ဖျက်မရသောအတိတ် ၃ - ပြည်သူ့ဆိုင်

နွေရာသီကျောင်းပိတ်ရက်များ၊ အားလပ်ရက်များတွင် အဖွားက ငစနေ့အား အထူးတာဝန်တစ်ခု ထမ်းဆောင်ရန် တာဝန်အပ်နှင်းလေ့ရှိသည်။ အခြားမဟုတ်၊ ပြည်သူ့ဆိုင် ကင်းထောက်အလုပ်ပင်ဖြစ်သည်။ ပြည်သူ့ဆိုင်သည် ငစနေတို့ အနောက်ဘက်လမ်း၊ ရပ်ကွက်ကောင်စီရုံး၏ အောက်ထပ်၌ ရှိလေသည်။ ပြည်သူ့ဆိုင်ဟု လူအများက အလွယ်ခေါ်ကြသော်လည်း အမှန်မှာ “ရပ်ကွက် သမ၀ါယမဆိုင်” ဖြစ်သည်။ ဆိုရှယ်လစ်စနစ်၏ ထုံးတမ်းတစ်ခုဖြစ်သော ပြည်သူ့ဆိုင်သည် နိုင်ငံတော်မှ ရိက္ခာတို့ကို ပြည်သူများသို့ အချိုးကျ ခွဲဝေရောင်းချပေးရသောဆိုင်ဖြစ်သည်။ အဓိကမှာ ဆန်၊ ဆီ၊ ဆား၊ ဆေး နှင့် အခြား လူသုံးကုန်ပစ္စည်းများ ဖြစ်သည်။ ဆန် နှင့်ဆီမှာ အပတ်စဉ် ပုံမှန် ရောင်းချပေးသော်လည်း အခြား ပစ္စည်းများမှာ အခါအားလျှော်စွာ၊ (ယူစရာရှိသူများယူ၍ အနည်းငယ်ကျန်ရှိသောအခါ၊) ရောင်းမစွံကုန်ပစ္စည်းများနှင့်တွဲ၍ အစွံထုတ်လေ့ရှိလေသည်။

အဖွားက ငစနေ့ကို ဟဲ့ ... ပြည်သူ့ဆိုင်မှာ ဘာတွေရောင်းလဲ သွားကြည့်ချေ ... ဟု ဆိုလိုက်သည်နှင့် ငစေနေတစ်ယောက် ပြည်သူ့ဆိုင်သို့ ဒုံးပြေးလေတော့သည်။ ဟိုရောက်တော့ ကြော်ငြာဘုတ်ပေါ် ဘာရေးထားလဲ မတောက်တခေါက်ကြည့်၊ ဆန်အခြေအနေကြည့်၊ ... ဆန်အခြေအနေဆိုလို့ ပြည်သူ့ဆိုင်က ပုံမှန် ရောင်းပေးလေ့ရှိသောဆန်မှာ ဧည့်မထ ဟု အမည်ရသော မကြမ်းမချော ဆန်ဖြစ်လေသည်။ တစ်ခါတစ်ရံ မီးဒုံး၊ ငစိန် ကဲ့သို့သော အညံ့စားဆန်များ ရောင်းချပေးပြီး တစ်ခါတစ်ရံ ငကျွဲ၊ ပေါ်ကျွဲ ကဲ့သို့သော အနည်းငယ် ပိုကောင်းသည့် ဆန်များလည်း ရောင်းတတ်သည်။ ငစနေကား ဆန်ကိုကြည့်၍ ဘာမှန်းမသိ၊ ဆန်လုံးတို၍ အနီစင်းများပါလျှင် ဆန်ညံ့သည်၊ ဆန်လုံးရှည်၍ အရောင်ဖြူကာ အကျိုးအကျေ သိပ်မပါလျှင် ဆန်ကောင်းသည် ဟူ၍သာ သိထားလေသည်။ လူတစ်ယောက်လျှင် ဆန်ဘယ်နှပြည်၊ ဆီ ဘယ်နှဆယ်သားဟု ခွဲတမ်းဖြင့် အချိုးကျ ရောင်းပေးခြင်းဖြစ်သည်။

ငစနေ ပြည်သူ့ဆိုင်က ပြန်လာသည်နှင့် အဖွားရေ ဆန်ကတော့ဘယ်လို၊ ဆီက ဘယ့်နှယ်၊ တစ်ခြား ဘာတွေ ရောင်းပေးသေးတယ် စသည်ဖြင့် ဖောက်သည်ချရလေသည်။ ငစနေ့ သတင်းပေးချက်အပေါ်မူတည်၍ အဖွားက ဒီတစ်ပတ် ပြည်သူ့ဆိုင် သွားဖို့လိုမလို ဆုံးဖြတ်တတ်သည်။ သွားဖို့မလိုဟု ဆုံးဖြတ်လိုက်ပါက ဆီစာအုပ်ကို အိမ်သို့လာ၍ အ၀တ်လျှော်နေသော အဒေါ်ကြီးအား ပေးလိုက်ပြီး နောက် ၂ ရက်လောက်နေလျှင် အဒေါ်ကြီးက အမြတ်ငွေဟုဆိုကာ ပိုက်ဆံအနည်းငယ်နှင့် စာအုပ်ကို ပြန်လာပေးလေ့ရှိသည်။ ထိုခေတ်က ဤကဲ့သို့ ပြည်သူ့ဆိုင်ကို အမှီပြု၍ လုပ်ကိုင်စားသောက်နေသော လူတန်းစားတစ်ရပ်ရှိကြောင်းကို ငစနေ သိရှိရလေသည်။ ပြည်သူ့ဆိုင်နှင့် ပက်သက်၍ လူအများက “မသိဘူး၊ မရှိဘူး” ဟု အမြဲပြောတတ်သော သူအား “ပြည်သူ့ဆိုင်စာရေး” ဟူသော ဂုဏ်ပုဒ်တစ်ခု တပ်ပေး၍ ဂုဏ်ပြုကြလေသည်။

ပြည်သူ့ဆိုင်နှင့် အလားတူ ပြည်သူနှင့် သက်ဆိုင်သောအရာတစ်ခုကား ပြည်သူ့ကုန်တိုက် ဖြစ်လေသည်။ ကုန်တိုက် ဆိုသည့်အတိုင်း ဘာပစ္စည်းမှမရှိပဲ ကုန်နေသည်က များသည်။ ထိုကုန်တိုက်နားတွင် စုရုံးစုရုံး လုပ်နေသော သူများကား “တန်းစီတိုးစား” ဟု အမည်တွင်သော လူတစ်စုဖြစ်သည်။ သူတို့သည် တန်းစီကြသည်။ ကုန်တိုက်၏ ပစ္စည်းရောင်းချပေးသော ကောင်တာများတွင် အမြဲတမ်း တန်းစီနေကြပြီး ရောင်းချပေးသည့် ပစ္စည်းများကို ကုန်တိုက်အပြင်ဘက်၌ဖြစ်စေ၊ ရပ်ကွက်အတွင်း၌ဖြစ်စေ အမြတ်အစွန်း အနည်းငယ် ပြန်တင်၍ ပြန်လည်ရောင်းချလေ့ရှိသည်။ သူတို့ ပုံမှန် ၀ယ်ယူရရှိလေ့ရှိသော ပစ္စည်းများမှာ “သွားတိုက်ဆေး” နှင့် “ဘာလီရည်” ဖြစ်လေသည်။

to be continue ...

Friday 13

ဒီနေ့ ရုံးမှာ တစ်နေ့လုံး သူများဘလော့တွေ လျှောက်ဖတ်ပြီး ဘလော့ချင်စိတ်ပေါ်လာတာနဲ့ အိမ်ပြန်ရောက်ရင်တော့ ဘလော့ဦးမှပဲ ဆိုပြီး ပြန်လာခဲ့တယ်။ လမ်းမှာ ဒီနေ့ လက်ပ်တော့ပ် ကိုဆွဲရတာ နည်းနည်း ပေ့ါနေသလိုပဲလို့တော့ ခံစားမိသား။ အိမ်ရောက်မှ ဖွင့်ကြည့်လိုက်တော့ AC Adapter က ရုံးမှာကျန်ခဲ့မှန်း သိလိုက်ရတယ်။ ၂ နာရီကျော်ကျော်ပဲ ခံမယ့် battery နဲ့တော့ စာရှည်ရှည် မရေးချင်တော့။ ဒီ weekend မှပဲ သေသေချာချာ ရေးတော့မယ်လို့ စိတ်ကို တေးထားလိုက်တယ်။

ချစ်သူနှင့် စကားနိုင်လုနည်း

Kalvin Alexander ရေးထားတဲ့ ချစ်သူနဲ့ စကားနိုင်လုနည်း procedure လေး သဘောကျလို့ တင်ထားလိုက်တယ်။ အပျင်းထူပြီး blog မရေးဖြစ်တာကြာပြီ။ ဒီနေ့ညနေ အိမ်ပြန်ရောက်ရင်တော့ တစ်ခုခု ရေးဖြစ်ကောင်းပါရဲ့။ အကြွေးတွေ အများကြီးပဲ တင်နေတယ်။ အလုပ်ကြွေးတွေ၊ ဖတ်စရာ စာကြွေးတွေ၊ ရေးစရာ blog ကြွေးတွေ။ များမှများပဲ။
MessageBox.Show(IIF(CheckAction,"Looks Good","Run For Your Life"))

Public Sub CheckAction As Boolean

If Relationship.IsUpset(GirlFriend.Mood) = True then
Try
Conversation.Backoff()
Catch ex As Exception
Conversation.Mouth.Zip()
End Try
Else
On Error Goto Flee
Conversation.Debate.Continue()
End If

Return True

Exit Sub

Flee:

Conversation.Current.Abort()
Conversation.Debate.Abort(oprKillAllProcess)
GirlFriend.Compromise(byAnyMeans)

Return False

End Sub

ဖျက်မရသောအတိတ် ၂ - ငစနေနှင့်ကျူရှင်

ငစနေတစ်ကောင် ကျူရှင်တက်ရမည်ဟု သတင်းကောင်းလာပေးသူမှာ အစ်မကြီးဖြစ်သည်။ ငစနေ သူငယ်တန်းကို တစ်ကယ်စတက်သည့်အချိန်တွင် သူက ၅ တန်းကျောင်းသူဖြစ်နေပြီ။ သူတက်သည့် ကျူရှင်မှာ ငစနေတို့နှင့် တစ်လမ်းတည်း ... အိမ်မှ ၅ မိနစ်ခန့် လမ်းလျှောက်ရသော အကွာအဝေးမှာရှိလေသည်။ ဆရာမှ ဒေါ်တင်လှ မှာ သဘောကောင်းလှသည်။ ကျောင်းတစ်ကျောင်းတွင် အလယ်တန်းပြဆရာမ လုပ်ရင်း အိမ်တွင်လည်း ကလေးများကို ၀ိုင်းကျူရှင်သဘောမျိုး စာသင်ပေးသေးသည်။

ငစနေမှာ ထိုကိစ္စကို သိပ်မကျေနပ်ချင်၊ ထိုစာများကို ကျောင်းပျော် တစ်နှစ်တက်စဉ်က ငစနေ သင်ပြီးသား၊ အကုန်သိသည်။ ဒါပေမယ့် ပြဿနာကဖြစ်ချင်တော့ ကျောင်းတွင် ပထမဆုံး လပတ်စာမေးပွဲဖြေသောအခါ ငစနေက လူ ၃၆ ယောက်တွင် အဆင့် ၁၀ ရပြီးငစနေ့ အမေရုံးမှ မိတ်ဆွေတစ်ယောက်၏ သမီးက အဆင့် ၁ ရသောအခါတွင် စလေသည်။ အမေက ငစနေ့ကို ဆူတော့သည်။ နင်က အသုံးမကျလို့ အဆင့် ၁၀ ပဲရတာ။ ဟိုက အဆင့် ၁ တောင်ရတာ အရမ်းတော်တာပေါ့ ... ဘာပေါ့ ညာပေါ့ ... စသဖြင့်ပေါ့လေ။ ၅ နှစ်သား ငစနေ၏ အိုင်ကျူမြင့်ပုံကို ကြည့်ပါဦး

"အမေကလဲ ဟိုက ညံ့လို့ ၁ ပဲရတာ၊ သားက ၁၀ တောင်ရတာဆိုတော့ သူ့ထက် ပိုတော်တာပေါ့"

ဟု ပြန်ပြောသည် ဟူသတတ်။ အဲဒလို လူတတ်ကြီးလုပ်ပြီး ပြောပြီသကာလ အမေက အစ်မကြီးကို ငစနေ ကျူရှင်တက်ရေးအတွက် အာဏာကုန်လွှဲအပ်ကာ စုံစမ်းခိုင်းလေသည်။ သို့နှင့် ငစနေတစ်ယောက် ကျူရှင်ဆိုသောအရာနှင့် ထိတွေ့ခွင့် ရသွားလေတော့သည်။

ထိုအချိန် ၁၉၈၇ ခုနှစ်တုန်းက ငစနေအတောင့်တဆုံး အချိန်တစ်ခုကို ပြောပါဟုဆိုလျှင် မီးပျက်သောအချိန်ဟုသာ ပြောရပေမည်။ မီးကလဲ ပျက်ခဲလှသည်။ တစ်ပတ်နေလို့မှ တစ်ခါမပျက်၊ ပျက်လျှင်လဲ ၅ မိနစ်လောက်သာ၊ ၅ မိနစ်ထက် ကျော်သည်နှင့် ငစနေ့အဖေက လျှပ်စစ်ဌာနသို့ ဖုန်းဆက်လေတော့သည်။ တစ်ချက်နှစ်ချက် ဟိန်းဟောက်လိုက်သည်နှင့် အိမ်ရှေ့ဓါတ်တိုင်သို့ လှေခါးတပ်ထားသော E-2000 ကားကြီး ရောက်ရှိလာကာ ပြင်စရာရှိသည်ကို ချက်ချင်းပြင်၍ မီးပြန်လာစမြဲဖြစ်သည်။ ငစနေတို့ အိမ်နှင့် လျှပ်စစ်ဌာနက ကားဖြည်းဖြည်းမောင်းလျှင် ၅ မိနစ်ခန့်သာ မောင်းရလေသည်။ ငစနေ တောင့်တသော အချိန်မျိုးကား လျှပ်စစ် ထရန်စဖော်မာ ထပေါက်သော အချိန်မျိုးဖြစ်သည်။ ထိုအချိန်ဆိုလျှင် ၁ ရက်ခန့်အချိန်ယူပြင်ဆင်ရတတ်သည်။ ထိုသို့ လျှပ်စစ်မီး အချိန်ကြာကြာ ပျက်ခြင်းကို တောင့်တရသည်မှာ အကြောင်းအရင်း ၂ ခုရှိလေသည်။ ပထမ အကြောင်းအရင်းကား မီးပျက်သောရက်တွင် ကျူရှင် တက်စရာမလိုခြင်းနှင့် ဒုတိယ အကြောင်းအရင်းမှာ နို့အေးချောင်း စားရခြင်းတို့ကြောင့် ဖြစ်၏။ ဘယ်က နို့အေးချောင်းက ရောက်လာသနည်း။ ရှုပါမိတ်ဆွေ၊ ကျူရှင်သင်သော ဆရာမတို့အိမ်တွင် နို့အေးချောင်းလဲ ရောင်းသေးသည်။ ကိုယ်တိုင်လုပ်၍ ရောင်းခြင်းမဟုတ်၊ ဖိုးလမင်းတံဆိပ် နို့အေးချောင်းကို အော်ဒါမှာ၍ ရေခဲသေတ္တာထဲထည့်ကာ ရောင်းခြင်းဖြစ်သည်။ မီးပျက်၍ ရေခဲသေတ္တာများ အလုပ်မလုပ်လျှင် ဆရာမက မပျော့တစ်ပျော်ဖြစ်နေသော နို့အေးချောင်းများကို ဇလုံကြီးနှင့်ထည့်၍ ငစနေတို့ တပည့်များကို ကျွေးမွေးလေတော့သည်။ ငစနေတို့ကား ပျော်မဆုံးတော့။

ထိုအပျော်များမှာ ၁ နှစ်ခန့်အကြာ ၁၉၈၈ တွင် နို့အေးချောင်းနှင့်အတူ အရည်ပျော်ကုန်လေ၏။

ဖျက်မရသောအတိတ် ၁ - မူကြိုကျောင်းသား

အတိတ်ကိုပြန်သွားရလျှင် ...

ငစနေက စနေသား ... နေတက်ရေတက်မှာမွေးသတဲ့။ မွန်းလွဲ ၃း၁၅ ဆိုတော့ နေက တက်ပြီး နည်းနည်း ပြန်ကျသွားလို့လားမသိ စိတ်ကတော့ သိပ်မကြီးတတ်။ မွေးချင်း ၂ယောက်ထဲမှာ အငယ်ဆုံး။ အကြီးဆုံး အစ်မကြီးနဲ့ ၅ နှစ်ကွာသည်။ အစ်မကြီးနဲ့ ငစနေကြားထဲမှာ အထီးမှန်း အမမှန်း မသိလိုက်သော အကောင် ၂ ကောင်ရှိသေးသည်။ စောစောစီးစီး ဘုရားသခင်က ပြန်ခေါ်သွား၍ အဖတ်မတင်လိုက်။ ငစနေ့ အဖေရော အမေပါ နိုင်ငံ့ဝန်ထမ်းတွေ၊ အဲဒီတော့ ငစနေ ငယ်ငယ်ကတည်းက အမေဘက်က အဖွားလက်ပေါ်မှာပဲ ကြီးရသည်။ အဖေ့ဘက်က အဖွားကတော့ ငစနေ မမွေးခင် ၂ နှစ်လောက်အလိုမှာ ဆုံးသွားသည်။ အဖိုးတွေကတော့ ဆုံးတာ ကြာပေါ့။ အဖွားလက်ပေါ် ကြီးတဲ့ကောင်ဆိုတော့ ထုံးစံအတိုင်း မိဘနဲ့ သိပ်အစေးမကပ်။ အဖေနဲ့ဆို ပိုဆိုးသေး။ အဖေက လူပုစိတ်တို၊ သူလဲ စနေသားပဲ။ ငစနေကလဲ ဂျစ်တစ်တစ်ရွဲ့တဲ့တဲ့ဆိုတော့ တစောင်းစေးနဲ့ မျက်ချေးပေါ့။ အဖေက ငစနေ့ကို မချစ်တာတော့မဟုတ်၊ တော်တော်လေးချစ်သည်၊ ဒါပမေယ့် ငစနေက အဖေဖြစ်စေချင်သလိုမလုပ်၊ အဖေကြိုက်သလိုမနေ၊ တော်တော်လေး ထော်လော်ကန့်လန့်နိုင်သည်။ အဲဒီတော့ အဖေနဲ့ ကွိုင်တက်တော့တာပေါ့။

ငစနေ မှတ်မိသလောက် ငယ်ငယ်တုန်းက တော်တော်လေး အူတိအူကြောင်နိုင်သည်။ ငစနေ ၃ နှစ်သားလောက်မှာ မူကြိုစတက်သည်။ မှတ်မှတ်ရရ လူမှုဝန်ထမ်းကဖွင့်တဲ့ မူကြိုအမှတ်၅၊ ကျောက်မြောင်းထဲမှာ သွားတက်ရသည်။ ငစနေ မှတ်မိသလောက် အဲဒီမှာ ၁နှစ်နီးပါးကြာသည်။ ပေါင်းသင်းဆက်ဆံရေး အလွန်ကောင်းသဖြင့် သူငယ်ချင်း တစ်ယောက်မှမရ၊ နေ့လည်ဆို မုန့်စားပြီးလျှင် ဆရာမက တစ်ရေးတစ်မော အိပ်ခိုင်းတတ်သည်။ ထိုအချိန်မျိုးဆိုလျှင် ငစနေတို့ မျက်လုံးမှိတ်ကာ အိပ်ချင်ယောင် ဆောင်နေတတ်သည်။ ဆရာမ အနားမှာမရှိလျှင် ပါလာသော လက်ကိုင်ပုဝါကို အရုပ်ပုံစံဖြစ်အောင် ခေါက်ကာ ဆော့နေလေ့ရှိသည်။

မူကြိုမှာ ဆေးရောင်တွေချယ်ရသည်၊ ကဗျာတွေ ဆိုရသည်။ ဒါကို အမေက သိပ်မကြိုက်၊ ဒီမူကြို စာမသင် ဟုဆိုတာ ငစနေ ၄ နှစ်သားလောက်မှာ မူကြိုပြောင်းအပ်လိုက်သည်။ အလုပ်သမားဆေးရုံနားက St. Francis Church တွင် ဖွင့်ထားသော မူကြိုသို့ ပြောင်းရသည်။ ရောက်ရောက်ချင်း နေ့မှာပင် ငစနေတို့ ပညာပြတော့သည်။ စာသင်သည့် Sister က ငစနေ့ကို ၀လုံး ၅ မျက်နှာရေးခိုင်းသည်။ ၃ မျက်နှာလောက်ရောက်တော့ ငစနေ ပျင်းလာသည်။ စာဆိုလျှင် လက်ကြောမတင်းတတ်သော အကျင့်က အဲဒီက စတာပေါ့။ အနားလှည့်ကြည့်တော့ ခပ်ချောချော ကောင်မလေးတစ်ယောက်၊ အရွယ်က ငစနေနဲ့ မတိမ်းမယိမ်းပေါ့။ ဘယ်က ဘယ်လိုစလိုက်သည်တော့မသိ၊ Sister ပြန်ရောက်လာသည့်အချိန်တွင် ငစနေတစ်ယောက် ကောင်မလေးနဲ့ စကားလက်ဆုံကျနေပြီ။ စကားကောင်းနေလို့ Sister ကြီးပြန်လာတာတောင် မသိလိုက်။ အဆုံးမတော့ ၂ယောက်လုံး အရိုက်ခံရပါလေရော။ ကောင်မလေးက ငစနေထက် ၂ ချက်လားမသိ ပိုအရိုက်ခံရတယ်။ လူဟောင်းဖြစ်ပြီး စည်းကမ်းဖောက်လို့တဲ့။ ညနေ အိမ်က လာကြိုတော့ Sister ကြီးက လာကြိုတဲ့သူကို တိုင်သည်၊ ဒီကောင် စာလဲမလုပ် တော်တော်လဲ စကားများသတဲ့။ အဲဒါနဲ့ အမေက နောက်နေ့ သွားဦးမလား မေးသောအခါ ငစနေ ခေါင်းကိုသာ တွင်တွင်ခါလေသည်။ ထိုသို့ဖြင့် ငစနေ့ log book တွင် ၁ ရက်သာခံသော မူကြိုအဖြစ် စာရင်းဝင်သွားလေသည်။

နောက်တော့ အမေက သူတို့ရုံးနားက မူကြိုတစ်ခုကို ခေါ်သွားကာ အပ်ပေးသည်။ ဆရာမကြီး ဒေါ်မာလာတင် ဖွင့်ထားသော မူကြိုဖြစ်လေသည်။ ဒီတစ်ခါတော့ ငစနေ ဘာစိတ်ကောင်းဝင်သွားသည်မသိ၊ စာတွေဘာတွေ ကောင်းကောင်းလုပ်သည်။ ဆရာမကြီးက စာလုပ်ခိုင်းတာ နည်း၍လည်း ဖြစ်နိုင်သည်။ သို့သော် ကြာကြာမခံလိုက်၊ အမေနှင့် သွားကြည့်သောရုပ်ရှင် "မအေးပွင့်၊ မြင့်မြင့်စမ်း၊ လမ်း၃၀" တွင် ဒေါ်မာလာတင်က လူဆိုးအဖြစ် သရုပ်ဆောင်တာကိုကြည့်ပြီး ကြောက်သွားကာ သွားမတက်တော့ပေ။ ငစနေတစ်ယောက် အဖွားအိမ်သို့ နောက်တစ်ခေါက် ပြန်ရောက်ရသည်ပေါ့။

နယုန်မိုးသေး မြက်သားမွေး ဆိုသော နယုန်လလို့ ရောက်လေပြီ၊ မိုးကသေးယုံမျှမဟုတ်၊ လမ်းများပင် ရေလျှံအောင် ရွာလေ၏။ ကျောင်းဖွင့်ချိန်ဖြစ်သဖြင့် အမေက ငစနေ့ကို ကျောင်းထားဖို့ပြင်သည်။ ခက်တာက ငစနေက တန်ဆောင်မုန်းလဖွားဆိုတော့ ကျောင်းအပ်ရမည့်အချိန်တွင် အသက်က ၄ နှစ်ခွဲ၊ ကိုးယိုးကားယား ဖြစ်နေလေသည်။ အဖွားက ငါ့မြေးငယ်သေးတယ် စာမလိုက်နိုင်လျှင် ကလေးစိတ်ညစ်လိမ့်မယ် ဟုဝင်တားသောကြောင့် ကျောင်းတစ်ကယ်တက်ရန် အစီအစဉ်ပျက်လေသည်။ ငစနေ့အမေမှာ မိခင်စကားကိုလဲ မပယ်ရှားချင်၊ ငစနေ့ကိုလဲ မကောင်းကျောင်းပို့လုပ်ချင် နှင့် အတော်ဗျာများကာ နောက်ဆုံးတွင် ဘယ်လိုကဘယ်လို စုံစမ်းလို့ ရသည်မသိ၊ အ.မ.က (၁၇) တာမွေမြို့နယ် ဆိုသော ကျောင်းတစ်ကျောင်းသို့ ငစနေတစ်ကောင် ကျောင်းပျော်အဖြစ် ရောက်သွားလေတော့သည်။ ငစနေကတော့ ထိုကျောင်းကို ဒေါ်ခင်ရီကျောင်း ဟုခေါ်၏။ အကြောင်းမှာ ငစနေတက်ရသော အတန်း၏ အတန်းပိုင်ဆရာမမှာ ဒေါ်ခင်ရီဆိုသော ဆရာမဖြစ်သောကြောင့်ဖြစ်ဟန်တူသည်။

ကျောင်းပျော်ဆိုသည်မှာ ကျောင်းတော့ တက်ရသည်၊ သို့သော် စာမေးပွဲများကိုဝင်ဖြေစရာမလို၊ အတန်းတင်စာမေးပွဲမဖြေရသော ကျောင်းသားဖြစ်သည်။ ကျောင်းတွင် ငစနေ ရှားရှားပါးပါးသူငယ်ချင်းတစ်ယောက် ရလာသည်၊ နာမည်က Austin ဟုဖြစ်သည်။ သူလည်း ငစနေ့ကဲ့သို့ပင် ကျောင်းပျော်ဖြစ်သည်။ ငစနေ၏ ပထမဆုံး ကျောင်းသားဘ၀တွင် မှတ်မိသည်မှာ ကျောင်းရှေ့မှ ဈေးသည်များဖြစ်သည်။ ဈေးသည်ကြီးတစ်ယောက်က စက်ဘီးကယ်ရီယာတွင် သစ်သားပုံးတစ်ခုတင်ကာ ဘေးတွင်တပ်ထားသော လက်ကိုင်ကိုလှည်၍ ငှက်သိုက်မုန့်များလုပ်ရောင်းလေသည်။ သကြားဖြင့်လုပ်သောမုန့်ဖြစ်၍ စားရတာ အရသာရှိလှသည်။ တစ်ခုဆိုးသည်မှာ ကိုင်လိုက်လျှင် လက်များကပ်စေးကပ်စေးဖြစ်ကုန်ပြီး အင်္ကျီတွေ ဘောင်းဘီတွေပါ ပေပွကုန်တတ်သည်။ နောက်ဈေးသည်တစ်ယောက်ကတော့ ဂျုံများကို ကပ်စေးအောင်နယ်၊ အရောင်ဆိုးပြီး အရုပ်များလုပ်ရောင်းသူဖြစ်သည်။ သူ့အရုပ်များမှာ အတော်ပင် လက်ရာမြောက်လှသည်။ ငစနေ မှတ်မိသလောက် ဆင်ရုပ်၊ ကျားရုပ်၊ ဂျိုကာရုပ်၊ စသဖြင့် ပုံစံမျိုးစုံလှသည်။

အထူးအဆန်းတစ်ခုအဖြစ် ရုပ်ရှင်ပြသော ဈေးသည်ကြီးလည်းရှိသေးသည်။ သူ့ရုပ်ရှင်မှာ ဆီးသီးရောင်းသော တွန်းလှည်းကဲ့သို့ တွန်းလှည်းကို ကလေး ၃ယောက်ခန့်ဝင်နိုင်သော ရုံလေးအဖြစ် လုပ်ထားပြီး အတွင်းတွင် အရုပ်များ ကားချပ်များကို လှုပ်ရှားအောင်လုပ်ကာ သီချင်းဆိုပြခြင်းဖြင့် ရုပ်ရှင်ဖြစ်အောင် လုပ်ပြခြင်းဖြစ်သည်။ ငစနေ နေ့တိုင်းအားပေးသော ဈေးသည်ကြီးမှာမူ ဆီးတော်ဖီရောင်းသော ဈေးသည်ကြီးဖြစ်သည်။ ငစနေကား ဆီးတော်ဖီကို ကြိုက်ရမဟုတ်၊ ဆီးတော်ဖီ အထုပ်အတွင်း၌ပါသော ဂျစ်တူး ကာတွန်းစာအုပ် သေးသေးလေးကို လိုချင်သောကြောင့်ဖြစ်လေသည်။ မုန့်ဝယ်ပြီးသည်နှင့် ဆီးတော်ဖီကို လွှင့်ပစ်ပြီး ကာတွန်းစာအုပ်လေးကို ယူလေသည်။ စာအုပ်လေးမှာ အလျား ၁လက်မခွဲ၊ အနံ ၂ လက်မ သာသာမျှရှိပြီး စာမျက်နှာ ၂၀ ခန့် ပါလေသည်။ နောက်ပိုင်းတွင်မူ တဖြည်းဖြည်း ပါးလာကာ ၄ မျက်နှာမျှသာ ကျန်တော့သည်အထိ ဖြစ်သွားခဲ့သည်။

ငစနေတို့ခေတ်တုန်းက ကျောက်သင်ပုန်းကျောက်တံခေတ် မကုန်သေး။ သူငယ်တန်းကျောင်းသားများ ကျောက်သင်ပုန်းနှင့် ကျောက်တံသာ ကိုင်ရသည်။ နောက်ပိုင်း ကျောင်းသားချင်း ရန်ဖြစ်၍ ကျောက်သင်ပုန်းနှင့် ခုတ်လိုက်သဖြင့် ခေါင်းကွဲသွားခြင်း၊ ကျောက်တံနှင့် ထိုးလိုက်သဖြင့် လက်ဖ၀ါးပေါက်သွားခြင်းများ မကြာခဏ ဖြစ်ပေါ်သောအခါတွင်မှ ကျောက်သင်ပုန်းကျောက်တံအသုံးပြုခြင်းကို ဘန်းလိုက်လေသည်။ ငစနေတစ်ယောက်လည်း ကျောင်းတွင်ပျော်ကာ ကျောင်းပျော်လေး ဖြစ်လာရင်း စာသင်နှစ်တစ်နှစ် ကုန်ဆုံးခဲ့တော့သည်။