KL သို့အလည်တစ်ခေါက် - ၃

အချိန်က ည ၉း၃၀ ပဲရှိပါသေးတယ်။ ရထားက ည ၁၁း၃၀မှ လာမှာမို့လို့ ပထမတော့ ငစနေတစ်ယောက် ဘူတာထဲမှာ ကျီးကြည့်ကြောင်ကြည့်နဲ့ အနေအထားကို လှည့်ပတ်ကြည့်မိပါတယ်။ ဘူတာက ခပ်သေးသေး၊ ခပ်ဟောင်းဟောင်းပါပဲ။ အပေါ်ထပ်မှာတော့ ရုံးခန်းတွေဘာတွေ ရှိမယ်နဲ့တူပါရဲ့။ အောက်ထပ်မှာတော့ အ၀င်ဝကနေကြည့်ရင် အရှေ့တည့်တည့်က ရထား platform ပေါ်ကိုဆင်းတဲ့ တံခါးပါ။ ဘယ်ဘက်ကိုကြည့်ရင် ဟောခန်းကြီးရဲ့အဆုံးမှာ လက်မှတ်ရောင်းတဲ့ ကောင်တာရှိပါတယ်။ အလယ်တစ်ခုလုံးကတော့ ခရီးသည်တွေ နားနေဖို့ ထိုင်ခုံတန်းတွေဖြစ်ပြီး ညာဘက်မှာ သက်သာအရောင်းဆိုင်လေး တစ်ခုရှိပါတယ်။ သက်သာဆိုင်ရဲ့ ဘေးတစ်ဖက်တစ်ချက်မှာ ရထားနဲ့ စင်္ကာပူကိုဝင်မယ့်လူတွေအတွက် immigration office နဲ့ အပေါ်ထပ်ကိုတက်တဲ့ လှေခါးကို တွေ့ရတယ်။ ခန်းမတစ်ခုလုံးကို ceiling mounted aircon တွေ တပ်ထားပေမယ့် တံခါးတွေ ဖွင့်ထားလို့လား၊ ဒါမှမဟုတ် aircon တွေ အကုန်မဖွင့်လို့လားတော့မသိ၊ လူနည်းပေမယ့် လေထုက ခပ်အိုက်စပ်စပ်ရယ်။

travelers' lounge and ticket counter

ပထမတော့ ငစနေလဲ ဘူတာထဲမှာပဲ စာဖတ်ရင်းနဲ့ ရထားထိုင်စောင့်နေသေးတယ်၊ နောက်တော့ ပျင်းလဲပျင်း၊ ဗိုက်လဲဆာလာတာနဲ့ အထုပ်ဆွဲပြီး JB မြို့ထဲကို ပြန်ထွက်လာခဲ့ပါတယ်။ ဘူတာရုံရဲ့ ရှေ့တည့်တည့်မှာရှိတဲ့လမ်းကနေ တစ်ဘလောက် လျှောက်လိုက်ရင် JB ရဲ့ မြို့လည်ကို ရောက်ပါပြီ။ မြို့လည်ဆိုတော့ တစ်ခြားနေရာတွေနဲ့မတူ ပိုပြီး သပ်ရပ်ပါတယ်။ လမ်းတွေလဲ ကောင်း၊ shopping centre တွေလဲ ကောင်း၊ ဆိုင်တွေလဲ အများကြီးဖွင့်ထားပါတယ်။ shopping centre တွေကတော့ ည ၁၀ နာရီဆို ပိတ်ပြီမို့ ငစနေ ရောက်သွားတဲ့အချိန်မှာ ဘာမှမရှိတော့ပါ။ ဒါပေမယ့် McDonald ဆိုင်တစ်ဆိုင်တော့ ဖွင့်ထားသေးတာနဲ့ ညစာကို Mc ပဲ စားတော့မယ်ဆိုပြီး ဆိုင်ထဲကိုဝင်လိုက်ပါတယ်။ counter မှာ menu ကြည့်လိုက်တာနဲ့ မျက်လုံးပြုးစရာက စပါတယ်။ Burger နဲ့ Chicken Nugget ကလွဲလို့ SG မှာရှိတဲ့ တစ်ခြားဟာတွေ မရှိပါ။ ကောင်းနိုးရာရာလေး လျှောက်ကြည့်ရင်း Grilled Beef Foldover တစ်ခု နဲ့ အာလူးချောင်းကြော်နဲ့ အအေးနဲ့ စားလိုက်ပါတယ်။ ဟုတ်ကဲ့ ဈေးကတော့ စင်္ကာပူက ဈေးရဲ့ တစ်ဝက်သာသာပဲ ကျပါတယ်။ အစားသောင်းကျန်းနေတာ နာရီကို ကြည့်မိတော့ ည ၁၁း၁၅ ရှိပါပြီ။ ရထားက ၁၁း၃၅ မှာ လာမှာမို့လို့ စားလက်စကို ကမန်းကတမ်း လက်စသတ်ပြီးတော့ ဘူတာကို ပြန်ပြေးရပြန်ပါတယ်။ ဟိုရောက်တော့ လူတွေအကုန် platform ကိုဆင်းနေကြပါပြီ။ ငစနေလဲ ရောယောင်ပြီး platform ကိုဆင်းလိုက်ပါတယ်။ platform မှာ ကိုယ်စီးရမယ့်တွဲက ဘယ်နားထိုးမယ်ဆိုတာကို label တွေပြထားတဲ့အတွက် ငစနေတစ်ယောက် ကိုယ်စီးရမယ့် တွဲအမှတ် K2 ထိုးမယ့်နေရာမှာ ထိုင်စောင့်နေလိုက်ပါတယ်။ မကြာပါ ရထားကြီး ၀င်လာပါပြီ။ (စုတ်ပြတ်မှုန်ဝါးနေသော ပုံအတွက် သည်းခံပေးကြပါ)

train approaching to platform 1

ငစနေ လက်မှတ်ယူထားတဲ့ Airconed Secondary Class (ASC) ဆိုတာ အကောင်းစား မဟုတ်ပါဘူး။ သူ့အောက်မှာ Economy Class တစ်ခုပဲ ရှိပါတော့တယ်။ ဒါပေမယ့် ညရထားမှာက ပထမတန်းထိုင်ခုံတွေအစား အိပ်စင်တွဲတွေ အစားထိုးထားတဲ့အတွက် အိပ်စင် မယူချင်တဲ့ ငစနေတစ်ယောက် ဒုတိယတန်းခုံပဲ ယူလိုက်ရပါတယ်။ ရထားတွဲထဲမှာတော့ အတော်လေးကို သပ်သပ်ရပ်ရပ် ရှိပါတယ်။ ရထားပေါ်မှာ သန့်ရှင်းရေးဝန်ထမ်းတွေ ရှိပြီး ဘူတာ တစ်ခါဝင်လို့ လူအတက်အဆင်း တစ်ခါလုပ်ပြီးတိုင်း သန့်ရှင်းရေးတစ်ခါလုပ်ပါတယ်။ ရထားထိုင်ခုံတွေက တစ်ဖက်တည်းကို မျက်နှာမူထားတာမဟုတ်ပဲ နီးတဲ့ အပေါက်ဘက်ကို မျက်နှာလှည့်ထားတာပါ။ တစ်မျိုးတော့ ထူးဆန်းနေတာပေါ့။ နှစ်ခုံတွဲ ခုံတွေက အလယ်လက်တန်းက ခေါက်သိမ်းလို့ရသော ထိုင်ခုံများဖြစ်၍ စုံတွဲများအတွက် များစွာ အဆင်ပြေလေသည်။ စုံတွဲမပါသော ငစနေအတွက်လဲ ဘေးခုံက လူမရှိသဖြင့် လက်တန်းခေါက်က တစ်ယောက်တည်း နှစ်ခုံထိုင်ပြီး အတော်လေး ဇိမ်ကျခဲ့သည်ပေါ့။

inside view of KTM railway car (Airconed Second Class)

KL သို့ အလည်တစ်ခေါက် - ၂

“အလျင်လိုမှ အနှေးဖြစ်” ဆိုသော စကားမှာ ငစနေအတွက်များ တမင်ရည်ရွယ်ထားလေသလားမသိပေ။ အမြန်ရောက်ချင်ပါတယ်ဆိုမှ ပြဿနာက တစ်မျိုးပြီးတစ်မျိုး တက်လေသည်။ ဘတ်စ်ကားက တံတားကိုကျော်၍ တစ်ဖက်ကမ်းရှိ မလေး Immigration office အထိသာ ပို့ပေးလေသည်။ ကိုယ့်အထုတ်ကိုယ်ဆွဲ၍ ခြေကျင်ပဲ ပြေးရတာပေါ့။ Immigration counter ကိုရောက်တော့ ငစနေ ဆိုင်းဘုတ်ကိုကြည့်သည်။ တစ်ဖက်က Malay Passport Only ဟုရေးထားတာ တွေ့ရပြီး ၀င်တဲ့သူ မရှိချေ။ နောက် counter တစ်ခုကတော့ All Passports ဟုသာ ရေးထားပြီး လူတွေ အတော်များများ တန်းစီဝင်နေကြသည်။ ငစနေလဲ သူများနောက် လိုက်ဝင်ပြီး တန်းစီ counter ရောက်တော့ immigration officer က မျက်နှာကိုသာ တစ်ချက်လှမ်းကြည့်ပြီး ခေါင်းညိတ်ပြလေသည်။ သွားလို့ရပြီ ဆိုသည့်သဘော။ ငစနေလဲ ကောင်တာမှ အမြန်လစ်တော့သည်။ အချိန်က ၈း၅၅။ အဲဒီတော့မှ စောစောက ကားပေါ်တွင် တွေ့ခဲ့သည့် မလေးလူမျိုးက ငစနေ့ကို လှမ်းခေါ်တော့သည်။ ပြီးတော့ ငစနေ့ကို ကောင်တာကို အမြန်ပြန်သွားပြီး white card ဖြည့်ရန်နှင့် အ၀င် တံဆိပ်တုံး ထုရန် ပြောလေသည်။ သေဟဲ့ နန္ဒိယ ဟုသာ စိတ်ထဲမှ ရေရွတ်ပြီး ကောင်တာကို တစ်ခေါက်ပြန်ပြေးရလေသည်။ အဲဒီတော့မှ ဆရာသမား immigration officer က ရယ်ကျဲကျဲနှင့် ငါက မင်းကို မလေးနိုင်ငံသားမှတ်လို့ မကြည့်ပဲ လွှတ်ပေးလိုက်တာ ဟုပြောလေသည်။ အားနာသွားလေသလားမသိ၊ သူကိုယ်တိုင် white card ကိုဖြည့်ပေးပြီး ဘယ်သွားမလဲ ဘာညာ စပ်စုလေသည်။ ငစနေက KL အထိ သွားမည်ဖြစ်ကြောင်း၊ ငစနေ့ အစ်မ၀မ်းကွဲတစ်ယောက်၏ မင်္ဂလာဆောင် အခမ်းအနားသို့ တက်ရောက်ရန်ဖြစ်ကြောင်း စကားစမည် ပြောရင်းနဲ့ ငစနေက JB Station ကို ဘယ်လိုသွားရမလဲ ဟုမေးသောအခါ စိတ်ရှည်လက်ရှည် လမ်းညွှန်ပေးလေးသည်။

Johor Baru Railway Station (@ the left side of the road)

၉း၀၀ ဖြစ်နေပြီမို့လို့ အထုတ်ဆွဲပြီး ထွက်ပြေးသော ငစနေ့ကို နောက်ထပ် လူတစ်ယောက်က လှမ်းခေါ်ပြန်လေသည်။ ကြည့်လိုက်တော့ custom officer တစ်ယောက်။ ဟုတ်သားပဲ။ custom မှာ ပစ္စည်းစစ်ရဦးမှာပေါ့။ သိပ်တော့ မကြာပါ။ ပါလာတဲ့ luggage ကို x-ray စက်ထဲ ကောက်ထည့်ပြီး ဟိုဘက် ထွက်လာတဲ့ဘက်က ပြန်ကောက်ပြီး ပြေးရတာပေါ့။ immigration office မှထွက်ပြီး officer ကြီး လမ်းညွှန်သည့်အတိုင်း underground passage way မှ ဖြတ်၍ အခြားတစ်ဖက်မှ ပြန်ထွက်သောအခါ JB မြို့ထဲသို့ တန်းရောက်လေသည်။ ငစနေတစ်ယောက် ယောင်ချာချာ ဖြစ်တော့တာပေ့ါ။ ဘယ်သွားလို့ ဘယ်လာရမှန်းမသိ။ သတိထားမိတာတစ်ခုက JB သည် ရန်ကုန်နှင့် အတော် တူသည် ဟူသော အချက်ဖြစ်သည်။ ခပ်လှမ်းလှမ်းမှ ဗိုလ်ချုပ်ဈေးနှင့် ခပ်ဆင်ဆင် အဆောက်အဦကြီး နှင့် ထိုနေရာတစ်ဝိုက်သည် တစ်ကယ့် ရန်ကုန် ဗိုလ်ချုပ်ဈေးရှေ့နှင့် ဆင်တူသည်ဟု မှတ်ချက်ချရင်း ငစနေ အထုတ်ဆွဲကာ အမြန် လမ်းလျှောက်လာခဲ့သည်။ ဘယ်သွားရမှန်းမသိတော့ ရုပ်ရှင်တွေထဲမှာ ခဏခဏ တွေ့ဖူးတာတစ်ခုကို လုပ်လိုက်သည်။ ဓါတ်ဆီဆိုင်နှင့် တွဲထားသော 7-11 ဆိုင်ထဲကိုဝင်ပြီး လမ်းမေးခြင်းဖြစ်သည်။ ကောင်တာမှ အရောင်းစာရေးလေးများက ရယ်၍ ဆိုင်ရှေ့မှ အဆောက်အဦကြီးမှာ JB Railway Station ဖြစ်ကြောင်း ပြောတော့မှ ငစနေလဲ ရယ်ကျဲကျဲနှင့် ပြန်ထွက်လာရတာပေါ့။ ကြည့်လိုက်တော့မှ တစ်ခြားအဆောက်အဦဟုတ်ရိုးလား ငစနေ စောစောက ဗိုလ်ချုပ်ဈေးနှင့်တူသည်ဟု မှတ်ချက်ချမိသော အဆောက်အဦဖြစ်နေတော့သည်။

JB Station night view

ဘူတာရုံထဲ ကသောကမျော ပြေးဝင်ပြီး လက်မှတ်ကောင်တာကို လှမ်းကြည့်လိုက်တဲ့အခါမတော့ "Closed" ဆိုတဲ့ ဆိုင်းဘုတ်လေးက ငစနေ့ကို ကြိုဆိုနေပါတယ်။ အချိန်က ၉း၁၀ ရှိနေပါပြီ။ ငစနေလဲ အတော်လေး စိတ်ညစ်သွားပြီး ဘာဆက်လုပ်ရမယ်ဆိုတာ စဉ်းစားရပါတော့တယ်။ စဉ်းစားနေတုန်းမှာပဲ ကောင်တာထဲမှာ လူအရိပ်အခြေ တွေ့လိုက်တာနဲ့ ကောင်တာနားကို အပြေးလေးသွားပြီး “can i get a ticket to Kajang?” လို့ ကမန်းကတမ်း လှမ်းမေးရပါတယ်။ လက်မှတ် အရောင်းစာရေးရဲ့ "which type of seat?” လို့ မေးလိုက်တဲ့ စကားသံအဆုံးမှာ ငစနေတစ်ယောက် ၀မ်းသာလုံး ဆို့မသွားအောင်ကို မနည်း သတိထားလိုက်ရပါတယ်။ စိတ်ထဲမှာတော့ ကောင်တာပိတ်သွားပေမယ့် လက်မှတ်ရောင်းပေးတဲ့ ၀န်ထမ်းကို အခါခါ ကျေးဇူးတင်နေတာပေါ့ဗျာ။ "Airconed Secondary Class" (ASC) ခုံတစ်ခုံကို RM27 ပေးပြီး ၀ယ်ပြီးတဲ့အခါမှာတော့ ငစနေတစ်ယောက် ပြုံးနိုင်သွားပါပြီ။ အဲဒီတော့မှပဲ ဘူတာရုံထဲက ခုံမှာထိုင်ပြီး ငစနေတစ်ယောက် ယူလာတဲ့ ပစ္စည်းတွေကို အေးအေးဆေးဆေး စစ်နိုင်ပါတော့တယ်။ ပစ္စည်း စစ်ပြီးတဲ့အခါမှာတော့ ငစနေတစ်ယောက် ဒုတိယံမ္မိ သေဟဲ့နန္ဒိယ ကို အော်မိပြန်ပါပြီ။ ဟုတ်ကဲ့ခင်ဗျာ၊ ကိုရဲဝင်းတို့ လွဲချက်ကတော့ camera, phone charger,film နဲ့ battery တွေထည့်ထားတဲ့ အိတ် ဘယ်နားထားခဲ့မှန်း မသိတာပါပဲ။ ပြေးရင်းလွှားရင်းနဲ့များ ကျကျန်ခဲ့လား။ SG ကအထွက် baggage check မှာများ အိတ်လိုက် ကျန်ခဲ့သလားနဲ့ စိတ်တွေ ပူရပြန်ပါတော့တယ်။ နောက်ဆုံး ကိုယ့်ကိုယ်ကို မသင်္ကာတာနဲ့ အိမ်မှာကျန်ခဲ့တဲ့ room-mate ကို လှမ်းဖုန်းဆက် မေးလိုက်တော့မှ .... ဟုတ်ကဲ့ပါ။ သကောင့်သားအိတ်က ငစနေ့ အိပ်ယာပေါ်မှာ အခန့်သား သီတင်းသုံးနေကြောင်း room-mate ဆီက သတင်းစကား ကြားရပါတော့တယ်။ စာရှုသူမိတ်ဆွေ၊ အခုလောက်ဆိုရင် သဘောပေါက်လောက်ရောပေါ့။ အခု တင်နေတဲ့ ဓါတ်ပုံတွေထဲမှာ မှုန်တုန်တုန် ၀ါးတားတာား ဓါတ်ပုံတွေကလွဲရင် ကျန်တဲ့ ကြည်လင်ပြတ်သားနေတဲ့ပုံတွေက အခု ဒီစာရေးနေတဲ့အချိန်ကျမှ အင်တာနက်ထဲကနေ လိုက်ရှာ၊ လိုအပ်သလို ဖြတ်တောက်ပြီး ပြန်တင်ထားရတဲ့ပုံတွေ ဖြစ်လေသတည်းပေါ့ဗျာ။ Camera တွေကျန်ခဲ့တော့ ဖုန်းမှာပါတဲ့ camera လေးနဲ့ပဲ ဟိုလျှောက်ရိုက် ဒီလျှောက်ရိုက်လုပ်ခဲ့ရတယ်။ 1.3 mega pixels ဆိုတော့ အားမရလှဘူးပေါ့။ သီချင်းနားထောင်လို့ကောင်းအောင် music phone ၀ယ်ခဲ့တဲ့ကိုယ့်ကိုကိုယ် ခုမှ ပြန်ပြီး အပြစ်တွေ တင်နေမိတော့တာပေါ့ဗျာ။

KL သို့ အလည်တစ်ခေါက် - ၁

ငစနေတစ်ယောက် ခရီးသွားမှတ်တမ်းများကို ဖတ်ရတာ အတော်ဝါသနာပါလေသည်။ ကင်းဝန်မင်းကြီးရဲ့ အင်္ဂလန်သွားမှတ်တမ်း ကစလို့ အန်တီ ပတ္တမြားခင် ရဲ့ မမရေ ဆိုပြီး အစချီတတ်တဲ့ “သန္တာစမ်းမှ အလွမ်းစာ”၊ မနန်းစိုး ရဲ့ ခရီးသွားမှတ်တမ်းများ အဆုံး အကုန်ဖတ်လေ့ရှိသည်။ သဘောအကျဆုံးကတော့ ဗိုလ်ဗကိုရဲ့ “ယေးလ်တက္ကသိုလ်ခရီးသည်” နှင့် ဗိုလ်ဗလ၏ “လွတ်လပ်ရေးခရီးတစ်ထောက်”။ ခရီးသွားမှတ်တမ်း ဖတ်ရတာ ရေးသူ တော်လျှင်တော်သလို စာဖတ်သူကိုယ်တိုင် ထိုနေရာသို့ ရောက်နေသလို ခံစားရစေသည်။ ငစနေလဲ အားကျမခံ ရေးကြည့်ဦးမှ လို့ အားခဲထားတာ ကြာပြီ။ ဒါပေမယ့် ဦးအရိုင်းတို့ ပျက်လုံးလိုပေါ့ “ကျန်းမာရေးကလဲမကောင်း၊ ကျန်းမာရေးကောင်းပြန်တော့လဲ လိုအင်ဆန္ဒက မပြည့်” ဆိုတာလိုမျိုး ခရီးက ထွက်ခဲသည်။ ထွက်မယ့်ထွက်တော့လဲ အလုပ်ကိစ္စတွေနှင့်သာ ဆိုတော့ ဘာမှ မှတ်တမ်းမှတ်ရာ မကျန်။ ပြီးခဲ့တဲ့ လကတော့ Malaysia နိုင်ငံ Kuala Lampur မြို့ကို အလည်တစ်ခေါက် ရောက်ခဲ့သည်။ ကိုယ်ရေးကိုယ်တာ ကိစ္စ နဲ့ အလည်အပတ်နဲ့ ပေါင်းပြီး ခရီးထွက်တာဖြစ်လို့ မှတ်တမ်းလေးတစ်ခုတော့ ရေးလိုက်မဟဲ့ လို့ အားတင်းမိသည်။ အစ်မမေငြိမ်းလို ဘယ်စာစောင်ကမှ လက်မခံလဲ ကိုယ့် blog ထဲကိုယ်တင်မှာပေါ့ လို့တော့ စိတ်ပိုင်းဖြတ်ထားရသပေါ့။ (မနှိုင်းကောင်း မနှိုင်းရာတွေ သွားနှိုင်းနေပြန်ပြီ။ အစ်မစာတွေက ကောင်းလွန်းလို့ စာစောင်တွေက လက်မခံရဲတာ။ နင်ရေးတာက ဘာမို့လို့တုန်း)။

Petronus Twin Tower taken from Presidential State Room of Hotel Istana

ငစနေတစ်ယောက် ဒီခရီးကိုသွားဖို့ အတော်လေး စိတ်အားထက်သန်မိလေသည်။ အားသန်ဆို တစ်သက်လုံးနေမှ တစ်ခေါက်သာ တွေ့ဖူးသော အဒေါ်နှင့် အစ်မ၀မ်းကွဲ ၄ယောက်ကို တွေ့ရမည်က တစ်ကြောင်း၊ ပထမဆုံး ကိုယ်တစ်ယောက်တည်း သွားရမည့်ခရီး ဖြစ်သည်ကတစ်ကြောင်း၊ အတော်လေး စိတ်လှုပ်ရှား နေမိသည်။ မသွားခင် တစ်လလောက်ကတည်းက ကြိုတင်၍ ရထားလက်မှတ်ကို online မှ ကြိုတင် ၀ယ်ယူထားခြင်း၊ လိုအပ်မည်ထင်သည့် ပစ္စည်းများ ၀ယ်ယူစုဆောင်းခြင်းတို့နှင့် မအားလပ်ရအောင် ရှိနေလေသည်။ တစ်ကယ်တမ်းကျတော့ ငစနေဆိုတာ ဘာမို့တုန်း ... သူငယ်ချင်းများက “ရဲဝင်း” ဟု အနွတ္တသညာ ချီးမြှင့်ခံထားရတဲ့ကောင်ပဲဟာ ... မလွဲပဲ ဘယ်နေပါ့မတုန်း။ ပထမဆုံးအလွဲက ရထားလက်မှတ်ထုတ်ဖို့ မေ့ခြင်းဖြစ်လေသည်။ သတိရလို့ booking confirmation ကိုထုတ်ကြည့်တော့ လက်မှတ်ထုတ်ရမယ့် နောက်ဆုံးရက်က ကျော်နေပြီ။ ရထားဘူတာကို ကမန်းကတန်း ဖုန်းဆက်တော့ မရတော့ပါတဲ့။ သွားမယ့်ရက်မှ လက်မှတ်ဝယ်ပြီး စီးသွားပါ ဆိုပြီးတော့ပဲ အကြောင်းပြန်ပါတယ်။ ရုံးက ခွင့်ယူလိုက်တာက ဗုဒ္ဓဟူးနေ့ကနေ တနင်္ဂနွေနေ့အထိပါ။ ဒါပေမယ့် အင်္ဂါနေ့ ညနေ ရုံးဆင်းတာနဲ့ သွားမယ်ဆိုပြီး ရည်ရွယ်ထားတာကြောင့် ရုံးဆင်းတာနဲ့ လက်မှတ်ဝယ်ဖို့ Tanjong Pagar မှာရှိတဲ့ KTM Railway Station ကို တန်းပြေးရပါတယ်။ ရထား အချိန်စာရင်းအရတော့ SG ကနေ ည ၁၀း၃၀ မှာ ထွက်တဲ့ ရထားက JB ကို ည ၁၁း၃၅ မှာ ၀င်မှာဖြစ်ပြီး အဲဒီကနေ KL ကို နောက်နေ့မနက် ၆း၃၅ မှာ ၀င်မယ် လို့ ရေးထားပါတယ်။

KTM Railway Station @ Tanjong Pagar

Singapore ကနေ KL အထိကို ရထား တိုက်ရိုက် ပေါက်ပါတယ်။ တစ်ရက်ကို အနည်းဆုံး ၃စီး ပုံမှန်ထွက်လေ့ရှိသည်။ ငစနေ့ ခရီးစဉ်က Singapore တစ်ဖက်ကမ်း Johor Baru ကို ကားနဲ့သွားပြီး JB ကနေတစ်ဆင့် ရထားပြောင်းစီးရန်ဖြစ်လေသည်။ JB ကို ရောက်ဖူးချင်တာက တစ်ကြောင်း၊ ရထားကို JB ကနေ စစီးရင် လက်မှတ်ဈေးက တစ်ဝက်လောက် သက်သာတာက တစ်ကြောင်း ဖြစ်လေသည်။ KTM Station ကိုရောက်တော့ ပြဿနာတက်တော့သည်။ JB မှ ငစနေ့ အဒေါ်နေသော Kajang (KL မရောက်မီ တစ်ဘူတာအလို) အထိ လက်မှတ်ပေးပါ ဆိုသောအခါ S$27 ကျပါသည် ဟုဆိုလေသည်။ ငစနေ online မှာ booking လုပ်တုန်းကတော့ RM27 (S$12) သာ။ ယခု ၂ ဆကျော်ကွာနေသောအခါ ငစနေ complaint တက်တော့သည်။ လက်မှတ်ရောင်းက အဲဒီဈေးနဲ့လိုချင်ရင် JB Station ကနေ ၀ယ်စီးပါဟု အကြံပြုလေသည်။ ကြားရက်မို့လို့ လက်မှတ်မရမှာ မပူပါနဲ့။ ရထားက အချောင်ကြီးပါ ဟု အားပေးလေသောအခါ ငစနေလဲ သူ့အကြံအတိုင်း လိုက်နာရန် သဘောတူရတာပေါ့။ ဒါပေမယ့် ဆရာသမားက Ticket counter က ည ၉ နာရီ ပိတ်မှာမို့ အမှီသွားရန်လိုကြောင်း ထပ်ကွန့်သောအခါ ငစနေ ဗျာများရတော့သည်။ နာရီကြည့်လိုက်တော့ ၆း၁၅။ ငစနေ ဘတ်စ်ကား မစောင့်နိုင်၊ အိမ်ကို Taxi တစ်စီးတားပြီး လစ်ရတော့သည်။ SG မှာ ညနေ ၅ နာရီခွဲမှာ ၇ နာရီခွဲကြားအချိန်မှာ တစ်ကယ့် rush hour ဖြစ်လေသည်။ ငစနေတစ်ယောက် မြန်ချင်ပါတယ်ဆိုမှ traffic jam ကြားထဲတွင် ပိတ်မိပြီး ပုံမှန် ၁၅ မိနစ်ခန့်သာ ကြာရမည့်ခရီးကို နာရီဝက်ကျော် ကားပေါ်မှာ ထိုင်လိုက်ရလေသည်။

Woodlands MRT Station & Regional Interchange


950 Cross border service at Woodlands regional interchange


Causeway bridge that connect Singapore with mainland Asia

အိမ်ပြန်ရောက်တော့ ၆း၄၀။ ဘာမှမစဉ်းစားနိုင်၊ ရေကို ကမန်းကတန်းချိုး တနင်္လာနေ့ ညကတည်းက ပြင်ထားသော အထုတ်အပိုးကို ကောက်ဆွဲပြီး အိမ်နှင့် မလှမ်းမကမ်းရှိ MRT Station ကို ပြေးရတော့သည်။ MRT စီး၍ မလေးနယ်စပ်နားရှိ Woodlands အထိသွား။ ထိုမှတစ်ဆင့် မလေးနယ်စပ်ကို ဖြတ်သွားသော 950 CBS (Cross Border Service) ကိုထပ်စီးလျှင် Woodlands checkpoint သို့ ရောက်လေသည်။ Woodlands checkpoint သို့ရောက်သောအခါ ည ၈း၃၀။ ကမန်းကတမ်း Immigration counter မှာ တန်းစီ၊ အထွက်ပြပြီး၊ ICA ရုံးအပြင်သို့ရောက်သောအခါ ငစနေ တိုင်ပတ်တော့သည်။ အထွက်ဘက်တွင် မလေးနှင့် စင်္ကာပူကြားကို ဆက်ထားသော တံတားကိုကျော်ရန် စောင့်နေသော ကားများမှာ အများကြီး ဘယ်ကားပေါ် တက်လို့တက်ရမှန်းမသိ။ နောက်ဆုံး မောင်ပေါက်ကျိုင်းထုံး နှလုံးမူကာ တွေ့သမျှလူ လျှောက်မေးရတော့သည်။ ပထမ Automatic Machine Pistol ကိုယ်စီကိုင်ပြီး ခန့်ခန့်ကြီး ရပ်နေကြသော စင်္ကာပူ ရဲများကို သွားမေးတော့ ဟိုဘက်မှာ ဟု လမ်းညွှန်သဖြင့် သူတို့ ညွှန်ပြရာ ဘက်ကို ပြေးရတော့သည်။ အချိန်က ၈း၅၀။ တွေ့ရာ ကားတစ်စီးပေါ် (170 CBS) ကောက်တက်ပြီးတော့မှ ဒီကားက ကိုယ်သွားချင်တဲ့နေရာ ရောက်မရောက် ဘေးကလူကို မေးရတော့သည်။ သဘောကောင်းလေသော စင်္ကာပူနိုင်ငံသား မလေးလူမျိုးက ငစနေ သွားချင်တဲ့နေရာ ရောက်ကြောင်း confirm လုပ်လေသည်။

ဆက်ရန် .....

ထွက်ပြေးခြင်း

ကျွန်တော် ထွက်ပြေးနေပါတယ်။ online ကိုရောက်တိုင်း ကြားရတဲ့ သတင်းတွေက တစ်ခုပြီးတစ်ခု စိတ်မချမ်းသာစရာတွေချည်းမို့ ခုလောလောဆယ် ၀င်းဝင်းလတ် စာတစ်အုပ်နဲ့ online ကို ကန်တော့ဆွမ်းလောင်းထားပါကြောင်း။

အိမ်နီးနားချင်း ...

အခုခေတ် လူနေမှုဘ၀က အရင် ၁၅ နှစ်လောက်နှင့် ဘာမှမဆိုင်တော့၊။ နေမှုပုံစံက အတော်လေးပြောင်းလဲသွားပြီ။ လူတွေက သီးသန့်ဆန်လာကြသည်။ မိသားစုဝမ်းရေးအတွက် တက်ညီလက်ညီ ရုန်းလာရသည်။ ကလေးတွေဆိုလဲ ကျောင်းဆင်းရင် သွားလိုက်ရတဲ့ကျူရှင် ... အတော်များများ ကိုယ့်ပတ်ဝန်းကျင်မှာ ဘာတွေဖြစ်နေမှန်း ဂရုမစိုက်မိတာ အဆန်းမဟုတ်တော့။ ငစနေတို့ နေသောလမ်းမှာ ရန်ကုန်မြို့တွင် လမ်းမကြီးများ စာရင်းဝင် လမ်းတစ်လမ်းဖြစ်သည်။ ၁၉၉၀ တွင် ၄ လမ်းသွား လမ်းမကြီးအဖြစ် အဆင့်မြှင့်တင် ဖောက်လုပ်ထားသော လမ်းဖြစ်သည်။ ထူးခြားသည်မှာ လမ်း၏ တစ်ဖက်ခြမ်းတွင်သာ လူနေအိမ်များရှိ၍ အခြားတစ်ဖက်ခြမ်း၌ ကျောင်း၊ ဆေးရုံ၊ ဘုရားကျောင်းများသာ အဓိက ရှိလေသည်။ အရင်တုန်းကဆို ကန်တော်ကြီးထိပ်မှ စ၍ ကျောက်မြောင်းလမ်းဆုံ အထိ အိမ်တိုင်းလိုလို ငစနေတို့ မသိသောအိမ် မရှိသလောက်ပင်။ ခြံအများစုကလဲ ခြံနှင့် ၀င်းနှင့် လုံးခြင်းအိမ်များ သာဖြစ်၍ ဘယ်အိမ် ဘယ်သူနေသည်ဆိုတာ တန်းကနဲ သိနိုင်သည်။

ကန်တော်ကြီးဘက်မှ လမ်းအတွင်းသို့ ၀င်လာပါက မအူကုန်း လမ်းကျယ် ထိပ်မှ တိုက်မှာ ယခင် ခန္ဒာသုခ သွေးဆေးတိုက် ပိုင်ရှင်များ နေသွားသော တိုက်ဖြစ်ပြီး ယခု မျက်စိအထူးကုဆရာဝန်ကြီးတစ်ယောက် နေထိုင်လျက်ရှိသည်။ သူ့ခြံဘေးတွင် မအူကုန်းရပ်ကွက်တွင်းမှ အိမ်တချို့။ ပြီးလျှင် ငစနေ့ ဦးလေးများ၏ သူငယ်ချင်းတစ်ယောက် နေသောခြံ၊ ထို့နောက် ပုဏ္ဏားခြံ (နေထိုင်သူ အများစုမှာ ကျူးကျော်များဖြစ်ပြီး ပုဏ္ဏားကုန်းရပ်ကွက် ဟု ခေါ်သည်)။ ထိုနေရာနှင့် ဘေးချင်းကပ်လျှက်က ခြံအလွတ်တစ်ခု၊ အရိုးကုန်းလမ်းကျယ်ကို ကျော်လိုက်ပါက ပန်းရိုးမ ကဖေး၊ ဗလ စက်မှုလက်မှုလုပ်ငန်း၊ ဗလနှင့် မျက်နှာချင်းဆိုင် ဆေးရုံကြီးနှင့် ကပ်လျက်ခြံမှာနေတာက Aunty Joyce (တေးသံရှင် နွဲ့ယဉ်ဝင်း) ဗလနှင့်ဘေးချင်းကပ်လျှက်က ခွဲစိတ်အထူးကု ဆရာဝန်ကြီး၏ခြံ။ ထို့နောက် မီးရထား တိုင်းဆရာဝန်ကြီး၏ခြံ။ ထိုဘေးက တေးသံရှင် စိမ်းမို့မို့ နေသောခြံ၊ (မနှစ်က သိန်း ၄၀၀၀ နဲ့ ရောင်းလိုက်သတဲ့)။ ပြီးလျှင် ငစနေ့ အစ်မ၏ ကျောင်းနေဘက် သူငယ်ချင်းတစ်ယောက် နေသောခြံ၊ ကပ်လျက်ခြံက မှန်ကုန်သည် သူဌေးကြီး၊ ပြီးလျှင် တေးသံရှင် ကိုခင်မောင်ထူး၊ သူတို့ဘေးက အမေတို့ တီချယ်ကြီးဒေါ်ကြည်ကြည်၊ ပြီးလျှင် ပုံနှိပ်တိုက်ပိုင်ရှင် ဦးစိုးဝင်း၊ ဘေးခြံက ဦးစိုးဝင်းယောက်ဖ၊ ရွှေသံစဉ်တေးဂီတ၀ိုင်းမှ ဂီတမှူး ကိုဝင်းမော် တို့ခြံ၊ ထို့နောက် “ရသာရုံ” ကား body shop။ သူနှင့်ကပ်လျှက်က ကျိုင်းတုံကဖေး (ကျိုင်းတုံကဖေးမှာ ထိုစဉ်က ယနေ့ မော်ဒန် လက်ဘက်ရည်ဆိုင် နာမည်ကြီးသလို နာမည်ကြီးခဲ့သော ဆိုင်တစ်ဆိုင်ဖြစ်သည်)။ ကျိုင်းတုံမှ ဆက်လာလျှင် “ရသာရုံ” ပိုင်ရှင်၏ ဖခင် ဦးလှမောင်၏ခြံ။ ပြီးလျှင် ငစနေတို့ခြံ၊ လမ်းဆုံမရောင်ခင် တွင်ခုံစက်ရုံ၊ တွင်ခုံနှင့် မျက်နှာချင်းဆိုင်က ရေတပ်မှ ဗိုလ်မှူးကြီးမင်းသိမ်း (ထိုစဉ်က ရေကျောင်းသိပ္ပံကျောင်းအုပ်ကြီး)၊ စသည်ဖြင့် လမ်းမ ရှည်ကြီးတစ်ခုလုံး မသိသူ မရှိသလောက်ပင်ဖြစ်သည်။

ယခုနောက်ပိုင်း တစ်ချို့နေရာများတွင် ကန်ထရိုက်တိုက်များ အလျှိုအလျှိုပေါ်လာသည်။ တစ်ချို့ခြံများကိုတော့ ဆွေမျိုးပေါက်ဖော်များက ၀ယ်ယူလိုက်ကြသည်။ ထို့နောက်ပိုင်း ဘယ်အိမ်မှာ ဘယ်သူနေတယ်ဆိုတာ သိဖို့ ခဲယဉ်းလာသည်။ တစ်လမ်းလုံးမပြောနဲ့ ကိုယ်နေတဲ့ တိုက်မှာတောင် ဘယ်အခန်းက ဘယ်သူဆိုတာ မသိကြတော့။ လူတွေ မြို့ပြ ဆန်လွန်းလာသည်။ စည်းလုံးမှု နည်းလာသည်။

to be continue ...

စိတ်ကူး ၁

re-awakening of Rick Van Winkle

ခုချိန်မှာ လုပ်ချင်နေတာ တစ်ခုရှိသည်။ ရယ်စရာတော့ ကောင်းချင် ကောင်းနေလိမ့်မည်။ ကျေးလက်က တောသားတစ်ယောက်ကို သွားရှာ၊ (အတော်လေး ခေါင်တဲ့နေရာက ဆိုရင် ပိုကောင်းမည်)။ သူမသိအောင် မေ့ဆေးပေး၊ အိပ်ပျော်သွားအောင် လုပ်ပြီး Singapore က Orchard Road ဒါမှမဟုတ် New York က Times Sqare လို နေရာမျိုးမှာ သွားချပေးထားလိုက်ချင်သည်။ သူ အိပ်ယာက နိုးလာတဲ့အခါမှာ သူ့မျက်နှာမှာ ဘယ်လို ခံစားချက်တွေ ပေါ်လာမလဲလို့ ကြည့်ချင်မိသည်။ တစ်ဆက်တည်း Rick Van Winkle ကို သတိရမိသည်။ နှစ်ပေါင်း ၂၀ တောင် အိပ်ပျော်သွားသည့်နောက် ပြန်နိုးလာတော့ သူဘယ်လို ခံစားရမလဲ။

နေ့လည်က အဲဒီအတွေးကို အခု ဆက်တွေးရင်းနဲ့ ငစနေ မျက်လုံးပြူးသွားသည်။ တစ်ခြားမဟုတ်၊ ခုမှ သေခြာစဉ်းစားမိသည်က သူကိုယ်တိုင်ပင် Rick Van Winkle ဖြစ်နေခဲ့ခြင်းဖြစ်သည်။ သူကိုယ်တိုင်သာ မကသေး မြန်မာနိုင်ငံမှ လူငယ်လူရွယ်များလဲ Rick Van Winkle များ ဖြစ်နေကြသည်။ သူတို့ နှစ်ပေါင်း ၂၀ နီးပါး အိပ်ပျော်ခဲ့ကြသည်။ ရုတ်တရက် ကိုယ့်နိုင်ငံ ပြင်ပသို့ ရောက်လာသောအခါ သူတို့ ရုတ်တရက် လန့်နိုးလာသောအခါ ပတ်ဝန်းကျင်သည် ကိုယ်နှင့် နှစ်ပေါင်း ၂၀ စာ ကွာဟနေခဲ့လေပြီ။

နှစ်ပေါင်း ၂၀ စာ နည်းပညာ။ နှစ်ပေါင်း ၂၀ စာ အတတ်ပညာ။ နှစ်ပေါင်း ၂၀ စာ စိတ်ဓါတ်။ နှစ်ပေါင်း ၂၀ စာ စီးပွားရေး ... ... အားလုံးသည် နှစ်ပေါင်း ၂၀ စာ။ နှစ် ၂၀ ကြာသောအခါ Rick Van Winkle ၏ အ၀တ်အစားများ စုတ်ပြတ် ဆွေးမြည့်နေသကဲ့သို့ သူတို့၏ စိတ်ဓါတ်များသည်လည်း စုတ်ပြတ်ဆွေးမြည့် နေခဲ့သည်။ Rick Van Winkle ၏ သေနတ် နှစ်ပေါင်း ၂၀ စာ အိုမင်းနေသကဲ့သို့ သူတို့၏ နည်းပညာများသည်လည်း နှစ်ပေါင်း ၂၀ စာ အိုမင်းနေကြပြီ။ Rick Van Winkle ကတော့ နှစ် ၂၀ အကြာတွင် နိုးထ နိုင်ခဲ့သည်။ ဆက် အိပ်ပျော်နေကြသူများ အနှစ်၂၀ တွင် နိုးထနိုင်ပါ့မလား။ နိုးထလာကြသူများ အနှစ် ၂၀ စာခရီးကို အမှီလိုက်နိုင်ပါ့မလား။ ငစနေတစ်ယောက် တွေးရင်းနဲ့ ရင်မောမိပါတော့သည်။

ဖျက်မရသော အတိတ် ၄ - မုန်တိုင်းအစ (အပိုင်း - ၂)

အဲဒီ ၁၉၈၈ နှစ်စပိုင်းမှာပဲ ငစနေ့ အဖေ မြစ်ကြီးနားမြို့ကို ပြောင်းရွှေ့ဖို့ “၁ နှစ်ပဲ သွားပေးပါ၊ ပြည့်တာနဲ့ ချက်ခြင်းပြန်ခေါ်ပါ့မယ်” ဆိုတဲ့ ၀န်ကြီးရဲ့ နှုတ်ကတိနဲ့အတူ အမိန့်စာကျလာတယ်။ ရိုင်းရိုင်းပြောရရင် မကောင်း ကျောင်းပို့၊ မပြန်လမ်းကို ပို့တာပေါ့။ အဲဒီတုန်းက မြစ်ကြီးနားမြို့ရဲ့ အခြေအနေက လုံးဝ KIA ရဲ့ လက်အောက်မှာ၊ မြန်မာ အစိုးရ ဆိုတာ ဟန်ပြသက်သက်ထားတာ။ ဘာပဲဖြစ်ဖြစ် အဖေကတော့ ပို့တဲ့နေရာကို ရောက်အောင်သွားပါတယ်။ ပေးတဲ့တာဝန်ကိုလဲ ကျေအောင် ထမ်းခဲ့တယ်။ တစ်ခါတစ်ခါ ၂ လ၃လ လုံးဝ အဆက်အသွယ် ပြတ်သွားတာမျိုးလဲ ဖြစ်တတ်တယ်။

အဖေနဲ့ ပက်သက်လို့ ရယ်စရာတစ်ခု ကြားဖြတ်ပြီး ပြောရဦးမည်။ တစ်ခါ ဆိုဗိယက် ပြည်ထောင်စုမှာ ကျင်းပတဲ့ အပြည်ပြည်ဆိုင်ရာ အလုပ်သမားနေ့အခမ်းအနား ကို တက်ရောက်ဖို့ အဖေ၊ အလုပ်သမား ၀န်ကြီးဌာန ၀န်ကြီးနဲ့ တစ်ခြား အဖွဲ့ဝင် ၄ ယောက်လောက် Moscow မြို့ကို ထွက်ခွာသွားကြတယ်။ နောက်နေ့ ဆိုဗီယက် နိုင်ငံ နေ့စဉ်သတင်းစာ မျက်နှာဖုံးမှာ “အလုပ်သမားနေ့ အခမ်းအနား တက်ရောက်ရန် ဗမာပြည်ကွန်မြူနစ်ပါတီမှ ကိုယ်စားလှယ်များ ရောက်ရှိလာခြင်း” ဆိုတဲ့ ခေါင်းစဉ်နဲ့ လေယာဉ်လှေခါးထိပ်ကနေ ဆင်းလာတဲ့ အဖေ့ပုံကြီးက ပြုံးဖြီးဖြီးနဲ့ရယ်။ ဘာပြောကောင်းမလဲ အိမ်မှာ ထောက်လှမ်းရေးတွေ ရှုပ်ရှက်ခပ်ကုန်တော့တာပေါ့။ တစ်အိမ်လုံးလဲ အမွှေခံရသေးတယ်။ နောက်နေ့ သတင်းစာမှာ အမှားပြင်ဆင်ချက် ပါလာမှပဲ အဲဒီကိစ္စ ပြီးတော့တယ်။ ဖြစ်တာက “မြန်မာ့ဆိုရှယ်လစ် လမ်းစဉ်ပါတီ” ဆိုတာနဲ့ မှားရေးတာလေ။ အဖေတို့က လုပ်လိုက်ရင် အရာရာနဲ့ အကြောင်းကြောင်း။ ဒါပေမယ့် အခု ပြန်စဉ်းစားမိတာက အဲဒီတုန်းက အတူသွားတဲ့ ၀န်ကြီးနဲ့ တစ်ခြား အဖွဲ့ဝင်တွေရဲ့အိမ်ကို ဘာဖြစ်လို့ အရှာမခံရတာလဲလို့။ အင်းလေ ... ဖြစ်နိုင်တာက သတင်းစာက ပုံမှာ ငစနေ့ အဖေပုံပဲပါပြီး ကျန်တဲ့သူတွေပုံ မပါလို့နေမှာပေါ့။

ဇွန်လ ကျောင်းတွေပြန်ဖွင့်တော့ ငစနေ ပထမတန်း ကိုတက်ရပြီပေါ့။ ဇူလိုင်လ၊ မိုးမရွာတဲ့ ရက်တရက် ရုတ်တရက် ကျောင်းစောဆင်းတယ်။ ဒါပေမယ့် ဆရာမက ကျောင်းသားတွေကို အကုန်ပြန်မလွှတ်ပေး။ အိမ်က လာကြိုမှ လွှတ်ပေးတယ်။ ပုံမှန်ဆိုရင် ငစနေ့ အမေရုံးက ကျောင်းနဲ့ တစ်လမ်းတည်း၊ ကျောင်းဆင်းရင် ငစနေတစ်ယောက် ကိုယ့်ဖာသာကိုယ် အမေ့ရုံးပေါ်ကို တက်သွားနေကျ။ ဒီနေ့ ဘယ်လိုဖြစ်တာပါလိမ့်လို့ ငစနေ စိတ်ပူလာတယ်။ ခဏနေတော့ ငစနေ့နာမည်ကို ခေါ်သံကြားလို့ လှည့်ကြည့်တော့ ငစနေ့ ဘကြီး (အဖေ့အစ်ကိုကြီး) ကိုတွေ့လိုက်တယ်။ “ဟေ့ကောင် - ငါမင်းကို လာကြိုတာ။ ပြန်ရအောင်” လို့ ဘကြီးကပြောတယ်။ ဘကြီး နဲ့လိုက်သွားတော့ ဘကြီးရဲ့ ကားပေါ်မှာ ငစနေ့ အမေကလဲ စောင့်နေတယ်။ အိမ်ပြန်ရောက်တော့ အမေက ပြောတယ်။ ငစနေတို့ ကျောင်းတွေ ပိတ်လိုက်ပြီတဲ့။ ဘယ်တော့ ပြန်ဖွင့်မလဲဆိုတာလဲ မသိသေးဘူးတဲ့။

အစကတော့ ကျောင်းပိတ်တယ်ဆိုလို့ နည်းနည်း ပျော်သလို ဖြစ်သွားသေးတယ်။ ဒါပေမယ့် လူကြီးတွေရဲ့ အရိပ်အချည်ကို ကြည့်ပြီး တစ်ခုခု လွဲနေတယ်လို့ ထင်မိတယ်။ ဟိုတစ်လောကလေးတင် တက္ကသိုလ်ထဲမှာ ကျောင်းသားတွေကို လုံထိန်းတပ်ဖွဲ့တွေက သေနတ်နဲ့ ပစ်သတ်တယ်၊ ဒုတ်နဲ့ ရိုက်သတ်တယ်၊ ရေနှစ်သတ်တယ်လို့ လူကြီးတွေပြောတာ တစ်စွန်းတစ်စ ကြားမိသေးသည်။ ခု ကျောင်းတွေပိတ်ပြီတဲ့။ အိမ်ကို လူတွေ အ၀င်အထွက် များနေကြသည်။ ဘာတွေမှန်းတော့ မသိ။

တစ်ခုလောက် ကြားဖြတ်ပြီး ရေးပါရစေ။ အခု ရေးရင်းနဲ့ ၁၉၈၈ အရေးအခင်း အကြောင်းကို ရောက်လာတယ်။ ကျွန်တော် ရေးချလိုက်တဲ့ စာတွေက ကျွန်တော် ကြုံတွေ့ရတာ ကြားသိရတာတွေကိုပဲ ပြန်ရေးတာပါ။ လက်တွေ့ အဖြစ်မှန်က ဒါမျိုးမဟုတ်ပါဘူးလို့ ဆိုလာသူတွေ ရှိပါလိမ့်မယ်။ ပြောပါရစေ ... ကြည့်တဲ့နေရာ မတူလို့ အမြင်မတူတာပါလို့။ ကျွန်တော် နိုင်ငံရေးကို စိတ်မ၀င်စားပါ။ ကိုစေးထူး blog ထဲမှာ ရေးထားသလိုပဲ နိုင်ငံရေးဆိုတာ ကျွန်တော့်အတွက် ညစ်ပတ်နေတဲ့ စွပ်ကျယ်တစ်ထည်ပါ။

ဖျက်မရသော အတိတ် ၄ - မုန်တိုင်းအစ

၁၉၈၇ စက်တင်ဘာ ၅ ရက် ...



“နိုင်ငံတော်မှ ၂၅ ကျပ်တန်၊ ၃၅ ကျပ်တန် နှင့် ၇၅ ကျပ်တန် ငွေစက္ကူများကို တရားမ၀င်ငွေအဖြစ် ကြေငြာလိုက်သည်” ဆိုတဲ့ ကြေငြာချက်ကြောင့် တစ်နိုင်ငံလုံး လှုပ်လှုပ်ရှားရှားဖြစ်ကုန်တယ်။ အဓိက ပြဿနာက ငွေစက္ကူအတုတွေ အများအပြား ထွက်လာလို့ လို့အကြောင်းပြချက် ပေးပေမယ့် နောက်ကွယ်မှာ တစ်ခြား အကြောင်းရာတွေလဲ အများအပြားရှိလိမ့်ဦးမယ်လို့ အခုအချိန်မှာ ပြန်စဉ်းစားမိပါတယ်။ အဲဒီတုန်းကတော့ ဘယ်သိမတုန်း၊ ငစေနေဆိုတာ အဲဒီတုန်းက သူငယ်တန်းကျောင်းသားကြီးပဲဥစ္စာ။ ငိုတဲ့သူက ငို၊ ရယ်တဲ့သူက ရယ် ပေါ့။ တစ်ချို့ကလဲ မနေ့ကမှ အိမ်ကပိုက်ဆံတွေ ဘဏ်ထဲ အကုန်ထည့်မိလို့ တော်ပါသေးရဲ့ ဆိုတဲ့ သူမျိုးတွေ ရှိသလို၊ ကားဝယ်ဖို့ ပိုက်ဆံတွေ အကုန်ထုတ်ထားပြီးတော့မှ ငွေ ငါးရာ တစ်ထောင် လောက်ကွာနေတာကို ညှိလို့မရတာနဲ့ မနက်ဖြန်မှ ခြေမယ်ဆိုပြီးအလုပ် လက်ထဲမှာ ငွေတွေ တစ်ပုံတစ်ပင် ပိုက်ဘောမိသွားတဲ့သူတွေလဲ ပါတာပေါ့။ အဲဒီတုန်းက ငွေတစ်သိန်းဆို ကားအကောင်းစားတစ်စီး အသာလေးရတယ်။ ဘာပဲဖြစ်ဖြစ် ငွေစက္ကူကို ဒီလို ရုတ်တရက် ဖျက်သိမ်းတာဟာ နိုင်ငံရဲ့ ငွေကြေးလည်ပတ် စီးဆင်းမှုကို အတော်လေး ကသောင်းကနင်း ဖြစ်စေတာတော့ အမှန်ပဲ။ အထူးသဖြင့် ၂၅ ကျပ်တန်နဲ့ ၇၅ ကျပ်တန်ဆိုတာ အဲဒီတုန်းက လူသုံးအများဆုံး ငွေစက္ကူမဟုတ်လား။ ငွေကြေးစီးဆင်းမှု လုံးဝ ရပ်တန့်လုမတတ်ကို ဖြစ်သွားခဲ့တယ်။ အဲဒီကနေ စမွှေးခဲ့တဲ့ မီးဟာ တစ်ဖြည်းဖြည်းနဲ့ အရှိန်ရလာတယ်။ တစ်ခြား အကြောင်းအရာတွေကလဲ ဒီမီးကို လောင်စာလောင်းပေးကြတာကိုး။

အဲဒီတုန်းက ဆိုရှယ်လစ်စနစ်ဆိုတာကလဲ ဆိုဗီယက်ပြည်ထောင်စု နဲ့အတူ ဆောက်တည်ရာမရ ဖြစ်နေတဲ့အချိန်၊ လူတွေက တစ်ပါတီ ဆိုရှယ်လစ်စနစ်ကို စိတ်ကုန်လာကြပြီ။ အထူးသဖြင့် ၁၉၆၂ မတိုင်ခင်တုန်းက နေရာရခဲ့ပြီး အခု အခြေအနေမကောင်းတဲ့သူတွေပေါ့။ အရှေ့ပိုင်း နယ်စပ်တွေမှာကလဲ တရားဥပဒေက သေခြာ မစိုးမိုးနိုင်၊ ကချင် ဆိုရင် KIA၊ ရှမ်းဆိုရင် တရုတ်ဖြူလက်ကျန်နဲ့ တစ်ခြား တိုင်းရင်းသား လက်နက်ကိုင် တပ်ဖွဲ့တွေ၊ တစ်ပြည်လုံးကို မြေအောက်ကနေ လိုက်ပြီး ပိုးထိုးသလို ထိုးနေတာက ဗကပ၊ ကျန်တဲ့ တောင်ပိုင်းက KNU ဆိုပြီး လက်နက်ကိုင် အဖွဲ့အစည်းတွေက အကြီးအကျယ် စိုးမိုးနေတဲ့အချိန်။ သူတို့ကလဲ အာဏာကို လိုချင်နေကြတယ်။ ဘယ်နိုင်ငံရေးသမားက အာဏာကို လိုချင်လိုချင် သူတို့ ပထမဆုံး မြှောက်ပေးတာက ကျောင်းသားပဲ။ ရန်ကုန် စက်မှုတက္ကသိုလ် ကျောင်းသားတွေ ဆန္ဒပြကြတယ်။ အတိုချုပ်ပြောရင် ဦးနေ၀င်းက စစ်တပ်ကို နှိမ်နင်းဖို့ အမိန့်ပေးတယ်။ ကိုဖုန်းမော်ဟာ ခေတ်သစ် ကိုအောင်ကျော် ဖြစ်သွားတယ်။ တံတားဖြူက တံတားနီဖြစ်သွားတယ်။ ပြည်တွင်းက အခြေအနေတွေကို ကြားသိရတဲ့ ဒေါ်အောင်ဆန်းစုကြည် မြန်မာနိုင်ငံကို ပြန်လာတယ်။ မြန်မာနိုင်ငံရဲ့ ဒီမိုကရေစီအရေးအတွက် ဦးဆောင်ဦးရွက်လုပ်ပြီး ပါဝင်လှုပ်ရှားပေးခဲ့တယ်။ ဦးနေ၀င်းက“စစ်တပ်ဆိုတာ ပစ်ရင် မှန်အောင်ပစ်တယ်” လို့ ခြိမ်းခြောက်တယ်။ လူထုက ရှေ့တိုးတယ်။ တပ်မတော် လေ နဲ့ တပ်မတော် ရေ က လူထုဘက်က ပါဝင်ရပ်တည်လာတယ်။ ဦးနေ၀င်း ဆင်းပေးလိုက်ရတယ်။ ဦးစိန်လွင် တက်လာတယ်။ ဒါပေမယ့် အခြေအနေက ထိန်းလို့မရသေး။ အာဏာကို ပြည်သူ့ဘက်ကို ပြန်လွှဲပေးပါပြီ ဆိုပြီး ဒေါက်တာမောင်မောင် တက်လာတယ်။ “ဆန္ဒတွေ မစောကြပါနဲ့” လို့ လေပြေထိုးပြီး နှစ်သိမ့်ဖို့ကြံတယ်။ လူထုက “နဖူးပြောင်ပြောင် ဦးမောင်မောင်၊ အရူးထောင်ကို ပို့လိုက်ပါတော့” ဆိုပြီး ကြွေးကြော်တယ်။ တောမီးလောင်လို့ လက်ခမောင်းခတ်တဲ့ တောကြောင်တွေကို ထိန်းလို့မရပြန်ဘူး။ ဒီလိုနဲ့ အခြေအနေက ပိုပြီး ရှုပ်ထွေးလာတယ်။