမေ့နိုင်စရာတွေပင်ဖြစ်သည်။

ချန်လှပ်သင့်တာကို ချန်လှပ်၍ ဇာတ်လမ်းကိုဆက်ရသော် ဆိုရှယ်လစ်စနစ်ကို သည်းမခံနိုင်သောသူတို့သည် ၁၉၈၈ တွင် မိမိတို့ဆန္ဒကို ထုတ်ဖော်ပြသကြလေတော့သည်။ ထိုနှစ်အစောပိုင်းလေတွင်ပဲ ငစနေ့အဖေသည် မြန်မာပြည်မြောက်ဖျားပိုင်း မြို့တစ်မြို့သို့ ပြောင်းရွှေ့တာဝန်ထမ်းဆောင်စေ ဟူသော အမိန့်စာတစ်စောင်ကို လက်ခံရရှိခဲ့သည်။ အဖေကတော့ ဘာမှတုန့်ဆိုင်းမနေ၊ သွားဆိုလျှင် ကြောပိုးအိတ်တစ်လုံးလွယ်ပြီး ဘယ်လိုသွားရသွားရ ဘယ်ကိုသွားရသွားရ သွားလိုက်သည်သာဖြစ်သည်။

အခြေအနေတွေက မကောင်းရာက ပိုပိုဆိုးလာသည်။ တစ်ရက် ကျောင်းတက်နေတုန်း အတန်းထဲသို့ အဖေအစ်ကိုဝင်လာသည်။ မလာစဖူး ရောက်လာသော ဘဘကြီးကိုကြည့်၍ ဖိုးစနေ အံ့အားသင့်သွားသည်။ ဘဘကြီးနှင့် ဆရာမတို့ တီးတိုးတိုင်ပင်ပြောဆိုကြပြီးနောက် ဆရာမကဖိုးစနေ၊ ဘဘကြီးနဲ့ ပြန်လိုက်သွားလိုက် ဟိုပြောသည်။ ထိုစဉ်မှာပဲ တစ်ခြားကျောင်းသားတွေကိုလဲ ကျောင်းသားမိဘတွေ လာခေါ်ကြသည်။ အပြင်မှာ အမေနှင့် ဘဘကြီးသားအလတ် ကိုလေးတို့က ကားနှင့်စောင့်နေကြသည်။ ချက်ချင်းပင် ဖိုးစနေတို့ အိမ်ကိုပြန်လာကြသည်။ အိမ်ရောက်တော့ မေမေက ဖိုးစနေတို့ကျောင်းတွေ ခဏပိတ်သည်ဟုပြောသည်။ တက္ကသိုလ်ကျောင်းသားကြီးတွေ ဆန္ဒပြကြသည်တဲ့။ ရဲတွေ လုံထိန်းတွေက သေနတ်နှင့်ပစ်ကြသည်တဲ့။ ကံကောင်းခြင်း ၂ ဆင့်ထပ်သော ၇ ရက် ၇ လသည် ရုတ်တရက် အကျည်းတန်လေသည်။

ဖေဖေနှင့် အဆက်အသွယ်မရ။ ရန်ကုန်နှင့် မြန်မာပြည်မြောက်ဖျားပိုင်းဆက်သွယ်ရေးက လုံးဝပြတ်တောက်လုနီးပါး။ တိုင်းရင်းသားတပ်ဖွဲ့များကြီးစိုးရာနယ်မြေမို့ အစိုးရဝန်ထမ်းတစ်ယောက်အနေနှင့် အတော်ပင် အန္တရာယ်များလှသည်။ လမ်းမတွေမှာ ဘုန်းမော် ဘုန်းမော် ဟူသောအသံတွေ ဆူညံနေသည်။ မေမေ့ကို ဘုန်းမော်ဆိုတာ ဘယ်သူလဲလို့မေးကြည့်တော့ တက္ကသိုလ်ကျောင်းသားအစ်ကိုကြီးတစ်ယောက်တဲ့။ ဆန္ဒပြရင်း လုံထိန်းတွေလက်ချက်နဲ့ သေသွားတယ်တဲ့။

လူတွေမကျေနပ်ချက်က ပိုများလာသည်။ နိုင်ငံတော်သမ္မတကြီးက စစ်တပ်ဆိုတာမိုးပေါ်ထောင်မပစ်ဘူး ပစ်ရင် တည့်တည့်ပစ်တယ် ဟုပြောသည်။ သို့သော် သူအလုပ်ကထွက်သွားသည်တဲ့။ သူ့နေရာတွင် နောက်ထပ်တစ်ယောက်ဝင်လာသည်။ ဆန္ဒတွေ မစောကြပါနဲ့၊ ဒီမိုကရေစီပန်းတိုင်ကို အတူတူချီတက်ကြတာပေါ့ ဟုပြောသည်။ ဒီမိုကရေစီဆိုသော စကားလုံးအသစ်တစ်ခု ထိုရက်ပိုင်းတွင် တော်တော်ကြားလာရသည်။ ထို နဖူးပြောင်ပြောင်လူကြီးလဲ သိပ်ကြာကြာမခံလိုက်ပါ။ အလုပ်ထွက်သွားပြန်သည်။ မေမေက ရုံးသွားနေရဆဲဖြစ်သည်။ ဖိုးစနေတို့ကျောင်းမှာ ရေတပ်က စစ်သားများဝင်နေကြသည်ဟုပြောသည်။ စစ်တပ်ကိုမကြိုက်လို့ စစ်တပ်ကနေ ခွဲထွက်လာသည်တဲ့။ လမ်းထိပ်မှာ TE11 စစ်ကားကြီးနှင့် စစ်သားများ သီချင်းတွေဖွင့်ပြီးရောက်လာသည်။ လူတွေကစံပါယ်ပန်းတွေ သပြေပန်းတွေနှင့် ကြိုဆိုကြသည်။ စစ်တပ်သည် ပြည်သူဘက်ကတစ်သားတည်းနေသည်ဟု သူတို့ကပြောကြသည်။ ဘာတွေမှန်းမသိပါ။ စစ်တပ်က လူထုဘက်ကဟုပြောသော်လည်း ဖိုးစနေတို့ဦးလေးများ၊ လမ်းထဲမှ အစ်ကိုကြီးများ အလုပ်ရှုပ်နေကြသည်။ လမ်းကို ဟိုဘက်ဒီဘက်ပိတ်၍ နံရံအမြင့်ကြီးများကာပြီး ကင်းစင်များဆောက်သည်။ လူကြီးများအကုန်လုံး အလှည့်ကျကင်းစောင့်ရသည်။

ရုတ်တရက် အကြောင်းမကြားပဲ ဖေဖေပြန်ရောက်လာသည်။ ခွင့် ၃ ရက်ရ၍ ပြန်လာသည်တဲ့။ သံကြိုးရိုက်ထားတယ် မရဘူးလားဟုမေးသည်။ ကြေးနန်းရုံးကြီးမှာ ဝန်ထမ်းတွေမရှိတော့တာ ဖေဖေမသိ။ မြောက်ဖျားပိုင်းတွင် ရန်ကုန်သတင်း ဘာမှမကြားဟုပြောသည်။ ရန်ကုန်နှင့်နီးလာမှ သတင်းတွေ တစ်ခုပြီးတစ်ခု ဆက်တိုက်ကြားလာရသည်တဲ့။ ဖေဖေသည် ဝန်ထမ်းကောင်းပီသစွာပင် ခွင့် ၃ ရက်စေ့သောအခါ ကျောပိုးအိတ်ကောက်လွယ်လေသည်။ ပြန်တော့မည်ဟုပြောသည်။ မေမေက အခြေအနေမကောင်း၊ ရန်ကုန်မှာပဲခဏနေပြီးမှ အေးအေးဆေးဆေးဖြစ်မှ ပြန်ရန်ပြောသည်ကိုလက်မခံ၊ အတင်းပြန်သွားသည်။ ထိုညတွင် နိုင်ငံတစ်ကာသတင်းဌာနများမှ နောက်နေ့တွင် ရန်ကုန်မြို့မှာ အထွေထွေသပိတ်ကြီးဆင်နွှဲမည်ဖြစ်ကြောင်း ကြေငြာကြသည်။ တရုတ်များ၏အယူအဆ ၈ နှစ်ထပ်ကွမ်းသည် ပျော်ရွှင်မှုများကို တစ်ကယ်ဆောင်ကျဉ်းမပေးနိုင်ကြောင်း သိလိုက်ရလေသည်။

နေကြတ်ခြင်း

2009-07-22T18:03:00.004+08:00

မနေ့က ခေါင်းကိုက်တာနဲ့ ဆေးသောက်ပြီးအိပ်လိုက်တဲ့ဖိုးစနေ မနက်အိပ်ယာနိုးတော့ အတော်လေးကိုမှောင်နေပါသေးတယ်။ အဲဒါနဲ့ ဘယ်နှနာရီလောက်များရှိပါလိမ့် ဆိုပြီး နာရီကြည့်လိုက်တော့ ၇း၄၅ ရှိနေပါပြီ။ ၈ နာရီတက်တဲ့ရုံး၊ တက်ဆီနဲ့တောင် နာရီဝက်သွားရတဲ့ခရီးမို့ ဒီနေ့ခေါင်းကိုက်ပြီး အိပ်ယာထနောက်ကျလို့ ခွင့်ယူတယ်လို့ပဲ မန်နေဂျာဆီ အီးမေးလ် ပို့လိုက်ပါတယ်။ အပြင်မှာတော့ တော်တော်မှောင်နေတုန်းပဲ။ မိုးလဲရွာထားတော့ မိုးအုံ့ပြီးမှောင်တယ်ပဲအောက်မေ့လိုက်ပါတယ်။ မန်နေဂျာက ခွင့်တစ်ရက်အလကားကုန်သွားမယ်။ မင်းသက်သာတဲ့အချိန်လာခဲ့ ငါ HR ကိုပြောထားပေးမယ်ဆိုပြီး အီးမေးလ်ပြန်လာတာနဲ့ အေး ငါ ၁၀ နာရီလောက် ရောက်မယ် လို့ အီးမေးလ် ပြန်ပို့လိုက်ပြီး အေးအေးဆေးဆေးမှ ရုံးကိုလာခဲ့ပါတယ်။

ရုံးရောက်တော့မှ အီးမေးလ်စစ်၊ သတင်းတွေဖွင့်ကြည့်နဲ့လုပ်တော့ အော် ... ဒီမနက်နေကြတ်တယ်ဆိုပဲ လို့ သိလိုက်ရပါတယ်။ အိန္ဒိယဘက်မှာလဲ လူတစ်သိန်းလောက် နေကြတ်မယ့်လမ်းကြောင်းတည့်တည့်ကရွာတစ်ရွာမှာ စုပြီး နေကြတ်တာကြည့်ဖို့လုပ်တာ မိုးတွေ မတရားအုံ့နေလို့ အကုန်တပ်ခေါက်ပြန်သွားရတယ်ဆိုတဲ့အကြောင်းလဲ ဖတ်လိုက်ရပါတယ်။

Call The Police

2009-07-13T15:51:00.004+08:00

ဟီး ... "တစ်နှစ်တစ်ခါ ပေါ်လို့လာ ငါသာမင်းလောင်း ထီးဖြူဆောင်း" ဆိုတာလောက်တော့ မဆိုးသေးဘူးနဲ့တူပါရဲ့။ ၄ လလောက် ပျောက်ပြီး ပြန်ပေါ်လာပြန်ပါပြီ။

ခေါင်းစဉ်ကတော့ ဒီနေ့ ရုံးမှာလွဲခဲ့တဲ့အလွဲလေးတစ်ခုပါ။ ညတုန်းက အိပ်ကာနီးလေးမှာ ဘေးခန်းကလင်မယား အသေသတ်ကြပါတယ်။ အပြင်ထွက်လိုက် အထဲဝင်လိုက် ထုရိုက်နှက်သံတွေနဲ့ ဆူညံအိပ်မရတာနဲ့ နောက်တစ်ခါ အသံထွက်လာလို့ကတော့ ငါရဲအခေါ်ပဲဆိုပြီး ဖုန်းကိုအဆင်သင့်ကိုင်ထားပါတယ်။ ဒင်းတို့ပဲကံကောင်းလေသလားတော့မသိ၊ ဖုန်းဆက်ပါတော့မယ်ဆိုမှ အသံငြိမ်သွားပါတယ်။ အဲဒါနဲ့ပဲကျွန်တော်လဲ အိပ်ပျော်သွားပါတယ်။ ဒါပေမယ့် အဲဒီ ရဲခေါ်မယ်ဆိုတာက စိတ်ထဲမှာဘယ်လိုစွဲကျန်နေမှန်းမသိလိုက်ဘူး။

ရုံးရောက်ပြီး အလုပ်လုပ်နေရင်နဲ့ (မရို့မသေ) အပေါ့အပါးသွားချင်လာတာနဲ့ အိမ်သာသွားတက်ပြီး ရေဆွဲအချမှာ ရေသန့်ပိုက်က ရေယိုနေတာတွေ့လိုက်ပါတယ်။ အဲဒါနဲ့ သန့်ရှင်းရေးအလုပ်သမားတစ်ယောက်ကိုခေါ်ပြီး "Call the police, the pipe is leaking" လို့ပြောချလိုက်ပါတယ်။ :D သန့်ရှင်းရေးကောင်လေးက ကိုယ့်ကို ပြူးကြည့်ပြီးကျန်ခဲ့တာကို ဒီကောင် ဘာကြောင်နေလဲမသိဘူး။ အင်္ဂလိပ်လိုမှ နားလည်ရဲ့လားမသိဘူး ဘာညာနဲ့ ပွစိပွစိ လုပ်လာပြီးတော့မှ လက်ဆေးနေရင်းနဲ့ ငါဘာများပြောမိပါလိမ့် လို့ သေချာပြန်စဉ်းစားကြည့်တော့မှ ကိုယ်ပြောတာလွဲနေမှန်းသိပါတော့တယ်။ အဲဒီတော့မှ သန့်ရှင်းရေးကောင်လေးကို လှည့်ကြည့်ပြီး "sorry, I mean call the maintenance" လို့ လှမ်းပြောလိုက်ရပါတယ်။ အဲဒီတော့မှလဲ ဆရာသမားလေး ရီကျဲရီကျဲနဲ့ ထွက်သွားပါတော့တယ်။

အလုပ်တွေများ အရှုပ်တွေများပြီး ဖိုးစနေခေါင်းလဲ ကြက်ဥဟတ်ဘွိုင်ဖြစ်နေပြီနဲ့တူပါရဲ့ဗျာ။

၎လစာရှင်းတမ်း - ၂

2009-03-14T23:00:00.005+08:00

အဖေ့အမိန့်ကြော်ငြာစာတွေကြောင့် ဖိုးစနေ စိတ်ရှုပ်အလုပ်ရှုပ်ဖြစ်ရပြန်ပါတယ်။ အဖေကတော့ အားရပါးရ သတင်းစာတွေ ကတ်ကြေးနဲ့ ထိုင်ညှပ်လိုက် နီပြာတံတွေနဲ့ တားလိုက်နဲ့ ဖိုးစနေကို အားတက်သရော အလုပ်ရှာပေးနေပါတယ်။ အဖေသည် ကွန်ပျူတာဆိုသော စကားလုံး ပါလျှင် သူ့သားလုပ်တတ်သည်ချည်း အောက်မေ့နေသောအခါ ဖိုးစနေ အခက်တွေ့လေသည်။ Hardware ရော networking ရော၊ computer operator ရော၊ ကွန်ပျူတာ စာရင်းကိုင်ပါမကျန် ကွန်ပျူတာ ဟုပါသော အလုပ်ကြော်ငြာတွေ့သည်နှင့် ငစနေ့ကို အားရပါးရ လျှောက်ခိုင်းတော့သည်။ ကျွန်တော် မတတ်ပါ၊ ကျွန်တော်နှင့်မဆိုင်ပါဟုပြောလျှင် အလွန်စိတ်ဆိုးတော့သည်။ "မင်းကို ငါကငွေကုန်ကြေးကျခံပြီး ကျောင်းထားပေးရ နိုင်ငံခြားလွှတ်ရနဲ့ ခု မင်းက ဒါလေးတောင် မလုပ်တတ်ဘူးလားကွ" ဟုဆူပူကြိမ်းမောင်းလေသည်။ အမေကလဲ "ရတာမရတာ အပထား၊ မင်းအဖေစိတ်ချမ်းသာအောင် လျှောက်လိုက်ပါသားရယ်" ဟု အားပေးလေသောအခါ ဖိုးစနေ ခေါင်းကုတ်ရတော့သည်။

အလုပ်များကလဲ ဘုရင့်နောင်ပွဲရုံ၊ ပျဉ်းမပင် စက်မှုဇုံ၊ လှိုင်သာယာစက်မှုဇုံ စသည်ဖြင့် တစ်မျှော်တစ်ခေါ်သွားရသည့်နေရာတွေချည်းဖြစ်သည်။
Programmer အလုပ်၏ demand သည် ကွန်ပျူတာကို လူများမည်မျှအသုံးချသည်ဆိုသည်နှင့် တိုက်ရိုက်အချိုးကျလေသည်။ လူများ ကွန်ပျူတာ သုံးဖို့ မတတ်နိုင်သောအခါ မီးမလာသောအခါ programmer များလဲ ထမင်းငတ်တော့သည်။ ဖိုးစနေသည် ပြည်တွင်းအလုပ်အကိုင်အခြေအနေကို ရိပ်စားမိလေသောအခါ ပြည်တွင်းတွင် အလုပ်ရှာဖွေသည့်နည်းတူ ပြည်ပကို ပြန်လည်ထွက်ခွာရေးအတွက်လည်း ကြိုးစားရလေသည်။ ပြည်ပအခြေအနေကား မကောင်း၊ ပြည်တော်ပြန်မည့်သူများသာ တန်းစီနေလေသည်။ ဖိုးစနေ၏ အကြံအစည်မှာ မတ်လဆန်းလောက်တွင် စင်္ကာပူသို့ ပြန်လည်ထွက်ခွာ၍ အလုပ်အကိုင်ရှာဖွေရန်ဖြစ်သည်။ သို့သော် ထုံးစံအတိုင်းပင် အဖေက အပြင်းအထန် ကန့်ကွက်ပြန်လေသည်။ ဖိုးစနေအား နိုင်ငံခြားသို့ သွားလိုပါက မရေမရာသွား၍ အလုပ်မရပဲ ဒုက္ခ ရောက်မည့်အစား အလုပ်အကိုင် ရှာဖွေးရေး ဌာနများနှင့် ချိတ်ဆက်၍ အလုပ်ရမှသာ ပြန်လည်ထွက်ခွာရမည်ဟု အမိန့်ချသောအခါ ဖိုးစနေ စိတ်ညစ်လေသည်။ Agent မှတစ်ဆင့် စင်္ကာပူနိုင်ငံသို့ ပြန်လည်ထွက်ခွာမည်ဆိုလျှင် ကုန်ကျစရိတ်မှာ ပျမ်းမျှ သိန်း၄၀ ခန့်ရှိပြီး လခမှာလဲ စင်္ကာပူဒေါ်လာ ၁၂၀၀ ထက် မည်သို့မျှ ပိုမရနိုင်သည်ကို ဖိုးစနေသိ၏။ သို့သော်လည်း ဖခင်၏ တစ်ချက်လွှတ်အမိန့်ဖြစ်သောကြောင့် လွန်ဆန်၍ကား မရ။ သို့နှင့်် ပြည်ပအလုပ်အကိုင်ရှာဖွေရေးဌာနများနှင့် ပြန်လည်ချိတ်ဆက်ရတော့သည်။

သို့သော်လည်း ကံကောင်းချင်လာတော့ ခြင်္သေ့ကျွန်းတွင် နောက်ဆုံးမပြန်ခင်တစ်ရက်က အင်တာဗျူးဝင်ခဲ့သောအလုပ်က လုပ်ငန်းများစတော့မည်ဖြစ်သဖြင့် အမြန်လာစေချင်ကြောင်း၊ လုပ်ငန်းကိစ္စများ တိုင်ပင်လို၍ ဖုန်းဆက်ချင်ကြောင်း အီးမေးလ်ပို့လေတော့သည်။ ကမန်းကတမ်း ဝမ်းသာအားရ ဖုန်းနံပါတ်ကိုပြန်ပို့ပေးသောအခါ ခဏအတွင်းပင် ထိုလုပ်ငန်းမှ ဖုန်းဆက်လေသည်။ နေ့စွဲကား ဇန်နဝါရီ ၁၈ ရက်၊ မင်း နောက်လဆန်း စဝင်နိုင်မလား ဟု မေးလာသည်။ ခင်ဗျားတို့ဘက်က စာရွက်စာတမ်းအချိန်မှီပို့ပေးနိုင်ရင် ကျွန်တော်လာမည် ဟု အာမဘန္တေခံပေးလိုက်သည်။ လေယာဉ်လက်မှတ် ကပျာကယာတန်းစီသော် ဇန်နဝါရီ ၂၆ ရက်နေ့အတွက် လက်မှတ်တစ်စောင်ရလေသည်။ စာရွက်စာတမ်းများကလဲ အချိန်မှီရောက်လာပြန်ရာ ဖိုးစနေတို့ ခြင်္သေ့ကျွန်းသို့ ကဆုန်ဆိုင်းလေတော့သည်။

၎လစာရှင်းတမ်း - ၁

2009-03-09T17:12:00.003+08:00

ဖိုးစနေတစ်ယောက် စိတ်အကြည်ဓါတ်မရလို့ တွင်းအောင်းနေရာကနေ အခုတော့ တွင်းဝမှာ ပြူတစ်ပြူတစ် ပေါ်လာပြန်ပါပြီ။ ဘဝဆိုတာကြီးကလဲ Roller Coaster စီးရသလိုပါပဲ။ အရှိန်နှေးနှေးနဲ့တက်သွားလိုက် အရှိန်မြန်မြန်နဲ့ ပြန်ပြုတ်ကျလိုက်နဲ့ပဲ သံသရာလည်နေသည်။ အောက်တိုဘာလမှစ၍ စာမရေးဖြစ်သည့်ကြားကာလများကို အကြမ်းဖျင်းပြန်ဖောက်သည်ချရသော် ...

အောက်တိုဘာလဆန်းမှစ၍ ရန်ကုန်ပြန်နေသော ဖိုးစနေ နိုဝင်ဘာ၈ရက်မှာ လေဆိပ်သို့ဆင်းလေသော် ကိုရဲဝင်းဇာတ်လမ်းက စတော့သည်။

လေဆိပ်ခွန်ဆောင်သည့်ကောင်တာတွင် လေဆိပ်ခွန်ဆောင်ပါမည်ဆိုမှ လေဆိပ်အရာရှိက လူစာရင်းမှာ နာမည်မပါပါဟု လုပ်လေသည်။ ထိုနေ့မတိုင်ခင် တစ်ရက်ကလဲ ဖိုးစနေအစ်မပြန်သောအခါ ထိုပြဿနာပင် ကြုံရ၍ လေကြောင်းလိုင်းသွားပြော ဟိုဖုန်းဆက် ဒီဖုန်းဆက်နှင့် ကံကောင်း၍ လေယာဉ်က စောင့်နေသဖြင့်သာ ပြန်လိုက်သွားရသည်ကို ကြုံထားသောဖိုးစနေ ဒီတစ်ခါတော့ ပေါက်ကွဲတော့သည်။ ကိုယ့်ဘက်က အပိုင်ပဲဟု ဖိုးစနေ ပြဿနာရှာလေသော် လေဆိပ်အရာရှိက ခပ်ပြုံးပြုံးပင် "ညီလေး လေကြောင်းလိုင်းကိုသွားမေးကြည့်ပါဦး။ အစ်ကိုတို့က သူတို့ပို့ပေးတဲ့နာမည်စာရင်းအရပဲပြောရတာ၊ သူတို့ရှင်းပေးရင် ရပါတယ်" ဟုသာပြန်လည်ဖြေကြားသဖြင့် ဖိုးစနေ လေကြောင်းလိုင်းရုံးခန်းသို့ ဒေါကန်ကန်နှင့်ပြေးတော့သည်။ သို့သော်လည်း ကိုရဲဝင်းဟု နာမည်ကြီးထားသည်ကို ပြန်သတိရသဖြင့် လေယာဉ်လက်မှတ်ကို ပြန်ဖွင့်ကြည့်သော် အပြန်ခရီးစဉ်မှာ နိုဝင်ဘာ၈ ရက်နေ့ဖြစ်ရမည့်အစား နိုဝင်ဘာ ၉ ရက်ဖြစ်နေလေသတည်း။ လွဲပဟ ရဲဝင်းရေ ဟုသာ ကိုယ့်နဖူးကိုယ်ရိုက်ရတော့သည်။ စပ်ဖြီးဖြီးနှင့်ပင် အထုပ်ဆွဲပြီး အိမ်ပေါ်ပြန်တက်ရတာပေါ့။ နောက်နေ့ တနေ့တစ်ခါ လေဆိပ်ဆင်းပြန်လေသော် လက်စွဲတော်ကင်မရာက အိမ်တွင် ခန့်ခန့်ကြီးကျန်နေခဲ့ပြန်လေသည်။ မတတ်နိုင်ပါ။ ပြန်ယူရင် မမှီနိုင်တော့သည့်အခြေအနေမို့ ထားလိုက်ရတော့သည်။

တနင်္ဂနွေနေ့ အိမ်ပြန်ရောက်၍ တနင်္လာနေ့ ရုံးပြန်တက်သော် ဘောစိက အခန်းထဲကြွပါဆိုလေသည်။ အခန်းထဲရောက်တော့ စာအိတ်အဖြူလေးတစ်ခုထိုးပေးကာ စိတ်မကောင်းကြောင်းပြောသည်။ (စိတ်မကောင်းတော့လဲ နွားမွေးပေါ့ ဘောစိရယ်) စီးပွားရေးအကျပ်အတည်းအခြေအနေအရ ဖိုးစနေ၏စာချုပ်ကို ထပ်မတိုးပေးနိုင်တော့ကြောင်း။ ယခု စာချုပ်စေ့မည့် နိုဝင်ဘာလကုန်လျှင် ကတ်ပြားအစိမ်းကို ပြန်အပ်စေလိုကြောင်း လေကိုချွေတာစွာဖြင့် တိုတုတ်တုတ်သာပြောလေသည်။ မတတ်နိုင်ပါ၊ ရောင်တော်ပြန်နှင့်ရောလွှတ်ခံရကြောင်းသိသိကြီးပေမင့် သူ့လက်ခုပ်ထဲကရေဆိုတော့လဲ ခံလိုက်ရပါသည်။ ကျေးဇူးတင်ကြောင်း၊ ယခုလို ခွဲခွာရသည့်အတွက် စိတ်မကောင်းကြောင်း၊ ယခု ပြန်တော့မည်ဖြစ်ကြောင်း အလုပ်များမှာ အကုန်ရှင်းလင်းပြီးသားဖြစ်သဖြင့် နောက်နေ့များတွင်လဲ ရုံးလာတော့မည်မဟုတ်ကြောင်း ခပ်ပြတ်ပြတ်ပင်ပြော၍ ဖိုးစနေထွက်ခဲ့သည်။ ဘဝသည် အသစ်စမယ့်စတော့လဲ အလုပ်ကအစ အသစ်ပြန်စရလေအောင် ဖန်တီးလာလေတော့သည်ကိုး။

စင်္ကာပူသည် ကမ္ဘာ့စီးပွားရေးအကျပ်အတည်း၏ ရိုက်ပုတ်မှုကို အတော်လေးကြိုးစားကျားကန်နေရပြီဖြစ်သည်။ အခြေအနေမဆိုးပါဟုပြောသော်ငြားလည်း ဟိုကပြုတ်တာတွေ ဒီကလျှော့တာတွေ အသံတွေကြားလာရသည်။ လုပ်ငန်းတွေကလဲ ဟုတ်သည်မဟုတ်သည်အပထား ဘယ်လက ဘယ်လောက်ရှုံးပါသည်ဆိုပြီး အစိုးရဆီက ပိုက်ဆံရလိုရငြား အခွန်သက်သာလိုသက်သာငြား ခြူသံပါအောင် ငြီးပြနေကြသည်။ အလုပ်ကြော်ငြာများတွေ့နေရသေးသော်လည်း လျှောက်လွှာဘယ်လိုတင်တင် အင်တာဗျူးပင် ခေါ်မည့်သူမရှိပါ။ ထိုကြားထဲမှတစ်ဖန် စင်္ကာပူအစိုးရ၏ နိုင်ငံခြားသားအလုပ်သမားပေါ်လစီနှင့်ပက်သက်၍လည်း ကောလာဟလ က မျိုးစုံအောင်ထွက်နေသေးသည်။ EP တွေချမပေးတော့ဘူး။ ရှိတဲ့ဟာတွေတောင် သက်တမ်းကုန်လို့သွားတိုးတာ အလုပ်ရှင်က ထောက်ခံပေးတာတောင် အစိုးရက လက်မခံဘူး ဘာဖြစ်သည် ညာဖြစ်သည် မျိုးစုံအောင် အသံကြားရလေသောအခါ စိတ်အစုံသည် တုန်လှုပ်ခြောက်ခြားကုန်၏။

နေ့စဉ်နေ့တိုင်း Library မှာ မိုးလင်းမှမိုးချုပ်ထိုင်ကာ အင်တာနက်တွင် အလုပ်ရှာလိုက်၊ စာဖတ်လိုက် လေ့လာလိုက်နှင့် နိုဝင်ဘာ တစ်လသည် ကုန်မှန်းမသိကုန်လွန်၏။ အလုပ်ကလဲ မရသေး။ ကတ်အစိမ်းကလဲ ဒီဇင်ဘာ ၁ ရက်နေ့တွင် ပြန်အပ်လိုက်ပြီမို့ ဖိုးစနေတစ်ယောက် ပြည်တော်ပြန်ရေးသာ ရှေးရှုစီစဉ်ရတော့သည်။ လေယာဉ်လက်မှတ်သွားဝယ်တုန်း Peninsula Plaza တွင် ယောက်ဖဝမ်းကွဲတစ်ယောက်နှင့်တွေ့ရာမှ ယောက်ဖက သူတို့ရုံးတွင် IT ဘက်မှာ အလုပ်လိုသည်ဟုကြားတယ်၊ မင်းလာလျှောက်ပါလား ဟို အကြံပေးလေသည်။ စိတ်မပါတစ်ပါနှင့်ပဲ ယောက်ဖ၏ရုံးတွင် လျှောက်လွှာတင် အင်တာဗျူးဝင်ခဲ့ပြီး ဖိုးစနေတစ်ယောက် ဒီဇင်ဘာ၁၅ ရက်နေ့တွင် ပြည်တော်ပြန်ခဲ့တော့သည်။ အမိမြေသည် အောင်မြင်၍ပြန်လာသူကိုဖြစ်ဖြစ် ကျရှုံး၍ ပြန်လာသူကိုဖြစ်ဖြစ် တန်းတူကြိုဆိုထွေးပွေ့မြဲထွေးပွေ့လျှက်ပင်ရှိသည်။

ပြန်လာသော် သူငယ်ချင်းများက မင်း ဆီအုန်းခြံမှာလုပ်မလား ရာဘာခြံမှာလုပ်မလား ဟု ဝိုင်းမေးကြသည်။ နိုင်ငံတော်အစိုးရက စီးပွားရေးအကြပ်အတည်း၏ ဓားစာခံ ပြည်တော်ပြန်အလုပ်သမားများအတွက် ဆီအုန်းစိုက်ခင်းများ ရာဘာစိုက်ခင်းများ အဆင်သင့်ပြင်ဆင်စိုက်ပျိုးထားကြောင်း၊ အလုပ်လက်မဲ့ဖြစ်မည်ကို စိုးရိမ်စရာမလိုပဲ ဝမ်းသာစွာ ပြန်လာနိုင်ကြကြောင်း သတင်းစာများတွင်အကျယ်တဝင့်ရေးသားဖော်ပြနေကြသည်။ ငါ လပ္ပတ္တာသွားပြီး ငါးပဲရှာစားတော့မယ်ကွာ ဟုပြန်ပြောသော် သူငယ်ချင်းများက ရီကြသည်။ ရီစရာ၏နောက်တွင် မောစရာများကပ်ပါနေကြောင်း ဆရာမင်းလူက ရီစရာမောစရာစာအုပ်တွင် ပြောခဲ့ပြီးပါပြီ။ ရီစရာနှင့််မောစရာ အစပ်အဟပ် တည့်မတည့်ကို ကျွန်တော်တို့နောက်တစ်ကြိမ် ပြန်ခံစားကြ၏။

အိမ်ပြန်ရောက်ပြီးတစ်ပတ်ကြာသော် မွေးသဖခင်သည် ဖိုးစနေအလုပ်မရှိအကိုင်မရှိ လယ်ယာပြန်စားရေးလုပ်နေသည်ကို ကြည့်မရတော့ကြောင်း၊ ဒီအသက်ဒီအရွယ်မှာ ဘာပဲဖြစ်ဖြစ် လူရိုသေရှင်ရိုသေ အလုပ်တစ်ခုတော့ လုပ်နေရမည်ဖြစ်ကြောင်း၊ ငွေအတွက် စိုးရိမ်ပူပန်စရာမလိုကြောင်း၊ ရသည့်လခနှင့်မလောက်လျှင် လိုလျှင်လိုသလိုထောက်ပံ့ပေးမည်ဖြစ်ကြောင်း၊ မိမိနှင့် မိသားစု၏ ဂုဏ်သိက္ခာအတွက် အလုပ်တစ်ခု အမြန်လုပ်စေလိုကြောင်း စသည်တို့ပါဝင်သော အမိန့်ကြော်ငြာစာအမှတ် ၁၂၇၃/၂၀၀၈ ကို ယခင်လွတ်ငြိမ်းချမ်းသာခွင့်ကိုရုပ်သိမ်းကြောင်းအမိန့်ကြော်ငြာစာနှင့်တကွ တွဲဖက်ထုတ်ပြန်လေ၏။

... to be continued

Updates and rememberance

2008-10-20T14:53:00.001+08:00

ကြောင်ရေချိုးပေးလိုက်၊ ကြက်ဥကို ကော်ပတ်တိုက်လိုက်၊ ချစ်တီးခေါင်း သန်းရှာလိုက်နဲ့ ဖိုးစနေတစ်ယောက် အလုပ်များချင်တိုင်း များနေပါတယ်။ ပြန်ခါနီးပြီမို့ ဝယ်စရာရှိတာ ဝယ်ခြမ်း၊ အလွမ်းသယ်စရာရှိတာသယ်နဲ့ အားဘူးပေါ့ဗျာ။ ဒီရက်ပိုင်း သူငယ်ချင်းရဲ့ညီတစ်ယောက် ခြင်္သေ့ကျွန်းကိုလာပြီး အလုပ်အကိုင်ရှာဖွေဖို့စီစဉ်နေလို့ တတ်အားသလောက် ကူညီပေးနေတာလေးလဲ ပါပါတယ်။ ဒီချာတိတ် ကိစ္စပေါ်လာတော့မှ သူ့အစ်ကို ဖိုးဇော် တစ်ယောက် ငစနေ့ကို တစ်ခါတုန်းက ချောက်တွန်းခဲ့ပုံလေးသတိရမိပါတယ်။

ဖြစ်ပုံက ဒီလိုပါ။ ဖိုးစနေ ပထမအကြိမ် ခြင်္သေ့ကျွန်းကို ထွက်ဖို့လုပ်နေစဉ်အခါပေါ့။ အကုန်စီစဉ်ပြီးလို့ ထွက်ဖို့ ၁ လတောင်မလိုတော့တဲ့အချိန်မှာ ရုတ်တရက်ပေါ်လာတဲ့ မိသားစုပြဿနာတစ်ခုကြောင့် ခြင်္သေ့ကျွန်းလာမယ့်အစီအစဉ်တွေကို အကုန်ရပ်လိုက်ရပါတယ်။ ဒါပေမယ့် ပြဿနာက အဲဒီမှာတင် မရပ်ပါဘူး။ လက်ရှိ အလုပ်လုပ်နေတဲ့ ကုမ္ပဏီမှာက ထွက်စာတင်ထားပြီးသားဖြစ်နေပါပြီ။ ခေါင်းမာတတ်တဲ့ ဖိုးစနေရဲ့အကျင့်ကြောင့် ထွက်စာကို ပြန်ရုပ်သိမ်းပေးဖို့လဲ မပြောပဲ နောက်အလုပ်တစ်ခုသာ သဲသဲမဲမဲ ဖိပြီး အပူတပြင်းရှာဖွေရပါတော့တယ်။

တစ်ည သူငယ်ချင်းတွေနဲ့ လက်ဘက်ရည်ဆိုင်မှာထိုင်ပြီး အလုပ်ကိစ္စကိုခေါင်းချင်းရိုက်ဆွေးနွေးနေတုန်းမှာ ဖိုးဇော်တစ်ယောက် ရောက်ချလာပါတယ်။ စကားဝိုင်းထဲ ဝင်ထိုင်ပြီးတော့ တစ်ခုခုကို ပြောသင့်မပြောသင့် ချိန်ဆနေတဲ့ပုံစံမျိုး လုပ်နေပါတယ်။ နောက်တော့မှ မနေနိုင်တော့တဲ့ပုံစံနဲ့ ပြောချလာပါတယ်။
"ဖိုးစနေ၊ မင်းအလုပ်ကိစ္စ အဆင်ပြေပြီလား"
"ပြေသေးပါဘူးကွာ ... အဲဒါမို့လို့ ဒီမှာ ခေါင်းမီးတောက်နေကြတာပေါ့" ... ကျွန်တော် ပြန်ပြောလိုက်တော့ သူ တစ်ချက် ငြိမ်သွားပြန်ပါတယ်။
ခဏနေတော့မှ စကားစလာပြန်ပါတယ်။ .. "ဒီလိုကွာ ... ခု ငါ့မှာ အဆက်အသွယ်တစ်ခုရှိတယ်။ အဲဒါ မင်းလုပ်ချင်မလားလို့"
"အလုပ်က မင်းနဲ့ဆိုရင်တော့ အဆင်ပြေမယ်ကွ၊ အဲဒါတော့ ငါအာမခံတယ်" ... ဖိုးဇော်တစ်ယောက် တစ်ကယ် အတည်ပေါက်နဲ့ပြောနေတာမို့ ကျွန်တော်လဲ စိတ်ဝင်စားသွားပါတယ်။
"ရန်ကုန်မှာတော့ မဟုတ်ဘူးကွ။ အလုပ်က နယ်မှာ။ ပြင်ဦးလွင်နားမှာကွာ ... ဒါပေမယ့် ၂ လကို တစ်ပတ် ရန်ကုန်ပြန်လို့ရမယ်" ...

"အလုပ်က တောထဲမှာဆိုတော့ သွားရလာရ အဆင်ပြေအောင် ပါဂျဲရိုးလို ကားတစ်စီးပေးထားလိမ့်မယ်။ မင်းတစ်ယောက်တည်းကို တစ်စီးတော့ မဟုတ်ဘူးပေါ့ကွာ။ မင်းတို့လို အလုပ်လုပ်နေတဲ့သူတွေ ၃ - ၄ ယောက်လောက်ကို တစ်စီးစီ ပေးထားလိမ့်မယ်။" ...

"လခကတော့ များတယ်ကွ ... ခု လက်ရှိ မင်းရနေတဲ့ လခထက် ၃ ဆလောက်ပိုများမယ်။ မင်း စိတ်ဝင်စားရဲ့လား"

ဖိုးစနေ ခေါင်းထဲမှာ အလုပ်များသွားပါတယ်။ သူပြောတဲ့ အချက်အလက်တွေနဲ့ ဒီအလုပ်ကို လုပ်သင့်မလုပ်သင့် ချိန်ထိုးစဉ်းစားနေတုန်း ဖိုးဇော်က စကားဆက်ပြန်ပါတယ်။

"ဒါပေမယ့် စက်ရုံက အစိမ်းဝတ်တွေရဲ့ စက်ရုံဆိုတော့ မင်းလုပ်ချင်မလားလို့ကွာ ... အဲဒါလေးတစ်ချက်ပဲ ငါစိတ်ပူတာ။ ကျန်တာတော့ အကုန်အဆင်ပြေတယ်။"
"အစိမ်းဝတ် စက်ရုံဆိုရင်တော့ နည်းနည်း ပြန်စဉ်းစားရမယ်ကွ။ ဖေဖေလဲ ကြိုက်ချင်မှကြိုက်မှာ .... ဒါပေမယ့်ကွာ ... နောက်ဆုံး ဘာအလုပ်မှ ရှာမရရင်တော့ မင်းပြောတဲ့အလုပ်မှာ ခဏတဖြုတ်လုပ်သင့်ရင်လဲ လုပ်ရမှာပဲ။ ဖေဖေ့ကိုတော့ ကြည့်ပြောရမှာပေါ့။" ကျွန်တော်က တွေးတွေးဆဆတစ်ချက်ပြန်ပြောတော့ ဖိုးဇော်မျက်နှာ ပြုံးသွားပါတယ်။ လက်ဘက်ရည်ဝိုင်းတစ်ခုလုံးလဲ တိတ်ဆိတ်ငြိမ်သက်ပြီး ကျွန်တော်တို့ပြောတာကိုပဲ စိတ်ဝင်တစား နားထောင်နေကြပါတယ်။ ရုတ်တစ်ရက်ကျွန်တော် တစ်ခု သတိရသွားတာနဲ့ မေးချလိုက်ပါတယ်။ "နေပါဦးကွ ... မင်းပြောတဲ့အလုပ်က ဘာလုပ်ရမှာလဲ ... ငါနဲ့ အဆင်ပြေမယ်ဆိုတာရော သေချာရဲ့လား။"

ဖိုးဇော်မျက်နှာ တစ်မျိုးဖြစ်သွားပါတယ်။ ပြီးမှ အမူအယာကို နည်းနည်း ပြန်ထိန်းလိုက်ပြီး ... "မပြေစရာအကြောင်းမရှိပါဘူးကွာ ... မင်း လုပ်နိုင်မယ်ဆိုတာ ငါ သိပြီးသားပါ။ အလုပ်က ဒီလိုကွ ... အနီးစခန်းမှာ သံရည်ကြိုစက်တွေ ရှိတယ် ... အဲဒါမင်းသိတယ်မဟုတ်လား။ အဲဒီမှာ ကြိုပြီးထွက်လာတဲ့ သံရည်တွေကို အပေါ့အငန်မြည်းပေးရမယ်။ အဲဒါလေးပဲ"

တစ်ဝိုင်းလုံး ရုတ်တရက် ငြိမ်သွားပါတယ်။ ပြီးမှ အဖြစ်မှန်ကို အရင်ဆုံး သဘောပေါက်သွားတဲ့ ဟန်မျိုးက တဟားဟားအော်ရီပါတော့တယ်။ အဲဒီတော့မှ ဖိုးစနေလဲ သဘောပေါက်ပြီး ဖိုးဇော်ကို လိုက်ထိုးပါတော့တယ်။ ဖိုးစနေက လိုက် ဖိုးဇော်က လက်ဘက်ရည်ဆိုင်ကို ပတ်ပြေးနဲ့ ဆူညံပွက်လောရိုက်ကုန်ပါတယ်။ ပြေးလို့လိုက်လို့ မောတော့လဲ သူငယ်ချင်းနှစ်ယောက် တစ်ယောက်လည်ပင်း တစ်ယောက်ညှစ် ... အဲလေ တစ်ယောက်လည်ပင်း တစ်ယောက်ဖက်ပြီး ဝိုင်းရှိရာကိုပြန်လာ အကျရည်ခါးခါးကို အတူတူထိုင်သောက်ကြတာပေါ့ဗျာ။ ငယ်တုန်းက သူငယ်ချင်းတွေ နဲ့အတူတူ ပျော်ရွှင်ခဲ့ရတဲ့ရက်တွေ ပြန်ပြီးအောက်မေ့ပါရဲ့။

Happy Birthday Mom!

2008-10-11T23:22:00.004+08:00

Happy Birthday Mom, ... but hey, my mom's birthday was last Friday, 10th of October.

I called mom early in the morning to wish her happy birthday. But she's not very well. Not so serious, just having a seasonal flu. As it's mom's birthday I put a message "Happy birthday Mom! I love you!" on my GTalk status. Then Tim, my new Singaporean friend asked me with a surprise "Hey, is it really your mom's birthday today?". I answered him "Yes! Of course!!!" . He said "Wow! ... it's really cool. Bcoz today is my mom's birthday also!"
Well, I can't be more delighted than him. We wish each other's mom's birthday in return. Well, at least, It's good to have a friend whose mom's birthday is same as my mom.

Happy birthday mom! I love you!!!

From Singapore with love,

ငစနေ

What am I doing recently?

2008-10-10T10:57:00.003+08:00

I'm doing some bug-fixing and debugging of my old projects at office. Major updates and changes has been finished. So, I got some time to write blog posts again. What's happened to me at home? I'm washing and ironing my cloths!!! No joke, it's serious.

The old washing machine provided by my landlady has been acting strangely last few weeks and it took 4 ~ 6 hrs to finish a load of laundry. And last week, it cannot finish anything anymore. So my flat-mates went to electronic shop to buy a new washing machine. I'm a bit surprised (well, a bit astonished also) to see them coming back empty handed but when I heard that they've made a delivery order, I'm a bit delighted. (thanks mates, for taking the trouble to go and buy the machine :-) ) Yes, I haven't done my laundry jobs for the whole week because of that stupid old washing machine and all of my freshly washed clothes are nearly out of stock to wear. I'm really longing to have a new washer as soon as possible.

My wish has been fulfilled on last Wednesday. When I arrived back home from work, I saw a new washing machine. So, that night, I did 2 loads of laundries. Well, there come some problems! All of my flat-mates are in same situation with me about their laundries and they arrived back home earlier than me, so they've already done all their loads and already hanged the clothes full on the cloth line. There's no place left for me. :( so I've been forced to switch on the special function of our newly bought machine "The Wash and Iron". Yes, you washed, and when the machine stops, you take it out and iron directly, no hanging needs.

My old fashion about washing and wearing is, I wash, and then I hang the clothes, and when I want to wear, I took it out of the cloth line, iron it and wear. So I don't need to pay great amount of time to do the ironing. Now, I've got to iron the clothes again and I found out that it takes more time to iron a damp shirt than when it's dried. No choice, I've got to do it. And I think I've got to do it in future also. Why? Because one of my flat-mates have a habit of getting up early in the morning and cook the breakfast (mostly fried rice). So when he finish cooking, all the clothes hanged on the cloth line are smelled with his fried rice. :( ... so, no way of hanging them again. Wash and iron! Okay, ciao, see you again.

From Singapore with love
ငစနေ

What's happened to Me?

2008-10-10T10:30:00.002+08:00

Well, it’s been so long I haven’t blog. And because of some emotional fluctuations, I’m not in a mood to type smooth words in my native language. So, here come my first blog post in English and of course, I post it via mail. I’m feeling so bored to open the Blogger.com at this moment.

Some of my blog readers might be wondering where am I , what am I doing and why I didn’t post for so long. Well, there’re many reasons, one thing is my work and another thing is my mood. I’m about to go back to my beloved Motherland for a visit and I’ve got to move all my project deadlines ahead of my vacation date. It’s the hell of busy days. My mood? Well, I’m not sure what’s happening. I’m feeling like I’m not myself. It’s not that I haven’t write any blog posts during my absent days. I wrote a lot. But every time I finished writing a post, I review it and I don’t like it anymore. So instead of posting, I just delete them away.

During these days, I’ve had some chances to go out and take some photos. But sadly, most of them are portraits of my beloved cousin sister. So I won’t be able to post it here. I still have some non-personal shots, but again, I don’t feel like editing them right now. So they’re resting in my external storage box. If I can find some time and some mood to edit them, you’ll be seeing them online here. For now, ciao, see you around. I’ll be updating my blog regularly, at least in English.

With love from the land of Merlion,
ငစနေ

Money No Enough

2008-07-29T23:33:00.007+08:00

Money No Enough ဆိုတာ အခု တစ်လောကြော်ငြာနေတဲ့ စင်္ကာပူ ရုပ်ရှင်တစ်ကားပါ။ တစ်မင်တစ်ကာ အင်္ဂလိပ်စာကိုဖျက်ပြီး Singlish နဲ့ Money No Enough လို့ ပေးထားလေရဲ့။ အခုအဖြစ်အပျက်နဲ့ တိုက်ဆိုင်နေတော့ အဲဒီခေါင်းစဉ်လေးပဲ ဆွဲသုံးလိုက်တယ်။

ဖိုးစနေတို့ အလုပ်တွေများပြီး ဆတ်ဆလူးပျားတုပ်ဖြစ်နေရတဲ့အထဲ အဖြစ်ဆိုးပုံများ ပြောလဲပြောချင်ရဲ့ ပြောပြန်ရင်လဲ ကိုယ့်ပေါင်ကိုယ်လှန်ထောင်းသလို ဖြစ်ဦးမယ်။ ဖြစ်တာက ဒီလိုရယ် ...

ဘဏ်ကတ်ကိုင်တာ အကျင့်ပါလာတော့ ဖိုးစနေတစ်ယောက် ပိုက်ဆံအိတ်ထဲ ပိုက်ဆံကို များများစားစား မထည့်ထားတတ်။ ၂၀ - ၃၀ ခန့်သာ အများဆုံး ထည့်ထားလေ့ရှိသည်။ ဘဏ်ကတ်နဲ့ငွေချေလို့ရတဲ့နေရာမှန်သမျှ ကတ်လေးထုတ်ထုတ် ငွေချေရတာ အရသာကိုတွေ့လို့။ ဒီလထဲ ငွေသုံးက နည်းနည်းများသည်။ သဘောကလဲ ကောင်းပြီး ရုံးမှာ လိုအပ်တဲ့ပစ္စည်းဝယ်တာတွေ၊ ဧည့်သည်ကို entertain လုပ်တာတွေမှာ ပိုက်ဆံက စိုက်ထားလိုက်ပြီး လကုန်မှ ပြန် claim လုပ်မယ်ဆိုပြီး ထားလိုက်တာတွေက ရှိသေးသည်။ ဒီကြားထဲမှာ သူငယ်ချင်းများ (ကောင်မလေးများ) က အရေးတစ်ကြီး ပိုက်ဆံလိုနေသည်ဆိုလျှင်လဲ သဘောကောင်းစွာ ထုတ်ချေးလိုက်သေးသည်။ (ခု မချေးတော့ဘူး၊ မှတ်သွားပြီ) အပျင်းထူပြီးတော့ ဘဏ်ထဲမှာ ပိုက်ဆံဘယ်လောက်ကျန်လဲဆိုတာလဲ ဘယ်တော့မှ စစ်လေ့မရှိ။

ဒီနေ့မနက် ရုံးသွားခါနီး ပိုက်ဆံအိတ်ထဲကြည့်တော့ ၁၀ တန်တစ်ရွက်နဲ့ အကြွေနည်းနည်းပဲတွေ့သည်။ မနက်စာနဲ့ နေ့လည်စာ လောက်သေးတယ်ဆိုတော့ အေးဆေးပေါ့။ ညနေကျမှ ပိုက်ဆံထုတ်မယ်ဆိုပြီး ရုံးသွား၊ မနက်စာနဲ့ နေ့လည်စာ စားလိုက်တော့ ၁၀တန်လေးလဲ ကုန်ရောပေါ့။ ညနေ ရုံးဆင်းတော့ Peninsula ဘက်အေးဆေးလျှောက်၊ လမ်းမှာ တွေ့တဲ့ ATM ကိုဝင်ပြီး ပိုက်ဆံထုတ်တော့မှ ဇာတ်လမ်းက စတော့သည်။ စက်က ငွေထုတ်မပေး၊ error ပဲပြနေလေသည်။ ကမန်းကတမ်း balance check လုပ်လိုက်တော့ လက်ကျန်က ၇ ကျပ် ဟူ၏။ လက်ထဲမှာရှိတာက အကြွေ ၃ ကျပ်ကျော်ကျော်။ ကဲ ... အိမ်ပြန်ပြီး ခေါက်ဆွဲပြုတ်နဲ့ နှစ်ပါးသွားလေးကတာပဲကောင်းပါတယ်ဆိုပြီး MRT ထဲ ဆင်းလာတုန်း ပါလေရာဖုန်းက ပကျိပကျိအော်လေသည်။

"Incoming call from ဘုန်းနိုင် .... "

“ဟေ့ကောင် ... ပြောဟ” ဖိုးစနေက နုတ်ဆက်လိုက်တော့

“ဟေ့ကောင် မင်းငါ့ကို ထမင်းကျွေးချင်စိတ်လေးဘာလေးများ မရှိဘူးလားဟေ”

ဖိုးစနေ စိတ်ရောလူပါ ညစ်သွားသည်။ ကိုယ်တိုင် ပိုက်ဆံမရှိလို့ အိမ်ပြန်ပြီးခေါက်ဆွဲပြုတ်သောက်ပါမည်ဆိုမှ ကျေးဇူးရှင်က ထမင်းကျွေးခိုင်းနေသေးသည်။ သို့သော်လည်း ငယ်သူငယ်ချင်းကြီးဆိုတော့ အော်ထုတ်၍လဲမရ၊

“ဟ ... ကျွေးချင်တာပေါ့ဟ။ ဒါပေမယ့် ဒီအချိန်မှ လာပြောရလားဟ။ လခထုတ်ပြီးမှ ကျွေးနိုင်မှာပေါ့။”

“လာမဖြီးနဲ့ဟေ့ကောင်၊ မင်းလခထုတ်ပြီးပြီမဟုတ်လား။ စလုံးက ကုမ္ပဏီတွေက လမကုန်ခင် လခပေးနေကျပါကွာ မင်းကလဲ”

ဖိုးစနေ စိတ်ထဲကပြောမိသည် “ဇွတ်ပါလားကျေးဇူးရှင်ရယ်”

“အရင်ကတော့ လမကုန်ခင်ရတာပဲဟ။ ခုမှ GYRO ဆိုတာကြီးနဲ့ လခပေးမယ်လုပ်တော့ နောက်ဆုံးရက်မှ လခရရ နေတာ ၃ - ၄ လ ရှိနေပြီ”

“ရရ မရရ ကွာ၊ ဒီနေ့ကျွေးမှရမယ်၊ မင်းမှာ ပိုက်ဆံမပါရင် ငါစိုက်ထားပေးမယ်။ နောက် နာရီဝက်နေရင်ရောက်မယ်။ ဒါပဲ”

သူတော်ကောင်း များ ဒုက္ခရောက်ပြီဆိုရင် သမ္မာဒေဝ နတ်ကောင်းနတ်မြတ်များ ကြည့်မနေတတ်ကြ၊ ထမင်းငတ်ကိန်းဆိုက်နေသော ဖိုးစနေဆီသို့ ထမင်းဒကာတစ်ယောက် ဆိုက်ဆိုက်မြိုက်မြိုက်ရောက်အောင် ပို့ပေးလိုက်ကြလေသည်ဟုသာ မှတ်ယူရင်း Oriental House မှာ ငစနေနဲ့ဘုန်းနိုင် ၂ယောက်သား ထမင်းစားခဲ့ကြတာပေါ့ဗျာ။

30th July Update ...
သမ္မာဒေဝနတ်မင်းများ ကူညီလွန်းကြသည်ထင့် ... ဒီမနက် ဘဏ်လက်ကျန်စစ်ကြည့်တော့ လခက မျက်စိလည်လမ်းမှားကာ တစ်ရက်စောပြီး ဝင်နေသတဲ့ဗျာ။ ပျော်ပါတယ်။ တစ်ဆက်တည်း ကုသိုလ်ကောင်းမှုလေးလဲ ထပ်လုပ်ဦးမှလို့ တွေးမိပါတယ်။ ရှေးကလုပ်ခဲ့တဲ့ကုသိုလ်လေးတွေကြောင့် အခုဘာမှအခက်အခဲမရှိ အဆင်ပြေသွားပေမယ့် နောင်ဖြစ်လာမယ့် ပြဿနာတွေအတွက် ကုသိုလ်တွေမကျန်မှဒုက္ခ လို့ အတွေးပေါက်မိလို့ ဘုရားသွားကျောင်းတက် လုပ်လိုက်ပါဦးမယ်ဗျား။

Dedigated to Phone Naing who urged me to update my blog.

S P E E D

2008-07-07T23:20:00.004+08:00

ဒီတစ်ပတ်တော့ S P E E D ဆိုတဲ့ ခေါင်းစဉ်နဲ့ ပုံတစ်ချို့ ရိုက်ဖြစ်ပါတယ်။ အရှိန်နဲ့ ရွေ့လျားနေတဲ့ ကား၊ ဆိုင်ကယ် စတဲ့ အရာဝတ္ထုတွေကို ရိုက်ကြည့်တာပါ။ အဲဒီလိုပုံမျိုးရိုက်တဲ့အခါ shutter speed ကို အရမ်း မြန်ထားရင် object က freeze ဖြစ်သွားပြီး ပုံထဲမှာ သွားနေတဲ့ကားဟာ ရပ်နေတဲ့ ကားနဲ့ မခြားနားတော့ပါဘူး။ အဲဒီအတွက် shutter speed ကို ၁/၃၀ စက္ကန့် လောက်မှာ ထားပြီး ရိုက်ပါတယ်။ object ရဲ့ speed က နှေးနေရင်တော့ ၁/၂၀ စက္ကန့်လောက်ထားသင့်ပါတယ်။ shutter ကို နှေးထားပြီး ကင်မရာကို သွားနေတဲ့ အရာဝတ္ထုအတိုင်း လိုက်ရွှေ့ပြီး ချိန်ရင်း ရိုက်လိုက်တဲ့အခါ နောက်ခံက movement blur ဖြစ်နေတဲ့ ကား၊ ဆိုင်ကယ် ပုံတစ်ပုံကို ရပါလိမ့်မယ်။ စိတ်ဝင်စားတယ်ဆိုရင် ငှက်တွေ ပျံနေတာကိုလဲ အဲဒီလို ရိုက်ကြည့်လို့ရပါတယ်။ အလွန်ကောင်းတဲ့ ပုံတစ်ပုံ ထွက်လာပါလိမ့်မယ်။ အခု ကားတွေနဲ့ ဆိုင်ကယ်ပုံကို ခံစားကြည့်ပါဦး။

Blaze of Glory - Jon Bon Jovi

2008-07-07T01:10:00.004+08:00

စိတ်ညစ်တာတွေ များလာရင် နားထောင်တတ်တဲ့ သီချင်းတွေထဲမှာ ဒီသီချင်းလဲ တစ်ပုဒ်အပါအဝင်ပါပဲ။ Jon Bon Jovi ရဲ့ Blaze of Glory သီချင်းပါ။ လောလောဆယ် ကျွန်တော် စိတ်ညစ်နေပါတယ်။ ကိုယ့်ကိုကိုယ် ပြန်ကြည့်ပြီး အားမရတာတွေ များနေတာလဲ ပါတာပေါ့။ အိပ်ယာထ - ရုံးသွား - ရုံးပြန် - အိပ်ယာဝင် ဆိုတဲ့ ခေါက်ရိုးကျိုးနေတဲ့ဘဝကို တော်တော်လေး ငြီးငွေ့နေပါတယ်။ အိမ်ပြန်ချင်နေတယ်။ အဖေနဲ့အမေ့ကို သတိရနေတယ်။ ကိုယ်ထောင်တဲ့ဇာတ်မို့ ကိုယ်တိုင်ပြီးအောင် ကနေရပေမယ့် ဇတ်ညွှန်းကိုဆက်မရေးတတ်တော့ ဇာတ်ကြီးက တဝဲလည်လည်ဖြစ်နေလေရဲ့ဗျာ။ ညည်းတာတွေ အသာထားလို့ သီချင်းလေးကိုတော့ နားထောင်ကြည့်လိုက်ကြပါဦး။

City Lights

2008-07-01T01:55:00.000+08:00

City Lights in panorama view.

C I T Y L I G H T S

2008-06-29T15:00:00.002+08:00

Mt. Faber ပေါ်ကနေ စင်္ကာပူရဲ့ downtown area ကို လှမ်းမြင်ရတဲ့ မြင်ကွင်းဖြစ်ပါတယ်။ C i t y L i g h t s လို့ပဲ နာမည်ပေးလိုက်တယ်။

B R I D G E S

2008-06-29T00:04:00.006+08:00

ဒီနေ့ ဓါတ်ပုံထွက်ရိုက်ဖြစ်တဲ့ ပုံတွေထဲက တစ်ချို့ပါ။ ဒီပုံလေးကတော့ တံတား တဲ့။ ထောက်ထားတဲ့တိုင်က တစ်တိုင်တည်းရယ်ဗျ။ ပြုတ်ကျမှဖြင့် ဒုက္ခနော်။

အပေါ်က တံတားကိုပဲ နောက် ရှုထောင့်တစ်မျိုးကနေ ပြန်ရိုက်ထားတယ်။ ရိုက်ဖို့ချိန်နေတုန်း တံတားမှာ ထွန်းထားတဲ့ မီးရောင်တွေ ပြောင်းသွားပြီး ကျွန်တော်ရိုက်လိုက်တဲ့ပုံစံလေးက DNA မုန့်ကြိုးလိမ်ပုံနဲ့ တူနေလို့ DNA လို့ပဲ နာမည်ပေးလိုက်တယ်။

ဒီတံတားတစ်ခုကတော့ သူတို့က Waves လို့ နာမည်ပေးထားတယ်။ အဝေးကနေကြည့်ရင် တံတားတစ်ခုလုံးက လှိုင်းတွန့်တွေလိုမျိုးဖြစ်နေတာ တော်တော်လေးလှတယ်။ ဒီပုံကတော့ အဲဒီ တံတာပေါ်ကနေပဲ အကွေ့တစ်နေရာကို ပြန်ရိုက်ထားတာပါ။

တစ်ခါက ဧရာဝတီ

2008-06-27T03:21:00.003+08:00

ထုံးဘိုဘက် ရောက်ခဲ့စဉ်တုန်းက မြစ်ဆိပ်ကမ်းမှာကပ်ထားတဲ့ စက်လှေကြီးတွေကို ဓါတ်ပုံရိုက်ဖြစ်ခဲ့တယ်။ ဧရာဝတီ၊ စက်လှေတွေနဲ့ တိမ်တွေရဲ့အလှကို ခံစားကြည့်ကြပါဦး။

Old Places

2008-06-26T23:53:00.006+08:00

ဖိုးစနေရောက်နေတဲ့ ခြင်္သေ့ကျွန်းဆိုတာလေးက လွန်ခဲ့တဲ့ နှစ်ပေါင်း ၁၀၀ လောက်ကဆို တံငါရွာသာသာလေးရယ်ရှိတာ။ အဲဒီတော့ သူတို့မှာ ဘာရာဇဝင် သမိုင်းကြောင်းရယ်မှ တင့်တင့်တယ်တယ်မရှိရှာဘူး။ ရှေးဟောင်းအဆောက်အဦဆိုလို့လဲ နှစ် ၁၀၀ ကျော်တာထက် ပိုပြစရာကိုမရှိ၊ ဖိုးစနေတို့ ရန်ကုန်က ရွှေတိဂုံစေတီတော်မြတ်ကြီးဟာဖြင့် လွန်ခဲ့တဲ့ နှစ်ပေါင်း ၁၅၀၀ ကျော်က တည်ခဲ့တာလို့များပြောလိုက်ရင် သူတို့ခင်မျာ ပါးစပ်အဟောင်းသားလေးတွေနဲ့ရယ်။ အဲဒါ ရွှေအစစ်တွေကွ လို့များ ကြွားလိုက်လို့ကတော့ ဘာမှကို ပြန်မပြောနိုင်ကြရှာဘူး။ အဲလေ ... အကြွားက လွန်ပြန်ပြီ။ အင်္ဂလိပ်မင်းများ ဝင်ရောက်သိမ်းပိုက်ပြီး ဆိပ်ကမ်းမြို့ ခံတပ်မြို့လေး တည်လိုက်တော့မှ စင်ကာပူဆိုတာ သားသားနားနားဖြစ်လာတာကလား။ အဲဒီတော့မှ တည်ထားတဲ့ အဆောက်အဦလေးတွေဆိုရင် သူတို့ခင်မျာ တော်တော်လေးကို အကုန်အကျခံပြီး ထိန်းသိမ်းရရှာတယ်။ ရန်ကုန်မှာတုန်းကတော့ အဲဒီလို အဆောက်အဦတွေ ဓါတ်ပုံရိုက်ချင်ရင် ဘယ်နားရိုက်ရိုက် ပေါပါလေ့၊ ကြိုက်သလောက်ရိုက်စမ်းပါ ပေါ့ဗျာ။ ဒီမှာတော့ ရှားပါးတယ်။ မရှိမဲ့ရှိမဲ့လေးတွေ လိုက်ရိုက်ထားတာကို ပြရရင်ဖြင့် ... ဒါလေးက ကြောင်လိမ်လှေခါး လို့ နာမည်ပေးထားတယ်။ ကြည့်ကြည့်ပါဦး။

ဒီတစ်ပုံကတော့ Arab Street အနီးတစ်ဝိုက်မှာပါပဲ။ ကော်ရစ်ဒါလေးနဲ့ တိုင်လေးတွေရယ်။ အပေါ်က မီးဆိုင်းလေးတွေရယ်။ အလင်းရောင်ကျနေတာလေးရယ်ကို သဘောကျလို့ ရိုက်ဖြစ်သွားတာပါ။ နာမည်ကိုတော့ “စင်္ကြန်” လို့ပဲ ပေးထားပါတယ်။

R U N N I N G S H O E S

2008-06-25T01:24:00.003+08:00

ဖိုးစနေ အလုပ်များချင်ယောင်ဆောင်ပြီး အပျင်းထူနေတာနဲ့ ခါတိုင်းလုပ်နေကျ အားကစားလေးတောင် မလုပ်ဖြစ်တာ ကြာပါပြီ။ အားကစားဆိုတာလဲ အားမှကစားတာကိုးဗျ နော။ အဲဒါနဲ့ ဟိုတစ်ရက်က ပန်းခြံထဲပြေးရအောင်လို့ အပြေးဖိနပ်လေးဆွဲပြီးသွားပါတယ် လက်စွဲတော် ကင်မရာကလဲ ကန့်လန့်ကန့်လန့် ပါလာလေတော့ ကင်မရာနဲ့ ဖိနပ်ကို မိတ်ဆက်ပေးလိုက်တာ အောက်ကပုံလေးရလာပါတယ်။ သူ့ကိုမစီးတာကြာလို့ ဟိုဘက်လှည့်ပြီးစိတ်ကောက်နေတဲ့ ကျွန်တော့်ရဲ့ R U N N I N G S H O E S လေးပေါ့။

ပန်းအလှ

2008-06-24T03:13:00.004+08:00

စင်္ကာပူ ရုက္ခဗေဒဥယျာဉ်ရောက်တုန်း ဟိုလျှောက်ရိုက်ဒီလျှောက်ရိုက်လုပ်ခဲ့တာ ပန်းပွင့်ပုံလေးတွေ ရလာပါတယ်။ ကြည့်ကြည့်ပါဦး။

ဒါက ပိန်းပန်းပါ

ဒါကတော့ ဂန္ဓမာ အဝါတွေရဲ့ အလယ်ကြားထဲက ဂန္ဓမာ အဖြူပွင့်ကြီးတစ်ပွင့်ပါ။

ကဲ။ အားလုံးပဲ ... အိပ်လိုက်ဦးမယ်ဗျာ။ ၃ နာရီ ၁၅ ဆိုတော့ အိပ်မှဖြစ်တော့မယ်။

S A R A H

2008-06-24T02:53:00.004+08:00

ပြီးခဲ့တဲ့ဧပြီလတုန်းက ဖိုးစနေ မလေးရှားကို တစ်ခေါက် အလည်သွားခဲ့ပါသေးတယ်။ အစ်မအိမ်ရောက်တုန်းရောက်ခိုက် တူမတော် အချောအလှကို ဓါတ်ပုံရိုက်လာခဲ့တယ်။ ပဲကတော့ များပါ့ဗျာ။ ဓါတ်ပုံရိုက်ဖို့ ကင်မရာနဲ့ ရွယ်လိုက်တာနဲ့ အပြတ်အိုက်တင်ပေးတော့တာပဲ။ အဲဒါ ၅ လခွဲ ပါလို့ ဘယ်သူက ပြောလို့ယုံမှာတုန်း။ ဒီနေ့တော့ စိတ်ကူးရတုန်း ပုံလေးကို နည်းနည်းပါးပါးပြန်ပြင်ပြီး ဘောင်လေးခတ်လိုက်တယ်။

စိတ်ကူးရွက်လှေ

2008-06-23T17:57:00.005+08:00

စာမရေးဖြစ်တာကြာပြီဗျာ။ ဓါတ်ပုံလဲ ကောင်းကောင်းမရိုက်ဖြစ်ဘူး။ ကိုယ့်ဟာကိုယ်လဲ မကျေမနပ်တွေဖြစ်နေတယ်။ ကျွန်းပေါ်မှာ ဘာမှရိုက်စရာမရှိလို့လားဆိုပြီး ဟိုတစ်ပတ်တုန်းက Palau Ubin ဆိုတဲ့ ကျွန်းပေါက်စဘက် စက်ဘီးစီးထွက်ရင်းနဲ့ ဓါတ်ပုံရိုက်ဖို့ကြံပါတယ် မိုးက မည်းမှောင်လာပြီး ခပ်သည်းသည်းကို ရွာလေတော့ ဟိုဘက်ကမ်းကူးနေတုန်းမှာ စက်လှေပေါ်ကရိုက်လိုက်တဲ့ပုံပဲ ရလိုက်တယ်။ ပြီးတာနဲ့ ကင်မရာကို ကြွပ်ကြွပ်အိတ်နဲ့ထုတ်၊ ကျောပိုးအိတ်ထဲထည့်ပြီး မိုးထဲရေထဲ စက်ဘီးစီးခဲ့ရတယ်။ သူငယ်ချင်း၎ ယောက်သား ကြွက်စုတ်လေးတွေအတိုင်းပဲ။ ဓါတ်ပုံကတော့ ဒီမှာပါ။ စိတ်ကူးရွက်လှေ လို့ နာမည်ပေးထားတယ်။ ကျွန်တော့်စိတ်ကူးတွေ အဲဒီရွက်လှေလိုပဲ ကမ်းကပ်ပြီး ရွက်ချထားရတယ်။ ရာသီဥတုမှ မကောင်းပဲကိုးဗျာ။

Camera - Fujifilm S-5700
ISO - 100
Aparture - 5.0
Focal length - 120mm
Shutter speed - 1/240

ပုံပြင်သစ် - ၁ (မြည်းတစ်ကောင်နဲ့ သားအဖနှစ်ယောက်ပုံပြင်)

2008-05-23T16:14:00.004+08:00

မှတ်ချက်။ ။ ပုံပြင်ဖြစ်ပါသဖြင့် ပုံပြင်ဟုသာ သဘောထားဖတ်ကြပါခင်ဗျား။ မည်သူတစ်ဦးတစ်ယောက်ကိုမှ စောင်းချိတ်ရေးသားခြင်း တည့်တည့်ပြောခြင်းများ မရှိပါကြောင်း။

********************************************************

“ကိုကိုကြီး ပုံပြောပြဗျာ။”
ဖိုးစနေတစ်ယောက် ပိတ်ရက်နေ့လည်ဘက် မီးလာတုန်းလေး ဂိမ်းဆော့မလို့ကြံတုန်းရှိသေး ညီဝမ်းကွဲ ပေတူး ရောက်လာပြီး ဂျီကျပါတော့တယ်။ သူပြောခိုင်းတာကို မပြောရင် မပြီးနိုင်မစီးနိုင် ရစ်ပြီး ငိုကြောရှည်တော့မှာမို့ ဂိမ်းကို ခဏချပြီး ပေတူးကို ပုံပြောပြဖို့ ပြင်ဆင်ရပါတယ်။

“ဟိုးရှေးရှေးတုန်းက သားအဖနှစ်ယောက်ဟာ မြည်းဝယ်ဖို့ မြို့ကိုလာကြတယ်တဲ့။”
ပုံပြင်စလိုက်တယ်ဆိုရင်ပဲ ပေတူးတစ်ယောက် အပြတ်ငြင်းပါတော့တယ်။ “အာ ... ရဘူးရဘူး အဲဒါ နားထောင်ပြီးသားကြီး။ နောက်ဆုံး မြည်းသေတာနဲ့ ပြီးသွားတာ။ အတစ်ကြောကြ။ ရဘူး”
ငစနေ တော်တော်လေး စိတ်ညစ်သွားပါတယ်။ ပေတူးနားမထောင်ဖူးတဲ့ပုံပြင်ကလဲ ခပ်ရှားရှားမို့ ရှိပြိးသားအဟောင်းကိုပဲ လုပ်ကြံပြောဖို့ စဉ်းစားရပါတော့တယ်။
“ဒါက အသစ်ပါဟ ပေတူးရ။ နားထောင်ကြည့်ပါဦး။ ဒီတစ်ခါ မြည်းမသေဘူး။ စိတ်ချ”
“ဂယ်နော်၊ ဂယ်ကြောတာလား၊ ဂယ်သေဘူးနော်” မသေပါဘူးဆိုတာတောင် အရစ်က ရှည်နေသေးတာမို့ “အေးပါကျေးဇူးရှင်ရယ်၊ မသေပါဘူး။ ကောင်းကောင်းနားထောင်၊ ဟုတ်ပြီလား” လို့ပြောပြီး ပုံပြင်ကို ခပ်မြန်မြန်ပဲ အစပြန်ကောက်ရပါတယ်။

ဟိုးရှေးရှေးတုန်းက သားအဖနှစ်ယောက်ဟာ မြည်းတစ်ကောင်ဝယ်ဖို့ မြို့ကိုလာကြသတဲ့။ မြို့ရောက်တော့ တိရစ္ဆာန်ဈေးမှာ သူတို့စိတ်ကြိုက် မြည်းတစ်ကောင်ကိုဝယ်ပြီး ကြိုးနဲ့ဆွဲလို့ အိမ်ပြန်လာကြသတဲ့ကွယ်။ လမ်းမှာတွေ့တဲ့သူတွေက ဒီသားအဖတော်တော်တုံးတာပဲ မြည်းတစ်ကောင်လုံးရှိရဲ့သားနဲ့ မစီးပဲ အပင်ပန်းခံပြီး လမ်းလျှောက်ကြတယ် ဆိုပြီး ပြောကြတာပေါ့။ အဲဒီတော့ အဖေလုပ်တဲ့သူလဲ “သားရေ .. သူတို့ပြောတာ ဟုတ်သဟ။ မြည်းရှိရဲ့သားနဲ့ မစီးတာ ငါတို့တော်တော်တုံးတာပဲ။ စီးရအောင် လာကွာ” ဆိုပြီး နှစ်ယောက်သား မြည်းကို တက်စီးကြရော ပေတူးရေ။ မင်းသိတယ်မဟုတ်လား။ မြည်းဆိုတာက မြင်းလို အကောင်ကြီးကြီး ဗလကောင်းကောင်းမဟုတ်ဘူးကွ။ နားရွက်ရှည်ရှည်နဲ့ ပုပုညှက်ညှက်ကလေးရယ်။ အဲဒါကို လူ ၂ ယောက်တက်စီးတော့ မြည်းခမျာ လျှာထွက်နေတော့တာပေါ့။

ဒီလိုနဲ့ စီးလာကြတာ နောက်ထပ် လမ်းမှာတွေ့တဲ့သူတွေက ဒီလူတွေ အကြင်နာတရားမရှိကြဘူး။ တိရစ္ဆာန်ကို ညှင်းဆဲနေလိုက်ကြတာ မြည်းခမျာ မနိုင်ဝန်ကို ထမ်းနေရတာ သနားပါတယ် ဆိုပြီး ပြောကြပြန်တာပေါ့။ လူများပြောတာယုံတဲ့ သားအဖခမျာလဲ “သားရေ ဟုတ်သဟ။ မြည်းလေး သနားပါတယ်။ ငါဆင်းပြီးလမ်းလျှောက်မယ်။ မင်းပဲ ဆက်စီးခဲ့တော့” ဆိုပြီး အဖေကြီးက လမ်းဆင်းလျှောက်သတဲ့။ ဒါကိုလဲ လမ်းမှာတွေ့တဲ့သူတွေက “ကလေးလေးနှယ် အဂါရဝဖြစ်လိုက်တာ။ သူကျတော့ မြည်းပေါ်မှာ အခန့်သား။ အဖေအိုကြီးကိုတော့ လမ်းလျှောက်ခိုင်းတယ်။ ဒီခေတ်ကလေးတွေများ လူကြီးကို ရိုသေရကောင်းမှန်း မသိကြဘူး” ဆိုပြီး ကဲ့ရဲ့ကြပြန်သတဲ့။ ဒါနဲ့ သားလုပ်တဲ့လူလဲ “ အဖေရေ သူတို့ပြောတာလဲ ဟုတ်သဗျ။ အဖေပဲစီးတော့ သားလမ်းလျှောက်မယ်” ဆိုပြီး နေရာလဲကြပြန်တာပေါ့။

ဒါလဲမရပြန်ပါဘူး။ လူတွေက အဖိုးကြီးက ကလေးကျတော့ လမ်းလျှောက်ခိုင်းပြီး သူကျတော့ မြည်းစီးလို့။ ကလေးကို မသနား မညှာတာ တော်တော်လဲ ရက်စက်တာပဲ” ဆိုပြီး ပြောကြပြန်ပါလေရော။ ဒီလိုနဲ့ သားအဖနှစ်ယောက်လဲ ကြံရာမရတဲ့အဆုံး မြည်းကို ခြေတွေလက်တွေ တုပ်ပြီး ဝါးလုံးနဲ့ ထမ်းလို့ ပြန်လာကြသတဲ့။ လမ်းမှာ ရေစီးသန်တဲ့ ချောင်းတစ်ခုကိုအဖြတ် သားလုပ်တဲ့သူက ချော်လဲလေတော့ အဖေရော သားရော မြည်းရော ရေထဲပြုတ်ကျကြပါရောလား။ အဲဒီမှာ အဖေနဲ့သားကတော့ ပြန်ထ နိုင်ပေမယ့် ခြေတွေလက်တွေ အတုပ်ခံထားရတဲ့မြည်းခမျာ ပြန်မထနိုင်ပဲ ရေစီးနဲ့ မြောပါပြီး သေသွားရှာသတဲ့ ပေတူးရေ။
“အာ ... ကိုကြီးကလဲ။ ပြောတော့ မသေဘူးဆို။ ခု သေသွားပြီ။ ကိုကြီး သားကိုညာတယ်”
“နေပါဦးဟ မင်းကလဲ။ နောက် မသေတဲ့တစ်ကောင်လာလိမ့်မယ်။ ခုမှ ပုံပြင်က တစ်ဝက်ပဲရှိသေးတာ။ ဒီတစ်ခါ ပုံပြင်အသစ်ပါဆို”

သားအဖနှစ်ယောက်လဲစိတ်ညစ်သွားတာပေါ့။ အိမ်ပြန်လို့ မြည်းမပါလာရင် မိန်းမက ဆူဦးမှာကိုး။ ဘတ်ဂျက်ကလဲ မြည်းတစ်ကောင်စာပဲ ပေးလိုက်လေတော့ အဖေလုပ်တဲ့သူခမျာ နောက်ထပ်မြည်းတစ်ကောင်ဝယ်ဖို့ သူ့ ဘတ်ငွေထဲကပဲ ထုတ်ရတော့တာပေါ့။
“ကိုကြီး ဘတ်ငွေ ဆိုတာဘာတုန်းဗျ”
“ဘတ်ထားတဲ့ငွေ .... အဲလေ ... ဟိုဟာကွာ ... အန်ကယ်စိုး အခု ရောက်နေတဲ့ နေရာ သိတယ်မဟုတ်လား။ ဘန်ကောက်လေ ... အဲဒီမှာသုံးတဲ့ငွေကို ဘတ်ငွေလို့ခေါ်တယ်။”
“အဲဒီသားအဖကရော ဘန်ကောက်မှာမို့လို့ ဘတ်ငွေသုံးတာလား”
“အေး အစက ပက်ပုံးသွားဖို့စု ... အဲလေ ဟို... နယ်စပ်ကွာ သိတယ်မဟုတ်လား။ မြဝတီတို့ မဲဆောက်တို့။ အဲဒီဘက်မှာက ဗမာငွေရော ဘတ်ငွေရော ၂ ခုလုံးသုံးတယ်။ တော်တော့ ထပ်မရှည်နဲ့တော့ ပုံပြင်ကို ကောင်းကောင်းနားထောင်”
ဒီလိုနဲ့ သားအဖနှစ်ယောက်လဲ မြည်းတစ်ကောင်ထပ်ဝယ်ပြိး ပြန်လာကြတာပေါ့။ လူတွေကလဲ အရင်တစ်ခေါက်အတိုင်းပဲ အမျိုးမျိုး ပြောကြဆိုကြ ပြန်တာပေါ့ကွာ။ ဒီတစ်ခါတော့ သားအဖ၂ယောက်လဲ မြည်းကို မထမ်းရဲကြတော့ဘူး။ နောက်တစ်ခါ ချောင်းထဲကျသွားမှာစိုးတာကိုး။ ဒါနဲ့ ကြံရာမရ ဖြစ်ပြီး ငုတ်တုတ်ပဲ ထိုင်မှိုင်နေကြတော့တာပေါ့။ အဲဒီမှာ စပ်စုတတ်တဲ့လူတစ်ယောက်က ရောက်လာတော့ စပ်စပ်စုစုနဲ့ ဘာများထိုင်လုပ်နေကြတာလဲ ဘာညာ နဲ့ မေးတာပေါ့ကွာ။ အကြောင်းစုံကိုသိရတော့ ကိုစပ်စုက ဟား .. ဒါဆိုရင်တော့ မပူနဲ့ ရှေ့ကရွာထဲမှာ ပညာရှိကြီးဘိုးစနေ ဆိုတာရှိတယ် သူ့ဆီသာသွားပြီး အကြံတောင်း အဆင်ပြေလိမ့်မယ်လို့ ညွှန်ပေးလိုက်တာပေါ့။

သားအဖနှစ်ယောက်လဲ ဟုတ်ပြီဟုတ်ရဲ့ နဲ့ ဘိုးစနေဆီ ကိုစပ်စု ညွှန်လိုက်တဲ့အတိုင်းသွားကြတာပေါ့။ အဲဒီအချိန်မှာ ဘိုးစနေကြီးတစ်ယောက်ကတော့ စိတ်ညစ်နေတာပေါ့။ ဒီတစ်ပတ် အပိုင်ပဲဆိုပြီး အကုန် ပုံအောလိုက်တာ တက်တက်စင်အောင် လွဲသွားတယ်လေ။ သူနံပါတ်ပေးတာ မမှန်တော့ လူတွေလဲ သူ့ဆီ သိပ်မလာကြတော့ ဘိုးစနေကြီးခမျာ ဘိုင်ပြတ်နေတာပေါ့။ အဲဒီမှာ ဟိုသားအဖ၂ယောက်က ဝင်လာလေတော့ ဘိုးစနေလဲ ခပ်တည်တည်နဲ့ ...
“လာကြလာကြ။ ဒီတစ်ပတ်တော့ ၂ ကောင်းသဟေ့။ ပတ်လည်သာကိုင်လိုက်”
“မဟုတ်ဘူးဘိုးဘိုး ... ကျွန်တော်တို့ အကူအညီတောင်းစရာလေးရှိလို့ပါ။”
“အေးလေ ... မင်းတို့က အကူအညီလိုမယ်မှန်းသိလို့အခု တန်းပေးပြီပဲဟာကို။ ၂ ကောင်းတယ်။ စိတ်သာချ၊ ပတ်လည်ထိုးလိုက်။ ပေါက်မှာဗျား”
“ဟုတ်ဘူး ဘိုးဘိုးရဲ့။ မေးစရာလေးရှိလို့ပါဆို။”
“ထိုးရမယ့်နေရာမသိတာကလား။ အေးလေ ဒီနယ်ကမှ မဟုတ်ပဲကိုး။ ဟိုးရှေ့က တရုတ်အစိန် ဆိုင်မှာသွားထိုးဗျား။ ဘိုးဘိုးလွှတ်လိုက်တယ်လို့သာပြော” (ဒါမှ ငါကော်မရှင်လေးဘာလေးရမှာဟ)
“ဟုတ်ဘူးဘိုးဘိုးရဲ့။ ခက်တော့တာပဲ။ မြည်းကိစ္စ မြည်းကိစ္စ။ မြည်းကိစ္စမေးချင်တာ”
“ဟေ ... မြည်းသားတင်တာတော့ ငါမကျွမ်းဘူးကွ။ ရွာနောက်ပိုင်းက ကိုမူတူးကိုသွားမေးချေ။ သူက တွေ့သမျှအကုန်သားတင်တယ်။ မိန်းမတော့ ခေါ်မသွားလေနဲ့နော်။ ကြားရဲ့လား။”
“ခက်တော့ နေပါပြီဘိုးဘိုးရယ် ... ကျွန်တော်ပြောတာလေးလဲ နားထောင်ပါဦး။ ဒီလိုဗျ ဒီလို ...

“...................................
“...................................
“...................................”

“အော ... မင်းတို့က စောစောမှ မပြောပဲကိုးကွ”
“ပြောဖို့လုပ်နေတာပဲ။ ဘိုးဘိုးမှ အခွင့်မပေးတဲ့ဟာကို”
“ကဲကဲ .. ဒီလိုလုပ်ဗျား။ (ဘိုင်ပြတ်နေတာနဲ့ အတော်ပဲဟ)။ ဟော ဟို ခြံဝိုင်းထဲမှာ လှည်းတစ်စင်း တွေ့လား။ အဲဒီလှည်းကိုဝယ်။ မင်းတို့မြည်းကို လှည်းမှာတပ်ပြီးတော့သာ ဆွဲခိုင်းပေတော့ဗျား။ အားလုံးအဆင်ပြေလိမ့်မယ်။ (ငါလဲအဆင်ပြေတာပေါ့။ ဘိုင်ပြတ်လို့ ရောင်းစရာရှာနေတာ ဟေးဟေး)။”
“ကျေးဇူးကြီးလှပါတယ်ဘိုးဘိုးရယ်။ ဥာဏ်ပူဇော်ခလေးတော့ လက်ခံပါနော။ ကန်တော့ပါရစေ”

ကဲ ပေတူးရေ။ အဲဒီလိုနဲ့ သားအဖနှစ်ယောက်လဲ မြည်းကို လှည်းမှာတပ်လို့ အတူတူ လှည်းစီးပြီး ပျော်ပျော်ရွှင်ရွှင်နဲ့ ပြန်သွားကြသတဲ့ကွယ်။ ပညာရှိကြီးဘိုးစနေလဲ သူ့ရဲ့ ရောင်းမစွံတဲ့လှည်းကို ရောင်းလိုက်ရလို့ ဝမ်းသာပီတိတွေ ဖြစ်သွားတာပေါ့။ ပုံပြင်ကတော့ ဒီလောက်ပါပဲ။ အိပ်တော့ ငါဂိမ်းဆော့တော့မယ်။
“ကိုကြီး လူလည်ကျတယ်။ ပုံပြင်အဟောင်းကို ကြံဖန်ပြီး အသစ်လုပ်သွားတယ်။ ဒီတစ်ခါမို့ ခွင့်လွှတ်လိုက်တာ။ နောက်တစ်ခါမရဘူး။ ဒါပဲ” လို့ ပြောပြီး ထွက်သွားတဲ့ ညီတော်မောင် ပေတူးကိုကြည့်ရင်း ဂိမ်းကိုပြန်ဆော့မယ်အလုပ်မှာပဲ မီးပျက်သွားပါတော့တယ်ခင်ဗျား။
ပြုံးရယ်နိုင်ကြပါစေ။

တန်ဆေးလွန်ဘေး

2008-03-14T01:54:00.002+08:00

မယုံရင် ပုံပြင်မှတ်လို့သာ ပြောရတော့မှာပေါ့။ အဖြစ်အပျက်က မြန်မာနိုင်ငံမှာ အင်တာနက် ပေါ်ဦးပေါ်ဖျားကာလတုန်းက အဖြစ်အပျက်တစ်ခု ဖြစ်လေသည်။ နာမည်များကို လွှဲထားသည်မှအပ ကျန်တာတွေ ဟုတ်သလိုလို ရှိပါကြောင်း။ တိုက်ဆိုင်မှုရှိသော် တမင်တကာ ရေးသည်ဟု ယူဆစေလိုကြောင်း အရင်ပြောလိုက်ပါရစေ။ ဇာတ်လမ်းကို ဖတ်ကြည့်ကြပါဦး။

ကိုဇင်နှင့် ဖိုးစနေမှာ ကိုးတန်းနှစ်မှ စ၍ တွဲဖြစ်ခဲ့သော သူငယ်ချင်းများဖြစ်သည်။ ဆယ်တန်းဖြေပြီးတော့လဲ ကွန်ပျူတာသင်တန်းတွေ အတူတကွ တက်ကြပြန်သည်။ ထိုစဉ်က အင်တာနက်ဆိုသည်မှာ ပေါ်ဦးပေါ်ဖျား ဖြစ်သည်။ ဖိုးစနေတို့ အင်တာနက်ဆိုတာကို ကွန်ပျူတာပြပွဲကြီးကြီးတွေရှိမှ တွေ့ဖူးမြင်ဖူးရသည်။ ဒါတောင် သူများလုပ်တာ ထိုင်ကြည့်ရတာ။ ကိုယ့်ရှေ့ချပေးလျှင် ဘာလုပ်လို့ လုပ်ရမယ်မှန်းမသိ။ ကွန်ပျူတာ သင်တန်းတွေ တက်ပြီးတော့ ကိုဇင်က အိမ်တွင် ကွန်ပျူတာ ဝယ်လိုက်ပြီး အင်တာနက် လိုင်း လျှောက်လိုက်လေသည်။ တက္ကသိုလ်တွေ ဖွင့်ပြီမို့ ဖိုးစနေတစ်ယောက် ကျောင်းချင်းမတူတော့သော ကိုဇင်နှင့် တစ်ခါတစ်ရံသာ တွေ့ဖြစ်သည်။ တစ်ခြား သင်တန်းတွေ ဆက်တက်ချင်သဖြင့် အဝေးသင်တက္ကသိုလ်ကိုသာ လျှောက်ဖြစ်ကြောင်း။ ကိုဇင့် တစ်ဦးတည်းသော ညီမ မိုးမိုး မှာ ဆယ်တန်းအောင်ပြီးနောက် စင်္ကာပူတွင် ကျောင်းသွားတက်နေကြောင်း ဟိုအကြောင်းဒီအကြောင်းများကို ကိုဇင်နှင့်တွေ့လျှင် အမြဲလို ကြားရလေ့ ရှိသည်။ တစ်ရက် ကိုဇင်တစ်ယောက် ထူးထူးခြားခြား ပေါက်ချလာသည်။ မျက်နှာကလဲ မှိုရတဲ့မျက်နှာ ဆိုတာမျိုးဖြစ်သည်။

"ဖိုးစနေ ... ငါရည်းစားရပြီကွ"

"ဒါများကိုဇင်ရာ အထူးအဆန်းလုပ်လို့၊ ခင်ဗျားလိုက်ကြိုက်နေတဲ့ ကောင်မလေး တစ်ရာ့တစ်ယောက်ထဲက ဘယ်အရုပ်ဆိုးဆိုး အသားမည်းမည်း ကောင်မလေးက ခင်ဗျားကို ပြန်ကြိုက်လိုက်သလဲ ... ပြော" ကျွန်တော်က အရွှန်းဖောက်၍ ပြန်ပြောလိုက်သည်။

"ဟားဟား ... ဖိုးစနေရယ်၊ ကွန်ပျူတာကျောင်းသားလုပ်နေပြီး ဒီလောက်တုံးရသလားဟ။ ငါရည်းစားရတာ အပြင်မှာမဟုတ်ဘူးမောင်၊ online မှာရတာဗျ။ chatting ထဲမှာတွေ့ရင်း ကြိုက်ကြတာ။"

ကိုဇင့်စကားကြောင့် ဖိုးစနေ မျက်လုံးပြူးသွားသည်။ မြတ်စွာဘုရား ... ကိုဇင်တို့ အတော် တိုးတက်နေပါလား။ ကွန်ပျူတာကျောင်းသား ဖိုးစနေပင် ကျောင်းမှာ အင်တာနက် မပြောနှင့် ရိုးရိုး Local Network ကိုတောင် မမြင်ဖူးလို့ စာတွေ့နှင့်သာ မှန်းရမ်နေရတာ၊ ကိုဇင်တို့က ကမ္ဘာ့ကွန်ယက်ထဲ ရည်းစားတောင်ရနေပြီဆိုပဲ။

"ဟ လုပ်စမ်းပါဦးဆရာသမားရ၊ ခင်ဗျားတော့ ကော်တာပဲ။ ကောင်မလေးက အမေရိက တို့ အင်္ဂလန်တို့ကဆိုရင် ခင်ဗျားကိုလှမ်းခေါ်ရင် အေးအေးဆေးဆေး ထ လိုက်သွားယုံပဲ၊ ပိုင်ပါ့ဗျာ။"

"နိုးနိုး ... ဖိုးစနေ၊ ငါက မျိုးချစ်စိတ်ဓါတ်အပြည့်ရှိတယ်ဟ။ တိုင်းတပါးသူ မျက်နှာဖြူမျက်နှာဝါများတော့ ယောင်လို့တောင် ကြိုက်လိမ့်မယ်မထင်နဲ့။ မြန်မာမိန်းကလေးပဲကြိုက်တာ။ ကောင်မလေးက နိုင်ငံခြားမှာ ကျောင်းသွားတက်နေတာကွ။"

ဖိုးစနေ ကိုယ့်နဖူး ကိုယ်ပြန်ရိုက်တော့ ကိုဇင်တစ်ယောက် တဟားဟား ရယ်လေသည်။

"ကြည့်လဲလုပ်ပါဦးကိုဇင်ရာ၊ တော်ကြာနေမှ ကိုဇင့်ညီမ သူငယ်ချင်းဖြစ်နေလို့ ဟိုက အိမ်ပြန်တိုင်နေရင် ခင်ဗျား ပြေးပေါက်မှားနေပါဦးမယ်"

"စိတ်မပူပါနဲ့ဖိုးစနေရာ ငါ check ပြီးပါပြီ။ ညီမလေးနဲ့ ကျောင်းမတူဘူးကွ။ သူတက်နေတဲ့ကျောင်းက သပ်သပ်"
"အင်းပေါ့ဗျာ ... ကောင်းပါလေ့။ ခင်ဗျားတို့ခေတ်ဆိုတော့လဲ လုပ်ကြပေါ့"
ငစနေတစ်ယောက် ခေါင်းကိုသာ တွင်တွင်ကုတ်ရတော့သည်ပေါ့။

ကျောင်းနဲ့အိမ်၊ အိမ်နဲ့ကျောင်း ချောင်းပေါက်ရုံမက မြစ်ပါ ပေါ်လောက်အောင်ပြေးနေရသော ငစနေတစ်ယောက် သစ်ရွက်တို့ တဖွေးဖွေးကြွေမှပင် နွေရောက်ပြီဖြစ်ကြောင်း သတိထားမိတော့သည်။ အရွက်မရှိ အရိပ်မရှိသော် နေပူရှိန်က ပြင်းလွန်းလှသည်။ ဘာလိုလိုနဲ့ သင်္ကြန်တောင် ရောက်ပေတော့မည်။ ထုံးစံအတိုင်းပင် ငစနေ ကျောင်းအားရက်တစ်ရက် ကိုဇင် ရောက်ချလာပြန်သည်။

"ဟေး ဖိုးစနေ။ လုပ်ပါဦးဟ။ ကိုယ် မောင်ရင့်အကူအညီလိုတယ်။"

လူမမြင်ရသေး အကူအညီတောင်းသံက အရင်ထွက်လာသည်။

"ဆို ဆရာသမား။ ဘာတွေ ဂျောက်ပေါက်ကျအောင် လုပ်ဦးမလို့တုန်း။ ခင်ဗျားကို လိုက်ကူညီရင်းနဲ့ ပြေးပေါက်မှားပေါင်းလဲ မနည်းတော့ဘူး"

ဖိုးစနေက အရွှန်းဖောက်ပြီးပြောလိုက်တော့ ကိုဇင်တစ်ယောက် မျက်နှာကြီး ရှုံ့မဲ့သွားသည်။

"ဒီတစ်ခါ အကောင်းပါ ဖိုးစနေရာ။ ဒီလိုကွ ... ဒီသင်္ကြန်ကျရင် ငါ့ကောင်မလေး ပြန်လာလိမ့်မယ်"

"အဲဒီတော့? ကျွန်တော်က ဘာလုပ်ပေးရမှာတုန်း"

"ဒီလို ဖိုးစနေရာ ... ကောင်မလေးက သူ့အိမ်က မသိအောင်ပြန်လာမှာ။ ငါနဲ့အတူတူ သင်္ကြန်မှာ အတူတူပျော်ရအောင် တိတ်တိတ် ပြန်လာတာ။ အဲဒါ ငါ သွားကြိုမှရမယ်။ သွားကြိုတဲ့နေ့ မင်းပါ လိုက်ခဲ့ပါကွာ၊ အထုပ်လေးဘာလေးထမ်း .... အဲလေ ... အဖော်ရတာပေါ့။"

မြတ်စွာဘုရား ... လောကကြီး ဘာတွေ ဇောက်ထိုးမှောက်ခုံဖြစ်နေပါလိမ့်။ ငစနေတစ်ယောက် စိတ်ရော လူပါ ညစ်သွားသည်။ ကောင်မလေးက အိမ်က မသိအောင် ပြန်လာမတဲ့။ သင်္ကြန်မှာ အတူတူ ပျော်ကြမတဲ့။

"ဖြစ်ပါ့မလား ကိုဇင်ရာ။ သင်္ကြန် လည်တာတော့ ဟုတ်ပါပြီ။ ညကျတော့ ခင်ဗျားကောင်မလေးကို ဘယ်နားသွားထားမှာတုန်း။ ခင်ဗျားအိမ်ခေါ်သွားမလို့လား" ငစနေက တမင် ရွဲ့ပြီးမေးလိုက်တော့ ကိုဇင် တဟားဟား ရယ်လေသည်။

"ဖိုးစနေ ... မောင်ရင် တုံးချင်ယောင်ဆောင်နေတာလား၊ ဒါမှမဟုတ် တစ်ကယ်ပဲ တုံးလွန်းနေတာလားဟ။ ငါ အကုန်စီစဉ်ထားပြီးပြီကွ။ ကောင်မလေးအတွက် ဟိုတယ်မှာတည်းဖို့ စီစဉ်ထားတယ်။ နေ့ဘက် သင်္ကြန်လည်။ ညဘက် ဟိုတယ်မှာ နားပေါ့ကွာ။ အိမ်ကိုတော့ မဏ္ဍပ်မှာပဲ အိပ်မယ်လို့ ပြောထားတယ်။ ကျန်တာတော့ ဟဲဟဲပေါ့ကွာ ... ဟဲဟဲ။ "

ကိုဇင့်ဟဲဟဲက ငစနေ့ကို ပိုပြီး စိတ်ညစ်သွားစေသည်။

"တိဘူးဗျာ ... ခင်ဗျားတို့ဟာတွေ တစ်ကယ်ကို လိုက်မမှီတော့ဘူး။ တတ်လဲတတ်နိုင်ကြပါပေ့။ စိတ်ကြီးကိုညစ်တယ်"။ ငစနေတစ်ယောက် ကလေးပေါက်စ လေသံနှင့် ခြေထောက်ကို ဆောင့်၍ပြောတော့ ကိုဇင့်ရယ်သံက ပို၍ပို၍သာ ကျယ်လို့လာလေတော့သည်။

"ဒါနဲ့ ခင်ဗျားကောင်မလေးက ဘယ်နေ့ ပြန်လာမှာလဲ"

"သင်္ကြန် မတိုင်ခင် ၂ ရက်"

အချိန်က ငစနေ့အတွက် မြန်လွန်းလှသော်လည်း ကိုဇင့်အတွက်မူ နှေးလွန်းလှပေသည်။ ကောင်မလေး လာမည့်ရက်ကိုသာ လည်တစ်ဆန့်ဆန့် နှင့် လက်ချိုးရေတွက် စောင့်မျှော်နေသော ကိုဇင့်ကိုတွေ့တိုင်း ငစနေ ရယ်ရမလို ငိုရမလို ဖြစ်ရသည်။ သွားကြိုမည့်နေ့သို့ရောက်သော် မနက်အစောကြီး ကိုစနေတစ်ယောက် အိမ်သို့ ရောက်လာတော့သည်။ ငစနေကတော့ အိပ်ကောင်းတုန်း။

"ဟာ ... ဟေ့ဟေ့ ဖိုးစနေ။ ထပါဟ။ ဒီနေ့သွားကြိုရမှာလေ။ နောက်ကျကုန်တော့မှာပဲ။ " ပြောရင်းဆိုရင်းနှင့်ပင် ငစနေ့ကို အိပ်ယာပေါ်မှ အတင်းဆွဲချသဖြင့် ငစနေ ထလိုက်ရသည်။

"ကိုဇင် လုပ်ပြီဗျာ။ မနက် အစောကြီးပဲရှိသေးတယ်။ ခင်ဗျားကောင်မလေး လေယာဉ်က နေ့လည်မှ ဆိုက်မယ့်ဟာ။ ဘာတွေဖြစ်နေတာတုန်း" ငစနေ အိပ်မှုန်စုံမွှားဖြင့်အော်တော့ ကိုဇင် စပ်ဖြဲဖြဲလုပ်ပြသည်။

"ငါ စိတ်တွေ အရမ်းလှုပ်ရှားနေလို့ပါကွာ။ အစောကြီးလဲ နိုးနေတယ်။ တစ်ယောက်တည်းလည်း မနေချင်တာနဲ့ မင်းဆီထွက်လာတာ။ လာလာ ... မျက်နှာသစ်လိုက်၊ ပြီးရင် အပြင်မှာ breakfast ထွက်စားရအောင်၊ မော်ဒန် သွားမလား၊ သပြေရိပ်သွားမလား ... မင်းကြိုက်တာပြော။"

"ကဲပါ ... ခင်ဗျားလုပ်တာနဲ့ အိပ်ချင်စိတ်လဲ ပျောက်သွားပါပြီ။ ခဏစောင့်။ ကျွန်တော် မျက်နှာသစ်ပြီး အဝတ်အစား လဲလိုက်ဦးမယ်၊ ပြီးရင် မော်ဒန်ပဲသွားကြတာပေါ့။"

လက်ဘက်ရည်တစ်ခွက်၊ နံပြားနှင့် ဆိပ်စွပ်ပြုတ် တပွဲမှာပြီးတော့ ငစနေ ဟာနေသော ဗိုက်ကို အရင်ဖြည့်လိုက်သည်။ ကိုဇင်ကတော့ စီးကရက်ကိုသာ တစ်လိပ်ပြီးတစ်လိပ် ဖွာနေသည်။ လက်ဘက်ရည်ခွက်က အရာမယွင်းသေး။

"ကိုဇင် ... ခင်ဗျားကောင်မလေးက ချောလားဗျ"

"အော် ... ကျေးဇူးရှင် ... မေးဖော်ရသေးတယ်နော်။ ဒီလောက် ကြာလှပြီ ခုမှပဲ မေးတော့တယ်။ ... ဟီးဟီး ... အမှန်အတိုင်းပြောမယ်ကွာ ... ငါ သူ့ကို မတွေ့ဖူးသေးဘူးကွ"

"အေးလေ ... ခင်ဗျားတို့က ခုမှတွေ့မယ်ဟာ။ ကျွန်တော်သိပါတယ်။ ကျွန်တော်မေးတာက ဓါတ်ပုံထဲမှာ လှလားလို့မေးတာ။"

"ဟီး ... ဓါတ်ပုံကို မတွေ့ဘူးသေးတာဖိုးစနေရေ။ ကောင်မလေးက သူ့အိမ်က သိမှာစိုးလို့ဆိုပြီး ဓါတ်ပုံတောင် ပို့မပေးဘူး။"

ထင်သည် ... ကိုဇင်တို့ တစ်ခုခုတော့ တစ်လွဲလုပ်ရမှ ကျေနပ်သည်ကို ဖိုးစနေ သိပြီးသား။ ခု ဇာတ်လမ်းက စပြီ။

"ကဲ .. အဲဒီတော့ ခင်ဗျားက လေဆိပ်ရောက်ရင် ဘယ်ကောင်မလေးကို ဘယ်လိုကြိုမှာတုန်း လုပ်စမ်းပါဦး။ လေယာဉ်ပေါ်ပါသမျှလူကို ခင်ဗျားကောင်မလေးလား လို့ လိုက်မေးရမှာတော့ မနိပ်သေးပါဘူးဗျာ"

ငစနေ နံပြားတဖဲ့ကို ပါးစပ်ထဲထိုးထည့်ရင်း ပလုပ်ပလောင်းမေးတော့ ကိုဇင်က ထုံးစံအတိုင်း ခပ်ထေ့ထေ့ ပြုံးပြန်သည်။

"လူမြင်ဘူးမှ ကြိုလို့ရမှာလား ငစနေရယ်။ နည်းတွေ အများကြီးရှိတယ်။ ဒီမှာ ... ဦးနှောက်ကို လွှာပြီးသုံး သိလား။ အတုံးလိုက်အတစ်လိုက်တွေ သ်ိပ်မလုပ်နဲ့။ မောင်ရင့်ကွန်ပျူတာတောင် ဒီလို အကြံမျိုးတွေ ထုတ်နိုင်မှာမဟုတ်ဘူး။"
ကိုဇင်က နိုင်ဖဲကို ကိုင်ထားသော လေသံနှင့် ပြောလေသည်။

"ဟေ့လူ ပြောမှာပြောဗျာ။ ကျွန်တော့်ကွန်ပျူတာချည်းပဲ လာထိခိုက်မနေနဲ့"

"ကောင်မလေးနဲ့ငါနဲ့က အချိန်းအချက် လုပ်ထားတယ်ကွ။ သူက အင်္ကျီ အနက်ရောင် ဝတ်လာမယ်တဲ့"

"ဟားဟား ... ကောင်းလိုက်တဲ့ မဟာအကြံအစည်ကြီး။ အင်္ကျီအမည်းက ခင်ဗျားကောင်မလေးမှာပဲ ရှိတာကျနေတာပဲ။ လေယာဉ်တစ်စီးလုံး အင်္ကျီအမည်းဝတ်လာရင် ခင်ဗျားဘယ်လိုလုပ်မလဲ" .. ငစနေ ကြားဖြတ်၍ တဟားဟား အော်ရီတော့ ကိုဇင်က

"ဟ ... ဖြတ်မပြောနဲ့လေ ဖိုးစနေရ။ ဆုံးအောင် နားထောင်ပါဦးဟ။ သူက အင်္ကျီ အနက်ရောင် ဝတ်လာမယ်ကွာ။ ပြီးရင် လေဆိပ်ထဲမှာ အသိတွေ ရှိမရှိ အရင်ကြည့်မယ်။ မရှိဘူးဆိုရင် အချက်ပြတဲ့အနေနဲ့ ပန်းအနီရောင်လေးတစ်ပွင့် ရင်ဘတ်မှာ ထိုးလိုက်မယ်တဲ့။ အဲဒါဆိုရင် ငါက ဖဲပြား အနီရောင်လေးကို ရင်ဘတ်မှာ ထိုးပြီး သူ့ဆီကို သွားလိုက်ယုံပဲ။ ရှင်းပြီလား"

"ကဲပါဗျာ ... ထားပါတော့။ ခင်ဗျားကောင်မလေးက သူ့အသိတွေအမျိုးတွေနဲ့ တွေ့နေရင် ဘယ်လိုလုပ်မလဲ။ မတော် အိမ်က လူတွေပါ ရောက်နေရင် ပြဿနာ တက်ကုန်မှာပေါ့။ တစ်ကယ်ပဲ မစဉ်းမစားနဲ့ဗျာ။ ကျွန်တော့်ညီမသာ ဆိုလို့ကတော့ ဇက်ပိုးကိုချည်းပဲ နာနာအုပ်ပစ်မှာ"

"ဟားဟား ... မောင်ရင့်ညီမတော့ ဘယ်တော့မှ ဖြစ်မှာမဟုတ်ဘူးဖိုးစနေ။ သူ့ဥာဏ်ကလဲ မောင်ရင့်ထက် ပြေးသဗျ။ ကိုယ် အဲဒါကို မေးပြီးပြီ။ သူက အိမ်ကလူတွေကို လွမ်းလို့ surprise လုပ်ရအောင် တိတ်တိတ်လေး ပြန်လာတယ်လို့ ပြောမှာပေါ့ တဲ့။ ကဲ ... ဒီလောက် ဥာဏ်ကောင်းနေမှတော့ မောင်ရင့်ညီမ ဘယ်ကလာ ဖြစ်နိုင်တော့မှာတုန်းကွ။ ဟားဟား"

ငစနေတို့ လေဆိပ်ထဲရောက်ပြီး မကြာမီမှာပင် လေယာဉ်ဆိုက်လေသည်။ သိပ်မကြာလိုက်ပါ။ ခရီးသည်များ အလျှိုအလျှို သက်ဆိုင်ရာ ကောင်တာများမှ ထွက်လာကြသည်။

"ငစနေ ... လုပ်ပါဦးဟ ... ကူပြီးရှာပါဦး။ အင်္ကျီအနက်နဲ့ က လေးယောက်လောက်ဖြစ်နေတယ်။ ဘယ်တစ်ယောက်လဲမသိဘူး"

ငစနေ လေဆိပ်အတွင်းပိုင်းထဲ လှမ်းကြည့်လိုက်သည်။ အခုထွက်လာတဲ့ အင်္ကျီအနက် လက်ပြတ်နဲ့ကောင်မလေးကို မြင်ဖူးသလိုလို ....

"ဟိုက် ... ကိုဇင် ... ဟိုမှာ မိုးမိုးဗျ ... ခင်ဗျားညီမ မိုးမိုး။ ကွိုင်ပဲ။ ဘာဖြစ်လို့ ပြန်လာတာလဲမသိဘူး"

ငစနေ ပြမှပင် ကိုဇင်တစ်ယောက် သူ့ညီမကို မြင်လေသည်။

"ဟာ ... ဖိုးစနေ ... ဟိုတစ်ယောက်ကို တစ်ချက်ကြည့်ထား။ ငါ ညီမလေးဆီ သွားလိုက်ဦးမယ်။"

ကိုဇင် ပြေးသွားရာနောက်သို့ ငစနေပါ ပြေးလိုက်သွားရသည်။ အင်္ကျီအနက်ရောင်နှင့် ကောင်မလေးများကတော့ ပန်းအနီကို ရင်ဘတ်မှာ မထိုးကြသေး။

"မိုး ... ဘာဖြစ်တာလဲညီမလေး။ နင် ဘာဖြစ်လို့ ပြန်လာတာလဲ။ နေရောကောင်းရဲ့လား။ အဆင်ရောပြေရဲ့လား။ ငါစိတ်ပူလိုက်တာဟာ။"

ကိုဇင်တစ်ယောက် သူ့ညီမပုခုန်းကိုကိုင်ရင် တတွတ်တွတ် မေးလေသည်။

"ဟိုလေ ... ညီမလေး ကိုကြီးတို့ ဖေကြီးတို့ကို လွမ်းလို့ ခဏပြန်လာတာ။ ညီမလေးသူငယ်ချင်းက လေယာဉ်လက်မှတ် ဝယ်ပြီးမှ မပြန်ဖြစ်တာနဲ့ သူ့လက်မှတ် ကိုညီမလေး ယူလိုက်တာ။ ကိုကြီးတို့ အံ့သြသွားအောင်လို့ အကြောင်းမကြားပဲ ပြန်လာတာလေ။"

မိုးမိုးအဖြေကြောင့် ကျွန်တော်ရော ကိုဇင်ပါ ပါးစပ်အဟောင်းသား ဖြစ်သွားပါသည်။

"ဘာ .... နင်ဘာပြောတယ်" ရုတ်တရက် အော်လိုက်သည့် ကိုဇင့်အသံကြောင့် မိုးမိုး ဆတ်ကနဲတုန်သွားကာ လက်ထဲမှာ အရာတစ်ခု လွတ်ကျသွားသည်။

နှင်းဆီ အနီရောင်တစ်ပွင့် .... အင်္ကျီတွင် အသင့်ထိုးရန် ကလစ်လေးနှင့် ချိတ်ထားသော အနီရောင်နှင်းဆီ။

"ကိုကြီး ... ဘာဖြစ်လို့လဲဟင်။ ... ဘာဖြစ်သွားလို့လဲ။ ကိုကြီးကရော ဘာလို့ လေဆိပ်ကိုရောက်နေတာလဲ။ ညီမလေး ပြန်လာမှာကို သိလို့လား"

မျက်လုံးအဝိုင်းသားနှင့် အပြစ်ကင်းသူ ဘာမှ မသိသူတစ်ယောက်ပမာ မေးသောမေးခွန်းကို ကိုဇင် ပြန်မဖြေနိုင်ပါ။ လက်ထဲမှ ကိုင်ထားသော အရာတစ်ခုကိုသာ ကြမ်းပြင်ပေါ်သို့ ဒေါသတစ်ကြီး ပစ်ချလိုက်တော့သည် ...

အနီရောင် ဖဲပြားလေးတစ်ခု

ဘာမှ ထပ်ရှင်းပြစရာ မလိုတော့ပါ။ အားလုံးကို အလိုလိုနားလည်သွားသော မိုးမိုးတစ်ယောက် တသိမ့်သိမ့် ရှိုက်ကာ ငိုတော့သည်။ ကိုဇင်ကတော့ ဝုန်းကနဲလှည့်ကာ လေဆိပ်အပြင်ဘက်သို့ ပြေးထွက်သွားလေပြီ။ ကျွန်တော် ငစနေတစ်ယောက်သာ ကိုဇင့်နောက်သို့ လိုက်သွားရကောင်းနိုး၊ ငိုနေသူကို ချော့ရကောင်းနိုးဖြင့် ဝေခွဲမရနိုင် ဖြစ်နေလေတော့သည်။

ဖျက်မရသောအတိတ် ၆ - မူလတန်း၏ နောက်ဆုံးနေ့များ

2008-02-28T11:25:00.000+08:00

ငစနေတစ်ယောက် အလုပ်တွေများလိုက်တာမှ အမေတို့ပြောသလို ယားတာတောင် မကုတ်အားလို့ ထုံးတို့ပြီးမှတ်ထားရတယ် ဆိုတဲ့အတိုင်းပါပဲ။ မယားလို့ ထုံးမတို့လိုက်ရပေမယ့် တစ်ပတ်လောက်ဆက်တိုက် နေ့လည်စာလွတ်သွားတဲ့ဒဏ်က အရင်ရှိထားဖူးတဲ့ အစာအိမ်ပြဿနာကို ပြန်အစဖော်လာပါတယ်။ ကိုယ့်အကြောင်းကိုယ်သိပြီး ခြင်္သေ့ကျွန်းမှာ ရောဂါတစ်ခါဖြစ်ရင် အနည်းဆုံး ၃၀၀ လောက် အောက်ထစ်ကုန်တတ်တာမို့ အခြေအနေမဆိုးခင် အလုပ်ကိုလျှော့ပြီး ကျန်းမာရေးအခြေအနေကို ကမန်းကတမ်းပြန်ထိန်းလိုက်ရတယ်။ အစ်မတွေ အစ်ကိုတွေကလဲ အော်လှပြီမို့ ဒီနေ့တော့ အလုပ်များချင်ယောင်ဆောင်ပြီး Blog တင်မယ့် post တစ်ခု ခိုးရေးဖြစ်ပါတယ်။ ရုတ်တရက် အသစ်ရေးဖို့ အကြံမရတော့လဲ ရေးလက်စ အဟောင်းဖြစ်တဲ့ ငယ်ဘဝအကြောင်းကိုပဲ ဆက်ရေးရတာပေါ့။

ငစနေ၏ငယ်ဘဝ၌ အထင်ရှားဆုံးအမူအကျင့်ကိုပြောပြပါ ဆိုလျှင် အပျင်းထူခြင်းပင် ဖြစ်လေသည်။ အထူးသဖြင့် ကျောင်းစာကိုလုပ်ရမှာပျင်း၏။ အမေကတော့ ငစနေတို့များ ကျောင်းစာဆိုရင် တီ ဆားကြောက်တာထက်တောင် ကြောက်သေးတယ် လို့ပြောတတ်သည်။ ဟုတ်ပ။ ထိုကျောင်းစာလုပ်သည့်အထဲမှာမှ အပျင်းဆုံးမှာ ကျောင်းမှ သင်ပြီးသားစာများကို ပြန်လုပ်ရခြင်းပင်ဖြစ်သည်။ ငစနေတို့ငယ်ငယ်တုန်းက ကျူရှင်သင်ကြားပုံမှာ ယနေ့ဆရာများကဲ့သို့မဟုတ်ပေ။ ရောက်သည်နှင့် ဆရာမက ဒီနေ့ ကျောင်းမှာ ဘာသင်လဲ ဆိုတာ အရင်မေးသည်။ သင်္ချာသင်သည့်နေ့ဆိုလျှင် အကုန် အစအဆုံး တစ်ခေါက်ပြန်တွက်ရသည်။ ကျက်စာပါလာလျှင် ချက်ချင်း ကျက်ပြီး ပြန်အံ (အလွတ်ပြန်ဆို) ရသည်။ ငစနေကလဲ ဒါမျိုးဆို ပျင်းမှပျင်း။ ကျူရှင်ဆရာမနှင့် ခဏခဏ ပြဿနာတက်ဖန်များလာတော့ အမေ့ကို ကျူရှင်မတက်တော့ဟု ငစနေကြေငြာလေသည်။ (အဲဒါ ၂ တန်းကျောင်းသားတဲ့နော်)။ အမေကတော့ အေးအေးဆေးဆေးပင်၊ “အေးလေ။ နင်ပျင်းရင်လဲ မတက်နဲ့ပေါ့။ လပတ်စာမေးပွဲမှာ အဆင့် ၁၀ အောက် မကျစေနဲ့။ ကျရင်တော့ နင့်ကိုကျူရှင်ပြန်ပို့မယ်” ဟုသာ ပြောလေသည်။ အလွန်ပေ အလွန်ကတ်သော ငစနေကလဲ အဆင့် ၇၊ ၈၊ ၉ တို့ကိုသာ တစ်လှည့်စီယူ၍ ကျူရှင်တက်ခြင်းမှ ကင်းလွတ်အောင်ကြံဆောင်တော့သည်။

စတုတ္ထတန်းသို့ရောက်သောခါ ငစနေတစ်ယောက် ရင်တထိတ်ထိတ်ပေါ့။ အစိုးရစစ်ပေကိုး။ အစ်မလုပ်သူက လေးတန်းအစိုးရစစ်မှာ ဂုဏ်ထူးတွေ တပွေ့တပိုက် ရထားလေတော့ ငစနေ့အလှည့်ကျမှ ဘာမှမရရင် ခေါင်းကျိန်းပေတော့မည်။ ကိုယ့်မာနနဲ့ကိုယ် ကျူရှင်ကလဲ ပြန်မတက်ချင်သည်မို့ စာကိုသာ အသေကုန်းရုန်းကျက်ရတော့သည်။ ကျောင်းမှ ဆရာမများကလဲ “လေးတန်းကို ဘာမှတ်နေလဲ။ ဒါ အစိုးရစစ် စာမေးပွဲ၊ ၈တန်းတို့ ၁၀ တန်းတို့နဲ့ အတူတူပဲ ” ဟုဆိုကာ အတင်းမောင်းအ တင်းတွန်းကြသည်။ မနှစ်က စာမေးပွဲတုန်းက ကျောင်းမှ မြို့နယ်အလိုက် ပထမရသူတစ်ယောက် ပါသည်မို့ ဒီနှစ် မြို့နယ်ဆုတွေ ပိုများများချိတ်အောင် ကြိုးစားကြသည်။ အထူးသဖြင့် အတန်းပိုင်ဆရာမ သင်သော သင်္ချာနှင့် ပထဝီက အဆိုးဆုံး။ သင်္ချာဆိုလျှင် တစ်ခါသင်လျှင် အခန်းတစ်ခန်း ပြတ်အောင်သင်ပြီး ရှိသမျှ လေ့ကျင့်ခန်းအကုန် အိမ်စာပေးပစ်လေ့ရှိသည်။ အိမ်မှာ ငစနေတစ်ယောက် စာချည်းပဲ ကုန်းရုန်းလုပ်နေသည်မို့ လူကြီးများကပင်အံ့သြသော အမူအယာ ပြကြသည်။ ဒီလိုနဲ့ ပထမအစမ်း စာမေးပွဲကြီးမှာ တစ်ဖြည်းဖြည်း နီးကပ်လာလေတော့သည်။

ပထမအစမ်း စာမေးပွဲစစ်ခါနီး တစ်လခန့်အလိုတွင်တော့ ဆရာမက ငစနေတို့ကို အလွန်ဝမ်းသာစရာ သတင်းစကားတစ်ခု ပေးလေတော့သည်။ ထိုသတင်းမှာကား ယခုနှစ်မှစ၍ လေးတန်းစာမေးပွဲကို အစိုးရမှ တာဝန်ယူစစ်ဆေးခြင်းကို ရပ်ဆိုင်းပြီး မိမိ သက်ဆိုင်ရာ ကျောင်းများအလိုက်သာ စာမေးပွဲများ ကျင်းပကြရန် ဟူသော သတင်းပင် ဖြစ်လေတော့သည်။ ငစနေတို့ ပျော်လိုက်တာမှ ဘာပြောကောင်းမလဲ။ လေးတန်းနှစ်ကား အပျော်များ စုနေသောနှစ်ဟု ဆိုရမလားပင် မပြောတတ်၊ ပထမအစမ်း စာမေးပွဲပြီး၊ သတင်းကျွတ်ကျောင်းပိတ်ရက်မှ ကျောင်းပြန်ဖွင့်ပြီးသိပ်မကြာခင်မှာပင် အတန်းပိုင်ဆရာမ သင်သော သင်္ချာနှင့်ပထဝီမှာ သင်ရိုးအကုန် ကျွတ်သောအခြေအနေသို့ရောက်တော့သည်။ သင်ရိုးကုန်ပြီဆိုတာနဲ့ အတန်းပိုင်ဆရာမက ခွင့်ရက်ရှည်ယူလေသည်။ မီးဖွားခွင့် တဲ့။ မင်းတို့ အတန်းတင်စာမေးပွဲနားနီးမှ ပြန်လာမယ်။ သိပ်မဆော့နဲ့၊ ငစနေ၊ ဆရာမမရှိရင် မင်းအတန်းထိန်းရမယ်နော်။ ဟု နှုတ်ဆက်ကာ ခွင့်ယူသွားလေတော့သည်။ ငစနေတို့မှာ ပျော်မဆုံးတော့။ မြန်မာစာ၊ အင်္ဂလိပ်စာနှင့် သမိုင်းတို့သာ သင်ရန်ကျန်တော့သည်ကိုး။ အားနေသောအချိန်များတွင် ငစနေတို့ ၂ တန်းနှင့် ၃ တန်းမှ ဆရာမများကို အမှတ်ကူခြစ်ပေးခြင်း၊ စာမေးပွဲကူစစ်ပေးခြင်း၊ စာကူသင်ပေးခြင်း စသည်ဖြင့်သွားရောက်ကူညီကာ အငယ်တန်းများအား ဆရာကြီးလုပ်ကြသည်။

အတန်းခေါင်းဆောင်ဆိုသော တာဝန်မှာ ဆရာမမရှိသောအခါ အတန်းသော့ကို ထိန်းသိမ်းရသော တာဝန်လဲ တစ်ခုပါလာလေသည်။ သော့ကိုင်ရတော့ မနက်ကို သူများမရောက်ခင် စောစောရောက်အောင်သွားပြီး အတန်းဖွင့်ပေးရတာပေါ့။ မဟုတ်ရင် ကျောင်းသားတွေ အတန်းထဲမဝင်ပဲ အပြင်မှာသောင်းကျန်းနေရင် ငစနေနဲ့ ကျောင်းအုပ်ဆရာမကြီးနဲ့ ကွိုင်တက်ပေလိမ့်မည်။ ငစနေက ကျောင်းနှင့်အ မေ့ရုံးနှင့် နီးသည်မို့ အမြဲတမ်း အမေ့ရုံးကားနှင့်သာ လိုက်လေ့ရှိသည်။ ယခု စောစောသွားဖို့ကျတော့ ရုံးကားစီး၍ မဖြစ်တော့။ အဖေကလဲ နယ်မှာတာဝန်ကျနေသည်မို့ လိုက်မပို့နိုင်၊ အမေကလဲ မနက်စာ ထမင်းချိုင့်ကိစ္စ အလျင်မှီအောင် လုပ်ရတော့ စောစောလိုက်မပို့နိုင်ပေ။ အမေ့ကိုဘယ်လိုလုပ်ရမလဲမေးတော့ “ငစနေရယ်။ နင် ကိုယ့်ဖာသာကိုယ်သွားပေါ့။ ငါရောက်တော့မှ ထမင်းချိုင့်လာပေးမယ်” ဟုပြောလေသည်။ ဤသို့နှင့် လေးတန်းကျောင်းသား ငစနေတစ်ယောက် ကျောက်မြောင်းရှိအိမ်မှ မြို့လည်ခေါင်ရှိကျောင်းသို့ မနက်စောစော တစ်ယောက်တည်း ကျောင်းတက်လေတော့သည်။ ဆွေမျိုးများသိသော် အမေ့ကို ဝိုင်းအပြစ်တင်ကြသည်။ ကလေးကို တစ်ယောက်တည်းလွှတ်ရကောင်းလားပေါ့။ အမေကတော့ အေးအေးဆေးဆေးပင် “သူသွားတတ်ပါတယ်” ဟုသာ ပြန်ပြောတတ်သည်။ တစ်ချို့က နယ်ရောက်နေသော အဖေ့ကို လှမ်းတိုင်ကြသည်။ အဖေကလဲ “နင်တို့သားအမိနဲ့တော့ ခက်ပါတယ်” ဆိုတာထက် ပိုမပြောပေ။ အမေသည် ငစနေ့အတွက် တစ်ကယ်ပင် အရေးပါသော ပဲ့ကိုင်တစ်ယောက်၊ ပန်းပွတ်သမတစ်ယောက် ဖြစ်သည်။

ဒီလိုနဲ့ပဲ ငစနေ၏ မူလတန်းရက်များ ကုန်ဆုံးခဲ့တော့သည်။

ဖျက်မရသော အတိတ် ၅ - ရာထူး၊ ထိုင်ခုံနှင့် အာဏာ

2008-02-02T22:06:00.001+08:00

ငယ်ဘဝအကြောင်းနည်းနည်းပြန်ဆက်ဦးမည်။

ရာထူးဆိုတာ ရူးတာ လို့တော့ လူရွှင်တော်တွေ အငြိမ့်မှာ ပျက်လုံးထုတ်ကြသည်။ အမှန်က ရာထူးဆိုတာ မရသူတွေအတွက်သာ မကောင်းတာ၊ ရထားသူတွေအတွက်က ကောင်းမှကောင်းဗျ။ ငစနေ ရာထူးအကြောင်းစသိတာ ၁ တန်းကျောင်းသားဘဝကတည်းကပေါ့။ ငစနေက အသက် ၅ နှစ်ခွဲမှာမှ ကျောင်းစတက်ရတာဆိုတော့ အတန်းထဲမှာ နည်းနည်း အကောင်ကြီးသည်။ ဆရာမတွေ သတိထားကြတာပေါ့။ သူငယ်တန်းကျောင်းစဖွင့်လို့ ဘာမှသိပ်မကြာလိုက် ပြဿနာက တက်တော့သည်။ ဖြစ်တာက ဒီလို၊ မင်းမင်းဆိုတဲ့ကောင်က ငစနေနဲ့ တစ်ခုံတည်းထိုင်တာ၊ တော်တော်ခင်သည်။ တစ်ရက် ငစနေက ဘေးကခုံပေါ်ကို ခြေထောက်လှမ်းတင်ပြီးထိုင်နေတာကို ဒီကောင်က အဲဒီခြေထောက်ကို ကြိုးခုန်သလို လာခုန်နေသည်။

“ဟေ့ကောင်၊ ပြုတ်ကျမယ်နော်”

ငစနေ လှမ်းသတိပေးလိုက်သေးသည်။ သို့သော် ကျေးဇူးရှင်က ရပါတယ်ကွာ ဟုဆိုကာ ဆက်ဆော့နေသည်။ ဘာမှမကြာလိုက် လွတ်အောင်မခုန်နိုင်တဲ့တစ်လှည့် ငစနေ့ခြေထောက်နှင့် ခလုတ်တိုက်မိကာ ရှေ့ကို ဟပ်ထိုးလဲကျတော့သည်။ သံမံသလင်းနှင့် မေးစိ မိတ်ဖွဲ့လေသော် သွေးများ ဖြာကနဲ ကျလေသည်။ ရလာဒ်က ဆေးခန်းသို့ပြေး၍ လေးချက်ချုပ်လိုက်ရသည်။ ဖြစ်ချင်တော့ အဖြစ်အပျက်က ငစနေ ခြေထောက်ထိုးခံသောကြောင့် မင်းမင်း ပြုတ်ကျပြီး မေးစိကွဲသည်ဟူသတတ်။ ဆရာမများကြားတွင် ငစနေ နာမည်ကြီးသွားသည်။

“တယ်မလွယ်တဲ့ကောင်၊ တစ်ခုံတည်းထိုင်တဲ့သူငယ်ချင်းကိုတောင် မေးစိကွဲအောင်လုပ်သတဲ့”။

အဖြစ်အပျက်မှန်ကို ငစနေနှင့် မင်းမင်းနှစ်ယောက်သာ သိကြသည်။ သို့သော် နှစ်ယောက်စလုံးက ဒီတိုင်းသာနေကြသည်။ ဘယ်သူ့ကိုမှ ရှင်းမပြကြ။ ဆရာမများက မင်းမင်းကို ခုံပြောင်းထိုင်ဖို့ပြောသော်လည်းမပြောင်း၊ သူငယ်ချင်းနှစ်ယောက် လည်ပင်းဖက်ပြီး ပေါင်းမြဲပေါင်းကြသည်။

ပထမတန်းသို့ရောက်သော် အတန်းပိုင်ဆရာမက ထိုအချက်ကို ထောက်၍ ငစနေ့အား ရာထူးတစ်ခု အပ်နှင်းလေသည်။ “မော်နီတာ” တဲ့။ အတန်းခေါင်းဆောင်၊ သို့မဟုတ် လူဆိုးထိန်းဆိုပါတော့။ ရာထူးနှင့်အတူ ပါလာတာက ထိုင်ခုံ။ ဒါကြောင့်မို့ တစ်ချို့က ရာထူးကို ထိုင်ခုံဟု သွယ်ဝိုက်ခေါ်ကြတာဖြစ်မည်။ ငစနေ တို့ ကျောင်းသားတွေ ထိုင်ရတဲ့ခုံက နောက်မှီမပါသော ခုံတန်းရှည်ကြီးတွေ။ တစ်တန်းကို ၂ ယောက်၊ သို့မဟုတ် ၃ ယောက် ထိုင်ရလေသည်။ ဆရာမ ထိုင်သောခုံက နောက်မှီရော လက်တန်းပါ ပါသောခုံ။ ငစနေတို့ အလွန်ထိုင်ချင်ကြပေမယ့် မည်သူမှ မထိုင်ရဲကြ။ ဆရာမ စားပွဲ၏ ဘေးတွင် ထိုခုံကဲ့သို့ နောက်တစ်ခုံရှိသေးသည်။ နောက်မှီတော့ပါသည်။ လက်တန်းမပါ။ ငစနေ မော်နီတာ ရာထူးရသောအခါ ဆရာမက ငစနေကို ထိုခုံ၌ ပေးထိုင်လေသည်။ အမြဲတမ်းတော့မဟုတ်။ ဆရာမ အပြင်သွားစရာရှိ၍ ငစနေ အတန်းထိန်းရသည့်အခါမျိုးဆိုလျှင် ထိုခုံမှာ ထိုင်ရသည်။ ဘာပဲဖြစ်ဖြစ် ထိုင်ခုံတစ်ခု တရားဝင်ရသောအခါ သွေးနားထင်ရောက်တတ်သော လူ့သဘာဝကို ငစနေ ငယ်စဉ်ကတည်းက သိမြင်ခွင့်ရခဲ့သည်။

ရာထူးနှင့်အတူ နောက်တစ်ခုပါလာတာက အာဏာဖြစ်သည်။ မော်နီတာဆိုတာ ဆရာမမရှိရင် သူအကြီးဆုံးဗျ။ ဆရာမက “ငစနေရေ၊ ဆရာမ အစည်းအဝေးသွားဦးမယ် အတန်းထိန်းထား၊ စကားပြောတဲ့ကောင်တွေနာမည်မှတ်ထားလိုက်၊ ငါပြန်လာမှ ဆော်မယ်” ဆိုလို့ကတော့ ငစနေတို့ အလွန် မျက်နှာပွင့်လေပြီ။ ငစနေ့အတွက် နာမည်မှတ်စရာ ဗလာစာရွက်ပေးသောသူနှင့်၊ ခဲတံချွန်ပေးသောသူနှင့်၊ အဟဲ ... ငစနေတို့ ကောင်းစားနေတာပေါ့။ မျက်နှာချို မသွေးလို့လဲမရ၊ ငစနေတို့ မျက်လုံးထဲ ကန့်လန့်ကန့်လန့်ဖြစ်လာလို့ကတော့ စကားပြောပြောမပြောပြော ထိုနာမည်စာရင်းထဲ ပါပြီသာမှတ်။ ဆရာမ ပြန်လာလို့ကတော့ အဲဒီကောင် အစစ်အဆေးအမေးအမြန်းမရှိ အနည်းဆုံး ၃ ချက်လောက်တော့ ဖင်ချွတ်ပြီး အရိုက်ခံရလေပြီ။ အတန်းထဲမှာ အကုန်လုံး စကားသံမထွက်ရ၊ အကုန် မှောက်အိပ်နေရသည်။ ခေါင်းပင်မထူရဲ။ ထိုအချိန်မျိုးမှာ အရှေ့ဆုံးမှာ နောက်မှီပါသော ထိုင်ခုံမှာ မိန့်မိန့်ကြီးထိုင်၍ စာရွက်တစ်ကိုင်ကိုင် ခဲတံတစ်ဝင့်ဝင့်နှင့် ဟန်ရေးပြနေသော ငစနေကို မြင်ယောင်သာကြည့်ကြပါတော့ဗျာ။

အထီးကျန်

2008-01-27T19:02:00.001+08:00

ဒီပုံလေးကို “အထီးကျန်” လို့ နာမည်ပေးဖြစ်တယ်။ သူ့ကို စီးမယ့် ပိုင်ရှင်ကို စောင့်စားရင်း အထီးကျန်နေရှာတဲ့ စက်ဘီးလေးပေါ့။

ဒေါသထွက်ခြင်း

2008-01-27T18:36:00.000+08:00

ပြောရမယ်ဆိုရင်တော့ ဒေါသတွေ အကြီးအကျယ်ထွက်နေတယ်ဗျာ။ အော် ... ဘာကိုထွက်နေတာလဲ ဟုတ်လား? ကျွန်တော့် လက်စွဲတော် ပါလေရာဖုန်းကိုပေါ့။ ဟုတ်တယ်ဗျာ ... ဘာကောင်မှန်းကိုမသိဘူး။ ပြောတော့ Smart Phone တဲ့။ အရမ်း smart ဖြစ်လွန်းတယ်။ တစ်ကယ် အရေးကြီးတဲ့အချိန်ရောက်ရင် အမြဲတမ်း ကွက်တိ hang တယ်။ သုံးထားတာက Windows Mobile 6။ Windows ရဲ့ ထုံးစံအတိုင်းပေါ့ ... ဘာမှ အကြောင်းအရင်း ရှာမရပဲကို hang တာ။ ဒီတစ်ခါတော့ တော်တော်လေး လွန်လွန်းသွားလို့ ဒေါသ အကြီးအကျယ်ထွက်နေတယ်။ Bill Gate ကို တရားစွဲချင်တယ်။ ဒီလောက် အသုံးမကျတဲ့ OS တွေကို လိမ်ညာရောင်းချမှုနဲ့။

ဖြစ်ပုံက ဒီလို .... ဒီနေ့ သူငယ်ချင်းနဲ့ ချိန်းထားတယ်။ ခါတိုင်း ထိုင်နေကျ Starbucks ဆိုင်မှာပဲပေါ့။ ကျွန်တော်က သူ့ထက် စောရောက်နေပါတယ်။ ဖြစ်ချင်တော့ ဆိုင်က တနင်္ဂနွေဆိုတော့ နည်းနည်း လူပြည့်နေတယ်။ ခါတိုင်း ထိုင်နေကျခုံမှာ နေရာမရဘူး။ ဒါနဲ့ နည်းနည်း အတွင်းကျတဲ့ စားပွဲမှာပဲ သွားထိုင်လိုက်တယ်။ ပြီးတော့ ကွန်ပျူတာဖွင့်ပြီး အသည်းကျော် Native Myanmar Forum ကိုဖတ်။ အထဲမှာ ရေးထားတာတွေကိုကြည့်ပြီး တခွိခွိ ရီနေတာပေါ့ဗျာ။ ခဏကြာတော့ သူငယ်ချင်းလေးဆီက message ဝင်လာတယ်။ သူ နောက် ၆ မိနစ်လောက်ကြာရင်ရောက်မယ်တဲ့။ အခု ရထားပေါ်မှာ ဆိုတော့ OK လို့ reply လုပ်ပြီး ဖုန်းကို ချထားလိုက်ပြီး ဖတ်လက်စ Forum ကို ဆက်ဖတ်နေတာပေါ့။

နည်းနည်းကြာသွားပြီလို့ စိတ်ထဲမှာထင်လို့ ဖုန်းကို ကောက်ကိုင်ကြည့်လိုက်တော့ ကျေးဇူးရှင်က ဘာမှ အကြောင်းအရင်း အထူးအထွေမရှိပဲ hang နေလေရဲ့။ သွားပြီ ... ထင်လိုက်ပါတယ်။ ဒါနဲ့ပဲ သူငယ်ချင်းဆီ ကမန်းကတမ်း ဖုန်းလှမ်းဆက်ရတယ်။ သူပြန်သွားပြီတဲ့။ ဆိုင်ရှေ့မှာ အကြာကြီးရပ်စောင့်နေသေးတယ်တဲ့။ အထဲကို လှမ်းကြည့်တော့ ကျွန်တော့်ကိုမတွေ့လို့ မဝင်သေးပဲ အပြင်မှာ နာရီဝက်နီးပါးစောင့်နေတာတဲ့။ ဖုန်းဆက်တာလဲ ဖုန်းမကိုင်လို့ ပြန်သွားပြီတဲ့။ သေဟဲ့ရဲဝင်း လို့ပဲ အော်မိတယ်။ ဒေါသထွက်လိုက်တာ လွန်ပါရောဗျာ။ ဒီနေ့ မြို့ထဲကို လာရတာ သူနဲ့ချိန်းထားတာ တစ်ခုထဲ။ တစ်ခြား ဘာကိစ္စမှမရှိဘူး။ အဲဒါကို လွဲပြီး ဒီလိုဖြစ်တယ်ဆိုတော့ ကျွန်တော် ဒီဖုန်းကိုမှ ဒေါသမထွက်ရင် ဘယ်သူ့ကိုဒေါသထွက်ရမလဲ ... ကဲ ... ခင်ဗျားပဲပြောတော့ စာဖတ်သူရေ။

အော် ... နေဦး ... ခင်ဗျား အဲဒီဖုန်းကို မဝယ်ဖြစ်အောင် သတိပေးဦးမယ်။ HP ကထုတ်တဲ့ iPAQ 500 series ဖုန်းပေါ့။ ကျွန်တော့်ကောင်က 512 Voice Messenger. Asia version ပေါ့။ ဥရောပအတွက်ကတော့ 510 Voice Messenger ဆိုပြီးထုတ်တယ်။ အဲဒီဖုန်းဆို ဝေးဝေးက ရှောင်စမ်းပါဗျာ။ အဲဒီ အောက်က ကောင်ပေါ့။

ဧဝံမေသုတံ (၁၀၉ - ၁၁၀ နောက်ဆက်တွဲ ၃)

2008-01-18T12:50:00.000+08:00

ပြီးခဲ့သည် စနေနေ့က ငစနေတစ်ယောက် ကတ်အစိမ်းလေး ပြန်ထုတ်လိုက်မဟဲ့ ဟု အားတင်းခါ MOM ရုံးသို့ သွားခဲ့သည်။ လက်ထဲမှာတော့ “မူအားဖြင့် ခွင့်ပြုသည် (Approved in principally)” ဆိုတဲ့ စာရွက်လေး ကိုင်လို့ပေါ့ဗျာ။ အတိုချုပ်ရရင်တော့ Officer က ငစနေကို ကတ် ထုတ်မပေးနိုင်ပါဘူးဆိုပြီး ငြင်းပါလေရော။ ဘယ်လိုဖြစ်သတုန်းဆိုတော့ နိုင်ငံကူးလက်မှတ် သက်တမ်းက ကုန်ခါနီးနေလို့ပါတဲ့။ ငစနေပဲ ဘာရမလဲ။

“ဘာလို့ကုန်ရမှာလဲဗျ ... ဒီမှာကြည့် ၆ လနဲ့ ရက် ၂၂ ရက်တောင် ကျန်သေးတာကို”

“ငါတို့က နိုင်ငံကူးလက်မှတ် သက်တမ်းကနေ တစ်လတိတိ လျှော့ပြီး အနည်းဆုံး ၆ လကျန်မှ ကတ်ထုတ်ပေးလို့ရတယ်ကွဲ့။ မင်းစာအုပ်က တစ်လ နုတ်လိုက်ရင် ၅ လနဲ့ ၂၂ ရက်ပဲ ကျန်တော့တယ်။ ဒီတော့ စည်းကမ်းနဲ့ မကိုက်ညီဘူး။ သက်တမ်းပြန်သွားတိုးပြီး ပြန်လာခဲ့ပါ။ အဲဒီတော့မှ ထုတ်ပေးမယ်၊ လောလောဆယ် နေထိုင်ခွင့်ကို ၂ ပတ် ထပ်တိုးပေးလိုက်မယ်။ ဟုတ်ပြီလား”။

ပြောပြောဆိုဆို ဘာမှ ပြန်မငြင်းနိုင်ခင်မှာပဲ တံဆိပ်တုံး ကြီးကြီးတစ်ခုကို ဒုံးကနဲထုချပြီး အပေါ်က စာတစ်ကြောင်း ရေးပေးလိုက်သည်။ “နိုင်ငံကူးလက်မှတ် သက်တမ်းတိုးရန်အတွက်” တဲ့။ ဒီလိုနဲ့ပဲ ဖိုးစနေ ပြည်ထောင်စုမြန်မာနိုင်ငံတော် သံရုံးသို့ သွားရလေတော့သည်။

ဖိုးစနေ သံရုံးသွား အခွန်ဆောင်မည်၊ စာအုပ်သက်တမ်းတိုးမည်ဟု ကြားသည်နှင့် စိတ်ပူသော သူငယ်ချင်းများက ဖုန်းလှမ်းဆက်ကာ ညွှန်ကြားချက်များ ပေးကြတော့သည်။

“ ...... ဟဲ့ကောင်၊ မိတ္တူတွေ စုံအောင်ကူးသွားနော်။ ဓါတ်ပုံပါတဲ့ စာမျက်နှာ၊ ကတ်အစိမ်း ရှေ့နောက်၊ နင်က ပထမဆုံး စဆောင်မှာဆိုတော့ အလုပ်ခန့်စာ မိတ္တူလဲလိုတယ်။ လစာဖြတ်ပိုင်းတွေလဲ ၄ လစာလောက် မိတ္တူဆွဲသွား။ တောင်းကြည့်တတ်တယ်။ ကြားလား။ မိတ္တူကို ညကတည်းက ကူးထား။ သံရုံးက မိတ္တူကူးစက်က တစ်ခါတစ်လ ပျက်နေတတ်တယ်။ ပိုက်ဆံကို အိမ်က မထွက်ခင် ကြိုထုတ်သွား။ ဟိုမှာ အနီးအနားမှာ ATM မရှိဘူး။ ကတ်နဲ့လဲ ပေးလို့မရဘူး။ cash ပဲ လက်ခံတာ။ ဟိုရောက်ရင် ကြောင်ပြီး ငိုင်မနေနဲ့။ ငေးမနေနဲ့။ ငမ်းမနေနဲ့။ ပုံစံ စာရွက်ဖြည့်ပြီး ချက်ချင်းထပ်ထား။ ပြီးရင် ဘယ်မှမသွားပဲထိုင်စောင့်။ နာမည်ခေါ်တာ ကျော်သွားရင် နင် အော်ခံထိနေမယ် ...... မှာတဲ့အတိုင်းလုပ်နော် ... သောက်တလွဲလုပ်လာလို့ကတော့ နင်အသေပဲ .... ”

“ ... ဟေ့ကောင်။ ငစနေ။ မင်းအခွန်သွားဆောင်မလို့ဆို။ စောစောသွား။ မနက်စောစောထ၊ နောက်မကျစေနဲ့ ... ကြားလား .... ဘာ ... ၈ နာရီ ဟုတ်လား .... သေချင်နေလား။ မနက် ၇ နာရီအရောက်သွား မဟုတ်ရင် မင်း ညမိုးချုပ်အောင် စောင့်ရမှာ။ သောကြာနေ့မှသွားမှာ ဟုတ်လား။ အေး .. ကိုယ့်တွင်းသာ ကိုယ်တူးထားတော့။ သောကြာနေ့က လူအများဆုံးပဲ။ မင်းကလေ ... ဘာမှ မမေးမစမ်း လုပ်လိုက်ရင် တစ်လွဲ .... သေချာလုပ်နော် ဟေ့ကောင် ကြားလား ... လွဲလာလို့ကတော့ မင်းအသေပဲ။ .... ”

ဤသို့သော သူငယ်ချင်းများ၏ နှုတ်၏ စောင်မမှုများနှင့် ဖိုးစနေတစ်ယောက် လိုအပ်သည့် စာရွက်စာတမ်းများကို ပြင်ဆင်ပြီးသောအခါ ည (သို့မဟုတ် မနက်) ၁ နာရီခွဲနေလေပြီ။ မနက် အိပ်ယာမှ စောစောထမဟဲ့ဟု အားတင်းကာ အိပ်လိုက်တော့သည်။

မနက်ကျတော့ ပါလေရာဖုန်းက တာဝန်ကျေစွာပင် ၆ နာရီတိတိမှာ ပိကျိပိကျိ အော်ကာ ဖိုးစနေကို နှိုးလေသည်။ ... အင်း ... နည်းနည်းမှောင်သေးတယ်။ ခဏ မှေးလိုက်ဦးမယ် ၆ နာရီ ၁၅ လောက်မှ ထတာပေါ့ ဟူသော ငစနေတစ်ယောက် ဖျတ်ကနဲ ပြန်နိုးသောအခါ အပြင်မှာ မိုးစင်စင်လင်းနေပေပြီ။ ဟိုက် ... သွားပဟ။ နာရီကြည့်လိုက်တော့ ၆း၅၈။ ကမန်းကတမ်း အိပ်ယာမှထ။ ရေချိုးခန်းဝင် ... ရေချိုးရင်း သွားတိုက်ကာ တစ်ခါတည်း ရှူရှူးပေါက် သော ဖိုးစနေ၏ Morning express 3 in 1 ကို လုပ်ကာ ကမန်းကတမ်း အပြင်ထွက်ဖို့ပြင်ရသည်။ ပိုက်ဆံအိတ်ကို ဖွင့်ကြည့်တော့ အထဲမှာ ၁၀ တန် ၃ - ၄ ရွက်ခန့်တွေ့ရသည်။ အိုကေ .. ဒါဆိုရင် Taxi ဖိုး လောက်ပါတယ်။ စားပွဲပေါ်က တွေ့ကရာ စာရွက်အကုန် ကျောပိုးအိတ်ထဲ ပစ်ထည့်ကာ အောက်အမြန်ပြေးဆင်းပြီး တွေ့ရာ Taxi တစ်စီးပေါ် ပြေးတက်ရတော့သည်။

“ဘယ်လောက် ကျသလဲ?”

“၁၀ ဒေါ်လာပါ” ... “အိုကေ ... ရော့” ဖိုးစနေ ၁၀ ဒေါ်လာတန်တစ်ရွက် ထုတ်ပေးလိုက်သည်။

Taxi driver က အိတ်ထဲထည့်မလိုလုပ်ပြီးမှ ... “နောက်တာလား ... မင်းပေးတဲ့ ပိုက်ဆံကို ကြည့်ပါဦး” ဟုဆိုကာ ဖိုးစနေကို ပြန်ပေးသည်။ ကြည့်လိုက်တော့ ...
“ဟိုက် ... မလေးရှား ငွေ ၁၀ ရင်းဂျစ်တန်ကြီးပါလား။ sorry ပဲ” ... ပိုက်ဆံအိတ်ကို ဖွင့်ကာ နောက်တစ်ရွက်ဆွဲထုတ် ... အဲ ... ဒါလဲ မလေးရှားပိုက်ဆံ။ ပိုက်ဆံအိတ်ကို အတင်းဖြဲကြည့်တော့ စောစောက အိမ်မှာ တွေ့ခဲ့သော ၁၀ တန် ၄ ရွက်မှာ အကုန်လုံး မလေးရှာငွေ ၁၀ တန်များသာ ဖြစ်နေလေသည်။ ပိုက်ဆံကို သေသေချာချာမကြည့်ပဲ အရောင်ကိုပဲကြည့်ကာ ထွက်လာသော ငစနေတစ်ယောက် ငါးပါးမှောက်တော့သည်။ ဒီနားမှာ ATM လဲမရှိဘူး ကွိုင်ပဲ။ ရုတ်တရက် တစ်ခုခုဆို ခေါင်းက ထူပူကာ ဘာမှ စဉ်းစားမရ ဖြစ်တတ်သည်မှာ ဖိုးစနေအကျင့်။ ယခုလဲ ခြေမကိုင်မိ လက်မကိုင်မိ ဖြစ်နေသော ဖိုးစနေကို driver က ကြည့်ပြီး

“မင်းမှာ credit card ရှိလား။ ငါ့ကားမှာ credit card နဲ့ ပေးလို့ရတယ်။” ....

ငစနေ credit card မကိုင်နိုင်ပါ။ သို့သော် ကံကောင်းစွာဖြင့် credit card အယောင်ဆောင်ထားသော debit card တစ်ကတ်တော့ ငစနေ့ အိတ်ထဲတွင် ပါလာသေးသည်။

“ခင်ဗျား Master Card လက်ခံလား။” “ OK ရတယ်။”

ဒီတော့မှပဲ ငစနေတစ်ယောက် ကျသင့်ငွေကို ပေးပြီး ကားပေါ်က ဆင်းနိုင်တော့သည်။ မြန်မာသံရုံးရှေ့ကိုရောက်တော့ မနက် ၇း၄၅။ ကိုယ့်ရှေ့မှာ ကိုယ့်ထက် ဝီရိယ ကောင်းသူ ၄ ယောက်လောက် ရောက်နေလေပြီ။ သံရုံးမှာ ပုံစံဖြည့်၊ စာရွက်ထပ် လုပ်ပြီးတော့မှပဲ သက်ပြင်းချနိုင်တော့သည်။ အမှတ်စဉ် ၆။ သိပ်မဆိုးပါ။ နေ့လည် ထမင်းစားချိန် မရောက်မီ ပြီးနိုင်သည်ပဲ။ ငစနေ အပြင်ပြန်ထွက်ပြီး ATM စက်လိုက်ရှာ၊ ငွေထုတ်၊ ပြီးတော့ နီးရာ McDonald မှာ မနက်စာ ဝင်ဆွဲရတော့သည်။

သံရုံးထဲက လုပ်ငန်းများကတော့ ကိုကဒေါင်း အခွန်ဆောင်စဉ်က အတိုင်းပင်။ ဘာမှ ထွေထွေထူးထူး မရှိလှ။ ထိုစဉ်မှာပင် ထို သံရုံးက အန်တီမမ နှင့် ငစနေ့ ဘေးမှ အမျိုးသမီးတစ်ယောက် စကားပြောခန်းက ဖိုးစနေကို ဆွဲဆောင်လိုက်သည်။

“အစ်မရေ ... စာအုပ် သက်တမ်းတိုးချင်လို့ပါ။ မှီခို နေထိုင်ခွင့်နဲ့ သက်တမ်းတိုးမှာပါ”

“ဒါဆို ယောက်ျားက အခွန်ကျေရဲ့လား။ ပြေစာပြ”

“ဟိုလေ ... ယောက်ျားက စလုံး နိုင်ငံသားဖြစ်သွားပြီရှင့်”

“နိုင်ငံခြားသားကို ယူထားတာဆိုရင် ၅၀၀ ဆောင်ရမယ်။ ဆောင်ပြီးပြီလား”

“ကျမက နိုင်ငံခြားသားကို ယူတာမှမဟုတ်တာ”

“ညီမ အမျိုးသားက မြန်မာလူမျိုးပေမယ့် စလုံးနိုင်ငံသားဖြစ်သွားပြီဆိုရင် နိုင်ငံခြားသားလေ။ အဲဒါကိုပြောတာ”

“အော် ... မသိလို့နော်။ ဟုတ်ကဲ့။ ဒါနဲ့ အဲဒီ ၅၀၀ က ဘာအတွက်လဲဟင်။ မပေးလို့ မရဘူးလား”

“အပြန်လေယာဉ်လက်မှတ်ဖိုး” ... အန်တီမမ၏ စကားကြောင့် ထိုအမျိုးသမီးတင်မဟုတ်ပဲ ဖိုးစနေပါ မျက်လုံးပြူးသွားသည်။

“ရှင် .... ကျမက ပြန်ဦးမှာမှ မဟုတ်တာ”

“ဒီလိုရှိတယ် .... မှီခိုနေထိုင်ခွင့်ကို စွန့်လွှတ်ပြီး မြန်မာနိုင်ငံကို အပြီးပြန်တော့မယ်ဆိုရင် မြန်မာသံရုံးက အပြန်အတွက် လေယာဉ်လက်မှတ် ထုတ်ပေးတယ်။ အဲဒီအတွက် လေယာဉ်လက်မှတ်ဖိုးကို အခုကတည်းက ပေးထားရတယ်။ ကဲ .... ပေး ၅၀၀။ ပြေစာ မပျောက်စေနဲ့ ပျောက်ရင် လက်မှတ် ထုတ်မပေးဘူး။”

“မှီခိုနေထိုင်ခွင့်ကို စွန့်လွှတ်တယ်ဆိုတာ ယောက်ျားနဲ့ ကွာရှင်းပြီး မြန်မာနိုင်ငံကို အပြီးပြန်တာကိုပြောတာ”

ဘေးမှ လူတစ်ယောက်က ဝင်ပြောသည်။

ဟိုက်ရှာလပတ်ရည် ... ငစနေတစ်ယောက် ဖျားသွားသည်။ အော် ... တို့များ မြန်မာ သံရုံးက နိုင်ငံခြားသားကို လက်ထပ်ထားသော မြန်မာမိန်းကလေးတွေ ယောက်ျားက နှိပ်စက်ညှဉ်းပန်းပြီး ကွာရှင်းစွန့်ပစ်ခဲ့ရင်ဖြင့် ဒုက္ခမရောက်ရလေအောင် အမြှော်အမြင်ကြီးကြီးဖြင့် ကြိုတင် စီမံပေးထားပါတကားဟု ဧဝံ ဤသို.၊ မေ ကျွန်ုပ်သည်၊ သုတံ ကြားနာခဲ့ရလေတော့သတည်း။

အမှတ်တရ

2008-01-16T00:30:00.000+08:00

(11-Jan-2008) သောကြာနေ့ ...

ဖိုးစနေတစ်ယောက် အသည်းအသန် အလုပ်များနေသည်။ MSRS 2005 ကို အခုမှ စကိုင်တာမို့ ဘာတွေမှန်း မသိတာတွေနဲ့ ချာလပတ်လည်နေပေမယ့် သောကြာနေ့မို့ စောစောရုံးဆင်းချင်သည်နှင့် မီးကုန်ရမ်းကုန် ကျဲနေမိသည်။ နာရီက ၅ နာရီခွဲ ကျော်နေပြီ။ ၆ နာရီ တိတိမှာပင် ဖိုးစနေ၏ ပါလေရာဖုန်းက ပကျိပကျိနှင့် ထမြည်ပါတော့သည်။ phone screen ပေါ်မှာ ပေါ်နေသည့် နာမည်ကို ကြည့်ပြီး ဖိုးစနေ မျက်ခုံးတစ်ဖက် တွန့်တက်သွားသည်။

"Incoming call from ဘုန်းနိုင် ... "

ဘာပါလိမ့်။ ဒီကောင်ကြီးက ကိစ္စအထူးမရှိပဲ ဖုန်းဆက်လေ့မရှိ။ GTalk ထဲလှမ်းကြည့်တော့လဲ သူ့ status က busy တဲ့။ သိချင်ဇောနှင့် ဖုန်းကို ကောက်ဖြေလိုက်သည်။

“ဟေး ဘုန်းနိုင် ပြော ... ဘာတုန်းဟ”

“ဟာ ... ဟေ့ကောင် ... မင်းညီမအကြောင်း ပြောမလို့ကွ”

ကိုင်ရုံရှိသေး မင်းညီမအကြောင်းဆိုပါလား။ ဒါနောက်စရာအချိန်မဟုတ် .... ဖိုးစနေ ရင်ထဲ ထိတ်ကနဲဖြစ်သွားသည်။

“ဘယ်ညီမလဲဘုန်းနိုင် ... ဘာဖြစ်လို့လဲ”

“မေဖြိုး”

သွားပြီ ... ဘုန်းနိုင် ဆက်မပြောခင်မှာတင် ဆုံးပြီ ဟူသော အသိတစ်ခု ခေါင်းထဲမှာ လက်ကနဲပေါ်သည်။ ကိုယ့်စိတ်ကို မယုံတစ်ဝက်နှင့် ဘုန်းနိုင်ကို ခပ်လောလောပဲ မေးရသည်။

“မေဖြိုးဘာဖြစ်လို့လဲ”

“မင်းညီမလေး အခုပဲ ဆုံးတယ်ငစနေ။ ငါ့ညီမ ရန်ကုန်ကနေ လှမ်းပြောလို့သိတာ။ အဲဒါ မင်းသိအောင် ချက်ချင်းလှမ်းပြောတာ။ စိတ်မကောင်းဘူးကွာ သူငယ်ချင်း”

ဘုန်းနိုင် စကားအဆုံးမှာ ငစနေတစ်ယောက် ငိုင်ကျသွားသည်။

“အေးကွာ ... သတင်းပေးတာ ကျေးဇူးပဲ။ ငါ ရန်ကုန်ကို ဖုန်းလှမ်းဆက်ကြည့်လိုက်ဦးမယ်။”

ဖုန်းချပြီး အတော်ကြာသည်အထိ ငစနေ ငိုင်နေမိသည်။ လုပ်လက်စ အလုပ်ကို အပြီးသတ်ဖို့ ကြိုးစားကြည့်ပေမယ့် အရာမထင်။ လုပ်ဖော်ကိုင်ဖက်များကတော့ ငစနေတစ်ယောက် solution ရှာမရလို့ ငိုင်နေသည်ပဲ အောက်မေ့ကြသည်ထင့်၊ တစ်ယောက်ပြီးတစ်ယောက် နုတ်ဆက်ပြီး ပြန်သွားကြသည်။ ငစနေကတော့ တစ်ယောက်တည်းကျန်ခဲ့သည်အထိ ငိုင်ကောင်းတုန်းပင် ဖြစ်သည်။ မငိုပါဘူးဟု တင်းထားသည့်ကြားမှပင် မျက်ရည်နှစ်ပေါက် ပါးပေါ်သို့ ကျလာခဲ့သေးသည်။

မေဖြိုးတစ်ယောက် မကြာမီအချိန်မှာပင် ဖိုးစနေတို့ကို နှုတ်ဆက်ထွက်သွားတော့မည်ဖြစ်ကြောင်း ဖိုးစနေ သိခဲ့သည်မှာ ၃ နှစ်ခွဲခန့် ရှိခဲ့ပြီ။ ဆရာဝန်၏ ခန့်မှန်းချက်အရ နောက်ထပ် ၃ နှစ်ခန့်သာ ဆက်လက် နေနိုင်တော့မည်ဟု ကြားခဲ့ရစဉ်ကလဲ ဖိုးစနေ ငိုခဲ့ဖူးပါသည်။ သိနေသည့် ကြားမှပင် ယခု တစ်ကယ် နှုတ်ဆက်ထွက်ခွာသွားတော့လဲ အလွန်စိတ်ထိခိုက်မိသည်။ အော် ... သံယောဇဉ်ကြိုးကတော့ပြတ်ခဲလှသည်ပဲလေ။

ဆရာတစ်ယောက်အကြောင်း

2008-01-10T15:06:00.000+08:00

အမှန်ကတော့ အဲဒီဆရာ အကြောင်းကို ဖျက်မရတဲ့ အတိတ် မှာ သူ့အခန်းရောက်လာမှ ရေးမလို့ပဲ။ အခုတော့ တော်တော်လေး ရေးချင်စိတ်ပေါက်လာလာနဲ့ ကြိုရေးလိုက်တယ်။ မှတ်မှတ်ရရ ကျွန်တော့်ကို စာသင်ပေးခဲ့တဲ့ ဆရာတွေထဲမှာ ၁ ရက် (၄၅ မိနစ်) ပဲ ကျွန်တော့်ဆရာ ဖြစ်လိုက်ရတဲ့ ဆရာပါ။ ဒါပေမယ့် သူ့ lecture ကို ဒီနေ့အထိ မမေ့သေးပါဘူး။

ကျွန်တော် တက္ကသိုလ် ပထမနှစ် စတက်တဲ့အချိန်ပေါ့။ ကျွန်တော်တို့ တက်တဲ့နှစ်မှာပဲ တက္ကသိုလ် ပထမနှစ် အတန်းတွေအားလုံး မြန်မာစာကို မသင်မနေရ စံနစ်နဲ့ သင်ရပါတော့တယ်။ ကျောင်းက သေးသေးဆိုတော့ မြန်မာစာ ဌာနမှာ ဆရာ/ဆရာမ အင်အားက ပြေးကြည့်မှ ၃ ယောက်ပဲရှိတယ်။ ပါမောက္ခရယ်။ ကထိက ရယ် လက်ထောက်ကထိက ရယ်။ ၃ ယောက်တည်း။ ပထမ တစ်ပတ်မှာ ပါမောက္ခနဲ့ ကထိက ဆရာမတွေ အတန်းဝင်ပြီး နောက်တစ်ပတ်လည်းကျရော အဲဒီ ဆရာ အလှည့်ရောက်လာပါလေရော။ မှတ်မိသလောက် ဆရာက အသားညိုညို ပိန်ပိန်ပါးပါး ပါပဲ။ အတန်း စစဝင်တာနဲ့ သူ့ကိုယ်သူ မိတ်ဆက်ပါတယ်။

“ကျွန်တော့်နာမည် ဌေးဝင်းပါ၊ ကျွန်တော် ခင်ဗျားတို့အတန်းကို အထွေထွေမြန်မာစာ ဆိုတဲ့ အပိုင်းကို သင်ပေးဖို့လာတာပါ။”

“စာမသင်ခင် နည်းနည်းပြောရဦးမယ်ဗျ။ ကျွန်တော်တို့ဌာနမှာ ပါမောက္ခ ဆရာမကြီးက အရမ်းတော်တာ။ သူက အရမ်းတော်တော့ မြန်မာ ကဗျာ အပိုင်းကို သင်ရတယ်ဗျ”

“ကထိက ဆရာမကြီးလဲ တော်တာပဲ။ သူကျတော့ မြန်မာစကားပြေ သင်တာပေါ့။ ကျွန်တော်ကတော့ ညံ့တယ်ဗျ။ အဲဒီတော့ အထွေထွေမြန်မာစာ ဆိုတာကိုပဲ သင်ရတယ်။”

“ကျွန်တော်က မြန်မာစာ တင်ညံ့တာလားဆိုတော့ အင်္ဂလိပ်စာလဲ မတော်ဘူးဗျ၊ ခင်ဗျားတို့ကတော့ တော်မှာပေါ့ဗျာ။ ဒီကျောင်းမှာ လာတက်ပြီဆိုမှတော့ အင်္ဂလိပ်စာ မတော်လို့ ဘယ်ရမလဲ”

“အဲဒီတော့ တစ်ခုလောက် မေးပါရစေဦး။ အထွေထွေဆိုတာ အင်္ဂလိပ်လို ဘယ်လိုခေါ်သလဲဗျ။ ကျွန်တော်က အင်္ဂလိပ်စာ ညံ့တော့ အဲဒါကိုတောင် မသိဘူး”

ဖိုးစနေ စိတ်ထဲမှာတော့ ဟ ... ဒီဆရာ ဘယ်လိုလဲဟ။ စာတောင် မသင်ရသေးဘူး၊ သူညံ့ပါတယ်ချည်း လှိမ့်ပြောနေပါလား။ ဘာအကွက်တွေပါလိမ့် လို့ စဉ်းစားရင် တစ်ခြားကျောင်းသားတွေနဲ့အတူတူ
General လို့ခေါ်ပါတယ်ဆရာ လို့ ပြန်ဖြေလိုက်ပါတယ်။

အဲဒီတော့မှ ကိုယ့်ဆရာက

“အဲအဲ ... ဟုတ်ပြီဗျ .... အဲဒီ ဂျင်နရယ် ဆိုတာ .... ကျွန်တော်က အထွေထွေမြန်မာစာကို သင်တဲ့ ဌေးဝင်းဆိုတော့ အထွေထွေဌေးဝင်းပေါ့ဗျာ။ အင်္ဂလိပ်လို ဆိုရင်တော့ ဂျင်နရယ် ဌေးဝင်းပေါ့”

ကျွန်တော်တို့တွေ ပြုံးစိစိ ဖြစ်ကုန်ကြပါတယ်။

“ကျွန်တော်က ညံ့လို့ အသုံးမကျလို့ အထွေထွေဌေးဝင်းဖြစ်တာဗျ။ အဲဒီတော့ ခင်ဗျားတို့မှတ်ထားကြ။ အသုံးမကျရင် ဂျင်နရယ် ဖြစ်တတ်တယ်”

ရယ်တာလား အော်တာလားမသိ တစ်တန်းလုံး ဝေါကနဲ ဆူညံသွားပါတယ်။ ဆူပေမပေါ့ ... အတန်း တစ်ဝက်လောက်က စစ်တပ်အရာရှိတွေရဲ့ သားသမီးတွေဖြစ်နေတဲ့ အတန်းမှာ ဒါမျိုးပြောရဲတယ်ဆိုတာ နည်းတဲ့ သတ္တိမှာ မဟုတ်တာ။ မသိလို့ပြောတာလဲမဟုတ်။ ကျောင်းထဲက car parking မှာ စစ်တပ်အရာရှိကားတွေနဲ့ချည်း ပြည့်နေတာ။ စောစောကလေးတင် အဲဒီဆရာ car parking ဘေးက ကင်န်တင်းမှာ ထိုင်နေသေးတာပဲ။ မသိပဲ နေမလား။ သိသိကြီးနဲ့ပြောချသွားတာပါ။ ပြီးမှ စာဆက်သင်ပါတယ်။ နောက်နေ့တွေ ဆရာ ကျောင်းလာတာ မတွေ့တော့ဘူး။ သူသင်တဲ့ အထွေထွေမြန်မာစာကိုလဲ လက်ထောက်ကထိက ဆရာမ က ဆက်သင်ပါတယ်။ နောက်မှ သိရတာက အဲဒီ စာသင်ပြီး တစ်ရက်နှစ်ရက်အတွင်းမှာပဲ ဆရာဌေးဝင်း အဖမ်းခံရတယ်တဲ့။ နောက်ပိုင်း ပြန်လွတ်လာသလိုလို ... ထောင်ထဲမှာပဲ ဆုံးသွားသလိုလို သတင်းတွေထွက်လာပေမယ့် ဆရာ့သတင်းကို အတိအကျ မရပါဘူး။ သိပ်မကြာသေးခင်ကမှ ဆရာ ပြည်ပ နိုင်ငံတစ်ခုမှာ ရောက်နေတယ်ဆိုတဲ့သတင်းကို ကြားလိုက်ရပါတယ်။

ပြောင်မြောက်လွန်းတဲ့ ဆရာ့အကြောင်းကိုတော့ သူငယ်ချင်းတွေဆုံတိုင်း ပြောမိနေတုန်းပါပဲ။

The Lion Sleep Tonight

2008-01-04T12:30:00.000+08:00

အနှစ်၆၀

2008-01-04T00:17:00.001+08:00

အမိမြန်မာပြည်

သင် အသစ်တစ်ဖန် ပြန်လည်မွေးဖွားခဲ့သည်မှာ ယနေ့ နှစ်ပေါင်း ၆၀ ပြည့်မြောက်ခဲ့လေပြီ။ အို ... မိခင် ကိုယ်ကျန်းမာ စိတ်ချမ်းသာ ရှိပါ၏လော။ ရောဂါဘယတို့ နှိပ်စက်မှုဒဏ်မှ ကင်းလွတ်ပါ၏လော။ ရန်သူမျိုးငါးပါးတို့ နှိပ်စက်ခြင်းဒဏ်မှ ကင်းဝေးပါ၏လော။ ကပ်ဆိုးအမျိုးမျိုးတို့၏ ဘေးအန္တရာယ်မှ ကင်းလွတ်ပါ၏လော။ ထို ဘေးရန်တို့မှ ကင်းဝေးအောင် ငါဆုတောင်းပါ၏။ သင်၏မွေးနေ့ကို ငါတို့ အမှတ်ရပါ၏။ သင့်ထံ ပြန်မလာနိုင်ခြင်းအတွက် အမျက် ဒေါသမထွက်ပါလင့် မိခင်။ အားမလျှော့ပါလင့်။ သင်အားကိုးအားထားထိုက်သော သားကောင်းသမီးကောင်းတို့ များစွာ ရှိနေကြပါသည်။ သင့်အား ငြိမ်းချမ်းစေရန် သူတို့ ကြံဆောင်နေကြပါသည်။ နှလုံးစိတ်ဝမ်း ငြိမ်းချမ်းပါလော့။ နောက်ထပ် အသစ်တစ်ဖန် ပြန်လည်မွေးဖွားရန်အတွက် အားယူပါလော့။

ငြိမ်းချမ်းပါစေ။
သင့် ... ချစ်သား

၂၀၀၇ အချုပ်

2008-01-02T02:06:00.000+08:00

ဘလော့မိတ်ဆွေတို့ရေ
၂၀၀၇ ဆိုတာကြီးကတော့ ကုန်သွားပါပြီ။ ၂၀၀၈ ဆိုတဲ့ နှစ်ထဲကို ရောက်လာခဲ့ပြီပေါ့။ ၂၀၀၇ ရဲ့ နောက်ဆက်တွဲတွေ အနေနဲ့ကတော့

၁၀၉ - ၁၁၀ ရဲ့ နောက်ဆက်တွဲ အနေနဲ့ ငစနေတစ်ယောက် S-pass အသစ်ကိုင်ဖို့ ၂၇ ရက်နေ့က approval ကျလာပါတယ်။ ဒီနေ့ မိုးလင်းရင် MOM ကိုသွားပြီး အဟောင်းပြန်အပ်၊ အသစ်ပြန်လဲတဲ့ကိစ္စတွေ အလုပ်ရှုပ်ရပါဦးမယ်။

ပျင်းကြောထူတဲ့ ပေါက်စန ငစနေ့တူမကတော့ ပျင်းကြောထူရုံမက အစားကပါ ပုပ်သေးတော့ သူနည်းနည်းကြီးရင် ဝတ်ဖို့ ၆ လကနေ ၁ နှစ်အတွင်း ကလေးများဝတ်ရန်ဆိုတဲ့ အင်္ကျီလေးမှာ အဲဒီ တစ်လသမီးနဲ့ မဆိုစလောက်ကလေး ပွသယောင်ယောင်ကလွဲလို့ ကွက်တိ တော်နေပါတယ်။

ရောင်စုံဘောလုံးကတော့ Native Myanmar Forum ရဲ့ Weekly Photo Contest မှာ ဒုတိယဆု ချိတ်သွားလေရဲ့။ ဟီး ... ကြွားရတာ ရှက်တော့ရှက်သား။

သူများဘလော့တွေကတော့ နှစ်သစ်မှာ အသွင်သစ် template အသစ်တွေနဲ့ ထင်တိုင်းလှနေကြပါတယ်။ ငစနေတစ်ယောက်လဲ template လဲဖို့နဲ့ WEFT သုံးဖို့ ကြိုးစားလိုက်ပါဦးမယ်။

ကဲ ... အိပ်မယ်ဗျာ။ ၂း၁၅ ရှိနေပြီ။ Good Night everybody.

Merry Christmas and Happy New Year 2008

2007-12-24T11:05:00.000+08:00

မိတ်ဆွေများ အားလုံးကို ပျော်ရွှင်ဖွယ်ရာ Christmas နဲ့ နှစ်သစ်ကူး ဖြစ်ပါစေကြောင်း ဆုတောင်းလိုက်ပါတယ်။ ကျွန်တော် မောင်စနေတစ်ယောက်တော့ ကျောပိုးအိတ်တစ်လုံးနဲ့ ရွာရိုးလျှောက်ဦးမှာမို့ နောက်နှစ်ကျမှပဲ ပြန်လည်ဆုံဆည်းကြပါစို့ဗျာ။ ဇာတ်လမ်းကောင်းကောင်း၊ ပုံကောင်းကောင်းလေးတွေတော့ ရလောက်ပါရဲ့။

ရောင်စုံဘောလုံး

2007-12-21T09:58:00.000+08:00

ကိုသခင်ကြီးက Native Myanmar Forum မှာ weekly photo contest တစ်ခုလုပ်ပါတယ်။ ဒီတစ်ပတ် ခေါင်းစဉ်က Colors ပါ။ အဲဒီ title လေး ဝင်ပြိုင်ဖို့ ကြိုးစားရင်းနဲ့ ဒီပုံလေးဖြစ်လာပါတယ်။ “ရောင်စုံဘောလုံး” တဲ့။

Knockin' On Heaven's Door (Bob Dylan)

2007-12-19T08:49:00.000+08:00

Bob Dylan ရဲ့ Knockin' On Heaven's Door ပါ။ ခံစားကြည့်ကြပါဦး။ Avril ဆိုထားတာကိုကြိုက်သလို ဒီ version ကလဲ ရသတစ်ခု ပေးနိုင်ပါလိမ့်မယ်။

ဒါကတော့ Guns N' Roses ရဲ့ original version ပါ။

မူတူးဆာမိစံ

2007-12-18T09:25:00.000+08:00

ဒီ post ကို ရေးမယ်လို့ စဉ်းစားနေတာ ကြာပါပြီ။ မူရင်းဝတ္ထုကို အစအဆုံး စဉ်းစားလို့ မရသေးတာနဲ့ ကြာနေတာ။ ခုတော့ စဉ်းစားလို့ ရသလောက်လေးပဲ ဖြတ်ပြီး တင်လိုက်တော့တယ်။ တစ်ရက်က ကျွန်တော်တို့ သူငယ်ချင်းတွေဆုံကြတော့ စပ်မိစပ်ရာပြောကြရင်းနဲ့ ကိုယ့်အလုပ်အကြောင်း ကိုယ်ပြောဖြစ်ကြတယ်။ များသောအားဖြင့်ကတော့ အလုပ်ထဲမှာ သိပ်အဆင်မပြေကြတဲ့အကြောင်း၊ သူဌေးက ကပ်တဲ့အကြောင်း၊ အထက်ကလူက ကိုယ့်ကို သူများလောက် တန်းတူအခွင့်အရေးမပေးတဲ့အကြောင်း စသည်ဖြင့်ပေါ့ ... မကောင်းတာချည်းပဲပြောလို့ အလုပ်တွေအကုန် မကောင်းဘူးလို့တော့ မဟုတ်ပါဘူးဗျာ။ ကောင်းတဲ့နေရာတွေလဲ ကောင်းပါတယ်။ ဒါပေမယ့် လူများရှေ့သွားပြီး ငါ့အလုပ်က ဘယ်လောက်ကောင်းတာလို့ပြောနေရင် အသားလွတ် လွှတ်ကြွားသလိုဖြစ်နေမှာ စိုးကြတော့ မကောင်းတာတွေပဲ ပြောကြတာပေါ့။ ပြီးတော့ စိတ်ထဲမှာ မကျေနပ်တာလေးတွေ ပြောလိုက်ရတော့ ပေါ့သွားတာပေါ့။ အဲဒီမှာ သူငယ်ချင်းတစ်ယောက်က မင်းတို့ ဒီသီချင်း နားထောင်ပြီးပြီလား ဆိုပြီးတော့ သူ့ဖုန်းထဲက သီချင်းတစ်ပုဒ်ကို ဖွင့်ပြတယ်။ 9MM ရဲ့ သီချင်းသံစဉ်ကို စာသားပြောင်းထားတဲ့ သီချင်းတစ်ပုဒ်ပါ။ ဘွဲ့ရတောသားတစ်ယောက် ရှိသမျှ ရောင်းချပေါင်နှံပြီး မလေးရှားကို အလုပ်လုပ်ဖို့ ထွက်လာတဲ့အကြောင်းလေး ဆိုထားတာပါ။ ရီရပေမယ့် ခါးလည်းခါးတယ်။ အဲဒါလေး နားထောင်မိတော့ အခု ရေးမယ့် ၀တ္ထုတိုလေးကို သွားသတိရမိတယ်။ တော်တော် ငယ်ငယ်တုန်း၊ စာကောင်းကောင်းဖတ်တတ်စ အရွယ်တုန်းက ကလျာ မဂ္ဂဇင်းမှာ ဖတ်ခဲ့တာ ဆိုတာရယ်၊ ရေးတဲ့သူကစာရေးဆရာမတစ်ယောက် ဆိုတာရယ်ပဲ မှတ်မိတော့တယ်။ အလည်ပိုင်းက စာသားတွေကလဲ မေ့နေပြီဆိုတော့ သတိရသလောက်လေးပဲ ခံစားကြတာပေါ့ဗျာ။ ဒီဝတ္ထုတိုလေးကို သိတဲ့သူရှိရင် သူ့ blog မှာပဲဖြစ်ဖြစ် ဒီ post ရဲ့ comment ထဲမှာပဲဖြစ်ဖြစ် ပြန်တင်ပေးပါလို့လဲ တောင်းဆိုပါတယ်ဗျာ။ ခံစားကြည့်ကြပါ။

ဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝ

“မူတူးဆာမိစံ”

“မူတူး ....”
“ဆပ်”

“ဆာမိ ....”
“မမ် ဆပ်”

မူတူးနဲ့ ဆာမိဆိုတာ ကျွန်တော် ငယ်ငယ်တုန်းက အိမ်မှာ ခိုင်းဖို့ဝယ်ထားတဲ့ ငွေဝယ်ကျွန် ၂ ယောက်ပါ။ ဘင်္ဂလားက လာကြတဲ့ ကုလားလူမျိုး ညီအစ်ကို ၂ ယောက်ပေါ့။ မူတူးက အဖေခိုင်းတဲ့ အလုပ်တွေ အကုန်လုပ်ပေးရတယ်။ ထင်းခွဲတာ ရေခပ်တာ၊ အလုပ်ကြမ်းလုပ်တာက အစ အဖေနဲ့ ပက်သက်တဲ့ ဗာဟီရကိစ္စတွေ အကုန်လုပ်ပေးရသလို ဆာမိကလဲ အမေခိုင်းတဲ့ အဝတ်လျှော် ကြမ်းတိုက်၊ ဈေးသွားတာ၊ ချက်ပြုတ်တာက အစ၊ ကလေးထိန်းတာအဆုံး အကုန်လုပ်ပေးရတယ်။ သူတို့ကိုပေးတဲ့ လုပ်အားခက မဖြစ်စလောက် အနည်းငယ်လေးပါပဲ။ ဒါပေမယ့်လဲ သူတို့ ၂ ယောက် ပျော်ပျော်ရွှင်ရွှင်ပဲ ကျွန်တော်တို့အိမ်မှာ နေပြီး ခိုင်းသမျှကို လုပ်ကိုင်ပေးနေကြတယ်။

တစ်ခါတုန်းက အဖေက မူတူးကို မေးဖူးတယ်။

“မူတူး ... မင်း ဘင်္ဂလားကို မပြန်ချင်ဘူးလား၊ ဟိုက ဆွေမျိုးတွေကို မလွမ်းဘူးလား”

“ဆပ် ... ကျွန်တော် ဘင်္ဂလားပြန်ရင် ဟိုမှာ ဘာအလုပ်အကိုင်မှလဲ ရှိမှာမဟုတ်ဘူး။ လမ်းဘေးပဲ ပြန်ရောက်သွားမှာ။ ဒီမှာ ကျွန်တော့်မှာ လုပ်စရာ အလုပ်ရှိတယ်။ နေစရာလဲ နေရာရှိတယ်။ ကောင်းကောင်းလဲ စားရတယ်။ (အရှေ့နားမှာ သူတို့ထမင်းစားရင် ထမင်းကို ဆားနဲ့ ငရုတ်သီးနဲ့ပဲ စားတယ်ဆိုတာလေး ပါတယ်။ ကျွန်တော် နေရာမမှတ်မိလို့ မထည့်လိုက်ရဘူး)။ ပြီးတော့ ငွေစုပြီး ဘင်္ဂလားက အဖေနဲ့အမေဆီကို ပြန်ပို့ပေးလို့ရတယ်။ ကျွန်တော်တို့ ဒီမှာပဲ ပျော်တယ်။ ဘင်္ဂလားကို မပြန်ချင်တော့ဘူးဆပ်”

တော်လှန်ရေးအစိုးရတက်လာပြီး နိုင်ငံခြားသားတွေကို သူတို့တိုင်းပြည်ကို ပြန်ခိုင်းတဲ့အခါ မူတူးနဲ့ ဆာမိလည်း ဘင်္ဂလားကို ပြန်သွားခဲ့တယ်။ အဖေ့လုပ်ငန်းတွေ ပြည်သူပိုင်သိမ်းခံရပြီးနောက်ပိုင်း ကျွန်တော်တို့ မိသားစုရဲ့ စီးပွားရေးအခြေအနေလည်း တဖြည်းဖြည်း ကျပ်တည်းလာခဲ့တယ်။ အကျပ်အတည်းကြားထဲမှာပဲ ရုန်းကန်ရင်းနဲ့ အဖေ အိပ်ယာထဲ လဲတဲ့အခါမှာတော့ အိမ်ရဲ့ စီးပွားရေးအခြေအနေဟာ ကျွန်တော်တို့ ညီအစ်ကို ၂ ယောက်ရဲ့ ပုခုံးပေါ်ကို ရောက်လာခဲ့တယ်။

(ပြီးတော့ ညီအငယ်က အရင် shore job လုပ်ဖို့ ဂျပန်ကို ထွက်သွားတဲ့အကြောင်းနဲ့ နောက် ၁ နှစ်ကျော်လောက် ကြာတဲ့အခါမှာ ဟိုမှာ အလုပ်အကိုင်ကောင်းတယ်ဆိုပြီး သူ့ကိုပါ လိုက်လာဖို့ခေါ်လို့ သူပါ ဂျပန်ကို လိုက်သွားပါတယ်။ အဲဒီအချိန်က ၁၉၇၀ နဲ့ ၁၉၈၀ ကြားဖြစ်မယ်လို့ ကျွန်တော် ခန့်မှန်းမိပါတယ်)

အငယ်ကောင်က သူလုပ်နေတဲ့ စားသောက်ဆိုင်မှာပဲ ကျွန်တော့်ကို အလုပ်သွင်းပေးတယ်။ သူက ရောက်နေတာ ၁ နှစ်ကျော်ကြာပြီ၊ ဂျပန်စကားပြောတတ်နေပြီဆိုတော့ အရှေ့ပိုင်းမှာ စားပွဲထိုးအလုပ်လုပ်နေရပြီ။ ကျွန်တော်ကတော့ ခုမှ ရောက်စ ဆိုတော့ နောက်ပိုင်းမှာ ပန်းကန်ဆေးတဲအလုပ်ကနေ စလုပ်ရတာပေါ့။ မနက်မိုးမလင်းခင် ဆိုင်ဖွင့်တဲ့အချိန်က စလို့ ညမိုးချုပ်လို့ ဆိုင်ပိတ်တဲ့အချိန်အထိ လာသမျှ ပန်းကန်တွေကို ဒိုင်ခံ ဆေးပေးရတယ်။ တစ်ရက်ကျတော့ ညီငယ်က သတင်းတစ်ခု လာပေးတယ်။ ဆိုင်က အလုပ်သိပ်မကောင်းလို့ လူလျှော့ချင်နေတဲ့အကြောင်း၊ နိုင်ငံခြားသားတွေကို အရင်ဆုံး အလုပ်ထုတ်မယ်လို့ ကြားမိတယ်လို့ ပြောလာတယ်။ နောက် သိပ်မကြာခင်ပဲ အလုပ်လုပ်နေတုန်း သူ့ကို မန်နေဂျာက တွေ့ချင်တဲ့အကြောင်း လာပြောတယ်။ ရုံးခန်းကိုသွားတဲ့လမ်းမှာ သူက ပြောတယ်

“အခု မန်နေဂျာက အလုပ်သမားတွေကို ခေါ်တွေ့ပြီးတော့ အလုပ်ဖြုတ်ဖို့ ကြည့်တာ။ တစ်ကယ်လို့ သူက အိမ်ကိုလွမ်းလား အိမ်ပြန်ချင်လားလို့ မေးရင် မပြန်ချင်ဘူးလို့သာပြော။ လွမ်းတယ်ဆိုလို့ကတော့ တစ်ခါတည်း အိမ်ပြန်ပို့လိမ့်မယ်။ မင်းက ဂျပန်လို့မတတ်တော့ ငါ စကားပြန်လုပ်ပေးမယ်။ ကြည့်သာပြော။ ငါလည်း အခြေအနေကြည့်ပြီး ပြင်ပေးမယ်”

အငယ်ကောင်ပြောတဲ့အတိုင်းပါပဲ။ စကားနည်းနည်း ပြောပြီးတော့ အိမ်အကြောင်းတွေ မေးပါတယ်။ အိမ်ကိုမလွမ်းဘူးလား။ မပြန်ချင်ဘူးလား လို့ မေးတဲ့အခါ ကျွန်တော် ရုတ်တရက် မူတူးနဲ့ ဆာမိကို သတိရမိတယ်။ အိမ်ကို မပြန်ချင်တဲ့အကြောင်း ဒီမှာ အလုပ်လုပ်ရတာ ပျော်တဲ့အကြောင်း။ ဝင်ငွေလည်း ကောင်းတဲ့အကြောင်း ပြန်ပြောလိုက်တယ်။ မန်နေဂျာက

“ကောင်းပြီလေ။ ထွန်းစံ ကြိုးစားပါ။ ဂျပန်စကားကိုလည်း ကြိုးစားပြီးသင်ပါ။ ဒါမှ ဒီထက် ကောင်းတဲ့နေရာမှာ လုပ်ရပြီး လခ ကောင်းကောင်းရမှာ။ ဒါထက် ထွန်းစံရဲ့ နာမည် အပြည့်အစုံကို ကျွန်တော် မခေါ်တတ်ဘူး။ ဘယ်လိုခေါ်ရတယ်ဆိုတာ ပြောပြပါဦး”

ကျွန်တော့်ခေါင်းထဲမှာ ရုတ်တရက် နာမည်တစ်ခုဝင်လာပြီး အားရပါးရပဲ ပြုံးပြီး ပြန်ပြောလိုက်တယ်။

“မူတူးဆာမိစံ”

မန်နေဂျာက အလွန်အဲ့သြတဲ့ မျက်နှာနဲ့

“မူတူးဆာမိစံတဲ့လား?”

ဟိုဟိုဒီဒီ UPDATE

2007-12-14T10:58:00.000+08:00

ကျွန်တော် blog စရေးတဲ့ အချိန်တုန်းကတော့ ငါ့ blog ငါရေးတာပဲ။ ရေးချင်ရေးမယ် မရေးချင် မရေးဘူး ဆိုတဲ့စိတ်တစ်ခု ရှိနေပါတယ်။ ဒါပေမယ့် နောက်ပိုင်းကျတော့ ကိုယ့် blog ကို ကိုယ့် အိမ်ယာတစ်ခုလို သဘောထားလာမိတယ်။ ကိုယ့်အိမ်ကို လာလည်တဲ့သူတွေ ဘာမှ မကျွေးမွေးလိုက်ရပဲ ပြန်သွားရတာကို အားနာသလို ကိုယ့် blog ကို လာတဲ့သူတွေလဲ လာပြီးတော့ post အဟောင်းတွေပဲ ကြည့်ပြီး ပြန်သွားရမှာ အားနာမိနေတယ်။ Blog ရေးတာဟာ တာဝန်တစ်ရပ်လို ခံစားလာရတယ်။ ခုရက်ပိုင်းကတော့ အသည်းကွဲသီချင်းတွေနဲ့ပဲ လုံးလည်ခြာလည်နေလို့ ငစနေတစ်ယောက် blog ဘက်ကို စာဦးမလှည့်ဖြစ်ပဲ ပတ်ပြေးနေမိတယ်။ စိတ်လေတာ ပျောက်လိုပျောက်ငြား ကျွန်းသေးသေးလေးကိုပတ်ပြီး ဓါတ်ပုံတွေ လျှောက်ရိုက်နေပေမယ့် ဓါတ်ပုံတွေကလဲ အသက်မပါသလိုဖြစ်နေတယ်။ ဘာကိုမှ စိတ်တိုင်းက မကျမိ။

ဘာရယ်မဟုတ်ပါဘူး။ ခုရက်ပိုင်း blog လာဖတ်တဲ့သူတွေကို အရမ်းအားနာပါတယ်ဆိုတဲ့အကြောင်း၊ နောက်ပိုင်း စိတ်အခြေအနေ ကောင်းရင်ကောင်းသလို စာပြန်ရေးပါ့မယ်ဆိုတဲ့အကြောင်းလေး လာပြောတာပါ။ ဘော်ဒါကြီး ညီလင်းဆက် ကတော့ ဘယ်သူနဲ့သွားပြီး အဗျူးခံတယ်မသိဘူး သူ့ဗျူးကိုအဖြတ်ခံရလို့ဆိုပြီး ဒေါကန်နေလေရဲ့။ သူက လေးထောင့်ကြီးပြောလဲ ထောင့်တွေ အသပ်ခံရတော့ အဝိုင်းလိုလို ဖြစ်ရင် ဖြစ်သွားပေမပေါ့လေ။

some test shots

2007-12-05T10:01:00.000+08:00

ကြွားပြီဗျို့။ မနေ့က စမ်းပြီးရိုက်လာတဲ့ ပုံလေးတွေ တင်လိုက်ပြီ။ Tripod မရှိတော့ တစ်ချို့ပုံတွေက handshake နည်းနည်း ထိထားတယ်။ ညဘက် ရိုက်တဲ့ပုံတွေ အတော်ထိတာပေါ့။ နောက်တစ်ခေါက် tripod ဝယ်ပြီးမှပဲ အပီ ထပ်ရိုက်တော့မယ်။ အခု ရိုက်ထားတဲ့အထဲက ပြင်လို့ပြီးသလောက်ကို တင်လိုက်တယ်။ ပြင်တယ်ဆိုတာက cropping လုပ်တာတစ်ခုတည်းပါ။ ကျွန်တော်က lighting နဲ့ color ကို camera က ပေးတဲ့အတိုင်း ထားတာကို ပိုသဘောကျတယ်။ အားမနာ ပါးမနာ ဝေဖန်ကြပါ။

no label

Singapore River

Durean ... Oops! sorry. I mean the Theater At The Bay!

Sparrow! ... or Chocobo for ppls who play Final Fantasy.

နဂိုလ်ကတည်းက တုန်ပြီး မှုန်သွားတာကို ထပ်ဝါးပေးလိုက်တယ်။ ဟီးဟီး

Coconut for the monkey

2007-12-03T11:12:00.000+08:00

မျောက် အုန်းသီးရတဲ့ဇာတ်လမ်းကို စသူမှာ ကျွန်တော်တို့ ဘလော့ဂါဂုရုကြီးကိုမောင်လှဖြစ်သည်။ တစ်ခါတုန်းက Forum တစ်ခုတွင် "What's in your bag?" ဆိုသည့် ခေါင်းစဉ်လေးအောက်၌ ကျွန်တော်တို့ အပြိုင်ကြွား အဲလေ .. အပြိုင်ရေးခဲ့ကြတုန်းက ကိုမောင်လှက သူ့အိတ်ထဲတွင် အုန်းသီးတစ်လုံးရှိကြောင်း ပြောရာ ကျွန်တော်တို့ တော်တော်လေး ဦးနှောက်ခြောက်ခဲ့ရဖူးသည်။ နောက်မှ ထို အုန်းသီး ဆိုသောအရာမှာ prosumer digital camera တစ်လုံးဖြစ်ကြောင်း သိခဲ့ရသည်။ ယခုမူ ငစနေတစ်ယောက် အုန်းသီးတစ်လုံးဝယ်လိုက်လေပြီ။ မျောက်အုန်းသီးရတော့ ဘာဖြစ်တုန်းဆိုတော့ အဲဒီအုန်းသီးနဲ့ အလုပ်ရှုပ်တော့တာပေါ့။ ခါကြည့်လိုက်၊ လှုပ်ကြည့်လိုက်၊ လှည့်ပတ်ကြည့်လိုက်၊ အထဲက အသံကို နားထောင်ကြည့်လိုက်၊ သစ်ပင်ပေါ်က ပစ်ချကြည့်လိုက် နဲ့ မြင်ယောင်သာ ကြည့်ကြပါတော့။

မျောက် အုန်းသီးရရင်တော့ အဲဒီလိုလုပ်တာပေါ့ဗျာ။ camera ကိုတော့ အဲဒီလို လုပ်လို့ ဘယ်ရပါ့မလဲ။ အဲဒီတော့ ဟိုလိုလေး ရိုက်ကြည့်လိုက်၊ ဒီလိုလေး ရိုက်ကြည့်လိုက်၊ အပေါ်ကနေ စီးပြီးရိုက်လိုက်၊ အောက်ကနေ ပင့်ပြီးရိုက်လိုက်နဲ့ အလုပ်တွေရှုပ်နေတော့တာပေါ့ဗျာ။ ငစနေ့သူငယ်ချင်း Qwer Qwer ကတော့ အဲဒါ မျောက် အုန်းသီးရတာ မဟုတ်ဘူးတဲ့။ မျောက်လက် စက်သေနတ်ရောက်တာ တဲ့။ တွေ့သမျှ မြင်သမျှ မဲမဲမြင်ရာ လျှောက်ပစ် လျှောက်ရိုက်နေလို့ဆိုပဲ။ သူလဲ ဘာထူးလို့တုန်း Canon S5 Prosumer ကြီးကိုင်ပြီး လျှောက်ပစ်နေတာပဲဟာ။

ပျင်းကြောထူတဲ့ ပေါက်စလေးများ

2007-11-28T15:13:00.000+08:00

ခုခေတ် ကလေးတွေများ မမွေးခင်ကတည်းက အပျင်းထူကြလွန်းတယ်လို့ပြောရင် ငစနေ လွန်လေမလားမသိ၊ ဒါပမေယ့် ဟုတ်ကိုဟုတ်တယ်ဗျာ။ ဒီရက်ပိုင်း ငစနေ တူတစ်ယောက် တူမတစ်ယောက်ရတာ နှစ်ယောက်လုံး ငပျင်းတွေချည်းပဲ။ ပျင်းလွန်းလို့ သူတို့အမေတွေဗိုက်ထဲ ခွေနေကြတာ အချိန်ကျတာတောင် ထွက်မလာကြဘူး။

ဖြစ်ပုံက ဒီလိုရယ်။ ငစနေ့ အစ်မတစ်ယောက်က ခြင်္သေ့ကျွန်းမှာနေပြီး နောက်တစ်ယောက်က မာလာယုကျွန်းဆွယ်မှာ နေကြသည်။ ၂ ယောက်စလုံး ရှေ့ဆင့်နောက်ဆင့် ၃ - ၄ လ ခြားပြီး ကိုယ်ဝန် ရှိပြီးသကာလ ခြင်္သေ့ကျွန်းက အစ်မက သားယောက်ျားလေးတစ်ယောက် အရင်ဆုံးမွေးလေသည်။ အစ်မမှာ ဆရာဝန်မို့ ကိုယ်ဝန်ရှိလဲ မနေနိုင်ပဲ ဆေးရုံတစ်ခုလုံး အပေါ်တက်လိုက် အောက်ဆင်းလိုက်နဲ့ ပြေးလွှားလှုပ်ရှားနေရတာ ကိုယ့်မွေးမယ့်ရက်တောင် ကိုယ်မေ့နေတတ်တယ်။ ဒါပေမယ့် တစ်ရက် ဆေးရုံက အ်ိမ်ပြန်အရောက် ဗြုံးဆို ရေမွှာ ပေါက်သတဲ့။ ည ၁၁ နာရီခွဲလောက် ရှိနေပြီမို့ ကမန်းကတန်းပဲ ဆေးရုံကို ပြန်ပြေးရတာပေါ့။ ဆေးရုံရောက်ပြီးလို့ မွေးခန်းထဲ အသင့်စောင့်ပေမယ့် ကိုယ်တော်လေးက ထွက်မလာ။ နောက်နေ့ တစ်နေ့လုံးနှင့် တစ်ညလုံး စောင့်ပြီးကာမှ ကိုယ်တော်လေးက အပျင်းကြောဆွဲကာ ထွက်လာလေသည်။ ခက်ခက်ခဲခဲ မွေးရတာလဲ မဟုတ်ပါ။ ထွက်ချင်တော့လဲ ခဏသာ ဗိုက်နာပြီး ထွက်လာလေသည်။

မာလာယုက အစ်မလဲ ဘာထူးလို့တုန်း။ မွေးဖို့ သတ်မှတ်ထားတဲ့ရက် ကျော်လာပေမယ့် အထဲက ကလေးမက အိပ်ကောင်းနေတုန်း။ အထဲမှာ အိပ်လိုက်စားလိုက်နဲ့ပဲ အကောင်က အပြင်က ၂ လသား ကလေးလောက် ကြီးထွားနေပြီ။ ထွက်ဖို့ နည်းနည်းမှ စိတ်မကူး။ သူ့ယောက်ျား ဒေါင်တာရမ်းကု (အဟဲ ... သိပ်ကြည့်မရလို့ အဲဒလို တမင်ခေါ်တာဗျာ) ပြာယာတွေခတ်နေပြီး ဆေးရုံတင်ပြီး ဆေးသွင်းရသတဲ့။ အဲဒလို ၂ ရက်လောက် ပြာယာခတ်ပြီးကာမှ မနေ့ညနေ ၆ နာရီ ၁၀ မိနစ်မှာ အောင်မြင်စွာ ထွက်လာပါလေရောတဲ့။ အထဲမှာ အိပ်ကောင်းစားကောင်းနေတာ ကိုယ်အလေးချိန်က ၃.၇ ကီလို (၈ ပေါင်ကျော်) ရှိသတဲ့ဗျာ။

ဒါမို့ပြောတာ။ ဒီခေတ် ကလေးတွေ ပျင်းကျောက တယ်ထူပါတယ်လို့။

၁၀၉ - ၁၁၀ နောက်ဆက်တွဲ (၂)

2007-11-28T14:43:00.000+08:00

ဘလော့ဖတ်သူအပေါင်းတို့ရေ၊ မင်္ဂလာပါဗျာ။ ကျွန်တော် ငစနေ ဘလော့မရေးဖြစ်တာ အတော်လေး ကြာသွားတဲ့အတွက် အထူးပဲ အနူးနဲ့အညွတ် တောင်းပန်ပါတယ်။ အလုပ်လေးတွေရှုပ်၊ အရှုပ်လေးတွေ လုပ်ရင်းနဲ့ ဘလော့ဘက် လက်ဦးမလှည့်ဖြစ်တာကြာပါပြီ။ ကိုငှက်စကား ခဏဌားသုံးရရင် စိတ်အကြည်ဓါတ် မရတာလဲပဲ တစ်ကြောင်း ပါပါတယ်။ အလုပ်ကောင်းကောင်းလေး ရပြီးကာမှ ဆင်ပြောင်ကြီး အမြီးတစ်တဲ့ ဇာတ်လမ်းနဲ့တွေ့နေတဲ့ ငစနေတစ်ယောက် ရှေးကုသိုလ်ကံအကောင်းစားလေးက နှံပြည်စုတ်မျက်ချေးလောက် ကျန်နေသေးလေတော့ ရုတ်တရက်ကြီးရယ် Admin manager မမက အချိန်စောပြီး ကလေးမွေးပါလေရော။ ဘာမှမဆိုင်ဘူးလို့မပြောနဲ့နော်၊ ဆိုင်သမှဆိုင်၊ သူ ခွင့်ယူပြီး လစ်သွားတော့ ဘောစိက ငစနေ့ကို လောလောဆယ်မှာ လူအသစ် ငှားပြီး လုပ်ငန်းတွေကို သင်ပေးရမှာ မဖြစ်နိုင်တဲ့အတွက် လုပ်ငန်းသဘောတွေ နားလည်နေတဲ့ ငစနေကပဲ ခဏလောက် ဆက်နေပေးပါဦးဆိုပြီး မနေ့က ပြောလာပါတယ်။ ဖိုးကျိုင်းတုတ်ဖြစ်သွားတဲ့ ငစနေ မျက်နှာသေလေးနဲ့ သူ့မှာ မိသားစုကို ဘယ်လောက် ပြန်တွေ့ချင်နေတဲ့အကြောင်း၊ ဒါပေမယ့်လဲ ဘောစိက သူ့ကို အလွန် ကောင်းခဲ့ဖူးတဲ့အတွက် အခုအချိန်မှာ ဘောစိကို ပြန်ပြီး ကျေးဇူးဆပ်တဲ့အနေနဲ့ ကူညီပေးမှာ ဖြစ်ကြောင်း၊ ဒါပေမယ့် ဒီနှစ်ကုန်အထိပဲ နေပေးနိုင်မှာဖြစ်ကြောင်း ခပ်တည်တည် ပြောကြားပြီး အောင်မြင်စွာနဲ့ ဘောစိ အခန်းက ဆုတ်ခွာခဲ့ပါတော့တယ်။ ခုမှပဲ နည်းနည်း အမောပြေပါတော့တယ်။ အခုတော့ ငစနေတစ်ယောက် ကတ်အစိမ်းလေး ဆက်ကိုင်ပြီး ခြင်္သေ့ကျွန်းမှာ အပြတ်သောင်းကျန်းနိုင်ပြီဖြစ်ပါကြောင်း သတင်းကောင်းပါးပါရစေဗျာ။

မြန်မာ့အလံများ

2007-11-10T10:32:00.000+08:00

ဘာရယ်မဟုတ် အင်တာနက်ထဲ လျှောက်သွားနေရင်းနဲ့ အလံတွေအကြောင်းရောက်သွားတယ်။ အလံဆိုတာက ဟိန္ဒူ ဘာသာစကားပါ။ မြန်မာမှာတော့ အရင်တုန်းက အလံ လို့သုံးတာ မကြားဖူးဘူး။ တံခွန်၊ ကုက္ကား ဆိုတာတွေပဲရှိတယ်။ နောက်ပိုင်း အိန္ဒိယလူမျိုးတွေ ရောက်လာတော့မှပဲ သူတို့စကားတွေလဲ မြန်မာစာထဲ ရောလို့ ၀င်လာတော့ မဆလာ၊ အာလူး၊ ဂေါ်ဖီ၊ ပလာတာ စတာတွေနဲ့အတူ အလံ ဆိုတာလဲ အသုံးတွင်ကျယ်လာပါတယ်။ အင်တာနက်ထဲ မြန်မာအလံတွေအကြောင်း ရှာမိတော့ အစောဆုံး အလံ အနေနဲ့ ခရစ်သက္ကရာဇ် ၁၅၀၀ လောက်က အသုံးပြုတဲ့အလံ လို့ ယူဆရတဲ့ ဟင်္သာအလံ ကိုတွေ့မိပါတယ်။

အစိမ်းအောက်ခံမှာ အ၀ါရောင် ဟင်္သာရုပ်နဲ့ အလံဟာ ဟံသာဝတီ နေပြည်တော်မှာ အသုံးပြုတဲ့ အလံဖြစ်မယ်လို့ ခန့်မှန်းမိပါတယ်။ သူ့ထက် နည်းနည်း နောက်ကျပြီး အသုံးပြုတာကတော့ မြန်မာ စစ်တပ်တွေမှာ ရှေ့ဆုံးက ချီတဲ့ သူရဲကြီး တံခွန် ဆိုတာပါပဲ။ ကြက်လျှာစွန်း ၃ ခုနဲ့ အလယ်မှာ န၀ရတ်ကိုးပါး စီချယ်ထားတဲ့ သူရဲကြီးတံခွန်ဟာ သူရဲကောင်းတို့ အမှတ်အသား လို့ သိရပါတယ်။

နောက် တံခွန်တစ်ခုကတော့ မင်းတုန်းမင်းရဲ့တပ်များ စစ်ချီရာမှာ သုံးတဲ့ တံခွန်လို့ ဆိုပါတယ်။ ကျွန်တော်တော့ အတိအကျ မှတ်တမ်းနဲ့ မမြင်ဖူးပါ။ ကြက်လျှာစွန်း ၃ ခုပါ အလံမှာ အလယ်က အနက်ရောင် အပေါင်းသင်္ကေတ နဲ့ ဖြစ်ပါတယ်တဲ့။

ကုန်းဘောင်မင်းဆက်မှာ အသုံးပြုခဲ့တယ်လို့ သေသေချာချာ ပြောနိုင်တဲ့ အလံတစ်ခုကတော့ ဒေါင်းအလံပဲဖြစ်ပါတယ်။ ဒေါင်းအလံကို ပုံစံ အတော်များများနဲ့ အသုံးပြုခဲ့ကြပါတယ်။ အခု ဒေါင်းအလံကတော့ မင်းခမ်းမင်းနားများမှာသုံးတဲ့ အဖြူရောင် ပိုးသားအောက်ခံမှာ အနီရောင် ချည်ထိုးဒေါင်းရုပ်ဖော်ထားတဲ့ အလံပါ။ တံခွန်ပုံစံ ကြက်လျှာ အနားသတ်မဟုတ်ပဲနဲ့ လေးထောင့်ပုံစံ အလံဖြစ်ပါတယ်။

အဲဒီကတည်းက စလို့ အမြီးဖြန့်ပြီးကနေတဲ့ ဒေါင်းဟာ မြန်မာ့အမှတ်တံဆိပ် ဖြစ်လာခဲ့ပါတယ်။ ဒေါင်းဟာ ကုန်းဘောင်မင်းဆက် မြန်မာဘုရင်တွေရဲ့ အမှတ်တံဆိပ် ဖြစ်ခဲ့ပြီး ဒေါင်းတံဆိပ် ဒင်္ဂါး၊ ဒေါင်းအလံ စသည်ဖြင့် ဘုရင်တို့ရဲ့ အမှတ်အသားကိုပြတဲ့နေရာမှာ ဒေါင်းရုပ်ကို အသုံးပြုလာပါတယ်။ အင်္ဂလိပ် ကိုလိုနီအစိုးရ မြန်မာနိုင်ငံကို သိမ်းပိုက်ပြီး နောက်ပိုင်းမှာတောင်မှ မြန်မာနိုင်ငံရဲ့ ကိုယ်စားပြုအလံဟာ ယူနီယံဂျက် အလံနဲ့ ဒေါင်းတံဆိပ် ပေါင်းစပ်ထားတဲ့ အလံ ဖြစ်လာခဲ့ပါတယ်။

ဒီ အပြာရောင်အောက်ခံမှာ ဒေါင်းတံဆိပ်နဲ့ ယူနီယံဂျက် အလံဟာ ဒိုင်အာခီ အုပ်ချုပ်ရေး ပေးတဲ့အချိန်က စလို့ မြန်မာအစိုးရရဲ့ အလံအနေနဲ့ အသုံးပြုခဲ့တာဖြစ်ပါတယ်။ အင်္ဂလိပ်ကို တော်လှန်ခဲ့တဲ့ မြန်မာလွတ်လပ်ရေးတပ်မတော် (BIA) ကလည်း ၃ ရောင်ချယ် ဒေါင်းအလံကိုပဲ အသုံးပြုခဲ့ပြန်ပါတယ်။

ဂျပန်ကို တော်လှန်ခဲ့တဲ့ မြန်မာ့တပ်မတော်ကတော့ အနီအောက်ခံမှာ အဖြူရောင် ကြယ်တစ်ပွင့်ပါတဲ့ တော်လှန်ရေးအလံကို အသုံးပြုလာပါတယ်။

ဂျပန် တော်လှန်ရေးပြီိးလို့ အင်္ဂလိပ် အစိုးရ ပြန်လာတဲ့အချိန်မှာတော့ ယူနီယံဂျက် ဒေါင်းအလံကိုပဲ ဆက်လက် အသုံးပြုခဲ့ပါတယ်။ ဘုရင်ခံအတွက် သီးသန့် အမှတ်တံဆိပ် အနေနဲ့ ယူနီယံဂျက်ရဲ့ အလယ်တည့်တည့်မှာ ဒေါင်းရုပ်ပါတဲ့ အလံတစ်ခု တီထွင် အသုံးပြုခဲ့ပါတယ်။

မြန်မာနိုင်ငံ လွတ်လပ်ရေး ရပြီးတဲ့အခါမှာတော့ ပြည်နယ် ၅ ခုနဲ့ ပြည်မ၊ အေးချမ်းသာယာခြင်း၊ ရဲရင့်ပြတ်သားခြင်း ဆိုတဲ့ အဓိပ္ပါယ်တွေကို ဖော်ဆောင်တဲ့ ကြယ်ဖြူ ၆ ပွင့်နဲ့ ပြည်ထောင်စုအလံတော်ဟာ မြန်မာနိုင်ငံရဲ့ တရားဝင် အမှတ်အသား ဖြစ်လာခဲ့ပါတယ်။

သမ္မတရဲ့ အမှတ်တံဆိပ် အနေနဲ့ကျတော့ လိမ္မော်ရောင် အောက်ခံမှာ ဒေါင်းတံဆိပ်ပါတဲ့ အလံကို အသုံးပြုတယ်လို့ တွေ့ရပါတယ်။

မြန်မာ့ဆိုရှယ်လစ်လမ်းစဉ်ပါတီ အာဏာရလာတဲ့ နောက်ပိုင်းမှာ တိုင်းနဲ့ပြည်နယ် ၁၄ ခု၊ အလုပ်သမား၊ လယ်သမား အင်အားစု၊ အေးချမ်းသာယာခြင်း၊ ရဲရင့်ပြတ်သားခြင်းဆိုတဲ့ အဓိပ္ပါယ်တွေနဲ့ ပြည်ထောင်စု ဆိုရှယ်လစ် သမ္မတ မြန်မာနိုင်ငံတော်ရဲ့ အလံဟာ အနီအောက်ခံနဲ့၊ ဘယ်ဖက် အပေါ်ထောင့်မှာ အပြာရောင်အောက်ခံ၊ စက်သွား၊ စပါးနှံနဲ့ အရွယ်အစားညီ ကြယ်ဖြူ ၁၄လုံးပုံစံ အဖြစ် ပြောင်းလဲ ထွက်ပေါ်လာခဲ့ပါတယ်။

ဒီအလံဟာ အခုလက်ရှိအချိန်အထိ မြန်မာနိုင်ငံတော်ရဲ့ အမှတ်တံဆိပ်အဖြစ် ရပ်တည်နေတဲ့ အလံဖြစ်ပါတယ်။ အခုတော့ ဒီ အလံတော်ကိုလဲ ပြုပြင်ပြောင်းလဲပစ်ဖို့ ညှိနိုင်းတိုင်ပင်နေကြပြန်ပါပြီ။ သုံးရောင်ချယ် အောက်ခံမှာ အဖြူရောင် ကြယ်တစ်ပွင့် ပါမယ်ဆိုတဲ့ အခြေခံ သတ်မှတ်ချက်တစ်ခုကိုတော့ ထုတ်ပြန်ထားပြီး ကျန်တာကတော့ ဘယ်လိုပုံစံဖြစ်မယ်ဆိုတာကို ဆက်လက် ဆွေးနွေးနေကြပါတယ်။ ဒီလောက်ဆိုရင်တော့ မြန်မာ့အလံတွေအကြောင်း အတော်လေး ပြည့်စုံလောက်ပါရဲ့။

၁၀၉ - ၁၁၀ နောက်ဆက်တွဲ

2007-10-29T00:02:00.000+08:00

အရင်တုန်းက သူငယ်ချင်းတွေကြားထဲမှာ မဖြစ်နိုင်သော ကိစ္စတစ်ခုခု ရှိလာပြီဆိုလျှင် “ဟုတ်ပါ့မလား မောင်ကာဠုရယ်” ဟု မေးတတ်ကြသည်။ အမေးခံရသော သူကလဲ “ဒါ့ထက်တောင်ပိုသေး” ဟု ပြန်ပြောနေကျ။ အခုလဲကြည့်၊ ငစနေ့ အလုပ်ကိစ္စမှာ ရုံးအသစ်က လူများက သူတို့သွား၍ဖြေရှင်းလျှင် ကျိန်းသေပေါက် ရမည်ဟု အာမဘန္ဒေ ခံလိုက်ကြပြီး တစ်ကယ်တမ်းသွားတွေ့သောအခါ အောင်ဖျာလိပ်လာကြလေသည်။ quota တစ်ယောက်လိုနေသဖြင့် S-pass ကို reject လုပ်လိုက်ကြောင်း၊ Employment pass လဲ ရနိုင်မည်မဟုတ်ဟု ယူဆရကြောင်း၊ အသေချာဆုံးမှာ local ၂ ယောက်ခန့် အလုပ်ထပ်ခန်ပြီးမှ ပြန်တင်စေလိုကြောင်း၊ စသည်ဖြင့် ထို Milk of Magnesium အဲလေ Ministry of Manpower မှ တာဝန်ခံအရာရှိက ပြန်ကြားသော ဟူ၏။ ဖြစ်နိုင်ခြေ တစ်ခုကတော့ EPEC ဟုခေါ်သော အလုပ်ရှာခွင့်လက်မှတ် လျှောက်ကြည့်ပါက ရနိုင်သည်ဟု ထပ်ဆင့် အကြံပေးသောကြောင့် ငစနေတစ်ယောက် EP online website မှနေ၍ တင်ရပြန်လေသည်။ သို့သော်လည်း ၄ ရက်အတွင်းမှာပင် ထို EPEC ကိုလဲ လက်မခံ ပယ်ချလိုက်ကြောင်း လျှပ်စစ်ချောစာမှတစ်ဆင့် အကြောင်းကြားလေသောအခါ ... အဟဲ ... ဘာတတ်နိုင်မှာ မို့လို့တုန်းဗျာ ... နောက်ဆုံး အစီအစဉ်ကိုပဲ အကောင်အထည် ဖော်ဖို့ ရုံးအသစ်ကို အကြောင်းကြား ရတော့တာပေါ့။

ခုအခြေအနေအတိုင်းဆိုလျှင် နိုဝင်ဘာလထဲ လူအသစ် ထပ်ခန့်၊ နိုဝင်ဘာလကုန် လခပေးတော့မှ CPF ဆောင်တဲ့ data အသစ်နဲ့ ဒီဇင်ဘာလထဲလောက် S-pass ပြန်တင်နိုင်လျှင် အတိုင်းထက်အလွန် ဝမ်းသာဖို့ကောင်းနေပြီ။ ဒါက စက်သူဌေးဖြစ်မယ့်် တွက်ရေး၊ တစ်ကယ်တမ်း တွက်ကြည့်မှ စက်မရှိတာတွေက အများကြီးရယ်။ လောလောဆယ် S-pass အဟောင်းက အလွန်ဆုံး ကိုင်ထားနိုင်ရင် နိုဝင်ဘာလကုန်ထိ၊ အဲဒါကို ပြန်အပ်လိုက်ရလျှင် ဒီဇင်ဘာလထဲမှာ တစ်ကယ့် ၁၀၉ - ၁၁၀ စစ်စစ် အလည်အပတ် ဗီဇာလေးနဲ့ ငုတ်တုတ်လေး ထို့င်နေသည့် ငစနေကို ဘလော့ဖတ်ရှုသူအပေါင်းတို့ တွေ့မြင်ရတော့မည်ဖြစ်ကြောင်း .....

ခြင်ကာပူ မှ ဘလော့ရှုသူတို့ရေ။ ဖတ်ပြီး ဒီတိုင်းတော့ ပြန်မသွားကြပါနဲ့။ ဘယ်လိုလုပ်ရင် ကောင်းမယ်ဆိုတာလေး comment ဝင်ပေးသွားကြပါဦး။

၁၀၉ - ၁၁၀

2007-10-23T15:06:00.000+08:00

ဘောစိက ဂွတ်လပ်ဟုပြော၍ လက်ဆွဲနှုတ်ဆက်လိုက်သောအခါ ဖိုးစနေတစ်ယောက် မျောက်သစ်ကိုင်းလွတ် ၁၀၉ - ၁၁၀ ဖြစ်လေပြီ။ အဲဒါမှ ခက်ပါ့ ... ဒီဘက်က ထွက်လို့တော့ ရပြီ၊ ဟိုဘက်က ၀င်ရဖို့အရေး MoM ဆိုသော Milk of Magnisium အဲလေ ... Ministry of Manpower ဆိုတာကြီးက pass ကို ဂျက်ထားလေတော့ ကန့်လန့်ကန့်လန့် ဖြစ်ကုန်ပြီပေါ့။ တစ်ဖက်အလုပ်ရှင်ကတော့ မင့် ချို့ယွင်းချက်ကြောင့်မဟုတ်ပါ ... ငါတို့ management issue တစ်ခုရှိ၍ဖြစ်သည် မနက်ဖြန် သွား၍ ဖြေရှင်းလိုက်လျှင် ရနိုင်ပါသည်ဟု အားပေး၏။ ဟုတ်ပါ့မလား မောင်ကာဠုရယ် ဟုသာ မေးလိုက်ချင်သည်။ ဒါ့ထက်တောင် ပိုသေးဟု ပြောရင်တော့ မတတ်နိုင်။ မရလျှင်တော့ တစ်ခြားအလုပ်တစ်ခု ရှာရုံပေါ့ ဖိုးစနေရယ်။ မင်းကတော့ ဖြစ်လိုက်ရင် ဘယ်တော့မှ ချောချောမွေ့မွေ့ပြီးတယ်မရှိ။ အမြဲတမ်း တစ်ခုမဟုတ်တစ်ခု လွဲရမှ အဆင်ပြေသူဆိုတော့လဲ ... အင်း ... နောက်ဆုံးကျရင်တော့ အဆင်ပြေသွားပါလိမ့်မယ်။ ငါးမရ ရေချိုးပြန် ... အလုပ်မရ အထုတ်ဆွဲပြန်ရုံပေါ့။ အဟက်ဟက် ... ကိုကြီးဒေါင်းရေ ... ကယ်တော်မူပါ .. အဟိ

တောင်ပိုင်းခရီးစဉ်

2007-10-03T10:22:00.001+08:00

ကြောင့်ကမ်လာဘ် တောင် (ကျောက်ကလပ်တောင်) ဖားအံ

ကမ်းနားမှာ လမ်းသလားမယ် (မော်လမြိုင် ကမ်းနားလမ်း)

ချက်ပလက်နဲ့ တူပျော်ပျော် (သူများအုပ်စုစီးလာတဲ့ကားကို လိုက်ရိုက်ထားတာ)

ရာဇ၀င်များရဲ့သတို့သမီး

2007-09-28T09:00:00.000+08:00

ခေတ်အဆက်ဆက်ရဲ့ အသက်သွေးကြော၊ ဘ၀တို့ စီးဆင်းရာ၊ ယဉ်ကျေးမှုတို့မွေးဖွားရာ၊ မြို့တော်ဟောင်းတို့ရဲ့ သင်္ချိုင်း၊ အမိမြန်မာရဲ့ မွေးချင်း ညီအစ်မ ... “ဧရာဝတီ”။ သူဟာလဲ တို့အားလုံးရဲ့ မိခင်ပါပဲ။ ခေတ်အဆက်ဆက်၊ ရာဇ၀င်ပေါင်းများစွာနဲ့ အပြုံးမပျက် လက်ဆက်ခဲ့တယ်။ ခေတ်တွေ သာပြောင်းသွားတယ် သူကတော့ ဆက်လက် စီးဆင်းနေမြဲ ...

ဒါက အကောက်တောင်ပေါ်ကနေ ရိုက်ထားတဲ့ပုံပါ။

ထုံးဘိုမှ အကောက်တောင်ကို သွားနေတုန်း ရိုက်ထားတာ

မြစ်ကမ်းပါးက ဘုရားဆင်းတုတွေ (Exposure meter ကြောင်သွားလို့ lighting burn ဖြစ်သွားတယ်)

ထုံးဘို ဆိပ်ကမ်းမှာ သင်္ဘောတွေ ကပ်ထားတယ်

ထုံးဘိုဆိပ်ကမ်း

အာဇာနည်ခေါင်းဆောင်ကြီး သခင်မြရဲ့ မွေးရပ်မြေ၊ ထုံးဘိုမြို့

အဖေ့အိမ်

2007-09-28T08:57:00.001+08:00

ဒါ အဖေ့အိမ်ပေါ့။ အရင်တုန်းကတော့ မောင်နှမတွေ ပျော်ပျော်ရွှင်ရွှင် ဆော့ကစားဖူးကြတယ်။ ၀မ်းနည်းစရာတွေနဲ့လဲ ကြုံဖူးကြတယ်။ ခုတော့ တိတ်ဆိတ်ငြိမ်သက်နေလေရဲ့။

ကျွန်တော့်ရဲ့မြို့တော်

2007-09-28T08:47:00.001+08:00

အိမ်က ယူလာတဲ့ hard-drive ကို အခုမှပဲ မမေ ကောင်းမှုနဲ့ သူ့ external HDD drive ငှားပြီးတော့ file တွေ ပြန်ဖွင့်ဖြစ်တယ်။ လွန်ခဲ့တဲ့ ၂ နှစ်ကျော်တုန်းက Sakura Tower အပေါ်ဆုံးထပ်ကနေ ရိုက်ယူထားတဲ့ ပုံလေးတွေ့လို့ အမှတ်တစ်ရ ပြန်တင်မိတယ်။ ဒီရက်ပိုင်းလဲ Sakura Tower ပေါ်ကနေ ရိုက်ထားတဲ့ပုံတွေ ကြည့်နေရတာ များပြီ။ အပြောင်းအလဲလေးပေါ့။ ကျွန်တော့်မြို့တော်ရန်ကုန်ဟာ အခုရော အဲဒီလို စိမ်းစိုနေတုန်းပဲလား။ လှပနေတုန်းပဲလား လို့ တွေးနေမိတယ်။ ဟိုနေ့က GTalk မှာ Status ကို “စိမ်းနေဦးမည့် ကျွန်တော့်မြေ” လို့ တင်ထားမိတော့ သူငယ်ချင်းတစ်ယောက်က လှမ်းအော်တယ် ... “စိမ်းတော့စိမ်းတယ် ... ပုတ်သင်ညိုစိမ်း” တဲ့။

ဗိုလ်အုန်းသီး

2007-09-12T23:33:00.001+08:00

ခုရက်ပိုင်း အင်တာနက်ထဲ လျှောက်သွားရင်း paddle car လှလှလေးတွေတွေ့လို့ ငယ်ငယ်တုန်းက စီးခဲ့ရတဲ့ ဗိုလ်အုန်းသီး သုံးဘီး၊ လေးဘီး၊ ဂျစ်ကားလေးတွေကို သတိရတာနဲ့ ပြန်တင်ပေးလိုက်တာ။ ငစနေ သူငယ်ပြန်နေပြီလို့တော့ မပြောနဲ့ပေါ့ဗျာ။

nine - eleven

2007-09-11T00:59:00.000+08:00

ဒီ art-work ကတော့ ငစနေကိုယ်တိုင် ရုံးက presentation တစ်ခုအတွက် create လုပ်ထားတာလေးပါ။

KL သို့အလည်တစ်ခေါက် - ၄ ကိုရေးပြီး publish လုပ်လိုက်တော့ ပထမဆုံး သတိထားမိတာက post ရေးတဲ့ နေ့စွဲပါ။ Tuesday, September 11, 2007 လို့ တွေ့လိုက်ရတဲ့အတွက် အော် ... 9-11 တောင် တစ်နှစ်ထပ်ရောက်လာပြန်ပြီ လို့ တွေးမိပါတယ်။ လွန်ခဲ့တဲ့ ၆ နှစ်တုန်းက အဲဒီနေ့ဟာ ကမ္ဘာကို တုန်လှုပ်စေခဲ့တဲ့ နေ့ပေါ့။ ၂၀၀၁ ခုနှစ် စက်တင်ဘာလ ၉ ရက် နံနက် ၈း၄၆ မှာ ခရီးသည်တင် လေယာဉ်ကြီးတစ်စင်း ဟာ ခပ်နိမ့်နိမ့် ပျံဝဲလာပြီး North Tower of the World Trade Centre (WTC1) ကို တည့်တည့်ကြီး ၀င်တိုက်ပစ်လိုက်ပါတယ်။ အိပ်ချင်မူးတူးဖြစ်နေတဲ့ New York မြို့သူမြို့သားတွေ လန့်နိုးကုန်ကြပါတယ်။ ၅ မိနစ်အတွင်းမှာပဲ World Trade Centre Twin Towers နားမှာ မီးသတ်ကားတွေ လူနာတင်ယာဉ်တွေ၊ ရဲပတ္တရောင်ကားတွေ ပြည့်နှက်သွားပါတယ်။ WTC1 ကို လေယာဉ်တစ်စင်း ၀င်တိုက်တယ်ဆိုတာ သိလိုက်ပေမယ့် ဘယ်ကလာတဲ့လေယာဉ်လဲ ဘယ်လိုဖြစ်လို့ ၀င်တိုက်တာလဲဆိုတာ ဘယ်သူမှ မသိကြပါ။ သတင်းဌာနတွေက သတင်းတွေ ဆက်တိုက် လွှင့်ပေးကြပါတယ်။ တစ်ဆက်တည်းမှာပဲ California ကိုသွားတဲ့ လေယာဉ် ၄ စီး မနက် စောစောပိုင်းတုန်းက ပြန်ပေးဆွဲခံရတယ် ဆိုတဲ့ သတင်းနဲ့ အခု ၀င်တိုက်တဲ့လေယာဉ်ဟာ အဲဒီ လေယာဉ် ၄ စီးထဲက တစ်စီးဖြစ်မယ်ဆိုတဲ့ ခန့်မှန်းချက်တွေ ထွက်လာပါတယ်။

ပြောနေဆိုနေကြတုန်းမှာပဲ မနက် ၉း၀၂ မှာ နောက်ထပ် လေယာဉ်တစ်စီး ထပ်ပေါ်လာပြီး South Tower (WTC2) ကို ထပ် ၀င်တိုက်လိုက်ပြန်ပါတယ်။ ဒါဟာ တိုက်ဆိုင်မှုတစ်ခု မဟုတ်မှန်း လုံးဝ သေချာခဲ့ချိန်မှာတော့ အချိန်ဟာ အတော်လေး နောက်ကျခဲ့ပါပြီ။ ကမ္ဘာ့အမြင့်ဆုံး မိုးမျှော်တိုက်ညီနောင်ဟာ မီးခိုးတလူလူနဲ့ ကြီးကျယ်တဲ့ ထိခိုက်ပျက်စီးမှုကို ခံစားလိုက်ရပါပြီ။ နောက် ၃၅ မိနစ်အကြာ နံနက် ၉း၃၇ မှာ Pentagon စစ်ဌာနချုပ်ကို နောက်ထပ် ခရီးသည်တင်လေယာဉ်တစ်စီး ၀င်တိုက်လိုက်ပြီလို့ သတင်းဌာနတွေက ကြေငြာလိုက်တဲ့ အချိန်မှာတော့ လူတွေဟာ ဆောက်တည်ရာမရ လှုပ်ရှားကုန်ကြပါတော့တယ်။ ဘာတွေဖြစ်ကုန်ပြီလဲ ... ကမ္ဘာ့စီးပွားရေးအချက်အခြာ၊ ကမ္ဘာ့ စစ်ရေးနဲ့ မဟာဗျူဟာ ထိပ်တန်း အချက်အခြာနေရာတွေကို လူတစ်စုက စနစ်တကျ အကွက်ကျကျ စီစဉ်ပြီး တိုက်ခိုက်လိုက်ပြီဆိုတာ ထင်ရှားနေပါပြီ။ ဒါပေမယ့် သူဘယ်သူလဲ ... ဘယ်ကနေပြီးတော့ ဒီလောက် ကြီးကျယ်ခမ်းနားတဲ့ တိုက်ခိုက်မှုမျိုးကို ပြုလုပ်ခဲ့တာလဲ၊ ဒီကိစ္စကို ဘာမဆို အမြဲတမ်း ကြိုသိနေပါတယ် ဆိုတဲ့ FBI, CIA, NSA ဌာနတွေက ဘာလို့ ကြိုမသိခဲ့ကြတာလဲ ဆိုတာကိုတော့ ဘယ်သူမှ အဖြေမပေးနိုင်ကြပါဘူး။ သူတို့ သိတာဆိုလို့ North Tower ကို ၀င်တိုက်တဲ့လေယာဉ်ဟာ American Airline က Boeing 767-233ER အမျိုးအစား၊ Boston ကနေ Los Angeles ကို ထွက်ခွာလာတဲ့ Flight No. 11 လေယာဉ်၊ South Tower ကိုဝင်တိုက်တဲ့ လေယာဉ်က United Airlines က Boeing 767-222 အမျိုးအစား Boston ကနေ Los Angeles ကိုထွက်ခွာလာတဲ့ Flight No. 175 လေယာဉ်၊ Pentagon ကို ၀င်ဆော်သွားတာကတော့ American Airline ရဲ့ Boeing 757-233 အမျိုးအစား Flight No. 77 လေယာဉ်တွေ ဖြစ်တယ်ဆိုတာနဲ့ လေယာဉ်ပေါ်က ခရီးသည်တွေ တစ်ယောက်မကျန် အသက်ဆုံးရှုံးကုန်တယ် ဆိုတာပဲ ရှိပါတယ်။

နံနက် ၉း၅၉ မိနစ်မှာ ဒုတိယမြောက် ၀င်တိုက်ခံရတဲ့ South Tower (WTC2) ဟာ ၀င်တိုက်လိုက်တဲ့ လေယာဉ်က လေယာဉ်ဆီ ဂါလံ ၂၀,၀၀၀ ကျော်နဲ့ ၅၆ မိနစ်ကြာ မီးလောင်ကျွမ်းခံရပြီးတဲ့နောက် ခံနိုင်ဝန်အား ဆုံးရှုံးမှု (structural failure) ကြောင့် ပြိုကျပျက်စီးသွားပါတော့တယ်။ North Tower (WTC1) ဟာလဲ နံနက် ၁၀း၂၈ မှာ (structural failure) နဲ့ပဲ ပြိုကျ ပျက်စီးသွားပါတယ်။ Tower နှစ်ခုထဲမှာ မီးလောင်မှုကြောင့် ပိတ်မိနေသူတွေ၊ ပိတ်မိနေသူတွေကို ကယ်ဆယ်ဖို့ ကြိုးစားနေတဲ့ မီးသတ်သမားတွေ၊ North Tower ကို လေယာဉ်ဝင်တိုက်ခံရချိန်မှာ ပထမဦးဆုံးရောက်လာတဲ့ ကယ်ဆယ်သူတွေ အားလုံးဟာ မျှော်စင်ညီနောင်ရဲ့ အပျက်အစီးပုံအောက်မှာ မရှုမလှ အသက်ပျောက်ခဲ့ရပါတယ်။ နောက်ဆက်တွဲအနေနဲ့ အနီးဆုံးမှာရှိနေတဲ့ Tower No. 7 (WTC7) ဟာလဲ မျှော်စင်ညီနောင်ပြိုကျမှုကနေ ထွက်ပေါ်လာတဲ့ အပျက်အစီးအပိုင်းအစတွေ ရိုက်ခတ်ခံရတဲ့ဒဏ်ကြောင့် ညနေ ၅း၂၀ မှာ ထပ်မံ ပြိုကျခဲ့ရပြန်ပါတယ်။ ဒီကိစ္စကို စီစဉ်ခဲ့တဲ့သူတောင်မှ ဒါကို အံ့သြကောင်း အံ့သြနေပါလိမ့်မယ်။ ဒါပေမယ့် ပျက်စီးမှုကတော့ ကြောက်ခမန်းလိလိပါပဲ။

to be continue ...

KL သို့အလည်တစ်ခေါက် - ၄

2007-09-11T00:12:00.000+08:00

ကဲဗျာ။ တစ်ခြားဟာတွေ အသာထားပြီး KL ကိုပဲ ဆက်သွားရအောင်။

ရထားက ဖြည်းဖြည်းပဲ မောင်းပါတယ်။ အပြင်မှာကတော့ မိုးက ရွာလိုက် ရပ်လိုက်ပါပဲ။ နေရာကွက်ကြား ရွာနေတာ ဖြစ်မယ်လို့ပဲ ခန့်မှန်းရပါတယ်။ သီချင်းနားထောင်ချင်နေပေမယ့် ဖုန်းက battery က ကုန်လုနီးပါး ဖြစ်နေတာနဲ့ အသာလေး switch-off လုပ်ပြီး အိတ်ထဲထည့်ထားလိုက်ရပါတယ်။ တော်ကြာ မနက် အရေးပေါ် ဆက်စရာကြုံတဲ့အချိန် battery ဒေါင်းသွားမှ ဒုက္ခရယ်။ ငစနေလဲ ပါလာတဲ့ စာအုပ်လေးဖတ်လိုက်၊ ဘီစကွတ်မုန့်လေး စားလိုက် ရေလေးသောက်လိုက် လုပ်နေပေမယ့် ည ၁ နာရီလောက်ရောက်တော့ မျက်လုံးက ဘယ်လိုမှ ဖွင့်မရတော့တာနဲ့ အိပ်ဖို့ ဆုံးဖြတ်လိုက်ရပါတယ်။ ရထားက အချိန်စာရင်းအရ ငစနေဆင်းမယ့်ဘူတာကို မနက် ၆း၁၈ မှာ ၀င်မှာမို့ လက်ပတ်နာရီမှာ ၅း၄၅ alarm ပေးထားလိုက်ပြီး စိတ်ချလက်ချ အိပ်လိုက်ပါတော့တယ်။ မနက် နာရီ alarm သံကြားလို့ နိုးတော့ ကိုယ်စီးတဲ့ တွဲတစ်တွဲလုံး ဘယ်သူမှ မထကြသေးပါဘူး။ အပြင်မှာတော့ လင်းစပြုနေပါပြီ။ မကြာခင်မှာပဲ ရထားက အရှိန်နှေးလာပြီး ဘူတာတစ်ခုကို ၀င်ပါတယ်။ နာမည်ကို ကြည့်လိုက်တော့ Seremban လို့ ရေးထားတာနဲ့ ငစနေ ဆင်းရမယ့် ဘူတာမဟုတ်သေးဘူးဆိုပြီး အသာ ထိုင်နေလိုက်ပါတယ်။

မနက် ၆း၂၀ ရှိသွားပါပြီ ရထားကြီးကတော့ သွားလို့ကောင်းတုန်းပါပဲ။ ငစနေ့ စိတ်ထဲမှာတော့ ... အင်းပေါ့လေ ... နည်းနည်း နောက်ကျတာ ဖြစ်မှာပေါ့လို့ တွေးမိပါတယ်။ ၆း၃၀ ... ၆း၄၀ လောက်ကျတော့ ငစနေ စိတ်ပူလာပါတယ်။ ကိုယ်ဆင်းရမယ့် ဘူတာများ ကျော်သွားပြီလားလို့ စိတ်ထဲက တွေးမိပါတယ်။ ရထားပေါ်က လူတွေကတော့ အိပ်တဲ့သူက အိပ်တုန်း။ တစ်ချို့လဲ ခြေဆန့်လက်ဆန့် ... အိမ်သာသွားတဲ့သူကသွား နဲ့ သူတို့ကတော့ ပုံမှန်အတိုင်းလိုပါပဲ။ ငစနေ စီးတဲ့ရထားက Singapore - Kuala Lampur Night Express train ပါ။ KL မှာ ဂိတ်ဆုံးပါတယ်။ ငစနေ ဆင်းမယ့်ဘူတာက KL မရောက်ခင် ၁ ဘူတာအလို Kajang ဘူတာပါ။ KL နဲ့ 20 Km ပဲ ဝေးပါတယ်။ တစ်ကယ်လို့ ဘူတာကျော်သွားရင်တောင်မှ အခု ခုတ်နေတဲ့အရှိန်နဲ့ဆိုရင် KL ကို ရောက်ဖို့ကောင်းနေပြီမို့ KL ကိုများ ကျော်ပြီးတော့ Ipoh ဘက်အထိ ဆက်သွားနေပြီလားလို့ လန့်သွားမိပါတယ်။ တစ်ကယ် ဟုတ်တယ်ဆိုရင်တော့ Ipoh မှာပဲ ဆင်းပြီး Telok Intan မှာနေတဲ့ အစ်မကိုပဲ ဖုန်းဆက်ပြီး လာခေါ်ခိုင်းရ ကောင်းမလား ဘာလားနဲ့ စိတ်ထဲမှာ ယောက်ယက်တွေ ခတ်ကုန်ပါတော့တယ်။

Map of Malaysia and the rail-road across Malay Peninsula

အဲဒီအချိန်မှာပဲ ရထားကြီးက ဥသြတစ်ချက်ဆွဲပြီး အရှိန်လျှော့လိုက်ပါတယ်။ နောက်တစ်ဘူတာ ၀င်ခါနီးပါပြီ ... နာမည်ကို ကမန်းကတန်း ဖတ်ကြည့်လိုက်တော့ ... ဟုတ်ကဲ့ Kajang Station ပါခင်ဗျာ။ အဲဒီတော့မှပဲ ငစနေ့ရင်ထဲက အလုံးကြီး ပြုတ်ကျသွားပါတော့တယ်။ အချိန်ကတော့ မနက် ၆း၄၇ ပါခင်ဗျာ။ ၂၉ မိနစ်တိတိ နောက်ကျပါတယ်။ ခရီးသည်တွေကတော့ ရထားနောက်ကျတာကို အဆန်းမဟုတ်သလိုပဲ လုပ်စရာရှိတာလုပ်ကြ၊ ဆင်းတဲ့သူဆင်း အိပ်တဲ့သူ အိပ်ပါပဲ။ ဘူတာထဲက ထွက်လာတော့ အပြင်မှာ ငစနေ သိတဲ့သူ တစ်ယောက်မှ မရှိပါဘူး။ လာသာလာခဲ့ပါ ... ငါကျိန်းသေပေါက် လာကြိုပါ့မယ် လို့ အာမဘန္တေခံထားတဲ့ အစ်မ၀မ်းကွဲရော ... သူ့အမေ၊ ငစနေ့အဒေါ်ရော ... ဘယ်သူမှ မရှိပါ။ အဲဒါနဲ့ပဲ အိတ်ထဲက ဖုန်းကို ပြန်ထုတ်ပြီး switch-on လုပ်၊ ငစနေ့ အဒေါ် ဖုန်းကို လှမ်းခေါ်လိုက်တော့မှ ... သားရေ ... ခဏစောင့်ဦး၊ အန်တီ အိမ်ခဏပြန်နေလို့။ နောက် ၅ မိနစ်ဆိုရောက်မယ် လို့ အန်တီက လှမ်းပြောပါတယ်။ ၅ မိနစ်လောက် အကြာမှာပဲ ငစနေ့ရှေ့နားကို Proton Wira မီးခိုးရောင်လေး ထိုးရပ်လာလို့ ကြည့်လိုက်တော့ အန်တီကိုယ်တိုင် ကားမောင်းပြီး ငစနေ့ကို ပြန်လာခေါ်တာ ဖြစ်နေပါတယ်။ အဲဒီတော့မှ အန်တီက သူ မနက် ၆ နာရီကတည်းက စောင့်နေတဲ့အကြောင်း ၆ နာရီခွဲလောက် ကျတော့မှ ဘူတာက ၀န်ထမ်းကိုမေးကြည့်တော့ နောက်ကျဦးမယ်ဆိုတာနဲ့ အိမ်ခဏပြန်ပြီး သမီးကြီး ကို ရုံးလိုက်ပို့ပေးနေရကြောင်း အခု သူ့ရုံးကနေ တစ်ဆက်တည်း ၀င်ခေါ်တာ ဖြစ်ကြောင်း ရှင်းပြပါတယ်။

we cried together that night

2007-09-04T00:10:00.000+08:00

ငစနေတစ်ယောက် စိတ်ထဲမှာ အကြည်ဓါတ်သိပ်မရှိတာနဲ့ blog ကိုပစ်ထားခဲ့တာ ကြာပါပြီ။ သူငယ်ချင်းတွေက စီဘောက်စ်ကနေတစ်မျိုး၊ GTalk ကနေတစ်ဖုံ စာပြန်ရေးဖို့ အမျိုးမျိုးပြောကြပေမယ့် ငစနေတစ်ယောက် စာရေးမယ်ဆိုပြီးလုပ်လိုက်တိုင်း ရင်ထဲမှာရှိတာတွေအတွက် စကားလုံးတွေ ပျောက်ဆုံးနေခဲ့တယ်။ ဒီလိုနဲ့ စနေနေ့ညကပေါ့ ...

အဲဒီ စနေနေ့ည က ငစနေ dinner တစ်ခုကိုသွားတယ်။ church တစ်ခုက လုပ်တဲ့ ဆွေးနွေးပွဲ အောင်မြင်ပြီးဆုံးတဲ့ အထိမ်းအမှတ် dinner ပါ။ ဆွေးနွေးပွဲက အပတ်တိုင်း အင်္ဂါနေ့ ညဘက်မှာ လုပ်ခဲ့ကြတဲ့ အဲဒီဆွေးနွေးပွဲကို ငစနေကတော့ လေ့လာသူအနေနဲ့ သွားတက်တာပေ့ါ။ ထာဝရ ဘုရားသခင်အကြောင်း၊ ယေရှုသခင်က လူသားတွေကို ကယ်တင်မယ့်အကြောင်း၊ ဆေတန်မိစ္ဆာရဲ့ ဆိုးသွမ်းယုတ်မာပုံတွေ၊ ဆေတန်ရဲ့ရန်က ဘယ်လိုကာကွယ်ရမယ် ဆိုတာတွေ သူတို့ပြောပြကြတယ်။ ပြောပြပြီးတိုင်း အစုငယ်လေးတွေခွဲပြီး သူ့အတွေ့အကြုံ ကိုယ့်အတွေ့အကြုံတွေ ဖလှယ်ကြတယ်။ ၂ လ တိတိ အဲဒီ ဆွေးနွေးပွဲတွေကို အပတ်တိုင်း လုပ်ခဲ့ပြီးတဲ့နောက် အောင်မြင်ခြင်းအထိမ်းအမှတ် ညစာစားပွဲကို စနေနေ့ညက Clementi Bible Center က Chapel of Joy မှာ လုပ်ခဲ့ကြတယ်။

ငစနေရယ်၊ ညီမ၀မ်းကွဲတစ်ယောက်ရယ်၊ သူ့သူငယ်ချင်းတွေရယ် ပြီးခဲ့တဲ့ဆွေးနွေးပွဲတွေမှာ တက်တက်ကြွကြွ ပါဝင်ခဲ့ကြလို့ ဘုရားကျောင်းကိုလာတဲ့သူတွေအကုန်လုံး မြန်မာ ဆိုတဲ့ အမည်တစ်ခုကို ကောင်းကောင်းသိနေကြတယ်။ သူတို့ထဲမှာ မြန်မာနိုင်ငံကို ရောက်ဖူးတဲ့သူတွေလဲရှိတယ်။ မြန်မာနိုင်ငံအကြောင်းကို ကြားဖူးကြတဲ့သူတွေလဲ ရှိတယ်။ How's the lady doing? လို့ စိတ်ဝင်တစ်စားနဲ့ လာမေးကြတဲ့သူတွေလဲရှိတယ်။ ငါ့အိမ်က maid က မြန်မာလူမျိုးပါ၊ တွေ့ရတာ အရမ်းဝမ်းသာပါတယ်လို့ လာနှုတ်ဆက်တဲ့သူလဲ ရှိပါရဲ့။ ဘာပဲဖြစ်ဖြစ် ဘာတွေပဲလုပ်နေလုပ်နေ မြန်မာတွေဟာ မြန်မာဆိုတဲ့ နာမည်တစ်ခုကို ထိန်းသိမ်းနေတာတွေ့ရတာတော့ ဂုဏ်ယူစရာပါ။ ငါ့ maid က အရမ်း အကျင့်စာရိတ္တကောင်းတာ၊ ကလေးတွေကိုလဲချစ်တယ်၊ လူကြီးတွေကိုလဲ ဂရုစိုက်တယ်။ ဟင်းချက်လဲကောင်းတယ် စသည်ဖြင့် အကောင်းဘက်ကချည်းပဲ မှတ်ချက်ပေးနေတာတွေ ကြားရတာ ဂုဏ်တော့ ယူပါရဲ့၊ ဒါပေမယ့် ငါ့ maid က graduated ဆိုတဲ့ နောက်ဆက်တွဲစကားလေး ကြားရတာတော့ နည်းနည်း အောင့်သီးအောင့်သက် နိုင်လှတယ်။ ဟုတ်ပါတယ်။ စင်္ကာပူမှာ အိမ်ဖော်လာလုပ်နေတဲ့သူတွေထဲမှာ တက္ကသိုလ်ကျောင်းသူတွေ၊ ဘွဲ့ရပြီးသား တွေ ပါနေတွေ့နေရတာ လွန်ခဲ့တဲ့ ၄၊ ၅ လ လောက်ကတည်းကပါ။

အဲ ... လွဲကုန်ပြီ။ အောင်မြင်ခြင်းအထိမ်းအမှတ်ပွဲမှာ ပထမဆုံး ညစာ စားကြတယ်။ ပြီးတော့ ဘုရားရှိခိုးဆုတောင်းသီချင်းတွေ သီဆိုကြတယ်။ ပြီးတော့ သိက္ခာတော်ရ ဆရာတော်တွေက လေ့လာသူအနေနဲ့ တက်ရောက်လာတဲ့သူ တစ်ယောက်ချင်းစီအတွက် ဆုတောင်းပေးကြတယ်။ သိက္ခာတော်ရဆရာတော်က ငစနေ့ဆီလာပြီး ညီမောင်အတွက် ဘာများ ထာဝရဘုရားသခင်ဆီမှာ ဘာများ ဆုတောင်းပေးရမလဲလို့ မေးလာတယ်။ အကုန်လုံးကလဲ စိတ်ဝင်တစား ၀ိုင်းကြည့်နေကြတယ်။ ငစနေ စဉ်းစားတယ်၊ တစ်ကယ်လို့သာ ထာဝရဘုရားသခင်က ငါ့တောင်းဆုကို လက်ခံမယ်ဆိုရင် ငါဘာဆုတောင်းရမလဲ ... ကိုယ့်အတွက် ဘာလိုလဲ။ ... ငစနေ့မှာ လိုအပ်နေတာတွေ အများကြီးပါ။ တစ်ကယ်တောင်းဆုပြည့်မယ် တောင်းသာတောင်းဆိုရင် ငစနေတစ်ယောက် တစ်ထောင့်တစ်ညပုံပြင်ထက်ရှည်အောင် တောင်းလိုက်ချင်ပါရဲ့။ ဒါပေမယ့် အဲဒီညက ငစနေ့အတွေးထဲမှာ လူတွေကို မြင်ယောင်နေတယ်။ လူတွေ ... လမ်းလျှောက်နေကြတဲ့သူတွေ၊ ဆာလောင်မွတ်သိပ်နေကြတဲ့လူတွေ၊ သေနတ်ပြောင်းအောက်မှာ ခေါင်းငုံ့နေရတဲ့လူတွေ၊ သခင်အားရတိုင်း ကျွန်ပါးဝနေတဲ့ သဘောက်သားတွေရဲ့ဖိနပ်အောက်မှာ ပြားပြားဝပ်နေရတဲ့သူတွေ ... ငစနေ့အတွေးထဲမှာ အဲဒီမြင်ကွင်းတွေပဲ ချာချာလည်နေတယ်။

နောက်ဆုံးတော့ သိက္ခာတော်ရ ဆရာတော်ကို ငစနေပြောလိုက်တယ် ... “ငါ့အတွက် ဘာမှမလိုတော့ပါဘူး၊ ကျေးဇူးတင်ပါတယ်” လို့ ... “ဒါပေမယ့် ငါ့ထက် လိုအပ်နေတဲ့သူတွေရှိတယ်။ မင်းသူတို့အတွက် ဆုတောင်းပေးပါ။ လူတွေ ... ငါ့ရဲ့ ညီအစ်ကိုမောင်နှမတွေ ... သူတို့တွေ ခံစားနေရတယ်။ ဒုက္ခရောက်နေကြတယ်။ စိတ်ဆင်းရဲ ကိုယ်ဆင်းရဲဖြစ်နေကြတယ်။ အချုပ်အနှောင်ခံနေရတယ်၊ သူတို့ကို ကယ်တင်ဖို့၊ ခံစားရတဲ့ ဒုက္ခတွေကလွတ်မြောက်စေဖို့ ထာဝရဘုရားသခင်ဆီမှာ ငါတို့ ဒီညဆုတောင်းရအောင်” လို့ ငစနေ ဆက်ပြောမိတယ်။ သိက္ခာတော်ရ ဆရာတော်ဟာ ငစနေ့ကို အလွန်အံ့သြတဲ့ မျက်နှာနဲ့ ကြည့်နေတယ်။ သူသိတာပေါ့။ သူမြန်မာနိုင်ငံကို သာသနာပြုခရီးတွေ ထွက်ခဲ့ဖူးတာပဲ။ မြန်မာလူမျိုးတွေကို သူသိတာပေ့ါ။ မြန်မာစကားတောင် အနည်းအကျဉ်း တတ်သေးရဲ့။ ခုရက်ပိုင်း သူ သတင်းတွေ ကြည့်နေတာပဲ။ မြန်မာနိုင်ငံမှာ ဘာတွေဖြစ်နေလဲဆိုတာ သူတွေ့တာပေါ့။ ဆရာတော် စပြီး ဆုတောင်းတယ်၊ ထာဝရဘုရားသခင်ကို တိုင်တည်ပြီး ဆုတောင်းတယ်။ အားလုံး လွတ်မြောက်ဖို့၊ ငြိမ်းချမ်းဖို့၊ အမှန်တရားဟာ အမြန်ဆုံးရောက်လာဖို့ .... ငစနေတစ်ယောက် မြင်ကွင်းတွေေ၀၀ါးလာတယ်၊ သူကိုယ်တိုင် မသိလိုက်ခင်မှာပဲ သူငိုနေပြီ။ သန်း၆၀ သော ညီအစ်ကိုတွေ၊ မောင်နှမသားချင်းတွေ၊ အားလုံးအတွက် ငစနေ ငိုခဲ့မိတယ်။ ညီမလေးကို လှမ်းကြည့်လိုက်တော့ သူလဲ ငစနေ့လိုပါပဲလား ... သူ့သူငယ်ချင်းတွေရော .... ဟာ ... သိက္ခာတော်ရဆရာတော်ရဲ့ မျက်ဝန်းမှာလဲ မျက်ရည်တွေ အိုင်ထွန်းနေရဲ့ ... ကျန်တဲ့ သူတွေရော ... ငစနေ အားလုံးကို လှမ်းကြည့်မိတယ်။ လူတွေ အားလုံး ကိုယ့်ထက်တောင်ပိုပြီး သည်းသည်းထန်ထန် ငိုကြွေးနေကြတယ်။

..... ဟုတ်ပါတယ် ... ငစနေတို့ အဲဒီညက အတူတူငိုခဲ့ကြတယ် .....

ထာဝရဘုရားသခင် စောင်မတော်မူပါစေ ... အာမင် ။

KL သို့အလည်တစ်ခေါက် - ၃

2007-08-28T09:09:00.000+08:00

အချိန်က ည ၉း၃၀ ပဲရှိပါသေးတယ်။ ရထားက ည ၁၁း၃၀မှ လာမှာမို့လို့ ပထမတော့ ငစနေတစ်ယောက် ဘူတာထဲမှာ ကျီးကြည့်ကြောင်ကြည့်နဲ့ အနေအထားကို လှည့်ပတ်ကြည့်မိပါတယ်။ ဘူတာက ခပ်သေးသေး၊ ခပ်ဟောင်းဟောင်းပါပဲ။ အပေါ်ထပ်မှာတော့ ရုံးခန်းတွေဘာတွေ ရှိမယ်နဲ့တူပါရဲ့။ အောက်ထပ်မှာတော့ အ၀င်ဝကနေကြည့်ရင် အရှေ့တည့်တည့်က ရထား platform ပေါ်ကိုဆင်းတဲ့ တံခါးပါ။ ဘယ်ဘက်ကိုကြည့်ရင် ဟောခန်းကြီးရဲ့အဆုံးမှာ လက်မှတ်ရောင်းတဲ့ ကောင်တာရှိပါတယ်။ အလယ်တစ်ခုလုံးကတော့ ခရီးသည်တွေ နားနေဖို့ ထိုင်ခုံတန်းတွေဖြစ်ပြီး ညာဘက်မှာ သက်သာအရောင်းဆိုင်လေး တစ်ခုရှိပါတယ်။ သက်သာဆိုင်ရဲ့ ဘေးတစ်ဖက်တစ်ချက်မှာ ရထားနဲ့ စင်္ကာပူကိုဝင်မယ့်လူတွေအတွက် immigration office နဲ့ အပေါ်ထပ်ကိုတက်တဲ့ လှေခါးကို တွေ့ရတယ်။ ခန်းမတစ်ခုလုံးကို ceiling mounted aircon တွေ တပ်ထားပေမယ့် တံခါးတွေ ဖွင့်ထားလို့လား၊ ဒါမှမဟုတ် aircon တွေ အကုန်မဖွင့်လို့လားတော့မသိ၊ လူနည်းပေမယ့် လေထုက ခပ်အိုက်စပ်စပ်ရယ်။

travelers' lounge and ticket counter

ပထမတော့ ငစနေလဲ ဘူတာထဲမှာပဲ စာဖတ်ရင်းနဲ့ ရထားထိုင်စောင့်နေသေးတယ်၊ နောက်တော့ ပျင်းလဲပျင်း၊ ဗိုက်လဲဆာလာတာနဲ့ အထုပ်ဆွဲပြီး JB မြို့ထဲကို ပြန်ထွက်လာခဲ့ပါတယ်။ ဘူတာရုံရဲ့ ရှေ့တည့်တည့်မှာရှိတဲ့လမ်းကနေ တစ်ဘလောက် လျှောက်လိုက်ရင် JB ရဲ့ မြို့လည်ကို ရောက်ပါပြီ။ မြို့လည်ဆိုတော့ တစ်ခြားနေရာတွေနဲ့မတူ ပိုပြီး သပ်ရပ်ပါတယ်။ လမ်းတွေလဲ ကောင်း၊ shopping centre တွေလဲ ကောင်း၊ ဆိုင်တွေလဲ အများကြီးဖွင့်ထားပါတယ်။ shopping centre တွေကတော့ ည ၁၀ နာရီဆို ပိတ်ပြီမို့ ငစနေ ရောက်သွားတဲ့အချိန်မှာ ဘာမှမရှိတော့ပါ။ ဒါပေမယ့် McDonald ဆိုင်တစ်ဆိုင်တော့ ဖွင့်ထားသေးတာနဲ့ ညစာကို Mc ပဲ စားတော့မယ်ဆိုပြီး ဆိုင်ထဲကိုဝင်လိုက်ပါတယ်။ counter မှာ menu ကြည့်လိုက်တာနဲ့ မျက်လုံးပြုးစရာက စပါတယ်။ Burger နဲ့ Chicken Nugget ကလွဲလို့ SG မှာရှိတဲ့ တစ်ခြားဟာတွေ မရှိပါ။ ကောင်းနိုးရာရာလေး လျှောက်ကြည့်ရင်း Grilled Beef Foldover တစ်ခု နဲ့ အာလူးချောင်းကြော်နဲ့ အအေးနဲ့ စားလိုက်ပါတယ်။ ဟုတ်ကဲ့ ဈေးကတော့ စင်္ကာပူက ဈေးရဲ့ တစ်ဝက်သာသာပဲ ကျပါတယ်။ အစားသောင်းကျန်းနေတာ နာရီကို ကြည့်မိတော့ ည ၁၁း၁၅ ရှိပါပြီ။ ရထားက ၁၁း၃၅ မှာ လာမှာမို့လို့ စားလက်စကို ကမန်းကတမ်း လက်စသတ်ပြီးတော့ ဘူတာကို ပြန်ပြေးရပြန်ပါတယ်။ ဟိုရောက်တော့ လူတွေအကုန် platform ကိုဆင်းနေကြပါပြီ။ ငစနေလဲ ရောယောင်ပြီး platform ကိုဆင်းလိုက်ပါတယ်။ platform မှာ ကိုယ်စီးရမယ့်တွဲက ဘယ်နားထိုးမယ်ဆိုတာကို label တွေပြထားတဲ့အတွက် ငစနေတစ်ယောက် ကိုယ်စီးရမယ့် တွဲအမှတ် K2 ထိုးမယ့်နေရာမှာ ထိုင်စောင့်နေလိုက်ပါတယ်။ မကြာပါ ရထားကြီး ၀င်လာပါပြီ။ (စုတ်ပြတ်မှုန်ဝါးနေသော ပုံအတွက် သည်းခံပေးကြပါ)

train approaching to platform 1

ငစနေ လက်မှတ်ယူထားတဲ့ Airconed Secondary Class (ASC) ဆိုတာ အကောင်းစား မဟုတ်ပါဘူး။ သူ့အောက်မှာ Economy Class တစ်ခုပဲ ရှိပါတော့တယ်။ ဒါပေမယ့် ညရထားမှာက ပထမတန်းထိုင်ခုံတွေအစား အိပ်စင်တွဲတွေ အစားထိုးထားတဲ့အတွက် အိပ်စင် မယူချင်တဲ့ ငစနေတစ်ယောက် ဒုတိယတန်းခုံပဲ ယူလိုက်ရပါတယ်။ ရထားတွဲထဲမှာတော့ အတော်လေးကို သပ်သပ်ရပ်ရပ် ရှိပါတယ်။ ရထားပေါ်မှာ သန့်ရှင်းရေးဝန်ထမ်းတွေ ရှိပြီး ဘူတာ တစ်ခါဝင်လို့ လူအတက်အဆင်း တစ်ခါလုပ်ပြီးတိုင်း သန့်ရှင်းရေးတစ်ခါလုပ်ပါတယ်။ ရထားထိုင်ခုံတွေက တစ်ဖက်တည်းကို မျက်နှာမူထားတာမဟုတ်ပဲ နီးတဲ့ အပေါက်ဘက်ကို မျက်နှာလှည့်ထားတာပါ။ တစ်မျိုးတော့ ထူးဆန်းနေတာပေါ့။ နှစ်ခုံတွဲ ခုံတွေက အလယ်လက်တန်းက ခေါက်သိမ်းလို့ရသော ထိုင်ခုံများဖြစ်၍ စုံတွဲများအတွက် များစွာ အဆင်ပြေလေသည်။ စုံတွဲမပါသော ငစနေအတွက်လဲ ဘေးခုံက လူမရှိသဖြင့် လက်တန်းခေါက်က တစ်ယောက်တည်း နှစ်ခုံထိုင်ပြီး အတော်လေး ဇိမ်ကျခဲ့သည်ပေါ့။

inside view of KTM railway car (Airconed Second Class)

KL သို့ အလည်တစ်ခေါက် - ၂

2007-08-19T02:10:00.001+08:00

“အလျင်လိုမှ အနှေးဖြစ်” ဆိုသော စကားမှာ ငစနေအတွက်များ တမင်ရည်ရွယ်ထားလေသလားမသိပေ။ အမြန်ရောက်ချင်ပါတယ်ဆိုမှ ပြဿနာက တစ်မျိုးပြီးတစ်မျိုး တက်လေသည်။ ဘတ်စ်ကားက တံတားကိုကျော်၍ တစ်ဖက်ကမ်းရှိ မလေး Immigration office အထိသာ ပို့ပေးလေသည်။ ကိုယ့်အထုတ်ကိုယ်ဆွဲ၍ ခြေကျင်ပဲ ပြေးရတာပေါ့။ Immigration counter ကိုရောက်တော့ ငစနေ ဆိုင်းဘုတ်ကိုကြည့်သည်။ တစ်ဖက်က Malay Passport Only ဟုရေးထားတာ တွေ့ရပြီး ၀င်တဲ့သူ မရှိချေ။ နောက် counter တစ်ခုကတော့ All Passports ဟုသာ ရေးထားပြီး လူတွေ အတော်များများ တန်းစီဝင်နေကြသည်။ ငစနေလဲ သူများနောက် လိုက်ဝင်ပြီး တန်းစီ counter ရောက်တော့ immigration officer က မျက်နှာကိုသာ တစ်ချက်လှမ်းကြည့်ပြီး ခေါင်းညိတ်ပြလေသည်။ သွားလို့ရပြီ ဆိုသည့်သဘော။ ငစနေလဲ ကောင်တာမှ အမြန်လစ်တော့သည်။ အချိန်က ၈း၅၅။ အဲဒီတော့မှ စောစောက ကားပေါ်တွင် တွေ့ခဲ့သည့် မလေးလူမျိုးက ငစနေ့ကို လှမ်းခေါ်တော့သည်။ ပြီးတော့ ငစနေ့ကို ကောင်တာကို အမြန်ပြန်သွားပြီး white card ဖြည့်ရန်နှင့် အ၀င် တံဆိပ်တုံး ထုရန် ပြောလေသည်။ သေဟဲ့ နန္ဒိယ ဟုသာ စိတ်ထဲမှ ရေရွတ်ပြီး ကောင်တာကို တစ်ခေါက်ပြန်ပြေးရလေသည်။ အဲဒီတော့မှ ဆရာသမား immigration officer က ရယ်ကျဲကျဲနှင့် ငါက မင်းကို မလေးနိုင်ငံသားမှတ်လို့ မကြည့်ပဲ လွှတ်ပေးလိုက်တာ ဟုပြောလေသည်။ အားနာသွားလေသလားမသိ၊ သူကိုယ်တိုင် white card ကိုဖြည့်ပေးပြီး ဘယ်သွားမလဲ ဘာညာ စပ်စုလေသည်။ ငစနေက KL အထိ သွားမည်ဖြစ်ကြောင်း၊ ငစနေ့ အစ်မ၀မ်းကွဲတစ်ယောက်၏ မင်္ဂလာဆောင် အခမ်းအနားသို့ တက်ရောက်ရန်ဖြစ်ကြောင်း စကားစမည် ပြောရင်းနဲ့ ငစနေက JB Station ကို ဘယ်လိုသွားရမလဲ ဟုမေးသောအခါ စိတ်ရှည်လက်ရှည် လမ်းညွှန်ပေးလေးသည်။

Johor Baru Railway Station (@ the left side of the road)

၉း၀၀ ဖြစ်နေပြီမို့လို့ အထုတ်ဆွဲပြီး ထွက်ပြေးသော ငစနေ့ကို နောက်ထပ် လူတစ်ယောက်က လှမ်းခေါ်ပြန်လေသည်။ ကြည့်လိုက်တော့ custom officer တစ်ယောက်။ ဟုတ်သားပဲ။ custom မှာ ပစ္စည်းစစ်ရဦးမှာပေါ့။ သိပ်တော့ မကြာပါ။ ပါလာတဲ့ luggage ကို x-ray စက်ထဲ ကောက်ထည့်ပြီး ဟိုဘက် ထွက်လာတဲ့ဘက်က ပြန်ကောက်ပြီး ပြေးရတာပေါ့။ immigration office မှထွက်ပြီး officer ကြီး လမ်းညွှန်သည့်အတိုင်း underground passage way မှ ဖြတ်၍ အခြားတစ်ဖက်မှ ပြန်ထွက်သောအခါ JB မြို့ထဲသို့ တန်းရောက်လေသည်။ ငစနေတစ်ယောက် ယောင်ချာချာ ဖြစ်တော့တာပေ့ါ။ ဘယ်သွားလို့ ဘယ်လာရမှန်းမသိ။ သတိထားမိတာတစ်ခုက JB သည် ရန်ကုန်နှင့် အတော် တူသည် ဟူသော အချက်ဖြစ်သည်။ ခပ်လှမ်းလှမ်းမှ ဗိုလ်ချုပ်ဈေးနှင့် ခပ်ဆင်ဆင် အဆောက်အဦကြီး နှင့် ထိုနေရာတစ်ဝိုက်သည် တစ်ကယ့် ရန်ကုန် ဗိုလ်ချုပ်ဈေးရှေ့နှင့် ဆင်တူသည်ဟု မှတ်ချက်ချရင်း ငစနေ အထုတ်ဆွဲကာ အမြန် လမ်းလျှောက်လာခဲ့သည်။ ဘယ်သွားရမှန်းမသိတော့ ရုပ်ရှင်တွေထဲမှာ ခဏခဏ တွေ့ဖူးတာတစ်ခုကို လုပ်လိုက်သည်။ ဓါတ်ဆီဆိုင်နှင့် တွဲထားသော 7-11 ဆိုင်ထဲကိုဝင်ပြီး လမ်းမေးခြင်းဖြစ်သည်။ ကောင်တာမှ အရောင်းစာရေးလေးများက ရယ်၍ ဆိုင်ရှေ့မှ အဆောက်အဦကြီးမှာ JB Railway Station ဖြစ်ကြောင်း ပြောတော့မှ ငစနေလဲ ရယ်ကျဲကျဲနှင့် ပြန်ထွက်လာရတာပေါ့။ ကြည့်လိုက်တော့မှ တစ်ခြားအဆောက်အဦဟုတ်ရိုးလား ငစနေ စောစောက ဗိုလ်ချုပ်ဈေးနှင့်တူသည်ဟု မှတ်ချက်ချမိသော အဆောက်အဦဖြစ်နေတော့သည်။

JB Station night view

ဘူတာရုံထဲ ကသောကမျော ပြေးဝင်ပြီး လက်မှတ်ကောင်တာကို လှမ်းကြည့်လိုက်တဲ့အခါမတော့ "Closed" ဆိုတဲ့ ဆိုင်းဘုတ်လေးက ငစနေ့ကို ကြိုဆိုနေပါတယ်။ အချိန်က ၉း၁၀ ရှိနေပါပြီ။ ငစနေလဲ အတော်လေး စိတ်ညစ်သွားပြီး ဘာဆက်လုပ်ရမယ်ဆိုတာ စဉ်းစားရပါတော့တယ်။ စဉ်းစားနေတုန်းမှာပဲ ကောင်တာထဲမှာ လူအရိပ်အခြေ တွေ့လိုက်တာနဲ့ ကောင်တာနားကို အပြေးလေးသွားပြီး “can i get a ticket to Kajang?” လို့ ကမန်းကတမ်း လှမ်းမေးရပါတယ်။ လက်မှတ် အရောင်းစာရေးရဲ့ "which type of seat?” လို့ မေးလိုက်တဲ့ စကားသံအဆုံးမှာ ငစနေတစ်ယောက် ၀မ်းသာလုံး ဆို့မသွားအောင်ကို မနည်း သတိထားလိုက်ရပါတယ်။ စိတ်ထဲမှာတော့ ကောင်တာပိတ်သွားပေမယ့် လက်မှတ်ရောင်းပေးတဲ့ ၀န်ထမ်းကို အခါခါ ကျေးဇူးတင်နေတာပေါ့ဗျာ။ "Airconed Secondary Class" (ASC) ခုံတစ်ခုံကို RM27 ပေးပြီး ၀ယ်ပြီးတဲ့အခါမှာတော့ ငစနေတစ်ယောက် ပြုံးနိုင်သွားပါပြီ။ အဲဒီတော့မှပဲ ဘူတာရုံထဲက ခုံမှာထိုင်ပြီး ငစနေတစ်ယောက် ယူလာတဲ့ ပစ္စည်းတွေကို အေးအေးဆေးဆေး စစ်နိုင်ပါတော့တယ်။ ပစ္စည်း စစ်ပြီးတဲ့အခါမှာတော့ ငစနေတစ်ယောက် ဒုတိယံမ္မိ သေဟဲ့နန္ဒိယ ကို အော်မိပြန်ပါပြီ။ ဟုတ်ကဲ့ခင်ဗျာ၊ ကိုရဲဝင်းတို့ လွဲချက်ကတော့ camera, phone charger,film နဲ့ battery တွေထည့်ထားတဲ့ အိတ် ဘယ်နားထားခဲ့မှန်း မသိတာပါပဲ။ ပြေးရင်းလွှားရင်းနဲ့များ ကျကျန်ခဲ့လား။ SG ကအထွက် baggage check မှာများ အိတ်လိုက် ကျန်ခဲ့သလားနဲ့ စိတ်တွေ ပူရပြန်ပါတော့တယ်။ နောက်ဆုံး ကိုယ့်ကိုယ်ကို မသင်္ကာတာနဲ့ အိမ်မှာကျန်ခဲ့တဲ့ room-mate ကို လှမ်းဖုန်းဆက် မေးလိုက်တော့မှ .... ဟုတ်ကဲ့ပါ။ သကောင့်သားအိတ်က ငစနေ့ အိပ်ယာပေါ်မှာ အခန့်သား သီတင်းသုံးနေကြောင်း room-mate ဆီက သတင်းစကား ကြားရပါတော့တယ်။ စာရှုသူမိတ်ဆွေ၊ အခုလောက်ဆိုရင် သဘောပေါက်လောက်ရောပေါ့။ အခု တင်နေတဲ့ ဓါတ်ပုံတွေထဲမှာ မှုန်တုန်တုန် ၀ါးတားတာား ဓါတ်ပုံတွေကလွဲရင် ကျန်တဲ့ ကြည်လင်ပြတ်သားနေတဲ့ပုံတွေက အခု ဒီစာရေးနေတဲ့အချိန်ကျမှ အင်တာနက်ထဲကနေ လိုက်ရှာ၊ လိုအပ်သလို ဖြတ်တောက်ပြီး ပြန်တင်ထားရတဲ့ပုံတွေ ဖြစ်လေသတည်းပေါ့ဗျာ။ Camera တွေကျန်ခဲ့တော့ ဖုန်းမှာပါတဲ့ camera လေးနဲ့ပဲ ဟိုလျှောက်ရိုက် ဒီလျှောက်ရိုက်လုပ်ခဲ့ရတယ်။ 1.3 mega pixels ဆိုတော့ အားမရလှဘူးပေါ့။ သီချင်းနားထောင်လို့ကောင်းအောင် music phone ၀ယ်ခဲ့တဲ့ကိုယ့်ကိုကိုယ် ခုမှ ပြန်ပြီး အပြစ်တွေ တင်နေမိတော့တာပေါ့ဗျာ။

KL သို့ အလည်တစ်ခေါက် - ၁

2007-08-18T00:11:00.000+08:00

ငစနေတစ်ယောက် ခရီးသွားမှတ်တမ်းများကို ဖတ်ရတာ အတော်ဝါသနာပါလေသည်။ ကင်းဝန်မင်းကြီးရဲ့ အင်္ဂလန်သွားမှတ်တမ်း ကစလို့ အန်တီ ပတ္တမြားခင် ရဲ့ မမရေ ဆိုပြီး အစချီတတ်တဲ့ “သန္တာစမ်းမှ အလွမ်းစာ”၊ မနန်းစိုး ရဲ့ ခရီးသွားမှတ်တမ်းများ အဆုံး အကုန်ဖတ်လေ့ရှိသည်။ သဘောအကျဆုံးကတော့ ဗိုလ်ဗကိုရဲ့ “ယေးလ်တက္ကသိုလ်ခရီးသည်” နှင့် ဗိုလ်ဗလ၏ “လွတ်လပ်ရေးခရီးတစ်ထောက်”။ ခရီးသွားမှတ်တမ်း ဖတ်ရတာ ရေးသူ တော်လျှင်တော်သလို စာဖတ်သူကိုယ်တိုင် ထိုနေရာသို့ ရောက်နေသလို ခံစားရစေသည်။ ငစနေလဲ အားကျမခံ ရေးကြည့်ဦးမှ လို့ အားခဲထားတာ ကြာပြီ။ ဒါပေမယ့် ဦးအရိုင်းတို့ ပျက်လုံးလိုပေါ့ “ကျန်းမာရေးကလဲမကောင်း၊ ကျန်းမာရေးကောင်းပြန်တော့လဲ လိုအင်ဆန္ဒက မပြည့်” ဆိုတာလိုမျိုး ခရီးက ထွက်ခဲသည်။ ထွက်မယ့်ထွက်တော့လဲ အလုပ်ကိစ္စတွေနှင့်သာ ဆိုတော့ ဘာမှ မှတ်တမ်းမှတ်ရာ မကျန်။ ပြီးခဲ့တဲ့ လကတော့ Malaysia နိုင်ငံ Kuala Lampur မြို့ကို အလည်တစ်ခေါက် ရောက်ခဲ့သည်။ ကိုယ်ရေးကိုယ်တာ ကိစ္စ နဲ့ အလည်အပတ်နဲ့ ပေါင်းပြီး ခရီးထွက်တာဖြစ်လို့ မှတ်တမ်းလေးတစ်ခုတော့ ရေးလိုက်မဟဲ့ လို့ အားတင်းမိသည်။ အစ်မမေငြိမ်းလို ဘယ်စာစောင်ကမှ လက်မခံလဲ ကိုယ့် blog ထဲကိုယ်တင်မှာပေါ့ လို့တော့ စိတ်ပိုင်းဖြတ်ထားရသပေါ့။ (မနှိုင်းကောင်း မနှိုင်းရာတွေ သွားနှိုင်းနေပြန်ပြီ။ အစ်မစာတွေက ကောင်းလွန်းလို့ စာစောင်တွေက လက်မခံရဲတာ။ နင်ရေးတာက ဘာမို့လို့တုန်း)။

Petronus Twin Tower taken from Presidential State Room of Hotel Istana

ငစနေတစ်ယောက် ဒီခရီးကိုသွားဖို့ အတော်လေး စိတ်အားထက်သန်မိလေသည်။ အားသန်ဆို တစ်သက်လုံးနေမှ တစ်ခေါက်သာ တွေ့ဖူးသော အဒေါ်နှင့် အစ်မ၀မ်းကွဲ ၄ယောက်ကို တွေ့ရမည်က တစ်ကြောင်း၊ ပထမဆုံး ကိုယ်တစ်ယောက်တည်း သွားရမည့်ခရီး ဖြစ်သည်ကတစ်ကြောင်း၊ အတော်လေး စိတ်လှုပ်ရှား နေမိသည်။ မသွားခင် တစ်လလောက်ကတည်းက ကြိုတင်၍ ရထားလက်မှတ်ကို online မှ ကြိုတင် ၀ယ်ယူထားခြင်း၊ လိုအပ်မည်ထင်သည့် ပစ္စည်းများ ၀ယ်ယူစုဆောင်းခြင်းတို့နှင့် မအားလပ်ရအောင် ရှိနေလေသည်။ တစ်ကယ်တမ်းကျတော့ ငစနေဆိုတာ ဘာမို့တုန်း ... သူငယ်ချင်းများက “ရဲဝင်း” ဟု အနွတ္တသညာ ချီးမြှင့်ခံထားရတဲ့ကောင်ပဲဟာ ... မလွဲပဲ ဘယ်နေပါ့မတုန်း။ ပထမဆုံးအလွဲက ရထားလက်မှတ်ထုတ်ဖို့ မေ့ခြင်းဖြစ်လေသည်။ သတိရလို့ booking confirmation ကိုထုတ်ကြည့်တော့ လက်မှတ်ထုတ်ရမယ့် နောက်ဆုံးရက်က ကျော်နေပြီ။ ရထားဘူတာကို ကမန်းကတန်း ဖုန်းဆက်တော့ မရတော့ပါတဲ့။ သွားမယ့်ရက်မှ လက်မှတ်ဝယ်ပြီး စီးသွားပါ ဆိုပြီးတော့ပဲ အကြောင်းပြန်ပါတယ်။ ရုံးက ခွင့်ယူလိုက်တာက ဗုဒ္ဓဟူးနေ့ကနေ တနင်္ဂနွေနေ့အထိပါ။ ဒါပေမယ့် အင်္ဂါနေ့ ညနေ ရုံးဆင်းတာနဲ့ သွားမယ်ဆိုပြီး ရည်ရွယ်ထားတာကြောင့် ရုံးဆင်းတာနဲ့ လက်မှတ်ဝယ်ဖို့ Tanjong Pagar မှာရှိတဲ့ KTM Railway Station ကို တန်းပြေးရပါတယ်။ ရထား အချိန်စာရင်းအရတော့ SG ကနေ ည ၁၀း၃၀ မှာ ထွက်တဲ့ ရထားက JB ကို ည ၁၁း၃၅ မှာ ၀င်မှာဖြစ်ပြီး အဲဒီကနေ KL ကို နောက်နေ့မနက် ၆း၃၅ မှာ ၀င်မယ် လို့ ရေးထားပါတယ်။

KTM Railway Station @ Tanjong Pagar

Singapore ကနေ KL အထိကို ရထား တိုက်ရိုက် ပေါက်ပါတယ်။ တစ်ရက်ကို အနည်းဆုံး ၃စီး ပုံမှန်ထွက်လေ့ရှိသည်။ ငစနေ့ ခရီးစဉ်က Singapore တစ်ဖက်ကမ်း Johor Baru ကို ကားနဲ့သွားပြီး JB ကနေတစ်ဆင့် ရထားပြောင်းစီးရန်ဖြစ်လေသည်။ JB ကို ရောက်ဖူးချင်တာက တစ်ကြောင်း၊ ရထားကို JB ကနေ စစီးရင် လက်မှတ်ဈေးက တစ်ဝက်လောက် သက်သာတာက တစ်ကြောင်း ဖြစ်လေသည်။ KTM Station ကိုရောက်တော့ ပြဿနာတက်တော့သည်။ JB မှ ငစနေ့ အဒေါ်နေသော Kajang (KL မရောက်မီ တစ်ဘူတာအလို) အထိ လက်မှတ်ပေးပါ ဆိုသောအခါ S$27 ကျပါသည် ဟုဆိုလေသည်။ ငစနေ online မှာ booking လုပ်တုန်းကတော့ RM27 (S$12) သာ။ ယခု ၂ ဆကျော်ကွာနေသောအခါ ငစနေ complaint တက်တော့သည်။ လက်မှတ်ရောင်းက အဲဒီဈေးနဲ့လိုချင်ရင် JB Station ကနေ ၀ယ်စီးပါဟု အကြံပြုလေသည်။ ကြားရက်မို့လို့ လက်မှတ်မရမှာ မပူပါနဲ့။ ရထားက အချောင်ကြီးပါ ဟု အားပေးလေသောအခါ ငစနေလဲ သူ့အကြံအတိုင်း လိုက်နာရန် သဘောတူရတာပေါ့။ ဒါပေမယ့် ဆရာသမားက Ticket counter က ည ၉ နာရီ ပိတ်မှာမို့ အမှီသွားရန်လိုကြောင်း ထပ်ကွန့်သောအခါ ငစနေ ဗျာများရတော့သည်။ နာရီကြည့်လိုက်တော့ ၆း၁၅။ ငစနေ ဘတ်စ်ကား မစောင့်နိုင်၊ အိမ်ကို Taxi တစ်စီးတားပြီး လစ်ရတော့သည်။ SG မှာ ညနေ ၅ နာရီခွဲမှာ ၇ နာရီခွဲကြားအချိန်မှာ တစ်ကယ့် rush hour ဖြစ်လေသည်။ ငစနေတစ်ယောက် မြန်ချင်ပါတယ်ဆိုမှ traffic jam ကြားထဲတွင် ပိတ်မိပြီး ပုံမှန် ၁၅ မိနစ်ခန့်သာ ကြာရမည့်ခရီးကို နာရီဝက်ကျော် ကားပေါ်မှာ ထိုင်လိုက်ရလေသည်။

Woodlands MRT Station & Regional Interchange

950 Cross border service at Woodlands regional interchange

Causeway bridge that connect Singapore with mainland Asia

အိမ်ပြန်ရောက်တော့ ၆း၄၀။ ဘာမှမစဉ်းစားနိုင်၊ ရေကို ကမန်းကတန်းချိုး တနင်္လာနေ့ ညကတည်းက ပြင်ထားသော အထုတ်အပိုးကို ကောက်ဆွဲပြီး အိမ်နှင့် မလှမ်းမကမ်းရှိ MRT Station ကို ပြေးရတော့သည်။ MRT စီး၍ မလေးနယ်စပ်နားရှိ Woodlands အထိသွား။ ထိုမှတစ်ဆင့် မလေးနယ်စပ်ကို ဖြတ်သွားသော 950 CBS (Cross Border Service) ကိုထပ်စီးလျှင် Woodlands checkpoint သို့ ရောက်လေသည်။ Woodlands checkpoint သို့ရောက်သောအခါ ည ၈း၃၀။ ကမန်းကတမ်း Immigration counter မှာ တန်းစီ၊ အထွက်ပြပြီး၊ ICA ရုံးအပြင်သို့ရောက်သောအခါ ငစနေ တိုင်ပတ်တော့သည်။ အထွက်ဘက်တွင် မလေးနှင့် စင်္ကာပူကြားကို ဆက်ထားသော တံတားကိုကျော်ရန် စောင့်နေသော ကားများမှာ အများကြီး ဘယ်ကားပေါ် တက်လို့တက်ရမှန်းမသိ။ နောက်ဆုံး မောင်ပေါက်ကျိုင်းထုံး နှလုံးမူကာ တွေ့သမျှလူ လျှောက်မေးရတော့သည်။ ပထမ Automatic Machine Pistol ကိုယ်စီကိုင်ပြီး ခန့်ခန့်ကြီး ရပ်နေကြသော စင်္ကာပူ ရဲများကို သွားမေးတော့ ဟိုဘက်မှာ ဟု လမ်းညွှန်သဖြင့် သူတို့ ညွှန်ပြရာ ဘက်ကို ပြေးရတော့သည်။ အချိန်က ၈း၅၀။ တွေ့ရာ ကားတစ်စီးပေါ် (170 CBS) ကောက်တက်ပြီးတော့မှ ဒီကားက ကိုယ်သွားချင်တဲ့နေရာ ရောက်မရောက် ဘေးကလူကို မေးရတော့သည်။ သဘောကောင်းလေသော စင်္ကာပူနိုင်ငံသား မလေးလူမျိုးက ငစနေ သွားချင်တဲ့နေရာ ရောက်ကြောင်း confirm လုပ်လေသည်။

ဆက်ရန် .....